لقطات إباحية على قناة عربية

[oshy]

أيه يا جماعه انتوا مالكوا سخنتوا عليا كده ليه أنا لست مدافعا عن Otv كل الموضوع ان اللى مش عاجبه الموضوع ممكن ميتفرجش على القناه و مدام خايف على اللى عندك فى البيت من اللقطات اياها ممكن تمسح القناه من المنيو الخاص بك أو تشفر القناه
أنا شخصيا بتفرج على القناه دى و بالذات برنامج أحمد العسيلى
و بعدين انتوا بتتكلموا عن القناه دى بالذات و سايبين قنوات كتيره زى مزيكا و زووم و ميلودى هيتس و ميلودى ارابيا
لتانى مره أنا لست مدافعا عن Otv
و بعدين اللى عايز يشوف أى حاجه من اللى بتتكلموا عنها كلكوا عارفين مليون طريقه و مليون مكان الموضوع مش واقف على لقطه جت فى فيلم .........

[eng_mkhalaf]

يا اوشى لما تجيب افلام اجنبية فيها لقطات أجزاء من الجسم عارية تماما هتيبقى مهذلة كبيرة - ياريت كانت أفلام ساخنة بس الأعضاء متغطية أو نص متغكية زى ميلودى والأفلام ألأن كت بتاعت سينما واحد لكن المصيبة أنها بتعرض اجزاء من الجسم كاملة
كل دة ومش عايزنا نزعل - أنا عايزك تشوف اللينك دة وتشوف الناس قد أية معترضين

http://www.petitiononline.com/mod_perl/signed.cgi?otvnile&1

[hatem_badawe]

بلاش ارد علي الاخ اوشي

لحسن الادارة تزعل وتوقف عضويتي تاني

مع اعتراضي طبعا علي الكلام

[meza]

أنا عن نفسى عجبانى القناة دى و البرامج اللى فيها خصوصاً بتاع عسيلى و البورصة اليوم و ساعة مع...

بجد القناة إتجهت للتجديد بشكل ملحوظ و محاولتش تعمل زى mbc و تقلد برامج أجنبية :p... لأ دول صنعوا برامج جديدة تحس كده إنها مصرية خالصة .... مفهاش تدخل من حد .... بجد حاجة تخلى الواحد يفتخر

أما بقى موضوع الأفلام الأجنبية
حالياً القناة بطلت تعرض أفلام فيها مشاهد مبالغ فيها من ناحية الإغراء
و صاحب القناة أوضح قبل كده إنه ضد الرقابة على الأفلام و حذف المشاهد لأن دى مش شغلته و عنده حق بصراحة و هوضح ليه بعدين !!! .......

بس أنا حسيت إن فى بداية شغل القناة كانوا سخنين شوية قصدى إنهم زودوها حبتين و عرضوا كام فيلم بصراحة زيادة ........ و كنت حاسس زى ما يكون ساويرس عايز يثبت إن هوا مش هايهمه حد و هيعرض الأفلام كاملة و اللى مش عاجبه ميتفرجش

رأيى بقى إنه كده ساب الموضوع على هوا كل واحد و للأسف هوا عنده حق ....بس لو إحنا مش مصريين !!!
لكن إحنا مصريين متربيناش على تحمل المسئولية ...... كل حاجة لازم يكون واحد يراقبك فيها

محدش قالك قبل كده إنك لو عملت كذا هضر نفسك و علمك إزاى تواجه الموقف
لأ إنت مطمن فى رقابة .... القناة زى الفل مفيش أى حاجة ..... و هب مع أول تجربة ليك تسقط فى الإمتحان ... طب ليه ميكنش كل واحد مسئول عن نفسه ....... خلاص يعنى الواحد بقت نفسه ضعيفه للدرجة دى .....

أنا بقول محدش يقدر يلوم القناة ........ اللى المفروض يتلام هوا اللى معلمناش نبقى ناس مسئولة (أقصد المصريين)....
و ممكن واحد يشوف مشهد و يعتبره مشهد عادى فى قصة الفيلم و واحد تانى يعتبره مشهد إغراء ....... بتختلف حسب تربية كل واحد

و اللى بيدور على مشاهد إباحية مش هيغلب يعنى أكيد مش هيستنى الفلم على OTV عنده ألف مصدر ..... بس هوا اللى هيضر نفسه و ربنا هيحاسبه

******
>>>إسمعوا بقى الكلمتين دول ..... بلاش نربى أولادنا بمنطق الرقيب ....... يعنى أنا هراقبك 24 ساعة فى اليوم و هقفل عنك كل حاجة ممكن تضرك ..... طبعاً الطريقة دى مصيرها الفشل و هتكون النتيجة عكسية ... (ليه؟)
أقولك .... إنت مربتش أولادك يواجهوا أى موقف و بالتالى معندهمش مناعة داخلية تخليهم يواجهوا المشاكل.

لكن لو نجحت إنك تربى أولادك على إن كده غلط و تسيبهم يسقطوا فى أول إمتحان و تنصحهم و تقنعهم ..... بعد كده لما يواجهوا حاجة زى دى هيكون عندهم مناعة ........ ضميره هيقله لأ .... و مش هيقعد يدور على حجج واهية تبررله أخطائه ..... لأنك بددتهاله قبل كده لما سيبته يكون شجاع و يواجه المشكلة.

و ساعتها ممكن تطمن على أولادك و يبقى من حقك تفتخر بيهم و بتربيتهم.

و يا رب يكون كلامى خفيف عليكم ;)

[eng / AhmeD]

يا meza مش كل شوية تقول الكلام اللي علي لساني
انا معاك في كل اللي قولته

[Chicco]

يا meza مش كل شوية تقول الكلام اللي علي لساني
انا معاك في كل اللي قولته

+1111111111111111111111111

[meza]

يا meza مش كل شوية تقول الكلام اللي علي لساني
انا معاك في كل اللي قولته

يا باشا أنا ليا الشرف :)
و كمان قلت بلاش أتعبك ..... أصلى قعدت نص ساعة أكتب الكلام ده :D

[eng_mkhalaf]

يا باشا أحنا عندنا عادات وتقاليد وكمان انا ركبت النيل سات عندى فقط علشان الكلام دة وأشترى دماغى من موضوع المنيو والحذف فعلشان يتبث حاجة زى كدة علية وهو قمر عربى ويحكمة تقاليدنا فدية مسخرة كبرى
أذا كان عندك أنت ممكن تسيب قناة زى دية عندك فى البيت أنا بقى بقولك أستحالة دة يحصل عندى

[meza]

يا باشا أحنا عندنا عادات وتقاليد وكمان انا ركبت النيل سات عندى فقط علشان الكلام دة وأشترى دماغى من موضوع المنيو والحذف فعلشان يتبث حاجة زى كدة علية وهو قمر عربى ويحكمة تقاليدنا فدية مسخرة كبرى
أذا كان عندك أنت ممكن تسيب قناة زى دية عندك فى البيت أنا بقى بقولك أستحالة دة يحصل عندى

يا باشا القناة مش سيئة للدرجة دى ......
و ناس كتير و بنات كمان بيتفرجوا عليها ..... و الدليل على كده المداخلات فى البرامج بتاعة القناة ... ده معناه إنهم مش مشفرين القناة ....... لأنها مش قناة جنسية سيادتك
كل ما فى الأمر لما يكون فى فيلم فيه مشاهد ممكن يستخدموا الريموت اللى مع الجهاز عشان يغيروا القناة
و محدش هيجبر حد إنه يتفرج بالعافية .. الحكاية بتحكمها أخلاق كل واحد

حضرتك بتقول ده إستحالة يحصل عندك ......يعنى لازم تشفر القناة
إنت حر .... ممكن يكون عندك أخوات صغيرين خايف عليهم أو لسه متعلموش إن ده صح و ده غلط ..... و ده من حقك عادى

بس مش كل الناس هتشفرها ..... أنا عن نفسى ليا أخوات بنات و أبويا كمان بيشوف برنامج البورصة و مش مشفرين القناة .... لأننا واثقين إن أى حد فينا هيلاقى حاجة مش لائقة هيغير و مش محتاجين حد يراقب علينا ........ دى الفكرة ...... أنا أهلى ربونى على كده و واثقين فيا ......

كمان القناة فيها برامج كتيير مفيدة بصراحة ..... فمفيش مانع إنى أتفرج على اللى يفيدنى و أتجنب اللى يضرنى رغم إنى مش لاقى حاجة فى القناة اليومين دول ..... ده كمان شوفت كام فيلم حلوين جداً زى 9/11 Fehrenhit و مسلسل Prison break كان تحفة و أفلام كتيير رائعة ...... فالقناة مش كل اللى بتعرضه وحش

و أنا فاهم تخوف حضرتك ......... بس برضه حضرتك خلى بالك فى قنوات تانية أوحش من دى ألف مرة على النايل سات برضه
لو حضرتك هتشفر OTV يبقى ضم معاهم مجموعة melody لأنهم بصراحة أخر قلة أدب خصوصاً القناة اللى إسمها TRIX و برضه Arabia كفاية اللى فيها من الكليبات العربى اللى رأيى كلها بقت إباحية أكتر من الأفلام الأجنبى بمراحل ....هتلاقى فيها إيحاءات جنسية صريحة
و برضه متنساش روتانا و مزيكا و زووم
حضرتك هتلاقى كتير تشفره متخفش :D

[oshy]

بلاش ارد علي الاخ اوشي

لحسن الادارة تزعل وتوقف عضويتي تاني

مع اعتراضي طبعا علي الكلام

يا أستاذ حاتم أنا أكبر من انى أرد على كلامك عشان أنا لو تفكيرى صغير زى تفكيرك كنت قدمت اعتراض ان موضوع وقفك أسبوع اتلغى و سعادتك كملت مشاركات باليوزر بتاعك بعد يوم أو اتنين من الايقاف
ملحوظه
أنا لا انتقد شخصك لأنى أصلا معرفعكش و لكنى أنتقد أسلوب تفكيرك و أسلوب حوارك
و على فكره أنا حاطط موضوع الجمله اللى حصل بسببها المشكله اللى ضايقتك فى دماغى و ناوى بعد ما عربيتى تتصلح و السمكرى يخلصها و أخلص الشغل اللى فيها كله ناوى أكتب الجمله اللى مضايقاك على البربريز الخلفى لسيارتى و لو شفت كمان فتره عربيه أرجنتا متفيمه و مكتوب عليها الجمله اياها أعرف ان ده أنا ...

[badblood]

الموضوع هيخلص والفلوس هتزل زي الرز على التربزات والباقي كلنا عرفينه
على رأي يونش شلبي في مسرحيه العيال كبرت (ياعم صلي كلهم بيهزوا كده)