تغير محافظ الاسكندريه ...

[احمدعبدالعزيز]

أكبر حركة للمحافظين أمام الرئيس
تغيير ونقل 14 محافظا .. حسم مصير الشحات ولبيب وسعد في آخر لحظة

الخبر من جريده الجمهوريه ..

يعتمد الرئيس حسني مبارك أكبر حركة للمحافظين خلال أيام بعد أن انتهي الدكتور أحمد نظيف رئيس الوزراء من اعدادها.. والتي من المتوقع أن تتضمن استبعاد 10 محافظين ونقل 4 آخرين الي محافظات أخري.. علمت الجمهورية "الاسبوعي" أن الساعات الأخيرة من اعداد قائمة الأسماء شهدت غموضا حول مصير د.فتحي سعد محافظ الجيزة والفريق محمد الشحات محافظ مرسي مطروح واللواء عادل لبيب محافظ الإسكندرية إلا أنه تم حسم الأمر وتقرر في النهاية استبعادهم.. رشحت التوقعات ومعلومات الجمهورية خروج محافظي كفر الشيخ وشمال سيناء والشرقية والجيزة وأسوان والإسكندرية وسوهاج والدقهلية وبني سويف وبورسعيد والغربية.

[Islam_galal]

يا رب يعوض علينا بمحجوب تاني و يكون اتعلم من اخطاء المحجوب الأولاني و كل (لبيب) بالإشارة يفهم

[mino]

ما اسكندرية باظت خلاص

[m_aash]

محافظ مطروح الفريق محمد الشحات, من الناس اللى شغاله كويس تقريبا زى المحجوب لما كان محافظ للأسكندرية و اللى زار مطروح خلا السنوات اللى فاتت أكيد لاجظ التغييرات الإيجابية للمدينة من ساعة ما تولاها المحافظ ده , ياريت اللى هاييجى بعده يقدر يحافظ على المستوى ده من الإنضباط و الشكل الحضارى للمدينة و المحافظة.

[جندى مجند]

أعتقد حيبقى فى طلب جامد على القلل الفترة إللى جاية فى اسكندرية :)
محدش يفرط فى القلل اللى عنده عشان حتغلى :) :)

[احمدعبدالعزيز]

يا رب يعوض علينا بمحجوب تاني و يكون اتعلم من اخطاء المحجوب الأولاني و كل (لبيب) بالإشارة يفهم

صح يا اسلام كل ( ع لبيب ) بالاشاره يفهم وربنا يوعدنا بمحبوب تانى .

[yahyanaabil]

كان مفروض يمشو محافظ الاسكندريه ده قبل ما يرمى ملايين فى الارض وعلى الارصفه اللى مكانش ليها لازمه قالى يعنى البلد خلاص كل حاجه بقت تمام ومكنش ناقصها غير الرصيف

[aif]

ما اسكندرية باظت خلاص

اسكنديرة باظت ؟؟؟
امال القاهرة تبقي اية

[شريف]

ومحافظنا الهمام اية اخبار الكرسي

[ابوحميد]

يا ريت يجينا احنا عادل لبيب اللى انتوا مش عارفين قيمته
انا طبعا عاذركم اللى شاف مش زى اللى مشافش
ربنا يجازيه عنا كل الخير ويوضع كل اللى عمله فى ميزان حسناته
بس عندى ملحوظة فى السريع يظهر ان مبدأ (تشتغل كتير تغلط كتير تتجازى)دا ليه اصل عندنا احنا المصريين بدليل ان كتير من المحافظين جم ومشيوا ولا حد حس بيهم لانهم مش بيطلعوا من مكاتبهم ولما تجيلهم ميزانية لمحافظاتهم يرجعوها لانهم مش بيعملوا حاجة
لكن لو جانا واحد عندو ضمير وعاوز يشتغل نقول يا عم بلا وجع دماغ ونقول عليه بوظ البلد
لا اله الا الله يعنى بلد زى الاسكندرية عاوزينها تخلص فى شهر ولا اتنين ولا سنة
دا قنا اللى متجيش قد ميامى ولا الرمل بس خد فوق الكام سنة
لكن ارجع اقول ولا خلاص ممنوش فايدة

[temoo_110]

انت بتقول ايه يا ابو حميد الكلام ده فى البايظ ده اساسا عادل لبيب ده حبيب الريس لانه من اكبر اللى بالى بالك فى البلد وهو اساسا متعين لغرض معين وهو تقريبا نفذوه بس فى السكتم بكتم عارف هو ايه
مستشفى الشاطبى اللى مرداش يمضى عليها المحجوب وعلشان كده اتشال يعنى خلاص المستشفى والمجمع اتباعو وكل سنة وانتو طيبين بس لسه مجاش الوقت اللى يعلنو فيهم عن الموضوع علشان هما مش عاوزين يفتحو على نفسيهم وجع دماغ دلوقتى
ويجعلو عامر يا مصر

[ابوحميد]

معلش يا تيمو مش مصدق لسبب هوا الراجل دا من اشرف الناس اللى ممكن الواحد يسمع عنها

[Abonora]

يا ريت يجينا احنا عادل لبيب اللى انتوا مش عارفين قيمته
انا طبعا عاذركم اللى شاف مش زى اللى مشافش
ربنا يجازيه عنا كل الخير ويوضع كل اللى عمله فى ميزان حسناته
بس عندى ملحوظة فى السريع يظهر ان مبدأ (تشتغل كتير تغلط كتير تتجازى)دا ليه اصل عندنا احنا المصريين بدليل ان كتير من المحافظين جم ومشيوا ولا حد حس بيهم لانهم مش بيطلعوا من مكاتبهم ولما تجيلهم ميزانية لمحافظاتهم يرجعوها لانهم مش بيعملوا حاجة
لكن لو جانا واحد عندو ضمير وعاوز يشتغل نقول يا عم بلا وجع دماغ ونقول عليه بوظ البلد
لا اله الا الله يعنى بلد زى الاسكندرية عاوزينها تخلص فى شهر ولا اتنين ولا سنة
دا قنا اللى متجيش قد ميامى ولا الرمل بس خد فوق الكام سنة
لكن ارجع اقول ولا خلاص ممنوش فايدة

هههههههههههههه
و الله مادمت عايز لبيب اوى كده
فربنا ان شاء الله يبليك بيه
ده مصيبه من مصائب الزمن
ربنا يعفوا عنه و يرحمنا منه قريب ان شاء الله

[temoo_110]

اه واللهى ده مصيبة وعلى فكرة ده اللى كان ماسك امن الدولة واحد اكبر الافراد فى تعذيب الشيوخ الملمين وعلى الراجل ده فى المستقبل هيبى وزير الدخلية لشدة مصايبوه اللى اشد من المصيبة اللى ماسكة دلوقتى

[ابوحميد]

هههههههههههههه
و الله مادمت عايز لبيب اوى كده
فربنا ان شاء الله يبليك بيه
ده مصيبه من مصائب الزمن
ربنا يعفوا عنه و يرحمنا منه قريب ان شاء الله

كان عندنا وبنترحم على ايامه