29 في حوادث بسبب الضباب

[tutankhamoun]

لقى 29 على الأقل مصرعهم وأصيب 16 آخرين في حادث تصادم عدة سيارات على أحد الطرق السريعة خارج القاهرة بسبب الضباب.

وقالت مصادر أمنية صباح الخميس إن الحادث وقع عندما اصطدمت أتوبيس بميكروباص جنوب شرق القاهرة ، ما أدى إلى تدافع السيارات واصطدام ست سيارات على الأقل بالأتوبيس والميكروباص بسبب الضباب وضعف الرؤية على الطريق. وذلك نقلا عن وكالات الأنباء

وأكدت المصادر الأمنية ذاتها أن عدد الضحايا نحو 29 شخصيا والمصابين بعضهم حالته خطيرة. يشار إلى أن الأحوال الجوية السيئة خاصة في فصل الشتاء وفترة الليل وقبل شروق الشمس تتسبب في حدوث مثل هذه الحوادث التي يروح ضحيتها العشرات سنويا.


هذا تعليق أحد القراء على الموقع

لماذا لا نريد أن نعترف بأن الطرق عندنا سيئة و ليس فيها خدمات و نلقى باللوم دائما على الأحوال الجوية و رعونة السائقين و ما شابه أليست لندن مدينة الضباب لماذا لا نسمع عن كل هذا العدد من الضحايا فى لندن

و بذلك لو كل الناس بتفكر بنفس هذه الطريقة و يلوموا الحكومة على كل صغيرة و كبيرة
يبقى مفيش فايدة لغاية مليون سنة جاية

قال لندن قال
طيب الناس في لندن ملتزمين بالقانون بطريقة فظيعة مش زي البها**** اللي هنا
سامحوني يا جماعة الإيحاء بهذه الكلمة و لكني أتخنقت من الغباء و الفوضى المنتشرين
.................
في مصر مرة كنت سايق السنة اللي فاتت و الضباب كان فظيع
و الله العظيم سواقين الميكروباصات كانوا بيعملوا غرز و أنا أصلا مش شايف غير نور الانتظار بتاع العربية اللي قدامي بس
و حسبي الله و نعم الوكيل
الشعـــــــــــــــــب هـــــــــــــو اللـــــــــــــي عامـــــــــــــل فـــــــــي نفـــسه كــــدا

[hero]

انت محتاج تريليون سنة ....مش مليون واحد علشان الناس تفهم يعني اية ثقافة مرورية....
بعد ما يفهموا...باقي انواع الثقافات...المهمة لحياة البني آدم حياة تليق بآدميتة...

[tmz9111]

ربنا يسترها معانا

[NaderNabil]

واحد صاحبي حصلت قدامه الحوادث ديه كلها النهارده الصبح...كانت علي طريق الكريمات الساعة 7:30 صباحا...و صحاني من النوم مخصوص عشان يحكيلي اللي شايفه بعنيه بيحصل :(.....حاجة بشعة....و الأدهى ان المكروباصات بتجري و هي مش شايفة حاجة...و واحد منهم لبس في ترللة و اتدمر تماما جمب صاحبي علطلول :(

و كانوا مولعين نار في وسط الطريق مكان الحادثة بتاعة الترلتين اللي خبطوا في بعض و واحدة منهم هرست ميكروباص....عشان الشبورة كانت فعلا مش مبينه أي حاجة

[SEATLOVER]

لما يكون الشعب ارفان من عيشتة و مايهموش يعيش او يموت ..ما تطلوبش منة يبقى (عندة ثقافة مرورية ) دى الحقيقة اللى لازم نواجة نفسنا بيها و اللى هاتشوفها فى اى عنيين سواق اجرة فوقيك .للاسف .
مثلث برمودا (فقر -جهل-مرض)

[wawoo]

الترلتين اللي خبطوا في بعض و واحدة منهم هرست ميكروباص....عشان الشبورة كانت فعلا مش مبينه أي حاجة

الحمد لله على سلامت صحبك , وربنا يرحم الشهداء دول و يسترها معانا كلنا , و ياريت صحبك يكتب اللى حصل بالتفصيل و يحاول ينشر الكلام دة وياريت يكون عبرة للكل وسائقين المكروباس دول لازم يكون فى حل معاهم و فى استهترهم بارواح الناس اللى معاهم عشان خاطر كما جنية زيادة , لازم يتم تحديد السرعة للميكرو باس دة عشان التهور و الامبلاة دى بتعتهم .

[NaderNabil]

مصرع28 شخصا وإصابة24 في حادث مروع بطريق الكريمات
تصادم بين15 سيارة منها5 نقل محملة بالطوب بسبب الشبورة


فرق النقاذ تتابع السيارات المتصادمة التى تحولت الى حطام

في حادث مأساوي مروع, لقي28 شخصا مصرعهم, بينما أصيب24 آخرون, في واحدة من أسوأ حوادث الطرق في الفترة الأخيرة, حيث اصطدمت15 سيارة علي طريق الكريمات الجديد في السابعة من صباح أمس, بسبب الشبورة المائية الكثيفة والسرعة الجنونية لقائدي السيارات, وبدأ الارتطام باصطدام سيارة ميكروباص أجرة وأخري نقل وجها لوجه, في مشهد عنيف, مما أدي إلي انقلاب الميكروباص وتهشم مقدمة النقل التي كانت محملة بالطوب, وتبع ذلك ارتطام السيارات بعضها ببعض لانعدام الرؤية والسرعة الكبيرة, ومن بينها5 سيارات نقل محملة بالطوب والرمال, وقد تحولت سيارات الركاب المتصادمة إلي حطام يقبض علي جثث الضحايا التي تناثرت علي الطريق وسط نافورة من الدماء الغزيرة.

وأمر المستشار عبدالمجيد محمود النائب العام بسرعة إجراء التحقيقات في الحادث, لتحديد المسئولية الجنائية والمدنية, وأجرت النيابة العامة معاينة لمكان الحادث والسيارات, وصرحت بدفن جثث المتوفين, وأمرت بتشكيل لجنة فنية لمعاينة السيارات.

جريدة الأهرام الجمعة 8\2\2008