Tweet
الخادمة وزوجها سرقا مجوهرات بربع مليون جنيه
سرقت خادمة نصف كيلو مجوهرات من شقة مخدومها المحامي بالوايلي وسلمتها لزوجها لبيعها وتم ضبطهما وأخطر اللواء اسماعيل الشاعر مساعد أول الوزير لأمن العاصمة. تلقي المقدم أيمن صلاح رئيس مباحث الوايلي بلاغاً من المحامي المستشار السابق بهيئة قضايا الدولة بسرقة مجوهرات تصل قيمتها ربع مليون جنيه.
توصلت التحريات التي أشرف عليها اللواء فاروق لاشين مدير الادارة العامة لمباحث العاصمة إلي ان وراء الجريمة الخادمة فايزة وزوجها المقيمين بمدينة السلام والقي العميد حسام رضا رئيس المباحث لقطاع الشمال القبض عليهما وأرشدا عن مكان بيع المسروقات وتم اعادتها واحالتهما للنيابة التي تولت التحقيق.
الكلام اللي فوق بالاخضر هو نص ما نشر بالجمهورية اليوم
اما الحقيقة ....... طبعا مختلفة تماما
1 - الاسماء الرنانة اللي موجودة دي كلها مالهاش علاقة بالموضوع تماما ..... الموضوع كله انحصر في ظابط المباحث ومعاونية من الامناء وضابط اصغر منه
2 - المسروقات بحوالي 100 الف فقط .... وطبعا بحسبة بسيطة نص كيلو الدهب اللي هوا كاتبة ب حوالي 90 الف بس .... يعني كذاب وخايب كمان مش بيعرف يحسب
3- المجني عليه هو اللي اكتشف السرقة وهو اللي بلغ عن البنت الشغالة وهما قبضو عليها في بيته بعد ما جت البيت بنفسها بعد ما المجني عليه كلمها واستدرجها علشان تيجي هيا وزوجها .... يعني لا تحريات ولا دياولو ... هما جم قبضو ع البت وزوجها من البيت واعترفو بمكان 3 صاغة باعولهم الحاجة ... طبعا بعد ما طرقعولهم تحية الصباح لكن بشويش علشان اهل البيت ما يترعبوش
4 - المباحث قبضو على صايغ واحد وجابو من عنده ذهب بما يعادل الحاجة اللي اتسرقت كعدد فقط .... يعني جابو من عنده غوايش تانية بدل اللي اتسرقت ....( يعني شال الليلة لوحده ) الاصلية طبعا اتسيحت واتباعت في الصاغة .... باقي الصاغة ال3 ماحدش سمع عنهم حاجة
5- حسب كلام اهل الصايغ ان المباحث لما جم المحل ..... خدو حاجات تانية ذهب لنفسهم غير اللي اتسلم للنيابة ... وبيقول ان المحل فيه كميرات صورت ده كله
6 - ضابط المباحث والامناء اللي معاه بصراحة بذلو مجهود جبار على مدي يومن او 3 امتد الي الساعة 2 صباحا .....ماكنتش متخيل انهم يعملو كدة ..... طلعو جدعان
7- الذهب اللي رجعوه اقل من نصف الذهب المسروق
علشان كدة لما حد يقرأ حاجة في الجرايد ..... مايصدقش الكلام بحذافيره .....
دلوقتي الصحفي الشاطر لازم يحط شوية تحابيش علشان الموضوع يبقى مثير للقراء ... ولازن ينافق الضباط علشان يجيبولو اخبار تاني ..... شيلني واشيلك
Comment