رادرات المحور الجديدة بتحسبلك بالوقت مش السرعه

[Karim_Monir]

كتب كريم منير
ايوة العنوان صحيح
كاميرات المحور الجديدة مش هاتسمحلك تجري شوية وتهدي شوية :-) ليه بقي


الكاميرات الجديده عالمحور هاتلقط السياره المتجاوزه للسرعه مش بنظام الرادار بنظام التوقيت بمعنى انهم هايحطو كاميرا اول المنطقه المراقبه وكاميرا اخرها والمفروض لو انت ماشى بالسرعه القانونيه هاتخلص المنطقه دى فى 10 دقائق مثلا فلو سعادتك خلصته فى 7 دقائق يبقى انت كده اتصورت لانك مشيت اسرع من الطلوب فبالتالى خلصت الطريق فى وقت اقل من المحدد .. الكاميرات دى المفروض تكون ركبت الاحد اللى فات حد لاحظها
وفيه خطه بالفعل تم تنفيذها من ادارة المرور لتغيير جذرى وكامل لانظمة الرادار على الطرق باحدث اجهزة التصوير .. بس مع احترامى الكامل لو فعلا خايفين علينا ومش عايزينا نجرى وده الهدف يبقى تعملوا زى كوريا الجنوبيه لما بتركب كاميرات رادار كل 3 كيلو وبين كل كاميرا والتانيه أجهزة فلاش تحذيريه تعرفك ان فيه رادار فتهدى السرعه

[gebreel]

الكاميرات دي راكبة بقالها فترة طويلة جدا يا كريم من اكثر من 5 شهور

[amrelsaqqa]

والله حلوة ولمصلحة المخالفين واصحاب السرعات العالية على فكرة
ليه بقى انت مثلا هتمشى على 140 من غير ماحد يقوللك حاجة ، وتيجى في حتت زحمة تبقى سرعتك 60 وحتت تانية سرعتك 20 وفترات توقف تماما

في الاخر يطلع متوسط سرعتك 73 مثلا ! او 85 بالكتير !
وفي الاوقات الرايقة امشى بسرعة زي ما نا عايز ولو جيت في اخر الطريق ولقيت ان مكنش فيه زحمة توقفنى ههدى وهمشى على 60 عشان المعدل النهائى بتاعى ما يعديش المسموح بيه هههههههههه

[darkangel007]

والله حلوة ولمصلحة المخالفين واصحاب السرعات العالية على فكرة
ليه بقى انت مثلا هتمشى على 140 من غير ماحد يقوللك حاجة ، وتيجى في حتت زحمة تبقى سرعتك 60 وحتت تانية سرعتك 20 وفترات توقف تماما

في الاخر يطلع متوسط سرعتك 73 مثلا ! او 85 بالكتير !
وفي الاوقات الرايقة امشى بسرعة زي ما نا عايز ولو جيت في اخر الطريق ولقيت ان مكنش فيه زحمة توقفنى ههدى وهمشى على 60 عشان المعدل النهائى بتاعى ما يعديش المسموح بيه هههههههههه

الراجل ده بيقول كلام زى الفل والله
بس المشكله بقى,

الحوادث هتزيد كده

يعنى هركز فى حساب سرعتى و النسبه و لا اركز فى الطريق الغير ادمى؟

[tarek_2005]

يارب ساعتهم تكون مظبوطه صح ومتلقطش كل العربيات علي انها مخالفة

[المنسي]

نفسى بدل مانفكر فى تركيب رادار نفكر فى الطريق اللى الناس بتمشى عليه مظبوط ولا مش مظبوط بالظبط زى المطبات اللى على طريق السخنة

[ايمن فهمى]

معنى الكلام دة انهم هيصورو كل العربيات وانشاء الله هنعرف ازاى هما حسبو صح ولا خطأ ( لآ ن انت اكيد فى مصر كل حاجه فى التكنولوجيا بيستخدموها ناس ؟؟؟؟ )

[monoofy]

الكاميرات ركبت واتسرقت أصلا ... أنا شوفتها على المحور من شهور .. وقولت دي علشان مراقبة الطريق
وبعد شوية لاقيت الأسلاك بتاعتها هي بس اللى متشغلقى على الأعمدة ولا أثر للكاميرات

[أحمد جودة]

أولا ياريت يهتمو بالطرق نفسها مش يستخبو زي الحرامية فى الطرق السريعة ويلمو مننا فولس اد كدة ومفيش خدمات على الطريق والطرق كلها منيلة بستين نيلة وكلكم عارفين

المهم طيب انا عاوز افهم اكتر هيا الفكرة دلوقتي أنه بيحسب سرعة العربية بين نقطين وعن طريق الوقت يعرف سرعة العربية دة كلام جميل

بس السؤال هوة هيكون مركز مع العربيات كلها ازاي في نقطة البداية علشان يحفظها علشان يقدر يحدد مين تجاوز السرعة لما يمر على نقطة النهاية !!! ؟؟؟؟ أنا محتاج توضيح علشان عقلي هيشت بسبب الردارات اللى على المحور والدايري والطرق السريعة وسايبن النقر ومطبات الهوا والبلاوي السودة اللى بنشوفها على الطرق !!!!! ياريت لو حد فاهم يفهمني

[mohabelnegm]

طيب قبل المصاريف ديه على كاميرات و خلافه يصلحوا النظام ألأدارى فى وحدات المرور , يشتروا اجهزة كومبيوتر حديثة بمنظومة تربط وحدات المرور فى الجمهورية كلها ,يزودوا شبابيك, يزودوا موظفين,يعملوا رقابة على الموظفين المرتشين......ببساطة ينهوا المهازل اللى بتحصل لأى مواطن رايح يجدد رخصة أو ينقل عربية من مرور لمرور أو يتظلم من مخالفة و المر اللى الناس بتشوفة فى وحدات المرور.

[SYD]

أولا ياريت يهتمو بالطرق نفسها مش يستخبو زي الحرامية فى الطرق السريعة ويلمو مننا فولس اد كدة ومفيش خدمات على الطريق والطرق كلها منيلة بستين نيلة وكلكم عارفين

المهم طيب انا عاوز افهم اكتر هيا الفكرة دلوقتي أنه بيحسب سرعة العربية بين نقطين وعن طريق الوقت يعرف سرعة العربية دة كلام جميل

بس السؤال هوة هيكون مركز مع العربيات كلها ازاي في نقطة البداية علشان يحفظها علشان يقدر يحدد مين تجاوز السرعة لما يمر على نقطة النهاية !!! ؟؟؟؟ أنا محتاج توضيح علشان عقلي هيشت بسبب الردارات اللى على المحور والدايري والطرق السريعة وسايبن النقر ومطبات الهوا والبلاوي السودة اللى بنشوفها على الطرق !!!!! ياريت لو حد فاهم يفهمني

اعتقد هتكون مرتبطة بالنمر الجديدة

[misoalex]

ههههههههههه حلوه اوى الفكره دى كده الواحد يجرى وبعدين يجى قبل اخر الطريق يقف يشرب كوبايه شاى

ولما الظابط. يجى يقوله واقف لييييييه يقوله فاضلى ٤ دقايق. يا باشا


ولما يروح يخفض المخالفات حيقعد يقول والله العظيم يا باشا خلصت الطريق فى معادى والقاضى يقوله كان فاضلك ٥ دقايق ٢٠ ثانيه خلصت الطريق بدرى ليييييييه

[Fadi Ezzat]

معتقدتش انها بالنظام دة لان النظام دة يلزملة لوحة مبرمجة فى العربية بمعنى اصح شريحة فى العربية وكل عربية ليها شريحة بسريال
بيتم قرايتها من الكاميرا الاولى الى الكاميرا التانية وبيتم حساب المدة والكلام دة متطبق برة
بس احنا هنا ولا شاريح ولا نظام ولا سيستم اصلا

[amrelsaqqa]

معتقدتش انها بالنظام دة لان النظام دة يلزملة لوحة مبرمجة فى العربية بمعنى اصح شريحة فى العربية وكل عربية ليها شريحة بسريال
بيتم قرايتها من الكاميرا الاولى الى الكاميرا التانية وبيتم حساب المدة والكلام دة متطبق برة
بس احنا هنا ولا شاريح ولا نظام ولا سيستم اصلا

النمر الجديدة

[Sherif Khalifa]

ليك رسالة على الخاص يا كريم