أخيراااااا

[A7MED_PHARMA]

أنا عارف إن الموضوع ده مش مكانه الإجتماعي
بس أنا حطيته هنا علشان دي حاجة فرحتني بعد هم طوووووويل لمدة إسبوعين
إسبوعين وأنا متمرمط من غير العربية
أخيرا

رشيتها من بره ..وقلبت الصالون بتاعها
مع شويه إفتكاسات من دماغي ..الشبكة والفوانيس
أنا إلي عملتهم بإيدي
والنهاردة ..أنا بجد مبسوط جدا
علشان أخيرا العربية خلصت


أسيبكم مع الصـــــــــــور


[mshosh2]http://dc09.arabsh.com/i/01347/654sg3va9qlx.jpg[/mshosh2]
...
[mshosh2]http://dc09.arabsh.com/i/01347/9lkeqfdt8aol.jpg[/mshosh2]
...
[mshosh2]http://dc09.arabsh.com/i/01347/vnk6u99wzto6.jpg[/mshosh2]
...
[mshosh2]http://dc09.arabsh.com/i/01347/948u6jlx8p8e.jpg[/mshosh2]
...
[mshosh2]http://dc09.arabsh.com/i/01347/jy47qhri26mx.jpg[/mshosh2]
...
[mshosh2]http://dc09.arabsh.com/i/01347/c3b6f3rzfim9.jpg[/mshosh2]
...
[mshosh2]http://dc09.arabsh.com/i/01347/sphdxkpkmbhf.jpg[/mshosh2]
...
[mshosh2]http://dc09.arabsh.com/i/01347/z7ma0pbrymmx.jpg[/mshosh2]
...

[eng.octooo]

ماشاء الله بجد تحفة ...من شخص مميز
بجد شكلها تحفة من برة ومن جوة عجبانى مووووووووووووووت ربنا يحفظهالك

شيك وراقية ورياضية وهادية وسبور ازاى ما تسألنيش

ربنا يحفظهالك من العين ومن عساكر المرور ومن اطفال الشوارع والبقع المستعصية لان لونها ابيض هههه



ربنا يباركلك فيها خالوووووووووووووووو
وعقبالى ....

بس انت التابلوة انت لونتة كدة ازاى ؟؟؟ وتكلفتة قد اية ؟

[shadygalal669]

ما شاء الله

الف مبروك على التعديل
ربنا يباركلك فيها ان شاء الله

[samo9992003]

الف مبروك يا دكتور وربنا يباركلك فيها ويكفيك شر الخرابيش بتاعت العيال

[pro_samir]

ما شاء الله يابوحميد جميلة جدا

ناقصها بس الفوجات وتبقي تحفة ، هترسمها جامد جدا

[A_H_M_A_D]

ألف مبروك , شكلها بقى تحفة من جوه , و الدركسيون كمان خطيير

بس هاتعمل إيه في تراب مصر !!

[Ahmed A Rahman]

الف مبروك يا دوك
فعلا شكلها من جوا تحفة

اللانسر العادية شكلها مقبض من جوا انما دي ماشاء الله منورة

[A7MED_PHARMA]

شكرا ياشباب على الردود السريعة
بس يانهاااااااااار
إسبوعين من القرف ..وركوب الموتوسيكل
والبهدلة
والفلوووووووووووس
والصنايعية ..ووجع الدماغ

أخيرا
إترشت رشة نضيفة ..وعملت الفوانيس أبيض من جوه بدل الإسود
وعملت الشبكة أبيض بدل الإسود
...
ورشيت الفايبر بتاع الصالون أبيض
وعملت فرش جلد أبيض

.
ماتتخيلوش بقا
النهاردة ماشي في ميت غمر ..الناس كلها عمالة تتفرج عليا وأنا ماشي
والكل كان بيقولي ..الأبيض هيطلع وحش عليها أوي
بس أنا عملت إلي في دماغي
وأديكم شايفين النتيجة

بس بجد
أنا النهاردة مبسوط أوي أوي ..إني عملت حاجات بسيطة في العربية
وفرقت في شكلها أوي

.......
وبالنسبة لسؤال محمد أوكتووووو


أنا فكيت فايبر الصالون كله
ورشيته عند البوهيجي إلي رش ليا العربية
كلف نص كيلو بوهية مــــــــــط..أبيض مع كام نقطة أزرق علشان اللون الأبيض يكون لامع



.
وربنا يرحمنا من الخدوش وعيون الناس
أنا مش متخيل ممكن أعمل إيه دلوقتي ..وبعد المصاريف والتظبيط ده
لو حد حكهالي أو خربشهالي

[eng.octooo]

أنا مش متخيل ممكن أعمل إيه دلوقتي ..وبعد المصاريف والتظبيط ده
لو حد حكهالي أو خربشهالي

الحل انك تعرفلى بيتة وتسيبهولى .................هاعمل علية تجربة الانشطار النووى الداخلى واغير دمة واحطلة بدالة زيت عربية واشيل عينية واركبلة رينجات واسلخة وارشة اسود مط هههههههه.........بجد يستاهل


ان شاء الله محدش يعمل كدة فيها ...

[magyver]

اخييييييييييييييرا
اللة ينور ياادوك تمااااااااااااااااام قوي
ربنا يباااركلك فيها يااارب
الفوجات بقي مع الزوايد ماقلكشي

[A7MED_PHARMA]

ماتعرفش الناس هنا يامحمد

...
الناس هنا حقودة جدااااااااااااااااااااااا
ومابيحبوش يشوفوا حد مبسوط ..أو عنده شئ مميز
يعني مثلا
لو لقوا حد محترم ومؤدب ..يقولوا إزاااااي
يعني هوا مؤدب وإحنا ولاد كلب يعني
ده تلاقيه بيعمل وبيسوي ..وتلاقيه بيشرب وبتاع بنات
لازم يشوهوا أي حاجة حلوة...

ودي حصلت معايا برضووو في العربية الدايو
كنت لسه ظابطها جدا
وكنت راكنها قدام البيت وداخل أجيب حاجة من البيت وماشي
لله في لله
طلعت أبص بصه عليها من الشباك
ألاقي واحد إبن تييييييييييييييييت
معدي واسك في إيده سلسلة مفاتيح ..وجااااااااااااااااابلي الجنب كله بالمفتاح

كان يوم إسود
وكانت من المرات المعدودة إلي قليت أدبي بشكل ماتتخيلوش

[eng.octooo]

قليت أدبي بشكل ماتتخيلوش

دة كدة كويس .....


انا اخر مرة مسكت حرامى كان بيسرق علامات العربيات فى الشارع عندنا والمشكلة انة كان ييجى 10 سنين ولا حاجة يعنى اصغر من طفل
حطيتة انا وصاحبى فى شنطة العربية واخدناة من اكتوبر ونزلنا فى طرق الواحات حوالى 30 ك من العمار ...والكلام دة كان الساعة 9 باليل والطريق دة مقطوع جداااا
من يومها محدش اشتكى من سرقة العلامات خالص مش عارفين اصلا اذا كان الواد دة روح من المكان دة .... ولا رجع وخاف يقرب من المكان تانى

[dr-mohamed]

بسم الله ما شاء الله
قل اعوذ برب الفلق
ماشاء الله يا فارما
بجد والله العربية بقت تحفة ماشاء الله
ايه الجمال ده
ايه الحلاوة دي
ايه الجنان ده
انت كرهتني في عربيتي
انزل اولع في كريستالتي علشان تستريح
بجد دي تانى عربية تعجبني بجد بعد واحدة هوندا كان صاحبها عارضها للبيع هنا من زماااااااااان وكان عامل فيها شغل نضيف وحلو كدة بردة


ربنا يحميها لك من العين ومن الصيع بتوع المدارس والصيع اللى بيحبوا الركنة على العربيات ومن عين الجيران ولاد الكلب زي اللى عندي مش ناقص غير انهم يدخلوا جوة الكيس الاسود اللى انت راجع بيه علشان يعرفوا انت جايب ايه

بامانة الله العربية شدتني اوي يا فارما
بس سؤال هل يا تري يا هل تري الرش على الفايبر كدة مش ممكن يقشر ؟؟؟؟؟؟؟؟؟؟
وعملت التابلوه ابيض ازاي ؟؟؟؟؟؟؟؟؟؟؟؟

[eng.octooo]

اة يا احمد ابقى هات غطاء وغطى العربية شوية لحد ما الناس تاخد عليها ......

[dr-mohamed]

ماتعرفش الناس هنا يامحمد
الناس هنا حقودة جدااااااااااااااااااااااا
ومابيحبوش يشوفوا حد مبسوط ..أو عنده شئ مميز
يعني مثلا
لو لقوا حد محترم ومؤدب ..يقولوا إزاااااي
يعني هوا مؤدب وإحنا ولاد كلب يعني
ده تلاقيه بيعمل وبيسوي ..وتلاقيه بيشرب وبتاع بنات
لازم يشوهوا أي حاجة حلوة...
ودي حصلت معايا برضووو في العربية الدايو
كنت لسه ظابطها جدا
وكنت راكنها قدام البيت وداخل أجيب حاجة من البيت وماشي
لله في لله
طلعت أبص بصه عليها من الشباك
ألاقي واحد إبن تييييييييييييييييت
معدي واسك في إيده سلسلة مفاتيح ..وجااااااااااااااااابلي الجنب كله بالمفتاح

كان يوم إسود
وكانت من المرات المعدودة إلي قليت أدبي بشكل ماتتخيلوش

يا حبيبي والله قبل ما اقرال كلامك ده كتبت لك عن قرف الجيران

طب والله والله والله لسة من شهرين تقريبا عامل العربية كلها من برة رشة نضافة محترمة ولما خلصت رحت جبتها من الصنايعي ورجعت البيت بالليل حوالى الساعة 11 وطلعت نمت تاني يوم الصبح نزلت لقيت العربية مخبوطة من الناحية الشمال ومتكحتة وداخلة لجوة والاكصدام الخلفي مفكوك
طب افرح بيها يوم واحد بس يا كفرة

دة كدة كويس .....
انا اخر مرة مسكت حرامى كان بيسرق علامات العربيات فى الشارع عندنا والمشكلة انة كان ييجى 10 سنين ولا حاجة يعنى اصغر من طفل
حطيتة انا وصاحبى فى شنطة العربية واخدناة من اكتوبر ونزلنا فى طرق الواحات حوالى 30 ك من العمار ...والكلام دة كان الساعة 9 باليل والطريق دة مقطوع جداااا
من يومها محدش اشتكى من سرقة العلامات خالص مش عارفين اصلا اذا كان الواد دة روح من المكان دة .... ولا رجع وخاف يقرب من المكان تانى

بجد يا اكتو انت مجرم حرب
رميت الواد في الصحرا
ههههههههههههههههههههههههههههههههههههههههههههههههه
والله عمال اضحك من اول ما قريت الى انت عملته