تسفير 100 مشجع إسمعلاوي وبورسعيدي لمناصرة الفراعنة في أنجولا

[SeiffoZ]

يسافر 100 مشجع مصري يوم الأربعاء المقبل لمساندة المنتخب الوطني في لقاء الدور قبل النهائي من كأس الأمم الإفريقية أمام الجزائر يوم الخميس المقبل.
وتوصل اتحاد الكرة المصري إلى اتفاق مع الشركات الراعية لمنتخب مصر يقضي بتحملها نفقات سفر وإقامة المشجعين.
وأوضح مصدر داخل اتحاد الكرة أن الـ100 مشجع سيتم اختيارهم من بين روابط المشجعين في مدينتي بورسعيد والإسماعيلية بالتنسيق مع الروابط نفسها.
ومن المنتظر أن يرتفع عدد المشجعين من مدينة القاهرة وباقي محافظات مصر في رحلات أخرى يتم الإعلان عنها لاحقا.
وتأتي خطوة رعاية سفر المشجعين المنتمين إلى روابط الأندية لتصحيح الخطأ الذي وقع في لقاء الجزائر الفاصل في تصفيات كأس العالم 2010 في أم درمان عندما سافر عدد كبير من الفنانين والشخصيات العامة مما عرضهم لاعتداءات من جانب الجماهير الجزائرية لعدم اعتيادهم على أجواء التشجيع ومناصرة فرق كرة القدم.


http://....filgoal.com/Arabic/News.aspx?NewsID=64148



١٠٠ بس .... مش قليل كدة ؟؟

[M.Osman]

100

؟

مائة ؟

a hundred ؟

يا حلاوة !!

[حماده المصري]

قليل جدا جدا جدا

نفسي بقى نعمل حاجه بجد الحكومه تسفر عدد حلو كده وتضحى بشويه فلوس ايه المشكله يعني ولا مستخسرين في المنتخب الناس تسانده ولا اييييه


مهو لو كسبوا هياخدوا ملايين اصرف كام مليون منهم في مساعدتهم مش مشكله


يارب مصر تكسب

[horas3000]

يا ريتهم يبقوا 100 رجل صاعقة
يكون احسن

[Haitham10]

اكتر حاجة عجباني ان الانجوليين بيشجعونا وطبعا هما اكتر من المشجعين الي رايحين فدي ميزة حلوة جدا

[sayedhassan]

الجزائر هتعمل جسر جوى واحنا هنبعت 100
اتمنى ان العدد يزيد

[ashraf229]

نفسي بقى نعمل حاجه بجد الحكومه تسفر عدد حلو كده وتضحى بشويه فلوس ايه المشكله يعني ولا مستخسرين في المنتخب الناس تسانده ولا اييييه

اذا كانوا مستخسرين يلموا الزبالة من الشوارع يبئى هيسفروا ناس على حسابهم!!!!!!!

ياااااااااااااااااااارب النصر لمصر...........دي الحاجة الوحيدة اللي بقت تبيت الناس فرحانة..............

وان تو ثري.......هنقطع ألجيري.............

[gomangy]

الجزائر هتعمل جسر جوى واحنا هنبعت 100

الله يرحمك يا كرامه احنا اللي بنجيبوا لروحنا

[Sameh]

كرامة إيه يا جماعة فى ماتش كورة ! وليه نعمل جسر جوى أصلاً وندفع ملايين وإحنا بنقترض من الدنيا كلها ؟! إحنا نروح نشترى بيهم قمح ولا أدوية ولا نفتح مدرسة ولا مستشفى بالكام مليون اللى هيتصرفوا على جسر جوى وكفاية صرف على الكورة والمدربين واللعيبة والممثلين والمغنيين وما شابه لأن بدون زعل أى واحد فيكم محترم ومتعلم وبيشتغل ضفره برقبة اللعيبة والمدرب والمعلم والفنان وكل الوهم اللى عايشين فيه ده ومايستاهلوش نصرف عليهم ملايين وفيه ناس مش عارفة تتعالج صح ولا تتعلم صح وبلدنا أكبر مستورد للقمح على مستوى العالم و بتستورد نص القمح اللى بتستهلكه !

[tmz9111]

قليل جدا جدا جدا

[Haitham10]

اذا كانوا مستخسرين يلموا الزبالة من الشوارع يبئى هيسفروا ناس على حسابهم!!!!!!!

العيب مش منهم لانهم بيخصصوا فلوس لكل حاجه زي الزبالة والنضافة

احنا الي بنوسخ واحنا برضه الي مبنضفش او العمالة الي هيه احنا برضه بتكسل وبتنفض واهو كلو بمعلومه

شعب عاوز المليون في جيب كل واحد ويفضل قاعد يستني غيره يتحط في جيبه التاني !

[aly_hosny]

مية من بورسعيد واسماعيلية
يا جماعة اقرو الخبر الاول
في ناس تانية من القاهرة والمحافظات

[hemeds82]

كرامة إيه يا جماعة فى ماتش كورة ! وليه نعمل جسر جوى أصلاً وندفع ملايين وإحنا بنقترض من الدنيا كلها ؟! إحنا نروح نشترى بيهم قمح ولا أدوية ولا نفتح مدرسة ولا مستشفى بالكام مليون اللى هيتصرفوا على جسر جوى وكفاية صرف على الكورة والمدربين واللعيبة والممثلين والمغنيين وما شابه لأن بدون زعل أى واحد فيكم محترم ومتعلم وبيشتغل ضفره برقبة اللعيبة والمدرب والمعلم والفنان وكل الوهم اللى عايشين فيه ده ومايستاهلوش نصرف عليهم ملايين وفيه ناس مش عارفة تتعالج صح ولا تتعلم صح وبلدنا أكبر مستورد للقمح على مستوى العالم و بتستورد نص القمح اللى بتستهلكه !

[overline]الله ينور عليك يا باشا وانا معاك بس لازم تعرف ان الكورة بقت هي الحاجة الوحيدة اللي بتفرحنا[/overline]

[smax]

كرامة إيه يا جماعة فى ماتش كورة ! وليه نعمل جسر جوى أصلاً وندفع ملايين وإحنا بنقترض من الدنيا كلها ؟! إحنا نروح نشترى بيهم قمح ولا أدوية ولا نفتح مدرسة ولا مستشفى بالكام مليون اللى هيتصرفوا على جسر جوى وكفاية صرف على الكورة والمدربين واللعيبة والممثلين والمغنيين وما شابه لأن بدون زعل أى واحد فيكم محترم ومتعلم وبيشتغل ضفره برقبة اللعيبة والمدرب والمعلم والفنان وكل الوهم اللى عايشين فيه ده ومايستاهلوش نصرف عليهم ملايين وفيه ناس مش عارفة تتعالج صح ولا تتعلم صح وبلدنا أكبر مستورد للقمح على مستوى العالم و بتستورد نص القمح اللى بتستهلكه !

معاك 100*100 بس المفروض يأمنوا الفريق المشجعين في انجولا تماما و يتعلموا من اخطائهم في السودان.

[horas3000]

لسة كان معتز بيكلم عن الموضوع ده في 90 دقيقية
و في صحفي اتصل و قال ان فيه 9 طيارات عسكرية محملة بحوالي 5000 مشجع جزائري من الاحياء الشعبية تستعد للانطلاق الي انغولا
و قال ايه في فنانين زعلانين عشان الناس بتطالب بعدم ذهابهم لتشجيع المنتخب

بصراحة الواحد مبقاش عارف الكلام ده صحيح و لا فرقعة اعلامية و لا ايه النظام بالظبط