في ناس كده؟؟؟؟؟؟؟؟!!!!!!!

[hanyelrakhawy]

أعتقد إن فيه أكتر من حلقه مفقوده فى القصه

[Car's Sniper]

يانهار اسود...جريمة زى دى وعندنا فى بلبيس كمان مع اننا ماسمعناش عنها خالص
بس ايه جنس الست دى وبنتها ..دول قتالين القتلة بيخافوا على بعض...تيجى دى تقتل جوزها اللى باين عليه انه معيشها كويس
حسبى الله ونعم الوكيل

[Eng_Mostafa_89]

حد خد باله الراجل ده خدوه كام حتة و رفضوا استقباله ؟
أظن ان الوحوش في القصة دي مش الزوجة و الإبنة و القتلة المأجورين بس

انا برضة اخدت بالى من الموضوع دة وفكرت فية كتيييير ومش اول مرة تحصل
ان حد يكون عيان او تعبان ويروح المستشفى ميرضوش حتى يكشفوا علية

كان ليا وحدة قرببتى تعبانة جدا وراحت اكتر من مستشفى وبرضة الدكاترة مرضتش تكشف عليها حتى وبرضة المستشفيات الخاصة.
وفى مستشفى من المستشفيات الممرضة طلعت قالت بنفس النص خدوها دى بتموت ودوها البيت خلوها تموت فى سريرها احسن.

نفسي اعرف لية الدكاترة هنا مبتفكرش حتى تحاول وتعمل اللى عليها وتسيب الباقى على ربنا.
الدكاترة برة مصر بتبقى هتموت نفسها علشان تلحق الحالة اللى فى ايديها.


اما بخصوص جريمة القتل دى انا مصدقها عادى جدا جدا
الواحد ياما قرء عن جرايم قتل والسبب بتاعها بيكون هايف جدا
مرة اتنين قتلوا بعض بسبب 20 جنية والاخر قتل جارة بسبب ركن العربية وهكذا

[asbeats]

حد خد باله الراجل ده خدوه كام حتة و رفضوا استقباله ؟
أظن ان الوحوش في القصة دي مش الزوجة و الإبنة و القتلة المأجورين بس

اعتقد انهم ذهبوا ليلا الى الوحدة الصحية ووجدوا الطبيب ولم يحاول الإختباء او كان غائبا.... ومحاولة التعامل مع حالة الضحية بما فيها من طعنات ونزف هي محاولة فاشلة بكل المقاييس.... ولو حاول الطبيب التعامل معها لاستحق العقوبة لأنه اضاع المزيد من الوقت فيما لا يفيد.... لأن الوحدات الصحية غير مؤهلة لذلك على الإطلاق

وطبعا...الطبيب غير مطالب بالتحرك مع الحالة خارج الوحدة .... لأنه بذلك يتخلى عن مريض آخر قد يكون في حاجة اليه...


ومثل هذه الحالات لا يستطيع اي طبيب التعامل معها الا في مستشفى جامعي كبير وليس مستشفى مركزي.... حيث يتوافر بنك دم وجراحين على مستوى عالي من الممارسة


اذن في نهاية المطاف الأطباء هم الوحوش الملامين والمذنبين رغم تواجدهم... والزوجة والأقارب الذين دبروا الحادث ثم تركوا الرجل يسبح في دمائه 3 ساعات بريئون من دمه....

[M.almaghraby]

الواحد كدا يفكر قبل الجواز بقا

[asbeats]

نفسي اعرف لية الدكاترة هنا مبتفكرش حتى تحاول وتعمل اللى عليها وتسيب الباقى على ربنا.
الدكاترة برة مصر بتبقى هتموت نفسها علشان تلحق الحالة اللى فى ايديها.

لو الدكاترة في مصر عملوا زي الدكاترة بره مصر الناس مش هتلاقي حد يعالجها....لأن الدكاتره بره مصر بيخافوا جدا من المساءلة القانونية بشكل غير عادي....واي حالة بيلاقي فيها خطورة او يشك انه مش هيقدر يتعامل معاها بيحولها بمنتهى البساطة ومحدش بيقوله انت حولتها ليه....لأن لو حاول يتعامل معاها وغلط محدش هيرحمه....ده على العكس لو نجح في علاج الحالة ممكن برضه يتعاقب لأنه عرض حياة المريض للخطر....

وتقدر حضرتك تتأكد من كلامي لو تعرف حد شغال في الخليج...مش في اوروبا ولا امريكا

[أحمد كمال]

الواحد كدا يفكر قبل الجواز بقا

شيل "قبل" و حط "بلاش"

ده مش Hypernakademia و بس .... ده كمان قتل !!!!!

[M.almaghraby]

شيل "قبل" و حط "بلاش"

ده مش Hypernakademia و بس .... ده كمان قتل !!!!!

[windofchange]

انا برضة اخدت بالى من الموضوع دة وفكرت فية كتيييير ومش اول مرة تحصل
ان حد يكون عيان او تعبان ويروح المستشفى ميرضوش حتى يكشفوا علية

كان ليا وحدة قرببتى تعبانة جدا وراحت اكتر من مستشفى وبرضة الدكاترة مرضتش تكشف عليها حتى وبرضة المستشفيات الخاصة.
وفى مستشفى من المستشفيات الممرضة طلعت قالت بنفس النص خدوها دى بتموت ودوها البيت خلوها تموت فى سريرها احسن.

نفسي اعرف لية الدكاترة هنا مبتفكرش حتى تحاول وتعمل اللى عليها وتسيب الباقى على ربنا.
الدكاترة برة مصر بتبقى هتموت نفسها علشان تلحق الحالة اللى فى ايديها.


اما بخصوص جريمة القتل دى انا مصدقها عادى جدا جدا
الواحد ياما قرء عن جرايم قتل والسبب بتاعها بيكون هايف جدا
مرة اتنين قتلوا بعض بسبب 20 جنية والاخر قتل جارة بسبب ركن العربية وهكذا

طب يا جماعة يعني الدكتور لما يرفض استقبال الحالة ده حقه القانوني ولا ده بالدراع ولا ايه بالظبط وبعدين القانون بيديني الحق اسائله قانونيا ولا لأ؟انا خالي الله يرحمه كان عنده فشل كلوي وبعدين جاله سرطان الدم فآخر يوم اتأخر في الغسيل يوم فطبعا نسبة السمية زادت فالجسم بحيث اللي عرفت توقف عضلة القلب فراح يومها مستشفي مصرللطيران ورفضوا استقباله علي اساس انو خلاص ازاااي بس وقعد ساعة عقبال مرفضوا!! وبعدين رحنا عين الحياة في النزهة الجديدة وساعتين في عين الحياة ورفضوا برده وبعدين رحنا مستشفي منشية البكري واستقبلوه نتيجة معرفة الدكتور هناك للحالة بسبب ترددها للعلاج هناك وعقبال ناتحط علي جهاز الغسيل الكلوي فاضت روحه وحسبي الله ونعم الوكيل في كل ظالم يعني انامش هحاسبك بس ادي اللي عليك

[windofchange]

عين الحياة بالأمانة حاولوا معااه وبعدين مشي منها علي اساس مفيش عندهم غسيل

[SeiffoZ]

حسه متفبرك مش عارف ليه ... الجرايد بتفبرك كتير .. .

بس فى صورة فى الخبر ... يبقى أكيد صحيح

[magomago]

الحادثه صعبه جدا
الست قلبها اسود لدرجة محاولة قتله 3 مرات...

[esraatefa]

انا مش قادرة اصدق !!!!!!!!!!!!!!!!!!!!!!!!
معقول دول حرام يتقال عليهم بنى ادميين اساسا دى الحيوانات بتحس !!
دا ابوها يا جماعة ازاى هان عليهم كدا ..دا انا وانا بقرأ والله الدمعة كانت هتفر من عينى
فعلا الاحساس دا نعمة
وكل دا علشان الفلوس دى مجرد ورق !!!

[أحمد كمال]

مش متخيل

الأب بتبقى روحه في بنته - اكتر من ابنه كمان - و ممكن يرمي نفسه قدام القطر عشانها

و بنته تفكر تقتله ؟؟؟؟؟؟؟؟

[Mzeid]

لا حول و لا قوة الا بالله العلي العظيم
ايه دة يا جماعة
خلاص يعني هي وصلت لكدة البنت تقتل ابوها و الام تحرض
عليه العوض في البلد دي