ضحية جديدة للتعذيب ...

[Tamer-Ezzat]

التحقيق في بلاغ دبلوماسية إيطالية بتعرضها للضرب والاحتجاز داخل قسم المقطم




كتبت ـ فاطمة الدسوقي: تحقق نيابة حوادث جنوب القاهرة في بلاغ سيدة دبلوماسية ايطالية الجنسية ضد عدد من ضباط وأمناء الشرطة بقسم المقطم لاعتدائهم عليها بالضرب واحتجازها بدون وجه حق داخل القسم وذلك عندما توجهت للقسم لتحرير محضر ضد مقاول حاول نقل أمتعته بالقوة داخل فيلا المجني عليها مستغلا سفر زوجها الدبلوماسي للخارج


وأثناء تحرير المحضر اتهمها ضابط الاستيفاء بسرقة لاب توب صديقة المقاول ثم انهال عليها ضربا بمساعدة امناء الشرطة وبرغم ان النيابة أمرت بإخلاء سبيلها الا أن الضابط أصر علي احتجازها داخل القسم حتي أطلقت سفارة دولتها بمصر سراحها وتم اخطار المستشار محمد غراب المحامي العام الأول لنيابات جنوب القاهرة وأمر باحالة المجني عليها الي الطب الشرعي لتوقيع الكشف عليها وبسؤال الشهود من داخل القسم واستدعاء الضباط وأمناء الشرطة المشكو في حقهم لسؤالهم.
كشفت التحقيقات, التي باشرها كريم بربري مدير نيابة حوادث جنوب القاهرة عن أن المجني عليها ناشطة دبلوماسية في هيئة الأمم المتحدة وتحمل الجنسية الايطالية ومتزوجة من دكتور مصري يعمل بهيئة الأمم المتحدة وتقيم معه داخل فيلا بمنطقة المقطم ومنذ عامين اتفق زوجها مع أحد المقاولين ببناء دورين في الفيلا وطلب منه المقاول شراء دور لنفسه ودفع له مقدما واتفقا علي أن يكون باقي ثمن الدور30 أقساطا شهرية الا أن المقاول امتنع عن سداد الأقساط وأقام صاحب الفيلا دعوي ضد المقاول أمام المحكمة وحصل علي حكم قضائي بفسخ عقد البيع وفي اليوم التالي لتنفيذ الحكم اكتشف المقاول سفر الدبلوماسي صاحب الفيلا في مهمه عمل للخارج وتيقن أن زوجته وابنه الشاب يقيمان بمفردهما داخل الفيلا وحاول وضع امتعته بالقوة داخل الفيلا الساعة الرابعة فجرا واستغاثت السيدة الايطالية بالنجدة وبعد أن حضروا اليها طلبوا منها التوجه لقسم شرطة المقطم لعمل محضر اثبات حالة ضد المقاول وعندما طلبت الاتصال بسفارة دولتها انهالوا عليها ضربا وركلا ثم احتجزوها داخل حجز القسم هي ونجلهما.


الاهرام 5/7/2010

المرة دى مفيهاش لفافة ليه ؟؟؟؟

[AhMeD EzZ]

عشان الست شعرها اصفر ؟؟؟!!!!! :))
رايحة علي فين تاني يا بلد

[X_MM_X]

كده خبطوا في الحلل وهايخدوا هما اللفافه

[shaddadfalcon1]

وفيه موضوع الواد بتاع التوك توك بتاع المنصوره كمان

[m_mekkawy]

خليهم يلبسوا بقى
والله لو كانت مصريه مكنش حد عبرها فى الجزمه القديمه

[n_i_t_e]

مش عارف ليه حاسس أن فى حاجة ناقصة و أن مش دي القصة كاملة أبدا.
حادثة الضرب بتحصل بما يتحقق شرطين...أن اللى بيضرب أخلاقه وحشه و مش كل ضابط أخلاقه وحشة.و اللى بينضرب مش مسنود.
طب دي واحدة أجنبية يعنى ليها سفارة بتجري عليها و فضايح دولية و كده و الحاجات دي متتفوتش. ده غير أن بافتراض أن الشرط الأول متحقق فمش منطقى يكون اللى ضرب بالغباء يعمل الكلام ده اليومين دول و الدنيا مقلوبة على الموضوع ده بالذات.
فى حاجة ناقصة....
بكرة نشوف

[m_car]

انا عاوز كل يوم واحد ينضرب وواحد يموت على ايديهم لغاية ما الوضع يزداد نار ونار لحد النار دى ما هتكلهم واحد ورا التانى

[m7nsh]

مش عارف ليه حاسس أن فى حاجة ناقصة و أن مش دي القصة كاملة أبدا.
حادثة الضرب بتحصل بما يتحقق شرطين...أن اللى بيضرب أخلاقه وحشه و مش كل ضابط أخلاقه وحشة.و اللى بينضرب مش مسنود.
طب دي واحدة أجنبية يعنى ليها سفارة بتجري عليها و فضايح دولية و كده و الحاجات دي متتفوتش. ده غير أن بافتراض أن الشرط الأول متحقق فمش منطقى يكون اللى ضرب بالغباء يعمل الكلام ده اليومين دول و الدنيا مقلوبة على الموضوع ده بالذات.
فى حاجة ناقصة....
بكرة نشوف

متفق مع حضرتك تماماااا
و لو انى نفسى يكون الموضوع كده بالظبط .. عشان يتطرقع على دماغه صح الأخ اللى عملها كده ده .. لأن الحجات دى عندنا بقت عادى تقريبا بس واحده ايطاليه و ليها ضهر .. يبقى ان شاءالله ربنا هيخلص حقوق ناس بناس تانيين

[memoo305]

كده خبطوا في الحلل وهايخدوا هما اللفافه

+111111111111
بس ياجماعة موضوع أن الشرطة المصرية تعتدي على أجنبي ده مش منطقي خالص إلا لو كانت الست دي مصرية معاها جنسية إيطالية بعيني مش باين أنها أجنبية . وإلي زايد الطينة بلة أنها زوجة دبلوماسي.... لالالا أكيد في حاجة غلط
عل العموم لو كانو مهيسين على الأخر وعملو كده بيقى أكيد هيتعمل فيهم زي الرأي إلي فوق

[أحمد كمال]

أكيد هي مصرية متجنسة عشان كده ماخدوش بالهم انها مش مصرية

و زمان اللي ضربوها دلوقتي بيبوسوا جزمها و جزم اللي خلفوها عشان تتنازل ..... بس عند طنط ام ترتر طبعا .....

[ganash]

هيه الناس دى مبترحمش
لا حول ولا قوه الا بالله
حسبى الله ونعم الوكيل

[ahmedbeirut123]

عادى اكيد المقاول مصاحب او مقبض رئيس المباحث مثلا

[M.ABDEEN]

ربنا يرحمنا برحمته