فورد تسحب سيارات من السوق بسبب مشكلة في المحرك

[tutankhamoun]

استدعت شركة فورد الأمريكية العملاقة لصناعة السيارات 1.7 مليون من سياراتها بسبب عطل في حساس بمحرك هذه السيارات.

وذكرت الشركة أن السيارات المعنية هي سيارات نقل وسيارات المناطق الوعرة ذات الدفع الرباعي وسيارة "فان" العائلية والتي صنعتها الشركة في الفترة من عام 1997 حتى عام 2003.

وأضافت الشركة، أن سبب استدعائها لهذه السيارات هو وجود عطل في أحد الحساسات في محركها الديزل سعة 7.3 لتر، وأن هذا العطل يمكن أن يتسبب في توقف المحرك مما قد يؤدي إلى وقوع حوادث.
وأشارت الشركة إلى أن هذا الخلل تسبب حسب معلوماتها في وقوع 14 حادثا حتى الآن وأن هذه الحوادث لم تسفر عن إصابات

منقول

[TAG_Turbo0]

الحمد لله مفيش محركات 7.3 فى مصر
:d: d: d

[الريس]

عقبالنا يا حج توت

[tutankhamoun]

عقبالنا يا حج توت

عقبالنا على ايه يا باشا ........ معلش أصل مش فاهم ؟؟؟؟؟؟؟

لما فورد تسحبنا من السوق علشان في عطل فس حساس المخيخ عندنا ( مصريين ) ؟؟؟
فهمني تقصد أيه يا باشا

[الريس]

عقبالنا على ايه يا باشا ........ معلش أصل مش فاهم ؟؟؟؟؟؟؟

لما فورد تسحبنا من السوق علشان في عطل فس حساس المخيخ عندنا ( مصريين ) ؟؟؟
فهمني تقصد أيه يا باشا

:p:p:p:p
لا يا صديقي انا قصدي عقبال ما يحصل الكلام ده عندنا في يوم من الايام ..
انت بتروح اي توكيل و تقول الحاجة دي بايظة تلاقي مهندس (غالبا ثانوي صنايع) يبصلك بصة تحسسك انك يا بتكدب يا حرامي يا اي حاجة ما عدا انك تكون على حق
ثم تبدأ مراحل المناهدة و الفصال .. كل ده وانت اللي رايح .. مش الشركة هي اللي بتعلن عن العيب

[PRO-DRIVE]

إلى أن هذا الخلل تسبب حسب معلوماتها في وقوع 14 حادثا حتى الآن وأن هذه

ما شاء الله عشان 14 حاله اعلنوا استدعاء

تويوتا تاندرا كل ملاكها كانوا بيعانوا هههههههه
و معملتش استدعاء غير بعد ضغط :)

[tutankhamoun]

:p:p:p:p
لا يا صديقي انا قصدي عقبال ما يحصل الكلام ده عندنا في يوم من الايام ..
انت بتروح اي توكيل و تقول الحاجة دي بايظة تلاقي مهندس (غالبا ثانوي صنايع) يبصلك بصة تحسسك انك يا بتكدب يا حرامي يا اي حاجة ما عدا انك تكون على حق
ثم تبدأ مراحل المناهدة و الفصال .. كل ده وانت اللي رايح .. مش الشركة هي اللي بتعلن عن العيب

شكرا على التوضيح يا باشا ...... بصراحة أنا كنت خايف على نفسي أحسن فورد تسحبني من السوق و ألاقي حساس المخ ضرب و لا حاجة ....... بس الحمد لله الفيوزات لسة سليمة :) :)

اقتباس:
إلى أن هذا الخلل تسبب حسب معلوماتها في وقوع 14 حادثا حتى الآن وأن هذه
ما شاء الله عشان 14 حاله اعلنوا استدعاء

تويوتا تاندرا كل ملاكها كانوا بيعانوا هههههههه
و معملتش استدعاء غير بعد ضغط :)

يا باشا فورد استدعت عربيات مصنوعة من 1997 ........ أكيد في ضغط على الشركة برضه علشان تسحب الرقم الكبير ده من السيارات لإصلاحة و ما أعتقدش أنها أعلنت ده من نفسها و الله أعلم

[PRO-DRIVE]

هو شخصيا مش لاقي دلوقتي اي موضوع عن الاستدعاء دا في موقع من
مواقع اخبار السيارات

لكن المفروض انه عادي

اودي عملت قبل كدا استدعاء السنه اللي فاتت لموديلات 92 في كل العالم
و تتخيل عشان ايه ؟؟ المشبك بتاع كل احزمه الامان للكراسي الخلفيه
واللي عمري ما شفت حد بيلبسه الا مره اخويا و كان بيستهبل ههههههههههههه


بس عشان دي شركه بتحترم عملائها

و اعتقد ان رأيك صحيح لأن فورد مش ناقصه خساير
مع ملاحظه الفرق طبعا :)