هام جدا

[اشرف السعيد]

السلام عليكم ورحمه الله وبركاته
ممكن الافاده للاهميه
امامي سياره رينو 2003 كليو
وسياره لانوس 2002
طبعا السياره مستعمله
ممكن اعرف ماهو الافضل الرينو كليو ولا الانوس للاهميه
من حيث الصيانه وقطع الغيار والصيانه ومدي توافر قطع الغيار
وماهي الافضل في استحمال المسافات الطويله
ارجو الرد للاهميه
وجزاكم الله خيرا

[shawke hamed]

يا ريت تودى الموضوع قسم المقارنات هتلاقى ناس كثير تفيدك

[aldesha989]

انتا مختار عربيتين لا يشوبهم شائبه
بس بتتخلص الفكره على مدى احتمالك
اولآ اللانوس العربيه بتاعت الشعب حاليآ كله راكبها الفكره اولآ بتكمن فى العربيه اللى انتا شاريها حالتها عامله ايه كلهم يستحملو مسافات طويله بدون ادنى مشكلة لكن العربيه نفسها حالتها ايه ؟

تانى حاجه اللانوس كقطع غيار رخيصه متوفره بكثره سواء جديد او استعمال لو انى افضل الجديد دائمآ
عفشه ماتور صالون شنطه كلهم ممتازين
ماتور اللانوس 1500 سى سى
تكيف كويس
حماله
عيبها الوحيد انها واطيه شويه ولما بتحمل ناس بتحك فى المطبات البلدى

الرينو كليو 2003 ماتورها فى الغالب 1200 سى سى
عربيه ممتازه جدآ وانا بحبها جدآ اكتر من اللانوس
لكن كقطع غيار اغلى من اللانوس والفرق واضح مش فرق بسيط
يعنى لو هتشترى سير تقسيمه للانوس ب 100 جنيه او 150
هتروح تجيبه تقريبآ بضعف التمن للرينو

طرمبة المايه لو للانوس ب 200 جنيه هتجيبها للرينو ب 400 جنيه او اكتر
على كلام الوكيل اخر مره انها وصلت 600 لكن مش لكل العربيات

سير الباور والدينمو والتكيف ب 150 جنيه للرينو والانوس اكيد هيكون نص التمن

بالنسبه للرينو فهى اعتامديه استهلاك البنزين ممتاز تكيف كويس جدآ
عفشه كويسه جدآ ثبات فوق الممتاز

اخر مره كنت مع جوز اختى كان بيجيب ال 160 مستريح

الخلاصه ان العربيتين ممتازين ولكن قطع الغيار هى اللى هتقف عائق قدامك لو عندك استعداد تدفع فالرينو هى الافضل

[J A G U A R]

لانوس طبعا