إعـــــــلان

Collapse

.

,
See more
See less

الحقيقة وراء حادث ميدان الجزائر بالمعادى (شهود عيان)

Collapse
X
 
  • Filter
  • الوقت
  • Show
Clear All
new posts

  • الحقيقة وراء حادث ميدان الجزائر بالمعادى (شهود عيان)

    مش عايز حد يفهم كلامى غلط أنا مش هدافع عن الظابط خالص قٌدام إنه أطلق طلق نارى من مسدسه الميرى فى خناقة عادية حتى لو كانت فى الهواء ما أصابتش حد. بس فى نفس الوقت مع كامل احترامى لسائقى الميروباصات انتم عارفين سواقة أغلبهم و أخلاقهم فبلاش لما نسمع كلمة ظابط شرطة نروح مديين علطول حكم بالإعدام أنا شغلى فى المعادى و شفت أجزاء من الحادث و فيه حاجات تانية اتحكتلى أولا ما كانش خلاف حول أسبقية المرور الميكروباص زنق على العربية الملاكى بشكل مستفز و احنا كلنا حتى اللى ما ركبش ميكروباصات بيسوق و عارف هما بيعملوا إيه و بعدين لما تطور الموضوع لنزول الظابط كان السواق قمة فى السفالة و قلة الأدب خصوصا لما عرف إنه ظابط على أساس إنه كظابط مهدر دمه و قاله بالحرف أنا ممكن ما أخليكش تعرف تمشى فى المعادى تانى غير قذارة الألفاظ و بعد إطلاق العيار النارى هجم الأهالى من كل فج عميق على الظابط لدرجة إن والده و كان معاه فى العربية نجى بنفسه و دخل عمارته و الأهالى بعد ما ولعوا العربية حاولوا يكملوا و يولعوا فى العمارة بالكامل انتقام من أبو الظابط اللى هو لواء برده و الأهالى كانت بتصرخ برعب ما تحرقوا شقته لو عايزين احنا ذنبنا إيه ده طبعا غير إن الجيش خلص الظابط من إيد الأهالى بين الحياة و الموت.
    دلوقتى بقى نبص للقصة بمنظور تانى بعيد عن حتمية غلط ظابط الشرطة هل لمجرد إنه ظابط شرطة لازم يتعامل بالأسلوب اللى كانت بتعامل بيه الشرطة قبل كده مع الشعب؟ و هل نقدر نستغنى تماما عن جهاز الشرطة فخلاص تبقى قلته أحسن؟ و هل تعاملنا معاه بالشكل ده هيخلى تعامله هو يتحسن معانا باعتبار إنهم ملائكة أو رهبان فمش هيردوا إساءة الآخرين ليهم مع الأخد فى الاعتبار إنى مش موافق على رد الظابط بالسلاح عشان ما حدش ياخد على كلامى؟ الناس بدأت صفحة جديدة مع كل حاجة مش أجهزة الدولة بس و منها الشرطة طبعا نفسنا إنهم يتعاملوا معانا كبنى ءادمين بس احنا نتعامل معاهم كحيوانات.
    نفسنا يحترمونا و احنا بنحتقرهم
    نفسنا يبصولنا و هم بيبتسموا و احنا بدلنا نظرة الخوف والقلق باستهتار و تطاول
    هل لو بنتكلم على أى شخص عادى مهما كانت وظيفته كان هيتحسن على الأساس ده؟
    لو هنقارن بالجيش شوفوا انتم بتعاملوا الجيش إزاى و هما بيتعاملوا معاكم إزاى بالمثل و لعلمكم تأكدوا إنكم لو اتنططتم على الجيش بنفس الأسلوب هتلاقوا معاملة سيئة جدا و أسوأ من الشرطة كمان يمكن ما توصلش لضرب النار لأن دى فى الأول و فى الآخر متوقفة على فكر الإنسان نفسه و أخلاقه و تحكمه فى أعصابه و لكن أكيد مش هيفضل يحترمك و يبتسملك و انت بتهينه و بتهدر كرامته و كأنك بتنتقم من كل ظابط ما كانش عنده ضمير اتعرضلك أو اتعرض لحد يهمك فى شخص الظابط اللى انت شايفه قدامك
    أكيد جهاز الشرطة كان من أفسد أجهزة الدولة
    لكن لازم نبدأ بنفسنا و نحترمه عشان يحترمنا و نقدر دوره و نسهله و لما حد يتجاوز دوره و مهامه و تبدأ الشخصنة نقف و نواجهه و نقومه و نعمل كل حاجة ما تخليهوش يركب و لا يتنطط
    أما إننا نحطهم محل اتهام طول الوقت و كأنهم مسجلين خطر لازم يتقتلوا لأنهم عار على المجتمع فكده إحنا ما فرقناش كتير عنهم و خلاص بقى بلاها الشرطة خالص و كل واحد ياخد حقه بدراعه زى ما حصل النهارده و على فكرة الأهلى حرقت عربيتين بوكس من اللى حاولوا يهربوا من المكان بعد الحادث
    [CENTER][SIZE=4][COLOR=darkorange]الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه[/COLOR][/SIZE][/CENTER]


    [CENTER][img2]http://img246.imageshack.us/img246/9382/tawkee3c.jpg[/img2][/CENTER]

  • #2
    ربنا علشان كده قال لاتزر وازرة وزر اخري .... مهما زاد الفساد في قطاع ...لما اعاقب اعاقب افراد مش القطاع كله....ولا انا لما صباعي يوجعني اقطع ايدي؟؟؟؟

    اين العقل


    و بجد برافو عليك عدم خوفك من ان تكون في محط اتهام من الدهماء اللي مشيين في القطيع "مااااااء مااااااااااء"
    [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

    Comment


    • #3
      بصراحه فيه سواقين كتير فى منتهى السفالة وفيه سواقين كتير محترمين جدا
      وكذلك فيه ضباط شرطة فى منتهى السفالة وفى ضباط كتير محترمين جدا
      مين اللى يستحمل كل ده
      [URL="http://www.0zz0.com"][/URL]

      Comment


      • #4
        يا جماعة اللي بيحصل ده اعراض للمرض و العلاج واضح للأعمى يشوفه
        وزير مدني للداخلية
        تحقيق حول احداث العنف التي جرت اثناء الثورة تقوم باجراءه هيئة من خارج الداخلية يخضع لها الجميع من الوزير للغفير
        يتم هذا بمنتهى السرعة
        يلي ذلك عدة اجراءات يتم فيها تقنين مسؤليات جهاز امن الدولة و تكوين جهاز تفتيش يستمد سلطاته من السلطة المدنية للرقابة على مايجري داخل الاقسام من تجاوزات اثناء التحقيقات مع المواطنين او خلال التعامل معهم بشكل عام

        Comment


        • #5
          المشكلة ان احنا ما بين مطرقة السائقين اللى منهم كتير مش كويس وسندان الشرطة اللى منهم كتير مش كويس
          رد فعل الناس كان شىء طبيعى لو نظرنا له على انه نتيجة كبت سنين مش رد فعل للموقف ده فى حد ذاته
          انا مش بدافع عن الناس ولا باتهم الشرطة
          انا بس عايز اقول ان احنا محتاجين فترة نتغير فيها كلنا.... الناس العادية والشرطه كمان
          مع ملاحظة ان الشرطة محتاجه تتعامل مع كل الناس بحذر باعتبار ان الماضى والصورة اللى فى ذهن الشعب عن الشرطة محتاجه وقت طويل ومجهود لحد ما تتغير
          و كمان لازم ضباط الشرطة ينسوا خالص الصورة القديمة اللى كانوا شايفين بيها نفسهم وشايفين الناس بيها
          الخلاصه: احنا محتاجين تغيير فى كل الاتجاهات...بس يا ترى ده ممكن؟
          خايف ليكون صعب حبتين

          Comment


          • #6
            كلامكم كله صح
            وطبعا احنا عارفين ناس كتير من سواقين الفاظهم ازاى
            بس الظابط كان لازم يمسك اعصابه اكتر عشان هو عارف الوضع دلوقتى ايه اى حد بيشوف ظابط بيبقى عايز يستفزه وخلاص
            ييعنى انتم مش رجاله واحنا اللى قعدناكم فى بيوتكم
            وكلام من اللى انتم عارفينه بقى
            كمان انا شفت كلام الاتنين وهما فى المستشفى مش عارفه ليه تحسم ان الظابط حتى ولو بيكدب ومبيقولش الحقيقه
            يعنى هو قال ان السواق حاول ياخد المسدس فالرصاصه طلعت غلط حتى ولو كان كداب بس اتبهدل على الاخر دة متهيئلى حيسيب الشغل خلاص

            Comment


            • #7
              المشاركة الأصلية كتبت بواسطة hemaa_82 مشاهدة المشاركة
              ربنا علشان كده قال لاتزر وازرة وزر اخري .... مهما زاد الفساد في قطاع ...لما اعاقب اعاقب افراد مش القطاع كله....ولا انا لما صباعي يوجعني اقطع ايدي؟؟؟؟

              اين العقل


              و بجد برافو عليك عدم خوفك من ان تكون في محط اتهام من الدهماء اللي مشيين في القطيع "مااااااء مااااااااااء"
              ++++++++++++++++++++++++++++++++++1
              [SIGPIC][/SIGPIC]

              Comment


              • #8
                المشاركة الأصلية كتبت بواسطة magdykorashy مشاهدة المشاركة
                يا جماعة اللي بيحصل ده اعراض للمرض و العلاج واضح للأعمى يشوفه
                وزير مدني للداخلية
                تحقيق حول احداث العنف التي جرت اثناء الثورة تقوم باجراءه هيئة من خارج الداخلية يخضع لها الجميع من الوزير للغفير
                يتم هذا بمنتهى السرعة
                يلي ذلك عدة اجراءات يتم فيها تقنين مسؤليات جهاز امن الدولة و تكوين جهاز تفتيش يستمد سلطاته من السلطة المدنية للرقابة على مايجري داخل الاقسام من تجاوزات اثناء التحقيقات مع المواطنين او خلال التعامل معهم بشكل عام
                أتفق معاك تماما

                لازم وزير مدنى للداخلية يعمل على إعادة بناء نظام العمل فى الشرطة مع التوسع فى استخدام التكنولوجيا والكاميرات
                مين اللى يستحمل كل ده
                [URL="http://www.0zz0.com"][/URL]

                Comment


                • #9
                  لهواة تشويه صورة الجميع والقائلينبضرورة اعدام كل رجال الشرطة وسحلهم في الشوارع وطردهم كلهم من العمل على اقل تقدير يا ريت يقروا الخبر ده
                  اليوم السابع | بالفيديو.. مظاهرة للتنديد بقرار نقل مدير أمن الأقصر


                  نظم عدد من أهالى محافظة الأقصر مساء اليوم مظاهره حاشده امام استراحة اللواء محمد صلاح الدين زايد مدير أمن الأقصر احتجاجا على قرار وزير الداخلية بنقله، مؤكدين على سمعة زايد الحسنة وأنه أفضل مدير أمن حضر إلى الأقصر منذ عشرات السنين.

                  كان عدد من المواطنين بالأقصر قد نما إلى علمهم قرار اللواء محمود وجدى وزير الداخلية بنقل اللواء محمد صلاح الدين زايد مدير أمن الأقصر الأمر الذى أحدث ردود أفعال غاضبة فى الشارع الأقصرى نظرا لسمعة زايد الطيبة.

                  وحاصر المتظاهرون استراحة مدير الأمن لمنعه من الخروج ومرددين "بالروح بالدم نفديك يا مدير الأمن".
                  [SIGPIC][/SIGPIC]

                  Comment


                  • #10
                    كلام موزون وعاقل
                    [SIZE="5"][COLOR="SeaGreen"][B][CENTER]سبحان الله وبحمده ... سبحان الله العظيم[/CENTER][/B][/COLOR][/SIZE]

                    Comment


                    • #11
                      الفئتين زبالة
                      بس انا متأكد ان فئة السواقين المحترمين فيها شيء نااااااااادر جدا جدا جدا
                      و الشرطه المحترمين فيها برده 10 % مثلا
                      و الاتنين عايزين الحرق d:
                      و العيب اصلا عند الشرطه الي وصلت الناس دي لكدة ( مفيش عقاب رادع للبلطجية )
                      لازم العقوبات تزيد الناس مش ملايكة و لازم يكون في عقاب رادع لكل من تسول له نفسه ارتكاب اي اخطاء
                      و الجهاز ده فعلا محتاج يتغير بالكامل طبعا ده صعب بس للاسف كله محتاج يتغير
                      [CENTER][SIZE=2]لـا الـه الـا انـت سبحـــانكـ انـي كنـت مـن الظـــالميـن[/SIZE][/CENTER]
                      [CENTER] [/CENTER]
                      [CENTER]:7[1]:[/CENTER]

                      Comment


                      • #12
                        والله انا النهارده كنت طالع اكتوبر

                        سواق نقل لوريا معدي 120 وماشي بيرعش وبياخد غرز

                        عند اول مطب جيت جنبه قولتله بالراحه الموضوع مش مستاهل دي ارواح ناس

                        راح مطلع دماغه من الشباك قالي ياعم تييييييييت امك

                        طب هتعمله ايه ده

                        رديت عليه قولتله انا غلطان اني كلمت واحد ابن تييييييييييييييييت زييك وروحت مكمل طريقي عادي وهو مكمل طريقه بنفس الاسلوب الزباله ده

                        دي فئه من الناس لازم تعدم دول بيعرقوا ويتعبوا عشان يجيبوا برشام يطير دمااغهم

                        يبقى طااير وبهدل الدنيا لو وقفتوا يقولك انا زي الفل

                        Comment


                        • #13
                          هو الموضوع ده خلص علي ايه ؟ لاني سمعت كلام وكنت عايز اتاكد من صحته
                          ( وكان الانسان اكثر شيء جدلا }

                          Comment


                          • #14
                            ان الله لا يغير ما بقوم حتى يغيوروا ما بانفسهم
                            للاسف النظام اتغير و احنا اللى مش عايزين نتغير
                            [CENTER][img2]http://static.petrisimolin.com/gallery/data/images/Rytari-P8041023.JPG[/img2]
                            الوحش سيات 133
                            [img2]http://farm5.static.flickr.com/4016/4638954358_3ab9366fc4.jpg[/img2][/CENTER]

                            Comment


                            • #15
                              للأسف , النظام لم يتغير بعد
                              ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                              [sor2]http://imageshack.us/a/img838/2058/8l0n.jpg[/sor2]

                              Comment

                              Working...
                              X