منقول : تهشم سيارة مواطن حاول تجاوز موكب السفيرة الأمريكية!

[karaktar]

قطع الحراس الأمريكيون لسفيرة الولايات المتحدة الأمريكية في مصر مارجريت سكوبي الطريق على سيارة مواطن مصري ما دفع بسيارته إلى أعلى الرصيف وتسبب لها في تلفيات في الوقت الذي نجا فيه المواطن من الإصابة بأي أذى.

وذكرت صحيفة "الأهرام المسائي" الأحد الواقعة بالتفصيل ، إذ كانت سكوبي قد تفقدت مخازن المعونة الأمريكية في منطقة زهراء المعادي وخلال عودتها لمقر السفارة في جاردن سيتي بمرافقة طاقم حراستها الأمريكي حاول أحد المواطنين بسيارته الملاكي تجاوز موكب السفيرة.

المواطن حاول تجاوز الموكب مستخدما آلة التنبيه أكثر من مرة لإفساح الطريق له بالمرور إلا أن طاقم الحراسة الأمريكي انحرف بسياراته عمدا نحو سيارة المواطن وأغلقوا عليه الطريق عليه لمنعه من تجاوزهم ما دفعه بسيارته إلى أعلى رصيف الطريق!!

-------------

[Samir Elshahawy]

دي بقي البلطجة الامريكية في شوارع مصرية
أنا لو منه ... أرفع قضية فورا علي السفارة الامريكية و قضية تانية علي السفيرة نفسها و مش بس هنا لأ في امريكا كمان

[ahmed88hassan]

اكيد هيطلعوه في الأخر غلطان
ده لو مكنش هوه استرخم وصمم انه يتخطاهم بالعافية لأن اساسا الحالات اللي زي كده بيبقي الموكب ده بيجري في الطريق مش ماشي بقي متسلطن وبتاع زيينا
فـ اكيد هوه حب يعمل نمرة عليهم

[Dojuar]

.

المواطن حاول تجاوز الموكب مستخدما آلة التنبيه أكثر من مرة لإفساح الطريق له بالمرور إلا أن طاقم الحراسة الأمريكي انحرف بسياراته عمدا نحو سيارة المواطن وأغلقوا عليه الطريق عليه لمنعه من تجاوزهم ما دفعه بسيارته إلى أعلى رصيف الطريق!!

تحس ان Jason Statham هوا اللي كان سايق!!!

ودول عربياتهم ايه...مصفحة من اولها لاخرها يعني لو مخدش باله كان زمانه اتعجن

[Ahmed Samy]

هو اللي خبط دماغه في الحيط و فاكر انه مش هايجيب دم

ولما يقدر يتواجد في شارع واحد مع موكب رسمي مصري يبقى يرفع قضية على موكب السفيرة اللي كتر خيرها سابته يمشي وراها

ده واحد مش عارف مصلحته ..ما يمشي في حاله هو الموكب يعني معمول و العربيات و الحرس جايبينهم علشان يسيبوا أي حد يعدي جنبهم و يكلكس ....ما كان ياخدهم غرزة بالمرة

[zakiali]

الحرس الخاص ليه الحق في الدفاع بالطريق دي من غير تفكير .. لأن ممكن السياره دي تكون مفخخه واللي عمل كده الصراحة وحب يعمل فيها ستيف واندر وهو شايف الأعلام الأمريكية وعربيات الفورد اكسبيديشن المصفحة وراها .. غبي الصراحة وكويس انهم مضربهوش بالنار كمان .. يحمد ربنا ان أمن الدولة مخدهوش ونفخوه هو وعيلته كلها

[karaktar]

الحرس الخاص ليه الحق في الدفاع بالطريق دي من غير تفكير .. لأن ممكن السياره دي تكون مفخخه واللي عمل كده الصراحة وحب يعمل فيها ستيف واندر وهو شايف الأعلام الأمريكية وعربيات الفورد اكسبيديشن المصفحة وراها .. غبي الصراحة وكويس انهم مضربهوش بالنار كمان .. يحمد ربنا ان أمن الدولة مخدهوش ونفخوه هو وعيلته كلها

بصراحة تعليق فى الجون

[karaktar]

بس يجماعة تحسو ان مبقالناش قيمة فى اى بلد حقيقى المصريين بيتمرمطو فى كل حته وحتى فى بلدهم مايقدروش ياخدو حقهم

[M.Osama]

هوا اللي غبي ويستاهل اللي جراله

خلاص يعني ضاقت بيك عاوز تتخطي موكب السفيره وسفيرة امريكا كمان يعني قلق ما بعده قلق

دا قافلين الشارع اللي رايح للسفاره دا اقل واجب انهم زنقو عليه بس مبلغوش عنه

[Ralliart]

تهشم سيارة مواطن حاول تجاوز موكب السفيرة الأمريكية!






قطع الحراس الأمريكيون لسفيرة الولايات المتحدة الأمريكية في مصر مارجريت سكوبي الطريق على سيارة مواطن مصري ما دفع بسيارته إلى أعلى الرصيف وتسبب لها في تلفيات في الوقت الذي نجا فيه المواطن من الإصابة بأي أذى.

وذكرت صحيفة "الأهرام المسائي" الأحد الواقعة بالتفصيل ، إذ كانت سكوبي قد تفقدت مخازن المعونة الأمريكية في منطقة زهراء المعادي وخلال عودتها لمقر السفارة في جاردن سيتي بمرافقة طاقم حراستها الأمريكي حاول أحد المواطنين بسيارته الملاكي تجاوز موكب السفيرة.

المواطن حاول تجاوز الموكب مستخدما آلة التنبيه أكثر من مرة لإفساح الطريق له بالمرور إلا أن طاقم الحراسة الأمريكي انحرف بسياراته عمدا نحو سيارة المواطن وأغلقوا عليه الطريق عليه لمنعه من تجاوزهم ما دفعه بسيارته إلى أعلى رصيف الطريق!!



انا حاسس بالعجز ومش عارف اعلق على الخبر

[kimo-nubira]

انا حصلي موقف شبيه لده بس مع الفارق ان الشخصيه مصريه ومحترمه

كنت مره ماشي في شارع شهاب في المهندسين وفي الصيف والشارع ده للي ميعرفوش

زحمه جدا واخره عربيتين جمب بعض وسعات اللي راكنتين صف تاني بيخلي الطيرق حاره واحده فقط

معايا سعتها عربيه فيات 131 وكان راكب واحد صاحبي جمبي المهم الطريق كان واقف اصلا وكان فيه عربيه

شيروكي وريا راكب فيها اتنين ( مش متفيمه ولا عليها اي اعلام ) لاقيته علق ايده علي الكلاكس والايد التانيه

علي النور والطريق اصلا واقف بيتحرك متر ويقف تاني وهاكذا وهو فضل علي الوضع ده شويه كتير في اول فرصه

اخدت يمين الطريق وقولتله عدي وريني هاتعمل ايه المهم راح الاخ المحترم اللي راكب جمب السواق شتمني

لاحظو اني كنت في اليمين عايز ارجع بقي ورا الشيروكي علشان اجيبه واضربه وانا باخد الشمال تاني لاقيت عربيه

مرسيدس سوده عايزه تلزق ورا الشيروكي وانا كمان عايز اجيبه قعدت ازنق علي المرسيدس اووووي علشان ادخل قبله

لحد مكان الراجل هايلبس في الرصيف وفجأه لاقيت الاخ اللي شتمني طلع بنص جسمه من ازاز الشيروكي وموجه ناحيتي

ســــــلاح في نفس الوقت ده كان لاقيت صاحبي اللي جمبي قالي بص علي المرسيدس بسرعه ببص لاقيت الازاز اللي ورا

اتفتح ولاقيت عمرو موسي بيبصلي ومبتسم اه والله الراجل ده انا بحبه جدا قولتله اتفضل حضرتك يافندم طريق السلامه

وسابني ومشي ولا اي حاجه حصلت علشان ده راجل محترم وبجد كان نفسي يمسك مصر في يوم من الايام

[Kazzaz]

ما طبيعي ده اللي يحصلوا يعني ... امال الامن موجود لييه ؟ ما ممكن كانوا فاكرين ان العربيه مفخخه مثلا

[damasry]

ياااااااه

انا حصلى نفس الموقف ده كذا مرة

مرة فيهم مع موكب الريس ومرة تانية مع موكب حرم الرئيس.

اول مرة كنت رايح انا ووالدىاستقبل اختى اللى جايا من السفر وماشى فى صلاح سالم ومرة واحدة لقيت الطريق فاضى من حواليا وانا مش عارف ليه ومرة واحدة عند بوابة مطار الماظة اللى بعد مستشفى الجلاء (اللى بيمشى من هناك عارف ان البوابة دى مش بتتفتح خاااالص) لقيت موكب الريس طالع وماشى جنبى.

طبعا طلعوا وداسوا بنزين وطلعو ا كوبرى المطار عشان كان رايح يستقبل رئيس اجنبى واحنا كملنا عادى خالص ولما رحنا المطار واستقبلنا اختى لقيتهم قافلين مخارج المطار ومحدش يخرج غير لما الريس يمشى وفضلنا كده بتاع ساعة والعربيات ازدحمت جدا.

تفسيرى اننا عدينا من اخر نقطة بتقفل الطريق قبل الرئيس (مش عارف ازاى) ولو كنا معدناش كان زمانا مقفول علينا الطريق ورا زى الناس اللى اكيد الطريق كان مقفول عليهم، يعنى لما كنا ماشيين فى الطريق كان فاضى جدا عشان محدش يتوقع ان عربية تمشى جنب الموكب ولما رحنا المطار وانضمينا لبقية الشب اتطبق علينا نفس الاجراءات اللى بتتطبق يوميا فى حالة مرور المواكبالرسمية.

الظريف بقى ان محدش علق خالص او رخم لما الموكب عدى من جنبنا بس اكيد اكيد الناس اللى مسئولة عن قفل الطريق اتجازت اوووى.

[ahmedhilmy]

المواضيع دي مفيهاش هزار ملقاش الا موكب السفيرة الامريكية و يحاول يعديه انا بسبب حاجة زي دي بس مع شخصية مصرية ادبست في 2500 جنيه مخالفات علي رخصة قيادتيبس مشكلتي اني دخلت الشارع بحسن نية و انا معرفش انهم موقفين الطريق علشان في موكب معدي و الحمد لله مش عارف هعمل ايه في المخالفات دي لما اروح اجدد.

[Dr.Mostafa Anwar]

طبعا الناس كلها هتدخل تلعن سلسفين الجكومه وامريكا لكن انا عندى رأى مختلف شويه
وهو ان المواطن هو اللى غلطان