سيارتي الجديدة نيسان باترول سوبر سفاري

[د.محمود صلاح]

السلام عليكم

الحمد لله وفقت في تبديل سيارتي السابقة تويوتا افالون

بعد ما طلعت عيني تصليح وهذه عينة من التصليحات وهو تبديل ثلاجة المكيف



بنيسان باترول سوبر سفاري موديل 2005 والتي تلفب ببطل الدروب هنا في الخليج قطعت 66 الف كم فابريكة برة وجوه كانت لدى قصر احد الوزراء في ابو ظبي واستخدامها خفيف ومحدد

المواصفات الفنية

محرك 6 سلندر 4800 سي سي 4.8 L TB48DE I6, 248 hp (185 kW) وفتيس 4 سرعات اوتوماتيك ستيبترونيك مع دفع رباعي وفتيس غرز منخفض وعالي السرعة 4H - 4L

Wheelbase 2,970 mm (116.9 in)
Length 5,080 mm (200.0 in)
Width 1,940 mm (76.4 in)
Height 1,855 mm (73.0 in)

وتانك بنزين عادي واحتياطي وفتحة سقف ومثبت سرعة ومكيف خلفي ومكيف امامي وثلاجة في المنتصف 7 ركاب انوار زينون





مثبت السرعة وتحكم من المقود في الكاسيت










هنا فتيس الغرز وزر الديف لوك ( تعشيق الأربع عجلات مع بعض )

وبالأسفل ازرار المكيف الخلفي والثلاجة في الكونسول الاوسط وزر تفريغ تانك البنزين الإحتياطي في الاساسي

[الع العمدة مدة]

الف مبروك مش كنت خليتك في مفخرة الارض احسن ولا ايه ؟ اقصد الاند كروزر وتبقي تحت عيلة تويوتا

[د.محمود صلاح]

المفخرة غالية جدا جدا و دي برقبتها في المواصفات والقوة ولكن للأسف النيسان واخد سمعة وحشة في الخليج

[hossam_elwani]

المفخرة غالية جدا جدا و دي برقبتها في المواصفات والقوة ولكن للأسف النيسان واخد سمعة وحشة في الخليج

الف مبروك عليك يادكتور

بس الغريب ان حضرتك كنت بتشكر فى التويوتا افالون اوى ايه الى حصل ؟؟

والغريب كمان ان حضرتك بتقول ان نيسان واخده سمعه وحشه فى الخليج مع ان على حد علمى ان الباترول هناك مطلوبه جدااا من زمان وسمعتها فوق

مبروك عليك تانى مره بس مش عارف حضرتك حتعرف تاخد عليها فى المشى فى الطرق السريعه لانها كبيره وعاليه قوى عن الارض

تحياتى

[د.محمود صلاح]

انا بدلت الأفالون بالباترول في عملية تبادل سهلة وميسرة وموفقة لأن الأفالون عندي كان فيها بعض العيوب والمنطقة اللي اعمل فيها يناسبها السيارة الباترول

الباترول يعشقها الأماراتيين والعمانيين ولكن النيسان عموما مكروه في الخليج

وشكرا لك جزاك الله خيرا

[Eslam.Elrefaey]

مبروك عليك العربية و يكفيك شرها ان شاء الله

[الع العمدة مدة]

المفخرة غالية جدا جدا و دي برقبتها في المواصفات والقوة ولكن للأسف النيسان واخد سمعة وحشة في الخليج

في القوة معتقدش النيسان اقوي بس المواصفات ممكن تكون قليلة في المفخرة الموديل 2005 ولكن الجديد برقبة النيسان في كل حاجة

[الع العمدة مدة]

اه نسيت اقول العربية ديه عدادها كويس ويعتبر لقطة عالموديل ده لان زي مانت عارف الموديل ده في الخليج وبالذات انها جيب بتبقي ماشية مش اقل من 200 الف كيلو
ربنا يباركلك فيها ويكفيك شرها

[Ahmed Selim]

ألف مبروك عليك يا دكتور و ربنا يكفيك شرها إن شاء الله.

الباترول هى أنجح موديلات نيسان فى الخليج بلا منازع من داخل قافلة نيسان........المنافسة عالية جداً بين الباترول و اللاند كروزر........و اللاند كروزر تتفوق فى الإنتشار تفوق مش قليل.

و على فكرة أكثر موديلات الباترول إنتشاراً هو اللى معاك..........ربنا يباركلك فيها.

[hossam_elwani]

والسعر كام يادكتور من باب العلم بلشىء

[Ahmed Selim]

والسعر كام يادكتور من باب العلم بلشىء

السوبر سفاري بتعملها حوالى 70 ألف درهم فى الإمارات.

الباترول العادية أقل فى حدود 10 أو 15

[ganash]

الف مبروك يا دكتور هوه تانك البنزين بياخد كام لتر والاحتياطى كام ؟

[د.محمود صلاح]

السعر بالضبط كما قال المهندس احمد 7 الاف ريال عماني= 70 الف درهم اماراتي = 98 الف ج تقريبا

--------------

التانك الاساسي 70 لتر والاحتياطي يصب حوالي 30 لتر اخرى في الاساسي

[m_adeleid]

ربنا يباركلك فيها يا باشا

[د.محمود صلاح]

جزاك الله خيرا