الرحمه يارب (الواحد قرب يتجنن )

[mada121977]

تقدم النائب المعارض رجب هلال حميدة باستجواب برلماني لوزير الإعلام المصري أنس الفقي حول انحرافات وفساد وإهدار للمال العام في اتحاد الإذاعة والتلفزيون المصري.وينتظر مناقشته خلال الجلسات القادمة.

وتضمن الاستجواب-بحسب صحيفة الاتحاد-قيام اتحاد الإذاعة والتلفزيون بإنفاق 20 مليون جنيه على رعاية المطربة أمال ماهر كمصاريف سكن ومكياج وملابس وأجور ملحنين ومؤلفين للأغاني التي قامت بأدائها.

وقال النائب إن أغرب ما كشف عنه تقرير أعده الجهاز المركزي للمحاسبات أن اتحاد الإذاعة والتلفزيون كان يشتري فساتين أمال ماهر على حسابه وبلغت تكلفة الفستان الواحد 30 ألف جنيه.

ورصد 4 ملايين جنيه فقط في حسابات وفواتير رسمية كنفقات على المطربة وأخفى 16 مليونا،ورصد الاستجواب 26 حالة فساد بواقع 9حالات في مدينة الإنتاج الإعلامي و15 حالة باتحاد الإذاعة والتلفزيون.

[محمد عز]

عاااادى جدا ، لان كل مسئول وخلى بالك من كلمة مسئول ويالها من كلمه تحمل معانى كثيرة ومدلالوت اكتر شايف ان اى فلوس تحت ايديه المفروض ان يبعزق بيها على مزاجه مش عارف انها فلوس شعب غلبان مش لاقي ياكل وكل يوم بيموت منه الالاف بفيروس الكبد او على شواطىء اوربا او من المخدرات او فى أقسام الشرطه!!!!!!!
حسبي الله ونعم الوكيل

[Dr Ahmed]

آمال ماهر مين؟
20 مليون إيه؟؟ جنيه؟؟؟؟
جااااااااااااااااااااااااااااااااى

[tutankhamoun]

الحل في الخصخصة
النظام الاشتراكي الذي يعتمد على ملكية الحكومة للشركات و المؤسسات فاشل ......... فاشل بكل ما تحمله الكلمة من معنى
و أنظروا إلى حال أوروبا و اليابان و أمريكا و كندا
و بالمقابل روسيا و دول شرق أوروبا و الدول التي أتبعت النظام الاشتراكي و منها نحن للآسف

الخصخصة تضمن أن صاحب المال يتابع أين يصرف ماله و أيضا يعمل على تنمية مؤسسته و شركته للنهوض بها إلى مصاف الشركات الكبرى بعكس الشركات العامة التي لا طائل من وجودها غير اهدار المال العام و سرقته و تضييع الوقت و الأمثلة كثيرة و منها شركة النصر لصناعة السيارات التي أنشئت قبل هيونداي بسبعة سنوات كالمة و أيضا أنشئت قبل شركة بروتون الماليزية بثلاثة و عشرون عاما كاملين

الرأسمالية هي أساس العمل الناجح و هي أساس الإسلام

[Dr Ahmed]

مين اللى قال ان (النظام) عندنا اشتراكى؟
(النظام) عندنا رأسمالى - اشتراكى استغلالى انتهازى بقصماتى..
بصراحة السؤال اللى مفروض نجاوبه: هو فين النظام أصلا؟؟؟

[tutankhamoun]

مين اللى قال ان (النظام) عندنا اشتراكى؟
(النظام) عندنا رأسمالى - اشتراكى استغلالى انتهازى بقصماتى..
بصراحة السؤال اللى مفروض نجاوبه: هو فين النظام أصلا؟؟؟

هو فعلا يا دكتور أنا أتفق مع حضرتك إن مفيش نظام أصلا و ده نتج عن الغاء النظام الأصلي اللي البلد كانت ماشية عليه و ادخال النظام الاشتراكي مكانه
و كل اللي أحنا بنعاني منه حاليا هي رواسب النظام الاشتراكي الفاسد

[Chicco]

بصراحة السؤال اللى مفروض نجاوبه: هو فين النظام أصلا؟؟؟

كنت حاقولها يا باشا.هو فين النظام

عزيزى توت عنخ باشا لأول مرة أختلف معاك.... تفتكر لو طبقنا الفكر الرأسمالى حال البلد حيتغير للأحسن
إنسي طلعت حرب.... بص علي رجال الأعمال الموجودين دلوقت وأنت تعرف رأيى

[tutankhamoun]

كنت حاقولها يا باشا.هو فين النظام

عزيزى توت عنخ باشا لأول مرة أختلف معاك.... تفتكر لو طبقنا الفكر الرأسمالى حال البلد حيتغير للأحسن
إنسي طلعت حرب.... بص علي رجال الأعمال الموجودين دلوقت وأنت تعرف رأيى

يا باشا بص على النظام ........ رجال الأعمال يعملون في نظام فاشل أصلا
فلازم تجد هذا التحول الرهيب في الرؤية
يعني ايام طلعت حرب باشا ...... كان فيه نظام رأسمالي و له قواعد و له قوانين
أما اﻵن فنظامنا أصلا فاشل و النظام الفاشل يجعل الناس فاسدين
لأن الناس أدوات في النظام ., فإذا تم وضع نظام جيد به ثواب و عقاب و فيه الحفاظ على حقوق الناس ما كانت الناس بهذه البشاعة
و إليك تحياتي يا باشا

[Ashraf A.Kader]

لا حول ولا قوة الا بالله0 اكيد الفلوس دي استقطعوها من فلوس الدعم اللي قارفينا بيه كل شوية!!!!!!

[ibrahimsaad]

الله يرحم الشعب اللى بيمصوا دمه كل يوم

لايوجد فى مصر نظام اصلا وانما عصابه مافيه تنهب وتسرق وتقتل

حسبنا الله ونعم الوكيل

[الريس]

في بنات في عز الليل قاعدة تصلي و تدعي .. ان خطيبها يبقى في ايده و لو تمن فستان واحد من فساتين الهانم .. علشان يعرفوا يتجوزوا و يلمهم بيت
اللي يفنجر يفنجر من جيبه مش من جيبنا

[Ahmed Samy]

طب مادام كده .... أنا لازم أسمع الست أمال ماهر كل يوم .... بفلوسي يا كناب

[WaelSalim]

والحديد يوم 1 يناير بقى ب 4050 جنية
و الطوب حصله ال 1000 طوبة غلي من 160 جنية ل 300 جنية
و الأسمنت ... و البنزين و ....
أحنا كده مرتبتنا بتقل موووووت
ربنا يستر علينا

[حماده عزو]

أللهم أرحمنا فأنت بنا راحم