بعد التعديل

[E30power]

جميلة ما شاء الله ...

انا بقى داخل دماغى السبويلر جدا :]:]

بس فعلا العربية توطى على الجنط ..والجنط يترش دهبى ووياسلام لو جناب السبيلر كمان نفس اللون ...

وتشيل الى فى الفانوس دة والاستيكرات الكتر دية ورنجات ورا وادام والكابوت كاربون ..ومكان التقشير دة الاكصدمات اسود مط وببولش وتلمع العلربية هتكون مشكلة فعلا :]

انا بعشق الشكل الموديل دة من الباسات وشكل البورا فى التعديل

[Moe86]

لو سبويلر أوطى من تبقى أحلى كتير
دة عايز إيفو و لا سكاى لاين

[SYD]

علي فكرة الأسبويلر تحفة

بس للأسف فعلا مش متناسب معاك لأن عربيتك فخامة وركوبة بهوات

استيكر الفوانيس بصراحة شغل شاهين ولادا مش باسات خالص

انت ممكن تركب كيت عفشة اعتقد بيتباع في الأمارات مخصص للجيتا بيخلي العربية توطي علي السرعات انا للأسف مش فاكر اسمه بس هو بيتباع في التوكيل بتاع فولكس اسبيشيال اوردر

وممكن تغيير الشكمان وتفتحله في الأكصدام

ولو عايز رأيي الشخصي
شيل كل دة ورجع عربيتك علي ابوها

والله المستعان
،
،

[ma7med]

ما شاء الله ربنا يباركلك فيها

[hko]

العربيه ماشاء الله والاسبويلر حلو بس يوطي شويه ممكن تقطعه وتقص حته وتلحمه وتمعجنه وترشه ويبقي 100 100 او ممكن تبيعه وتجيب واحد قصير شويه وبدي كيت حلو كده وترش العربيه اسود مط وتهبطها شويه وتهيبر الفانوس ادام وفوانيس ليدات ورا يوووووووووووووووووووووه العربيه هتبئي فااااااجره

سؤال هو انت مركب ساوند jbl صح؟؟طب جوز السماعات عامله كام ؟؟وهما كام وات ؟؟ومنين؟

[hamed12]

ما شاء الله ربنا يباركلك فيها

[Everlasting]

شوفلك حل في الاسبويلر والفوانيس الأمامية :)
وربنا يبارك لك فيها.

[dr_radioooooo]

ربنا يباركلك فيها

[linkin2008]

يا اخى بسم الله ما شاء الله الباسات باسات بردو مهما عملت فيها حتفضل برضو برستيج ربنا يباركلك فيها يا رب بس لازم تعدل فى الفوانيس لو عايزها تبقى بالشكل الرياضى

[إبراهيم المصرى]

فى رأيي المتواضع ان الباسات عربيه فخمه ومش شبابى خالص انا شخصياً بحب الموديل ده وبتكون احلى كتير أوى وهى على اصلها وبتبقى تحفه وهى لسه فابريقه

[shokri99]

ما شاء الله ربنا يباركلك فيها

[a7madramadan]

انا ليه وجهة نظر خاصة بيا ....... العربية دي أوروبي مابتليقش عليها غير التعديلات الهادية الى حد ما .... رأيي الشخصي تبيع السبويلر و تشتري واحد أوطى وكده ولا كده انت مش محتاج سبويلر قد كده لتعلية الأداء لإن العربية دفع امامي أساسا ....... وكمان حاجة تانية بس مكلفة حبتين سيبك من الفوانيس الي عندك دي خالص وهاتلك فوانيس رياضية جاهزة هتفرق فالشكل كتير لإن الستيكرالإسود مقلل من قيمتها شوية الصراحة .. ولما تديها وش بوية زي ما حضرتك ذكرت انها الخطوة القادمة ماتحطش الخطين الي بالطول دول شكلها وهي سوداء بالفوانيس المسمرة الخلفيةة رائع ما شاء الله ....

غير زي ما بأقولك كده و هتتبسط جدا جدا جدا بالشكل النهائي للعربية ان شاء الله ولو مش مقتنع كبر دماغك دي عربيتك انت اتبسط بيها و الله يباركلك فيها ويديلك خيرها و يكفيك شرها :)

[amirsayed]

ربنا يباركلك فيها و يكفيك شرها
بس متزعلش منى التعديلات مش حلوة
محتاج تشيل السبويلر ده نهائى
الاستيكر الابيض مش حلو
الفوانيس الاصليه بدون التعديل بتاعك اشيك لو انت مش عاجبك اى شكل تانى من الفوانيس الجاهزه
تقبل تحياتى و متزعلش من كلامى

[ramyraby]

الصورة اصبحت غير ظاهرة