دكتور يحيى الجمل نائبا لرئيس الوزراء والغاء منصب وزير الاعلام.. حصريا لنايل موتورز

[Samah AbdAllah]

قبل اليوم الدكتور يحيى الجمل منصب نائب رئيس مجلس الوزراء


واعلن بعض التغييرات فى الوزراء واهمها الغاء منصب وزير الاعلام

واقالة سامح فهمى وزير البترول وعائشة عبدالهادى وزيرة القوى العاملة ولم يتم اختيار من يحل محلهم بعد
ولكن تم اختيار الاتى اسماءهم

دكتور احمد جمال الدين وزيرا للتعليم ككل

دكتور عمرو عزت سلامة وزيرا للبحث العلمى

محمد الصاوى وزيرا للثقافة

جودة عبدالخالق وزيرا للتضامن الاجتماعى

جورجيت قلينى وزيرة لوزارة استحدثت وهى وزارة العاملين بالخارج

دكتور هانى سرى الدين وزير التجارة والصناعة

منير فخرى عبدالنور وزيرا للسياحة

[nevozaky]

على فكرة انا لسه كاتبة فى مشاركة سابقة ان تعيين دكتور هانى سرى الدين كويس جدا وده دكتور ممتاز علميا واخلاقيا انا عارفة من الكلية وسنه مش كبير حوال 45 او 46 يعنى وزير شاب وفقا لاغلبية الاراء اللى عايزين وزراء شباب

[dr-mohamed]

الوزراء الجدد تصحيح لاخطاء كانت موجودة في التشكيل السابق وبها اشخاص من اشد معارضي النظام السابق وقت مجده مثل الدكتور يحي الجمل الخبير الدستوري بمعني الكلمة وهو اشهر من نار على علم وممن يصعب التشكيك في وطنيتهم واخلاصهم لمصر ومعه وجه شابهو هاني سري الدين الرئيس الاسبق للبورصة وهو ممتاز في تخصصه القانون التجاري ومعهم احمد جمال الدين للتعليم وهو ممن خسرناهم من قبل حيث كان وزيرا من قبل للتربية والتعليم ودكتور جودة عبد الخالق وزيرا للتضامن وكلنا شفنا ارائه الايام الماضية وهو من الناس المحترمة
وتخلص من الوجوه القميئة المرفوضة مثل سامح فهمي وهاني هلال والحاجة عيشة

[nour_nrc]

اسوء واحد
هاني هلال كتر خير الطلبة لما يرجع يدرس لهم بس انا مش عارف حيدخل الجامعة باي وش ده بوظ الدنيا خالص

[moudy99]

دكتور جودة عبد الخالق من اكثر الناس المحترمة الي قابلتوهم في حياتي هو و جدي (الله يرحمه )كانوا جيران و اصحاب :)

[wael ahmed]

الف شكر على الخبر ده :)

[nevozaky]

الوزراء الجدد تصحيح لاخطاء كانت موجودة في التشكيل السابق وبها اشخاص من اشد معارضي النظام السابق وقت مجده مثل الدكتور يحي الجمل الخبير الدستوري بمعني الكلمة وهو اشهر من نار على علم وممن يصعب التشكيك في وطنيتهم واخلاصهم لمصر ومعه وجه شابهو هاني سري الدين الرئيس الاسبق للبورصة وهو ممتاز في تخصصه القانون التجاري ومعهم احمد جمال الدين للتعليم وهو ممن خسرناهم من قبل حيث كان وزيرا من قبل للتربية والتعليم ودكتور جودة عبد الخالق وزيرا للتضامن وكلنا شفنا ارائه الايام الماضية وهو من الناس المحترمة
وتخلص من الوجوه القميئة المرفوضة مثل سامح فهمي وهاني هلال والحاجة عيشة

اوافقك تماما الراْى يا دكتور .وربنا يصلح الحال .

[sando_star109]

والله احنا نتمنى ان الناس اللى تولت امر الوزاره يكونوا من الشخصيات المحترمه لان احنا زهقنا من الشخصيات الى مش محترمه بمعنى اخر حراميه فى كل شئ لو مش حرامى فلوس يبقى حرامى ثقافه يعنى بيسرق ثقافه الناس وبيتوهم عن ماضيهم وحاضرهم ومستقبلهم ودا اصعب انواع السرقات وربنا يوفقهم

[pharonicking]

الوزارة كدة بقت معقولة اما نشوف حيحصل ايه"