إلغاء جهاز مباحث أمن الدولة المصري

[Samah AbdAllah]

إلغاء جهاز مباحث أمن الدولة المصري

اخيرا تم تلبية احدى اهم مطالب ثورة 25 يناير المطلب الذى طالما نادى به المتظاهرون من بداية الثورة وحتى اليوم
وقد اصدر اليوم الثلاثاء 15/3/2011 وزير الداخلية اللواء منصور العيسوى
إلغاء جهاز مباحث أمن الدولة، وإنشاء قطاع جديد بالوزارة يسمى "قطاع الأمن الوطني" تتحدد وظيفة هذا الجهاز فى الحفاظ على الأمن الوطني والتعاون مع أجهزة الدولة المعنية لحماية وسلامة الجبهة الداخلية ومكافحة الإرهاب، وذلك وفقاً لأحكام الدستور والقانون ومبادئ حقوق الإنسان وحرياته.

وقد تقرر اختيار وتسكين ضباط القطاع الجديد خلال الأيام القليلة القادمة ليؤدي هذا الجهاز دوره في خدمة الوطن دون تدخل في حياة المواطنين أو ممارستهم لحقوقهم السياسية.
هذا وتجري النيابة العامة حالياً تحقيقات مع عشرات الضباط والمسؤولين في الجهاز السابق في قضايا حرق الوثائق التى تمت فى العديد من مقار جهاز أمن الدولة من جانب بعض العاملين في الجهاز.

[Ahmed Nasser]

كويس انه اتلغى
دا كان مضيع البلد خالص

[smsm_cato]

نسال الله انا لا يكون تغيير مسمى فقط

[أبومعاذ]

جهاز الأمن الوطني تقريبا ليه نفس صلاحيات ومهام أمن الدولة و لسة بيوقفوا الناس في المطار و هما جايين مصر عشان ملتحين او دقنهم طويلة شوية

[SonaSteel]

حسبي الله ونعم الوكيل
ربنا كبير والله
والتحرير موجود :d

[MMamdouh]

هو ليه العنوان بيقول "الغاء" مع ان اللى حصل هو اعادة تسمية مع اعادة توصيف لمهام الجهاز؟؟؟

و على فكرة دة اللى كان قالة شفيق ايام ما كان رئيس الوزراء و الناس هاجت علية

MMamdouh

[momo777]

كل اللى طالبوا بالغاء امن الدولة دول شوية ................ وهما دول اللى خايفين من امن الدولة ولهم مصالح فى الغاء الجهاز يعنى لو فية قضية ارهاب او تجسس او اللى مربين دقنهم اللى حيورونا الويل عن قريب بعد لما العادلى ومبارك كانوا عملين لهم قفص زى ............ دلوقتى اهم خرجوا وبقوا ليهم سعر وبيتكلموا زى الزمر وامثالة دول المفروض ميخرجوش من الجن الا على الدفن ولكن ثورة ................ هى اللى عملت كل الخراب اللى فى البلد دة ربنا ينتقم من كل واحد قام بيها يعنى مثلا دلوقتى ممكن تقدر تسافر على اى طريق زراعى او صحراوى وانت امن لا طبعا ادى اللى خدناة من شوية ........* اللى نامو ا فى التحرير وهاجو اعلى مبارك والناس اللى كانت منيمانا فى امان قال يعنى كل الشعب عارف ربنا وهما اللى حرامية و........* كلنا بنسرق مين مش بيزوغ من شغلوة دى مش سرقة وناس مش بتدفع ضرائب دى مش سرقة طب اشربوا بقى يا بتوع الثورة وجايبين عيل ........* ويقولك زعيم الفيس بوك وائل غنيم الله ينتقم منة

انذار و ايقاف اسبوع لمخالفة القاعدة 13

مشرف 14ب

[mxz911]

بصراحه انا ضد الغاء جهاز أمن الدوله .. ولكنى مع تغيره ..زى ما كل حاجه فيها الوحش والحلو .. وزى ما انا كنت واقف فى مظاهرات التحرير .. بقولها دلوقتى ..كده دى فرصه للبلطجيه والخارجين عن القانون ياخدوا راحتهم .. انا مع امن الدوله فى حاله انه اتعدل وبقى ضد الخارجين عن القانون فقط !!

[hero_xp10]

ان شاء الله خير والقادم يكون افصل

[samcar]

ان شاء الله خير والقادم يكون افصل

امن الدوله مش مفترص انه يتعامل مع بلطجيه - او ناس سوابق- المهمه الاساسيه زى باقى الدول - متابعه نشاط عناصر الداخل اللى ممكن تكون على اتصال خارجى او بتخطط لتخريب داخلى - وحدود الكلام ده تكون النتابعه وجمع الخيوط وبعد كده تسليم الكلام ده لجهه قضائيه وتسليم المتهمين للمحاكمه

مش تقارير عن كل من هب ودب- واشتغالات فى كل مصلحه - وتعذيب وتلفيق علشان الترقيه والابيج

الجهاز الجديد لازم يبقى تحت رقابه دقيقه من القضاء ومجلس الشعب- وعقوبات تكون مرعبه لافراده لو تجاوزوا حدود مهامهم

بتالمناسبه الاعضاء اللى مسجلين جديد وبيدافعوا بكلام اهبل عن الجهاز - بيوضح انه لسه فى ناس شغاله - بس ياترى مين بيدفع ؟؟؟؟

[mmffor]

امن الدولة في الدول المتحضرة هدفه حل القضايا المستعصيه و التي تمس كيان الدولة و استقرارها ككل
سياساته تبنى على جمع المعلومات عن الاجانب و المشتبه بهم السياسيين او المتطرفين
بدون اي اعتقال او تعذيب
و عند وقوع معلومات مؤكده و موثقة يتم تقديمها لنيابة امن الدولة التي تصدر قرار الاعتقال و المحاكمة على اللا تزيد فترة التحقيقات و الاعتقال عن شهر مهما كانت الظروف
لكن في مصر كانت مهزلة
كان امن الدولة بيعين الاساتذة و المعيدين
كان بيعين المذيعات و المذيعين
كان بيعين محرري الصحف و الكتاب
كان بيوافق على انشاء الشركات و المؤسسات و يرفضها
كان يوافق على اصدار جوازات السفر
كان بيتدخل في انتخابات اتحادات الطلبة و المحليات و الشعب و الشورى و يرفض المرشحين و يوافق عليهم
كان يعتقل بعشرات السنين و يعذب و يقتل
كان يحارب الاسلاميين حتى و ان كانوا معتدلين
كان يسعى الى الفتنة بين طوائف المجتمع لتشتيت الجهود
كان و كان اللا انه يقوم بوظيفته الاساسية
يا رب ميجعش امن الدولة تاني برغم اني مش اخواني او جاسوس او سلفي
ولكني عايز مصر حرة متقدمة حضارية تحترم ابناءها و تقدسهم