مصر تصنع سيارة بـ 17 ألف جنيه

[smax]

الحقيقه مش عارف ليه الهجوم الكاسح على العربيه دى ... هى لو تصنيع مصرى 100% تبقى حاجه كويسه جداً و بدايه مقبوله ... و بما إن سرعتها لا تتجاوز ال 60 كيلو فأعتقد إنها هتبقى عمليه جداً للسيدات (اللى بتودى أولادها المدرسه - أو بترح شغلها) ... بس هى كانت تبقى أظرف بكتير لو كانت ب 4 عجلات .... لكن كبدايه لا بأس بها .... و بعدين عايزين عربيه ب 17000 ألف تكون عامله إزاى يعنى

انا فاهم واحترم اعتراض حضرتك علي هجوم الناس علي اول محاولة لتصنيع عربية مصري, بس انا عايز اوضح ان دة مش نقد و خلاص:
اولا كمحاولة اولي تعتبر محاولة جيدة لكن المشكلة ان دية مش اول محاولة كان في الترامكو و رمسيس من زمااااان و كانت ممتازة مقارنة بهذة المحاولة يعني دية تعتبر خطواط صريحة للخلف.

ثانيا دية تنفع بروتو تايب ممتازة بس متنفعش للعرض و لا للبيع المفروض يراجعوا الاخطاء و يعدلوها قبل العرض مش تطلع بالمنظر الفظيع دة انا مش قاصد انها عربية صغيرة و لا ال3 عجلات و لا الخامات الاقتصادية كل دة مقبول جدا بالنسبة للسعر بس الغير مقبول بالمرة تلاقي باب بارز عن الرفرف اكثر من 1 سم كمثال." لازم تشوف العربية بنفسك علشان تفهم قصدي و تشوف بعينك الكروتة و سوء الصناعة و التقفيل".
ثالثا هذة ليست مصري 100*100 دية تصميم هندي و المحرك هندي او صيني و طبيعي ان كبداية تصنيع لازم نتعلم من غيرنا بس بردة المشكلة سوء الصناعة غير مقبولة" لازم نركز شوية في التصنيع مش كروتة و خلاص" دة بيقولوا بالتعاون مع الهيئة العربية للتصنيع بتاعت الطيرات, مش دة عيب بردة!!!!!!
أخيرا عايز اقول ان لازم تشوف العربية علشان تعرف مدي السوء و ردائة التصنيع , حاجة تكسف.

[hanyelrakhawy]

انا فاهم واحترم اعتراض حضرتك علي هجوم الناس علي اول محاولة لتصنيع عربية مصري, بس انا عايز اوضح ان دة مش نقد و خلاص:
اولا كمحاولة اولي تعتبر محاولة جيدة لكن المشكلة ان دية مش اول محاولة كان في الترامكو و رمسيس من زمااااان و كانت ممتازة مقارنة بهذة المحاولة يعني دية تعتبر خطواط صريحة للخلف.

ثانيا دية تنفع بروتو تايب ممتازة بس متنفعش للعرض و لا للبيع المفروض يراجعوا الاخطاء و يعدلوها قبل العرض مش تطلع بالمنظر الفظيع دة انا مش قاصد انها عربية صغيرة و لا ال3 عجلات و لا الخامات الاقتصادية كل دة مقبول جدا بالنسبة للسعر بس الغير مقبول بالمرة تلاقي باب بارز عن الرفرف اكثر من 1 سم كمثال." لازم تشوف العربية بنفسك علشان تفهم قصدي و تشوف بعينك الكروتة و سوء الصناعة و التقفيل".
ثالثا هذة ليست مصري 100*100 دية تصميم هندي و المحرك هندي او صيني و طبيعي ان كبداية تصنيع لازم نتعلم من غيرنا بس بردة المشكلة سوء الصناعة غير مقبولة" لازم نركز شوية في التصنيع مش كروتة و خلاص" دة بيقولوا بالتعاون مع الهيئة العربية للتصنيع بتاعت الطيرات, مش دة عيب بردة!!!!!!
أخيرا عايز اقول ان لازم تشوف العربية علشان تعرف مدي السوء و ردائة التصنيع , حاجة تكسف.

أولاً : شكراً جزيلاً على ردك المهذب
ثانياً : حتى لو نسبة التصنيع 70% فده مقبول .... و لو فيه ديفوهات فى التصنيع أو التقفيل ... أعتقد إنه هيتم تلافيها بعد كده
ثالثاً : فيه ناس كتير بتحارب المصرى لمجرد إنه منتج مصرى ... مع إنه المفروض كلنا نشجع المنتج المصرى - قدر المستطاع - .... أنا معايا نيسان صنى تقفيل مصرى و مش هكذب عليك قبل م أشتريها كل الناس شكرت جداً فى العربيه لكن خوفونى من التقفيل المصرى .... لكن و لله الحمد أنا شايف إن العربيه ما شاء الله عليها ممتازه جداً جداً - خاصةً بالنسبه لسعرها - .... و لو لا قدر الله كنت لقيت فيها حاجه م كنتش هسكت - و الهدف من كده تحسين المنتج - ..... بصراحه لما تلاقى حتى عيدان الكبريت مستورده من باكستان .... و إبر الخياطه من الهند و الصين مش حاجه تحزن