40 بلطجي يقتحمون عمارة سكنية بمدينة نصرويسرقون كل من بها

[yoko]

كتب احمد النقلاوي

اقتحم عدد كبير جدا من البلطجية بين الثلاثون والاربعون عمارة سكنية بحي مدينة نصر شارع رابعة العدوية
وقاموا بسرقة محتوياتها بالكامل من اثاث ومصاغ وأجهزة وملابس حتى الاطعمة
وقاموا بضرب وربط صاحب المنزل حتى اصيب باغماء
ولم يقف لهم اي رادع
خاصة انهم كانوا مسلحين بالسلاح الحى

[Mzeid]

لا حول ولا قوة إلا بالله

هي وصلت لكدة
يا ريت يا يوكو تتابع معاها ايه اللي حصل في الموضوع
علشان نعرف بس و نطمئن لأن دي جريمة مش سهلة ابدا

و الله المفروض ضباط المباحث يلموا بقى كل البلطجية و المسجلين اللي يعرفوهم و يتسجنوا و أهو محدش هيعترض على إعتقالهم علشان كل المصريين مضرورين منهم

[icehearted girl]

يا إلهي..مين دول..التتار..!!

[yoko]

لسه صاحي من كام ساعة على تليفون مرعب زميلتي في الكليه (ساكنة في شارع الطيران -عند مسجد رابعة-) دخل عليهم بلطجيه في البيت (مكنش موجود غير اخوها) مش أقل من ٣٠ أو ٤٠ واحد ضربوا أخوها لحد ما أغمى عليه وربطوه ودخلوا معاهم سلاح قلبوا الشقة كلها بالعفش بالخزنة بكله حتى النسكافيه والسكر إتقلب
وحتى أبوها لما دخل العمارة إتضرب
والجيش جه بعدها بمده والبوليس معاه والجيران متعرفوش غير على الشغاله إلا لسه ممشينها من ٣ أيام

حال البلد وصل لكده إزاي
ويا ريت تدعلهم لإن إتسرق كل حاجة حتى الشوك والمعالق واللابتوبات والخزنة والدهب والكراسي وكله مفيش أي حاجة فاضله


والله أنا أعصابي بايظة وكل شويه بكلمها ومش عارف أعمل إيه!!!!
بجد وصلنا لمرحلة بشعة

[damasry]

لا حول ولا قوة الا بالله

انا مش فاهم ازاى الحال وصل لكده

الناس دى حلال فيها القتل فى ميدان عااااام

[diablo1231]

الحتة اللي انت بتتكلم فيها دي قدام وزارة الدفاع علي ناضية مسجد رابعة اصلا مدرعات جيش انت متأكد من الكلام ده ؟؟

[mohamed_selim]

يعنى الشغاله اللى مشيت كانت مع الحراميه؟

[Karim_Monir]

على لسان احمد تليفونيا لي
لم يصل فرد امن حتى الان

[Mzeid]

بشمهندس كريم
هو احمد كتب ان الجيش جه و معاه البوليس

ولا ايه النظام ؟

[yoko]

طلع شقتهم بس الي إتسرقت بس بقت على الحديد ووالدها لسه جي من القسم ومعلوش حاجة

الحتة اللي انت بتتكلم فيها دي قدام وزارة الدفاع علي ناضية مسجد رابعة اصلا مدرعات جيش انت متأكد من الكلام ده ؟؟

أيوه بس في مربعات الجناين الي وراه

يعنى الشغاله اللى مشيت كانت مع الحراميه؟

أيوه

على لسان احمد تليفونيا لي
لم يصل فرد امن حتى الان

ﻷ وصلوا وإتعمل محضر ومتعملش أي حاجة

بشمهندس كريم
هو احمد كتب ان الجيش جه و معاه البوليس

ولا ايه النظام ؟

أيوه لسه جايين من شويه صغيرة والبوليس معملش أي حاجة لحد دلوقتي

[أشرف العدوي]

بشمهندس كريم
هو احمد كتب ان الجيش جه و معاه البوليس

ولا ايه النظام ؟

???????????

[Sharky]

المكان اللى بتقول عليه يا احمد جنب مكان جيش فعلا !

[yoko]

المكان اللى بتقول عليه يا احمد جنب مكان جيش فعلا !

عارف والله هما ورا الجيش بكام شارع بس!!!!
ما هو ده الي هيجنني إيه الجرءة دي
أنا بكلمها كل ١٠د أي حاجة جديدة هبلغكم

[diablo1231]

نزلت علي اليوم السابع يا جماعة الكلام بجد !!

[yoko]

يعني أنا بقول حاجة مش جد بقولك شقة زميلتي في الكليه