بالصور .. أين أفطر رئيس الوزراء ؟؟

[Abdo_Eldesokey]

والله أنا أتمنى يكون اللي حضراتكم مؤمنين بيه ومصدقينه بخصوص حماس و غيرها حاجة صحيحة. ولكن الواقع بيقول التالي :

1- الراجل رايح يفطر مع ناس فقيرة

2- الراجل عداه العيب ولابس لبس عادي و مفيش في نيته أي حاجة خالص "نحسبه كذلك "

بس هتلاقي مشكلتين في النظرية دي :

1- اللي بيعمل خير مبيقولش و مبيروحش يقول انا عملت وسويت وكيت وكيت وكيت. والمنتدى هنا نموذج على كدا. في أعضاء هنا كتيييير ياما شاركوا بحاجات وبمبالغ وبأكل وبهدوم وعمر ما حد منهم قال انا عملت .

2- ان الراجل مش بس قال انا عملت وسويت. لا راح مصور اللي عمله ونزله في الصحافة والاعلام والحقوا شوفوني وانا بعمل خير وتقي ولابس جلبية.

على كدا كل من عمل خير هنا في المنتدى يروح يتصور مع الغلابة اللي ساعدهم و يوري للناس حالهم قبل...وبعد؟ ويتصور معاهم بالاكل اللي جابهولهم والجلابية؟ :)


رغم كل دا..فياسيدي ربنا يجعله في ميزان حسناته لإن الله أعلم بالنيات :)

في حالة حكومة حماس مطلوب إظهار النموذج الإسلامي في الحكم

يعني رئيس الوزراء لما بيطلع يعمل عمل خير فهو لا يمثل اسماعيل هنية ، لكن يمثل حكومة حماس

زي ما كان سيدنا أبو بكر الصديق بيعمل مع المرأة العجوز ، هل معنى إن السيرة نقلت الموقف ده إن ده ينقص من ثواب أبو بكر ؟؟

[r0xer]

في حالة حكومة حماس مطلوب إظهار النموذج الإسلامي في الحكم

يعني رئيس الوزراء لما بيطلع يعمل عمل خير فهو لا يمثل اسماعيل هنية ، لكن يمثل حكومة حماس

زي ما كان سيدنا أبو بكر الصديق بيعمل مع المرأة العجوز ، هل معنى إن السيرة نقلت الموقف ده إن ده ينقص من ثواب أبو بكر ؟؟

بدون ماأدخل في كلام كبير نظراً لأن المنطق فاسد فلا يجوز التدليل على ما هو موجود أصلاً في النبي عليه الصلاة والسلام وصحابته و ال بيته. ولكن كل ماوصلنا من روايات غرضها التعليم و المعرفة مش الدعاية!

حكومة حماس لا تمثل النموذج الإسلامي للحكم...بل تمثل نفسها وتمثل الإخوان المسلمين فقط. لايوجد نموذج إسلامي في الحكم طالما لا توجد دولة إسلامية و خليفة للمسلمين.


أبو مريم : بيعملوا والله و فاتحين موائد كتيرة جدا جدا وبيكسوا الناس و يجيبوا لهم هدوم ولعب أحيانا كمان وقدام عيني و يمكن قدام عينك كمان ...لكن تفتكر هي معمولة لوجه الله ولا عشان انتخابات مجلس الشعب اللي قربت؟ :) . اهو دا نفس المنطق برضو.

[Abdo_Eldesokey]

بدون ماأدخل في كلام كبير نظراً لأن المنطق فاسد فلا يجوز التدليل على ما هو موجود أصلاً في النبي عليه الصلاة والسلام وصحابته و ال بيته. ولكن كل ماوصلنا من روايات غرضها التعليم و المعرفة مش الدعاية!

حكومة حماس لا تمثل النموذج الإسلامي للحكم...بل تمثل نفسها وتمثل الإخوان المسلمين فقط. لايوجد نموذج إسلامي في الحكم طالما لا توجد دولة إسلامية و خليفة للمسلمين.

طب ما هو الي حماس بيعملوه ده غرضوا التعليم والمعرفة بردوا ، بيقولوا يا حكام العرب ، حسوا على دمكوا ، وانزلوا وسط شعوبكم

وأنا شايف إنه حماس تمثل النظام الإسلامي في الحكم لأن مرجعيتها القرآن والسنة ، حضرتك شايف غير كده دي ترجعلك

والخلافة الإسلامية دي مش هتيجي مرة واحدة ، ما هو لازم تيجي على خطوات ، زي خطوة غزة وخطوة تركيا ، وعقبال باقي الدول

[grumby78]

والهي ياسيدي الفاضل الراجل ده مسئول عن الاقتتال الفلسطيني الفلسطيني -الحمساوي الفتحاوي - اللي كلنا شفناه وشفنا نتايجه الكارثيه على القضيه الفلسطينيه ورفضه القبول بورقة الصلح المصريه
وحماس كمان اللي الراجل ده في قيادتها مسئوله عن مقتل الجندي المصري الغلبان اللي مالوش في حاجه ولا يعرف ده ولا ده
وحماس دي كمان اللي ابن احد قيادتها واللي عايش في امريكا تعاون مع الموساد وأدى معلومات لقتل واغتيال احد قادتها في دبي
وحماس دي كمان اللي قتلت بدم بارد وبدعوى الخيانه مئات من المنتمين لفتح وطردتهم من غزه وشردت اسرهم
وهما دول كمان اللي حولوه غزه الى افغانستان اخرى وتجربة طالبان
وهما كمان تجارة الانفاق اللي كسبوا ملايين من تهريب البضائع عبر الحدود مع مصر وبيعها والكسب منها لشعبها في غزه
وهوا ده كمان اللي رفض اقتراح لعمل انتخابات ومش عاوز يسيب الكرسي مع ان حكومته اصلا مقاله
وهوا كمان نفس الراجل اللي بيتعاون مع ايرن الشيعيه وبياخد منها الاموال مقابل تنفيذ السياسه الايرانيه في المنطقه حتى ولو على حساب القضيه الفلسطينيه نفسها
وهوا كمان اللي مخلي اسرائيل فرحانه ومبسوطه وعاجبها اوي اللي بتعمله حماس من تفريق للفلسطينيين في شبه دولتين وهما لسه مابقوش كيان اصلا
حماس بدأت كفكره اسلاميه قامت على مساعدة الناس ومد يد العون لهم والمقاومه لليهود ولكن افسدتها السياسه
هي هي حماس بتاعت اليومين دول اللي ماضربوش بمب العيد حتى على اسرائيل عشان الوضع كده تمام واخر حلاوه
كل ده وييجي الراجل يلبس الجلابيه ويجيب ناس تصور الحدث المهم ده وهو بياكل مع ناس معدومه هو اصلا شارك في وضعها ده و الا فلماذا يحكم؟؟ وصور ياجدع الزعيم بياكل مع الغلابه
وتشبيه الراجل ده اوغيره بالصحابه موضوع غريب جدا ولا أوافق عليه بتاتا . الصحابه عمرهم مارفعوا سيوف على بعض ولا اقتتلوا داخليا ولو اراد هو او غيره خيرا فليدع الشعب الجائع يقرر بالانتخاب مره اخرى ...

[r0xer]

هو طبعا لايمكن التعلم من قتلة أبناء شعبهم أصلاً و التمثيل بجثث أبناء بلدهم من المسلمين برضوا. ولكن طالما حضرتك شايف إنهم نموذج يحتذى بيه فدا شيء يرجعلك بالتأكيد و الإختلاف في الرأي لا يفسد للود قضية. ولكن أمثال حماس و إيران و بن لادن و غيره هم سبب نفور الغرب من الإسلام.


ثم بخصوص الشريعة،ياسيدي الفاضل لايجوز تطبيق شريعة إسلامية إلا بالكامل.

معلش لو تسمحلي حضرتك : هو حضرتك دارس شريعة الأول ؟

طيب هل يجوز تطبيق حدود السرقة طالما أنه لا يوجد بيت للمال لاعطاء المساكين و الفقراء؟

أكيد لا يجوز...طيب هل يجوز تطبيق قانون الجزية و الناس مبيتاخدش منها اصلا زكاة؟ اكيد برضو مينفعش. وهكذا وهكذا أمور.

فبالتالي لايمكن تطبيق الشريعة الإسلامية هكذا دون منطق أو عقل إلا في وجود الضوابط اللازمة كما كان في السابق و هي وجود مشروع نهضوي إسلامي وليس مجرد تشريعات على ورق تنفذ عند الحاجة كما هي الحالة الأن في ايران و حماس و افغانستان وغيرها!

والله أعلم

[Abdo_Eldesokey]

والهي ياسيدي الفاضل الراجل ده مسئول عن الاقتتال الفلسطيني الفلسطيني -الحمساوي الفتحاوي - اللي كلنا شفناه وشفنا نتايجه الكارثيه على القضيه الفلسطينيه ورفضه القبول بورقة الصلح المصريه
وحماس كمان اللي الراجل ده في قيادتها مسئوله عن مقتل الجندي المصري الغلبان اللي مالوش في حاجه ولا يعرف ده ولا ده
وحماس دي كمان اللي ابن احد قيادتها واللي عايش في امريكا تعاون مع الموساد وأدى معلومات لقتل واغتيال احد قادتها في دبي
وحماس دي كمان اللي قتلت بدم بارد وبدعوى الخيانه مئات من المنتمين لفتح وطردتهم من غزه وشردت اسرهم
وهما دول كمان اللي حولوه غزه الى افغانستان اخرى وتجربة طالبان
وهما كمان تجارة الانفاق اللي كسبوا ملايين من تهريب البضائع عبر الحدود مع مصر وبيعها والكسب منها لشعبها في غزه
وهوا ده كمان اللي رفض اقتراح لعمل انتخابات ومش عاوز يسيب الكرسي مع ان حكومته اصلا مقاله
وهوا كمان نفس الراجل اللي بيتعاون مع ايرن الشيعيه وبياخد منها الاموال مقابل تنفيذ السياسه الايرانيه في المنطقه حتى ولو على حساب القضيه الفلسطينيه نفسها
وهوا كمان اللي مخلي اسرائيل فرحانه ومبسوطه وعاجبها اوي اللي بتعمله حماس من تفريق للفلسطينيين في شبه دولتين وهما لسه مابقوش كيان اصلا
حماس بدأت كفكره اسلاميه قامت على مساعدة الناس ومد يد العون لهم والمقاومه لليهود ولكن افسدتها السياسه
هي هي حماس بتاعت اليومين دول اللي ماضربوش بمب العيد حتى على اسرائيل عشان الوضع كده تمام واخر حلاوه
كل ده وييجي الراجل يلبس الجلابيه ويجيب ناس تصور الحدث المهم ده وهو بياكل مع ناس معدومه هو اصلا شارك في وضعها ده و الا فلماذا يحكم؟؟ وصور ياجدع الزعيم بياكل مع الغلابه
وتشبيه الراجل ده اوغيره بالصحابه موضوع غريب جدا ولا أوافق عليه بتاتا . الصحابه عمرهم مارفعوا سيوف على بعض ولا اقتتلوا داخليا ولو اراد هو او غيره خيرا فليدع الشعب الجائع يقرر بالانتخاب مره اخرى ...

ما شاء الله كل دي اتهامات .. ده حضرتك شايل منهم أوي

حضرتك محتاج موضوع كامل للرد على الكلام ده ، أنا هرد على قد ما أقدر

أحب بس أبدأ بجزئية لفتت نظري في رد حضرتك إن الصحابة عمرهم ما رفعوا سيوف على بعض ، حضرتك لو راجعت التاريخ هتعرف إن كان فيه فتنة في أيام خلافة سيدنا علي بن أبي طالب بين أتباعه وأتباع سيدنا معاوية بن أبي سفيان ، يعني حتى الصحابة عليهم رضوان الله غير معصومين من الخطأ

تاني جزأية إن ده حق حماس الشرعي في الدفاع عن حكومتها ، يعني مينفعش الشعب يختارني بانتخابات نزيهة ، وتيجي فتح تخرج عليه بمنتهى السهولة ، هنا لحماس الحق في الدفاع حكومتها لأن فتح خرجوا عن طاعة ولي الأمر الشرعي للبلاد ، مش ده الي بنقوله هنا في مصر ؟؟!!

- مقتل الجندي المصري ده اتهام باطل ، هما عرفوا منين إن حماس الي قتلته ؟؟ ده افتراء عادي من بتوع الحكومة بتاعتنا ملوش أي دليل مادي

- أما بالنسبة للجاسوس مصعب ابن الشيخ حسن يوسف ، فدي حاجة عادية ، وملهاش علاقة بحماس ، واحد ابنه طلع فاسد ، إيه علاقة حماس بالموضوع ؟؟!! وزي ما بيقولوا "يخلق من ضهر عالم فاسد"

- موضوع الأنفاق بردوا حضرتك عمال تلقي اتهامات بدون أي دليل ، ده بدل ما نتكسف من نفسنا إننا محاصرين إخواتنا ، ده إحنا عاملين شغل أحسن من اليهود

- وأحب أقول في النهاية دي مش حكومة مقالة ، دي حكومة منتخبة وشرعية ، يبقى يسيب كرسيه ليه ؟؟ لكن فيه ناس طبعاً عملاء ، بينفذوا كلام اسرائيل بالحرف ، ودول ملهمش غير حاجة واحدة

[Abdo_Eldesokey]

هو طبعا لايمكن التعلم من قتلة أبناء شعبهم أصلاً و التمثيل بجثث أبناء بلدهم من المسلمين برضوا. ولكن طالما حضرتك شايف إنهم نموذج يحتذى بيه فدا شيء يرجعلك بالتأكيد و الإختلاف في الرأي لا يفسد للود قضية. ولكن أمثال حماس و إيران و بن لادن و غيره هم سبب نفور الغرب من الإسلام.


ثم بخصوص الشريعة،ياسيدي الفاضل لايجوز تطبيق شريعة إسلامية إلا بالكامل.

معلش لو تسمحلي حضرتك : هو حضرتك دارس شريعة الأول ؟

طيب هل يجوز تطبيق حدود السرقة طالما أنه لا يوجد بيت للمال لاعطاء المساكين و الفقراء؟

أكيد لا يجوز...طيب هل يجوز تطبيق قانون الجزية و الناس مبيتاخدش منها اصلا زكاة؟ اكيد برضو مينفعش. وهكذا وهكذا أمور.

فبالتالي لايمكن تطبيق الشريعة الإسلامية هكذا دون منطق أو عقل إلا في وجود الضوابط اللازمة كما كان في السابق و هي وجود مشروع نهضوي إسلامي وليس مجرد تشريعات على ورق تنفذ عند الحاجة كما هي الحالة الأن في ايران و حماس و افغانستان وغيرها!

والله أعلم

راجع حضرتك ردي السابق للرد على جزئية قتلة أبناء شعبهم

ثانياً أنا مش دارس شريعة ، لكن أنا مجرد متابع للأحداث وبقول وجهة نظري ، تحتمل الصواب أو الخطأ

لو حضرتك تابعت أخبار غزة هتلاقي الشريعة الإسلامية بتتطبق هناك بأقصى قدرة

آخر خبر قرأته مثلاً إنهم منعوا وضع مانيكانات النساء في محلات الملابس

طب تقدر تقولي هما استفادوا إيه من تنفيذ حاجة زي دي ؟؟ أهي دي مفيش وراها مكاسب سياسية ولا اقتصادية

لكن الواضح أنها محاولة لتطبيق الشريعة الإسلامية قدر الإمكان

[grumby78]

اول شئ يا اخي الفاضل احب اقولك اني مش شايل من حد ومافيش حد يعني عاملي مشكله في حياتي ومستنيله على الواحده يعني ولكني حبيت اقول رايي بحريه . واتمنى من حضرتك ما تشخصنش الحوار وتقولي اني شايل من حد لو اختلفت مع رأي سيادتك.
تاني حاجه الاصرار على تشبيههم بالصحابه وذكر ماحدث ايام علي بن ابي طالب رضي الله عنه ظلم كبير ولامجال اصلا للقياس . الصحابه رضوان الله عليهم حاجه والناس كلها حاجه ومش انا اللي باقول كده لاااا ده الرسول الكريم صلى الله عليه وسلم " والله لو انفق احدكم قدر احد ذهبا مابلغ مد احدهم ولانصيفه " وبعدين اذا التقى المسلمين بسيفيهما يبقى ايه ؟؟؟؟ ماقالش اما لو بيدافعوا عن الحكم يبقى تعدي ولا ايه؟
وبعدين انتا تقدر تقتل مسلم يؤمن بالله مثلك عشان الحكم ؟
وحضرتك دافعت عن قاتل الجندي المصري وكأنك لديك معلومات مثلا؟
والعارف لحقيقة الوضع في غزه يعرف ان مستحيل تنضرب رصاصه هناك الا بأمرها . الا لو كنا احنا حنموت ابننا المصري بنفسنا ؟ طب ده كلام ؟
وذكري للولد الخائن ابن قيادي حماس كان بسبب ان اول ما الاغتيال حصل سارعت حماس واتهمت قيادات فتح بالخيانه كده علطول بلا دليل _ اللي بنشبههم بالصحابه _ وطلع الخائن منهم
وموضوع الانفاق ده مش كلامي ده كلام الفلسطسنيين نفسهم اللي اتكلموا عن تجارة الانفاق بالملايين اللي بتاخد حماس من اللي بيحفروها اصلا فلوس ونسبه من الربح ولو مش مصدق اسال . ولا ليه الانفاق دي موجوده ومستمره ؟
وتصحيحا لكلام حضرتك الحكومه دي فعلا مقاله
واخيرا حماس اعلنت لاطراف عديده والكلام ده مش سر ده كلام نشرات اخبار استعدادها للاعتراف باسرائيل مقابل اعتراف الغرب بها . ولا ده كمان من تأليفي؟
وبعدين مش حماس دي جبهة مقاومه اسلاميه ؟ سؤال بقى : فين هيا المقاومه دي؟؟؟؟؟؟
ولا احنا شاطرين نرفع سلاح على بعض؟

[Abdo_Eldesokey]

اول شئ يا اخي الفاضل احب اقولك اني مش شايل من حد ومافيش حد يعني عاملي مشكله في حياتي ومستنيله على الواحده يعني ولكني حبيت اقول رايي بحريه . واتمنى من حضرتك ما تشخصنش الحوار وتقولي اني شايل من حد لو اختلفت مع رأي سيادتك.

تاني حاجه الاصرار على تشبيههم بالصحابه وذكر ماحدث ايام علي بن ابي طالب رضي الله عنه ظلم كبير ولامجال اصلا للقياس . الصحابه رضوان الله عليهم حاجه والناس كلها حاجه ومش انا اللي باقول كده لاااا ده الرسول الكريم صلى الله عليه وسلم " والله لو انفق احدكم قدر احد ذهبا مابلغ مد احدهم ولانصيفه " وبعدين اذا التقى المسلمين بسيفيهما يبقى ايه ؟؟؟؟ ماقالش اما لو بيدافعوا عن الحكم يبقى تعدي ولا ايه؟
وبعدين انتا تقدر تقتل مسلم يؤمن بالله مثلك عشان الحكم ؟

وحضرتك دافعت عن قاتل الجندي المصري وكأنك لديك معلومات مثلا؟
والعارف لحقيقة الوضع في غزه يعرف ان مستحيل تنضرب رصاصه هناك الا بأمرها . الا لو كنا احنا حنموت ابننا المصري بنفسنا ؟ طب ده كلام ؟

وذكري للولد الخائن ابن قيادي حماس كان بسبب ان اول ما الاغتيال حصل سارعت حماس واتهمت قيادات فتح بالخيانه كده علطول بلا دليل _ اللي بنشبههم بالصحابه _ وطلع الخائن منهم

وموضوع الانفاق ده مش كلامي ده كلام الفلسطسنيين نفسهم اللي اتكلموا عن تجارة الانفاق بالملايين اللي بتاخد حماس من اللي بيحفروها اصلا فلوس ونسبه من الربح ولو مش مصدق اسال . ولا ليه الانفاق دي موجوده ومستمره ؟
وتصحيحا لكلام حضرتك الحكومه دي فعلا مقاله
واخيرا حماس اعلنت لاطراف عديده والكلام ده مش سر ده كلام نشرات اخبار استعدادها للاعتراف باسرائيل مقابل اعتراف الغرب بها . ولا ده كمان من تأليفي؟
وبعدين مش حماس دي جبهة مقاومه اسلاميه ؟ سؤال بقى : فين هيا المقاومه دي؟؟؟؟؟؟
ولا احنا شاطرين نرفع سلاح على بعض؟

لا يا فندم مفيش شخصنة في الحوار ، لكن أنا فوجئت بكم الاتهامات الكبير ده ، فقلت ده كده حضرتك متضايق منهم جامد

حضرتك الصحابة دول مثل أعلى لكل المسلمين ، وبالتالي إحنا أكيد أقل منهم كتير

- بالنسبة لموضوع القتال بين المسلمين فهو موجود في السيرة ، وأنا قصدي بالتشبيه بموقف سيدنا علي ، إن دول الصحابة الي هما أطهر الخلق بعد الأنبياء والمرسلين حصل بينهم فتنة وقتال ، يبقى إحنا الناس العاديين ميحصلش بينا كده ؟؟

- موقف آخر .. سيدنا أبو بكر لما تولى الخلافة كان فيه خوارج وقال مقولته : والله لو منعوني عقالاً كانوا يؤدوه لرسول الله - صلى الله عليه وسلم - لقاتلتهم عليه ، ودول بردوا كانوا مسلمين

- وبالتالي إحنا بنستمد الأحكام دي من السنة ومن السيرة ، الناس اختارت خليفة ليها (حكومة حماس) .. فئة من الناس خرجت عن الخليفة ده (فتح) .. يبقى أكيد ليهم الحق إنهم يمنعوهم حتى لو بالقتال

- أيام مقتل الجندي المصري كان الوضع مأساوي وفوضوي على الحدود ، ووسط كل ده قتل جندي مصري ، ومحدش عرف مين الي ضرب الرصاصة ، يبقى القاتل مجهول ، وبالتالي مينفعش اتهم حماس وخلاص لمجرد إنهم هما الي ماسكين الجزء ده ، ليه ميكونش واحد من فتح ، ليه ميكنش مواطن عادي بس مجرم

- خيانة بعض عناصر فتح دي أمر مفروغ منه منذ توقيع اتفاقية أوسلو ، وموجود وثائق وصور كتير على النت الي حماس لقيتها في غزة بعد ما مسكوا الحكم ، والي فضلوا مخبينها أكتر من 5 سنين فقط لمنع الفتنة والفرقة في الصف الفلسطيني

- بالنسبة لموضوع اغتيال دبي ، حضرتك مصمم تنسب الجاسوس لحماس ، هو مجرد ابن قيادي في حماس ، وده مش معناه إنه من حماس ، يعني أنا لو والدي حزب وطني .. ده معناه إني حزب وطني !

- بعد إذن حضرتك هاتلي الخبر الي حماس بتقول فيها إنها تعترف بإسرائيل ، ده مستحييييييييل ، لأن ده من ثوابت الحركة ، وكل قوى المقاومة في فلسطين ليهم ميثاق فيه إنه لا اعتراف بدولة اسرائيل ، وأول حركة اتنازلت عنه هيا فتحت بتوقيع معاهدة أوسلو الي أول بند فيها "الاعتراف بدولة اسرائيل"

- بالنسبة لموضوع المقاومة .. حماس دلوقتي في موقف ضعف ، محاصرين من جميع الجهات ، وبيصارعوا عشان يلاقوا بس لقمة العيش الي تكفي شعب غزة ، فازاي يروحوا يستفزوا اسرائيل ؟؟

وأكيد حضرتك شفت الاتهامات في حرب غزة الأخيرة إن حماس هيا السبب في الحرب لأنها بتطلق الصواريخ على اسرائيل ، وبتستفزهم ، واسرائيل كانت بترد

فالمقاومة دلوقتي بقت في الحفاظ على ما بقي من أرض فلسطين ، والتصدي لأي عدوان اسرائيلي ، لكن الوضع الحالي مينفعش فيه أي خطوات لطرد المحتل في ظل خنوع جميع الدول العربية والإسلامية

وتقبل فائق احترامي

[grumby78]

برضو حضرتك مصر على تشبيه حماس وافعالها بالصحابه ! وبتقول اننا - الناس العاديين - المسلمين ممكن نقتل بعض عادي عشان الحكم ؟!!
طب يعني ازاي توجد مبرر لشئ قال عنه الرسول الكريم صلى الله عليه وسلم : " إذا تواجه المسلمان بسيفيهما فقتل أحدهما صاحبه فالقاتل والمقتول في النار فقيل هذا القاتل فما بال المقتول قال: قد أراد قتل صاحبه"
يعني حضرتك بتحلل فعل حماس وكمان توجد له المبررات وده في سياق التشبيه بالصحابه و احب اعدل لحضرتك شئ ان ابو بكر الصديق رضي الله عنه قال ماقال في حرب الرده والكلام ده عن المرتدين وحضرتك اكيد عارف يعني ايه مرتدين
وحضرتك في قول سابق اشدت بخطوة تركيا في الخلافه الاسلاميه وحقيقة الامر ان تركيا دوله علمانيه تهم حكومتها اوروبا والانضمام لها اكتر من اي شئ اخر
وبعدين لما هيا حماس جميله اوي كده ومنتخبه رافضه ليه انتخابات جديده لتأكيد الشعبيه الطاغيه مره تانيه؟؟
وحضرتك افترضت اي احتمال لمقتل الجندي المصري الا حماس . يعني قلت ممكن فتح وهما اصلا مالهمش وجود في غزه ولا يقدر منتمي ليهم يتكلم هناك ... طب مصلحتها ايه؟؟ وقلت مواطن مجرم ؟ كل الاحتمالات الا حماس اللي زي الصحابه ؟؟ ولا اقولك ممكن نكون احنا ضربنا ابننا او هو انتحر ....... ولا ايه؟
وحضرتك اظاهر بتخون اي حد له راي تاني يعني فتح عشان قالوا نجرب السلام بقوا خونه وعملاء بالسهوله دي بنشتم الاخر . وبعدين ايه هوا البديل اللي قدمته حماس؟ بديل السلام يعني ز ايه هوا؟ اه البديل مفهوم جديد للمقاومه زي ماحضرتك بتقول وهو الحفاظ على الارض . وهيا فين الارض دي وهوا اللي اتاخد ده مش ارض ؟ ولا السلطه حلوه ولو ضربنا رصاصه حيطير الكرسي؟؟؟
اما موضوع ان حماس مش معترفه باسرائيل فاحب اني اقول لحضرتك ان هما اصلا بيتفاوضوا مع اسرائيل بس بشكل غير مباشر اصلا - مع ان هما مش معترفين بيها اصلا - شفت الكلام!!!!!
ياسيدي عدم الاعتراف معناه ان الاخر - اللي هوا اسرائيل - غير موجود طب ازاي وانتا اصلا بتتفاوض معاه في تبديل الجندي الاسرائيلي شاليط ؟؟
مش ده اعتراف ولا ايه ؟ لا لا لا ده كلام بس كده عشان اقضي مصلحتي ...... مممممم
وبعدين بس ماتقولش صواريخ دي ماموتتش ولا واحد اسرائيلي ... قول بمب العيد او صواريخ رمضان للمقاومه اللي حضرتك غيرت معناها وخليتها الحفاظ على ماتبقى من الارض
حماس الان تلعب سياسه زيها زي اي حزب يسعى للحكم والبقاء فيه بأي شكل كان ...... اه وكمان بيمنعوا المانيكانات كمان في اقوى تطبيق للشريعه الاسلاميه
انا مسلم اه لكن تيجي ياحماس تتاجري بالاسلام عشان اصدقك او انتخبك .... لا و ألف لاااا

[Ibtal]

والله أنا أتمنى يكون اللي حضراتكم مؤمنين بيه ومصدقينه بخصوص حماس و غيرها حاجة صحيحة. ولكن الواقع بيقول التالي :

1- الراجل رايح يفطر مع ناس فقيرة

2- الراجل عداه العيب ولابس لبس عادي و مفيش في نيته أي حاجة خالص "نحسبه كذلك "

بس هتلاقي مشكلتين في النظرية دي :

1- اللي بيعمل خير مبيقولش و مبيروحش يقول انا عملت وسويت وكيت وكيت وكيت. والمنتدى هنا نموذج على كدا. في أعضاء هنا كتيييير ياما شاركوا بحاجات وبمبالغ وبأكل وبهدوم وعمر ما حد منهم قال انا عملت .

2- ان الراجل مش بس قال انا عملت وسويت. لا راح مصور اللي عمله ونزله في الصحافة والاعلام والحقوا شوفوني وانا بعمل خير وتقي ولابس جلبية.

على كدا كل من عمل خير هنا في المنتدى يروح يتصور مع الغلابة اللي ساعدهم و يوري للناس حالهم قبل...وبعد؟ ويتصور معاهم بالاكل اللي جابهولهم والجلابية؟ :)


رغم كل دا..فياسيدي ربنا يجعله في ميزان حسناته لإن الله أعلم بالنيات :)

++++++++++++++++100%

[abogogo]

روى أبن القيم في كتاب روضه المحبين ونزهة المشتاقين أن عمر رضي الله عنه كان يتفقد أبا بكر بعد صلاة الفجر فكان يراه إذا صلا الفجر يخرج من المسجد إلى ضاحية من ضواحي المدينة كل يوم فيتساءل ماله يخرج؟

ثم تبعه مرة من المرات فأتى فإذ هو قد دخل خيمة... منزوية فلما خرج أبو بكر دخل بعده عمر فإذا في الخيمة عجوزاً حسيرة كسيرة عمياء معها طفلتين لها فقال لها عمر: يا أمة الله من أنتي؟

قالت: أنا عجوزاً كسيرة عمياء في هذه الخيمة ومعي بنات لا عائل لنا إلا الله عز وجل قال عمر: ومن هذا الشيخ الذي يأتينكم؟ (وهي لم تعرفه) قالت: هذا شيخ لا أعرفه يأتي كل يوم فيكنس بيتنا ويصنع لنا فطورنا ويحلب لنا شياهنا

فبكى عمر رضي الله عنه وقال:
"أتعبت الخلفاء من بعدك يا أبا بكر"

اللهم بارك في من سار على نهج هؤلاء من حكام هذا الزمان

[Mohamed_Hegazy]

حماس هى اخر ماتبقى من رجولة لدى العربان - وبقية من فى الحكم من العربان فاسد او مرتشى او حرامى او عميل لاسيادة الامريكان وبالتالى لايصح الجنوح للسلم معهم لانهم سيضيعون كل شيى بخستهم وفسقهم

[Ahmed Eraqy]

والله أنا أتمنى يكون اللي حضراتكم مؤمنين بيه ومصدقينه بخصوص حماس و غيرها حاجة صحيحة. ولكن الواقع بيقول التالي :

1- الراجل رايح يفطر مع ناس فقيرة

2- الراجل عداه العيب ولابس لبس عادي و مفيش في نيته أي حاجة خالص "نحسبه كذلك "

بس هتلاقي مشكلتين في النظرية دي :

1- اللي بيعمل خير مبيقولش و مبيروحش يقول انا عملت وسويت وكيت وكيت وكيت. والمنتدى هنا نموذج على كدا. في أعضاء هنا كتيييير ياما شاركوا بحاجات وبمبالغ وبأكل وبهدوم وعمر ما حد منهم قال انا عملت .

2- ان الراجل مش بس قال انا عملت وسويت. لا راح مصور اللي عمله ونزله في الصحافة والاعلام والحقوا شوفوني وانا بعمل خير وتقي ولابس جلبية.

على كدا كل من عمل خير هنا في المنتدى يروح يتصور مع الغلابة اللي ساعدهم و يوري للناس حالهم قبل...وبعد؟ ويتصور معاهم بالاكل اللي جابهولهم والجلابية؟ :)


رغم كل دا..فياسيدي ربنا يجعله في ميزان حسناته لإن الله أعلم بالنيات :)

مش عارف ازاى بتشبه رئيس حكومة باى شخص عادى , طبيعى ان اى مسئول كبير فى وزن رئيس الحكومة تبقى حركته مرصوده من الصحافة و اكيد حواليه صحفين طول الوقت

و بعدين ليه نفترض سوء النية فى الراجل و بعدين هو احنا كنا دخلنا جوه قلبه و عرفنا انه عملها رياء و منظره!!

قال رسول الله صلى الله عليه و سلم ((أُمرت أن أحكم بالظاهر والله يتولى السرائر))

و بعدين كفاية انه ماشى ب 3 حراس فقط !! بمنتهى البساطة و التواضع يعنى مش خايف الا من الله عزوجل

اتحدى اى حاكم عمل او يقدر يعمل زيه سوء فى دولة عربية او حتى اجنبية

ربنا يثبت حماس التى لولها لضاعت القضية الفلسطينية

[ahmed4000]

الله اعلم بالنوايا بس الناس اللى ماشية بتصور معاه دى بتصور وتنشر ليه
وياترى فى حد استفاد غير الاسرة الفقيرة دى..يعنى اكيد فى جنبيهم خمسين الف اسرة مش لاقيين ياكلوا برده...ياترى الناس استفادت بايه من الحركة دى...احنا عايزين نبقى عمليين مدام هى مش بروجاندا

للاسف احنا شعوب عاطفية جدا

ويارتى لو لقينا مبارك نزل يفطر مع اسرة فقيرة حنحبه


وبما اننا صائمون فاذكركم بحديث "رب كلمة هوت بصاحبها فى النار" للى بيرموا اى احد باى اتهام