انقلاب سيارة محملة بالمواد البترولية على الطريق الدائري واصطدامها بـ 4 سيارات

[أبومعاذ]

القاهرة- محرر مصراوي- أنقذت العناية الإلهية منطقة الطريق الدائري بالبساتين من كارثة محققة يوم السبت إثر انقلاب سيارة نقل محملة بكمية كبيرة من المواد البترولية واصطدامها بأربع سيارات ملاكي .

وكان قسم شرطة البساتين قد تلقى بلاغا من عمليات نجدة القاهرة بانقلاب سيارة نقل "فونطاس" محملة بكمية كبيرة من المواد البترولية واصطدامها بأربع سيارات ملاكي .

وبالانتقال والفحص تبين أنه أثناء مرور السيارة النقل أعلى الطريق الدائري بدائرة قسم شرطة البساتين أختلت عجلة القيادة في ايدى سائقها بسبب السرعة الزائدة أثناء محاولته تجاوز إحدى السيارات ما أدى إلى انقلاب السيارة واصطدامها بأربع سيارات ملاكي وتسرب حمولة السيارة على الطريق .

وهرعت على الفور قوات الدفاع المدني والإطفاء بالقاهرة إلى موقع الحادث وتمكنت من إزالة أثار المواد البترولية المسكوبة على الطريق ومنعها من الاشتعال .

وأشارت التقارير الأولية عن الحادث إلى إصابة المدعو محمد على أحمد " 30 عاما " سائق إحدى السيارات الملاكي بجروح وكدمات متفرقة بالجسم وتم نقله إلى مستشفى البنك الأهلي لتلقى العلاج اللازم ، حيث تحرر عن ذلك المحضر اللازم وأخطرت النيابة العامة لمباشرة التحقيق.

واضح إن البيه كان بياخد غرزة بالعربية النقل قامت اتقلبت بيه حسبنا الله و نعم الوكيل

[Ayman_Abdullah]

أنا قبل ما أطلع على الدائرى بحس انى رايح أعمل عملية أستشهادية
و بعد اقرا ما تيسر من القرأن
و أربط الحزام الناسف (الأمان) و أتكل على الله و لما أوصل ل 90 يبقى رضا
و ربك بيستر
لسه واحد معاية فى الشغل كان بيورينى الحادثة دى على الموبايل و كان فيها شوية عربيات محترمة راحت تحت رجلين السائق الغرزجى كان منهم شيروكى و تويوتا و شوية حاجات حلوة كده حوالى خمسة ستة عربيات

و على رأى توت اللهم خلصنا من بتوع الغرز المجانين

[أبومعاذ]

أنا قبل ما أطلع على الدائرى بحس انى رايح أعمل عملية أستشهادية
و بعد اقرا ما تيسر من القرأن
و أربط الحزام الناسف (الأمان) و أتكل على الله و لما أوصل ل 90 يبقى رضا
و ربك بيستر
لسه واحد معاية فى الشغل كان بيورينى الحادثة دى على الموبايل و كان فيها شوية عربيات محترمة راحت تحت رجلين السائق الغرزجى كان منهم شيروكى و تويوتا و شوية حاجات حلوة كده حوالى خمسة ستة عربيات

و على رأى توت اللهم خلصنا من بتوع الغرز المجانين

ياريت لو عندك الصور دي تحطها

[elpasha009]

أنا شفت الحادثة بعيني امبارح فعلا حاجة مسخرة بجد.أنا مش عارف عمل اللي عمله ده ازاي.؟؟؟؟؟؟!!!!
تخيلو يا جماعة وأنا راجع من القاهرة لطنطا امبارح الساعة 1 بليل سواق نقل مقطورتين محملة برده منتجات بترولية اقسم بالله العظيم كان ماشي على 140 وبياخد غرز وجه لحد عندي وفرمل جامد بس أنا حلفت بالله مش معاديه حتى لو هموت فيها وفضلت ممشيه على 100 مسافة 20 كيلو بس طبعا كان لازق فيا من وره

[أبومعاذ]

تخيلو يا جماعة وأنا راجع من القاهرة لطنطا امبارح الساعة 1 بليل سواق نقل مقطورتين محملة برده منتجات بترولية اقسم بالله العظيم كان ماشي على 140 وبياخد غرز وجه لحد عندي وفرمل جامد بس أنا حلفت بالله مش معاديه حتى لو هموت فيها وفضلت ممشيه على 100 مسافة 20 كيلو بس طبعا كان لازق فيا من وره

طب متعملش كدا تاني عشان في ناس منهم بتبقى محششة و مش شايفين قدامهم و ممكن لاقدر الله يخبطك

[eng_mkhalaf]

نفس الحادثة كانت فى طريق القطامية من يومين ومن ساعتها اللجان مشكلة جامدة