نيسان سنترا تصل مصر اليوم -حصريا علي نايل موتورز

[Karim_Monir]

السلام عليكم ورحمه الله
كتب كريم منير :
وصلت الي الاراضي المصرية بعد طول انتظار الجميلة نيسان سنترا المنافس الجديد من نيسان في مصر
ورغم وجودها منذ فترة باسواق الخليج الا انها وصلت مصر امس فقط بمعارض نيسان المصرية
وتتوفر بموديلين فقط بنفس الموتور وقاعدة العجلات لنيسان تيدا ولكن بفرق احدث للشكل واوسع للصالون:

1- basic بها ج (S )يع الكماليات
تكيف .
باور .
سنتر .
4 زجاج كهرباء
مرايات ضم
مفتاح ريموت

سعرها الرسمى 164.900 جنيه من الوكيل

2- High line - SV
تزيد عن المواصفات السابقة:

ليدات اماميه وخلفيه
جنوط سبور مقاس 16 بوصه
سبويلر خلفى
ستارت انجين
مرايات جانبية باشارات
سنسور بارك خلفى
مالتي فانكشن

سعرها الرسمى 174.900 جنيه

جميع الفئات مزودة ب 2 اير باج
ABS
EBD

ضمان 3 سنوات او 100 الف كم

[amoor89]

الحقيقة شايف سعرها جميل بس يارب ما يعلاش عن كده

[J A G U A R]

فرق الاوبشن كتير بين الفئتين وفرق السعر قليل

[horas3000]

مممممم
هو السعر حلو و مش حلو
الفئه الاولي هما قاصدين انها متبعش بالسعر ده و اعتقد مش هيجيبوا منها كتير
الفئه التانيه كويسه و سعرها معقول نسبيا
بس مفيش سبب حد يسيب الفلوينس عشان السنترا في راي

[NaderNabil]

شكرا يا كريم

هي صناعة ايه؟
و موتور و فتيس ايه؟

[أبو صلاح]

العربية دي رائعة بكل المقاييس
واحد زميل لي كان مأجرها في السعودية ودي اول مرة اشوفها
وبعد كده اجرتها قعدت معايا 3 ايام
بس نزلت مصر متأخر قوي
انا كنت عامل موضوع في قسم نيسان بسال عنها في شهر يناير 2014

http://www.nilemotors.net/Nile/399230-a.html

[M7amD_7amDy]

شكرا يا كريم باشا

شكرا يا كريم

هي صناعة ايه؟
و موتور و فتيس ايه؟

+111

وياريت كمان معلومات أكتر وتقفيل ايه؟

ودى تعتبر فئة اقل من الصنى ولا فئة أعلى ومين من المنافسين اللى بيقابلها وبتتقارن بيه بره مصر؟؟

[grumby78]

نيسان سنترا الجيل السابع - B17 - الحالي كشف عنه النقاب في اغسطس 2012 في معرض بكين الدولي للسيارات .
أول موديل لها بالشكل الحالي كان موديل 2013 . تم تغيير شكلها كليا من الداخل والخارج ليتماشى مع سيارات نيسان السيدان الاخرى التيما و ماكسيما . الفئة الاعلى فيها اضاءة LED امامية وخلفية. بتنزل بره بمحركين 1.6 و 1.8 لتر - 4 سلندر . هيا من العربيات الموفرة للوقود في فئتها واستهلاكها وده من واقع الفئة 1.8 في امريكا بفتيس CVT هو 30 ميل / جالون في المدينة و 39 ميل / جالون على الطرق السريعة وده اقل هناك من استهلاك مازدا 3 و النترا . الاستهلاك للموديلات الحالية في مصر اقل طبعا عشان محرك 1.6 لتر . سعرها في امريكا يتراوح مابين 15990 $ لاقل فئة -مانيوال -و 19760 $ لاعلى فئة SL . العربية تعتبر الاوسع في المساحة الداخلية في فئتها خصوصا في الكنبة الخلفية والشنطة. هيا اوسع من الكروز والفورد فوكاس داخليا . بتتصنع في اليابان وتايلاند والصين والمكسيك وامريكا وتايوان . اللي بتنزل مصر بتتصنع في تايلاند زي التيدا الحالية . النسخة اللي بتنزل مصر فيها 2 ايرباج أماميتين و ABS و BA و EBD , واكيد ايموبولايزر . المحرك اللي في مصر 1.6 و 113 حصان . مش بتنزل بمحرك 1.8 في مصر . هيا اعلى من الصني n17 وبتنافس كورولا وكروز والنترا وسيفيك . اخيرا سعة الشنطة 510 لتر . المعلومات انا جمعتها من مواقع مختلفة زي نيسان امريكا و نيسان السعودية - العيسى - للاستفادة بشكل شامل .

[Karim_Monir]

زميلنا استاذ احمد سبقني وجاوب علي كل اسئلتكم
شكرا جزيلا

[Karim_Monir]

زميلنا استاذ احمد سبقني وجاوب علي كل اسئلتكم
شكرا جزيلا

[El Prince]

حاسسها اخده من روح الصنى القديمة :)

[grumby78]

زميلنا استاذ احمد سبقني وجاوب علي كل اسئلتكم
شكرا جزيلا

شكرا يافندم على ذوقك .

[تامر.محمد]

متهيأ لي دي الوريث الحقيقي للصني الشكل القديم , مش الصني الحالية خالص

[borio1704]

اسم نيسان سنترا موجود من أكتر من 30 سنة

في الماضي.. فعليا السنترا والصني كانوا عربية واحدة.. بس تسويقيا.. كانت بتنزل في أسواق باسم الصني وأسواق تانية باسم السنترا.

ودي وصلة الويكيبيديا اللي بتشرح تاريخ السنترا بالتفصيل:
Nissan Sentra - Wikipedia, the free encyclopedia


حاليا.. الصني اللي بنتزل في مصر اسمها برا بكذا إسم تاني

ممكن تلاقيها اسمها: "فيرسا" أو "ألميرا" أو "لاتيو"... على حسب السوق اللي بتتباع فيه

NISSAN | PRODUCT INFORMATION | Nissan | Sunny / Versa / Almera / Latio



...

[ahmzd]

الحقيقة شايف سعرها جميل بس يارب ما يعلاش عن كده

أنا كمان شايف إن سعرها كويس على إمكانياتها .. ربنا يثبته !!