شفتوا الخبر الجديد العجيب ده

[dr-mohamed]

يا جماعه انا مش فاهم حاجه هما ماشي غلطانين وكل حاجه واحنا مش مسؤلين عن حد معئننا بس بنقول اننا مسلمين بس ماشي مش مسؤلين عن حد بس القصد اننا كمان مش مسؤلين عن اسرائيل نوديلهم غاز ونرفع علمهم في بلدنا بدون مقابل نفسي اشوف حاجه واحده استفدناها مقابل التنازلات ديه وفي الاخر نقول السلام والامن ماهي سوريا اهي مش مطبعه ولا حاجه ولا هتقدر تضربها ولا تمسها الفرق بس اننا سلمنا مقابل السلام اللي مخدناش منه حاجه والكره موجود بين الطرفين وهيفضل لاخر العمر انا رايي ان بالسلام ده سكتونا وخلاص وخلونا نعترف ان ليهم حق انهم يقعدو جمبنا بدل الفلسطينين والا ماكاناش عملنا سلام من الاول المشكله ان كل واحد ماشي في سكه ومحدش بيعمل حاجه باتفاق مسبق بين الدول العربيه وكل واحد بيغني علي هواه

لا يا استاذ زمان مع احترامي طبعا لكلام حضرتك فيه فروق كتيرة جدا
اولا محدش مننا طبعا مع تصدير الغاز لاسرائيل واي مصري عاقل لازم يبقي ضده بكل الاشكال
ثانيا لا نريد المزايدة على مواقفنا من القضية الفلسطينية لا من الجزائريين ولا من غيرهم فاكتر دولة خسرت بسبب فلسطين هي مصر ولم تخسر الجزائر او غيرها اي شئ
ثالثا اننا مسلمين مش معناه اننا مسئولين عن مسلمين العالم كله النهاردة والا فين مساندتنا لمسلمي كشمير والشيشان وغيرهم من المسلمين الاحق بالمساندة وفين الجزائريين منهم ولا دول مش مسلمين بردو
رابعا السلام اللى مش عاجب حضرتك هو اللى رجع سينا بدون حروب اخري ضرتك بتقولي سوريا مش مطبعة ولا هتقدر اسرائيل تضربها ولا تمسها بس الفرق اننا سلمنا مقابل السلام اللى مخدناش منه حاجة
طيب قارن حضرتك بين وضع مصر وسوريا احنا بالسلام (اللى انا مش موافق على كيفية تطبيقه على المستوي الرسمي) استعدنا سيناء اما سوريا فما زالت هضبة الجولان محتلة حتي اليوم واسرائيل ضربت سوريا من شهور والطرفين كتموا على الموضوع والمدفعية الاسرائيلية متوسطة المدي فوق جبل الشيخ تقدر تدك دمشق كلها
عرفت بقة حضرتك الفرق بيننا وبين سوريا والفايدة اللى اخدناها من اتفاقية السلام ؟
واعترفنا او معترفناش انهم موجودين ده لا يغير شئ في انهم موجودين بالفعل
والدول العربية دلوقتى كل دولة بتدور على مصلحتها وبس شوف قطر بتقول علينا ايه والجزائر وغيرهم من الدول وبيقولوا على بعض ايه
دلوقت انتهي للاسف وقت القومية وبدان عصر الشعوبية
يبقي ما دام الكل بيتعامل بهذه الطريقة يبقي احنا كمان بلدنا اولا

[ahmed1981]

قضية الغاز المصري
تصديره لإسرائيل
حدوث نقص به لدى مصر مع عدم المساس بحق إسرائيل

علينا أن نغطي وجوهنا أو نغطي أنفسنا بالكامل
فضيحة تجاوزت حدود الكرة الأرضية

ولا يهمني ما يقول الجزائريون أو غيرهم

فنحن بالفعل في ورطة أخلاقية في أنفسنا
بلاش بتوع غزة عشان الناس اللي بتتشحوط لما نجيب سيرة غزة

لكن لما الكهرباء تنقطع عندنا بسبب تصدير الغاز لإسرائيل فهي فضيحة كبيرة
لابد أن تغسل بتربية كل من تدخل فيها من بدايتها إلى نهايتها
ومحاكمتهم بتهمة الخيانة
وتعريض أمن البلد والإحتياطي الإستراتيجي من الوقود للخطر
أمام أكبر عدو لنا وهو إسرائيل

وبعد أن إنكشفت الفضيحة وحاول الوزير العميل شراء الغاز من إسرائيل
فضحته وسائل الإعلام
فخرج وصرح تصريح رسمي في الجرائد الحكومية بأن مصر لديها غاز كافي لكل الإحتياجات
ولا حاجة لها لإستيراد غاز من إسرائيل أو من غيرها

وفي النهاية يظهر كذبه
وما مشكلة الكذب بعد الخيانة والعمالة للعدو

ولكن تنكشف كذبته بمحاولة إستيراد الغاز من الجزائر

وكل تلك الأزمة من أجل سواد أعين الصهاينة اليهود الملاعين
وتلك الإتفاقية الملعونة والملعون كل من سهل لها وشارك في إنجاحها

وفي النهاية لا نجد ما نفعله إلا أن نشتم الجزائريين تارة والعرب تارة أخرى لنغطي على الفضيحة


والله إنها أكبر حجماً من أن يتمك تغطيتها

وحسبي الله ونعم الوكيل
وفوضت أمري إلى الله

[dr-mohamed]

ولا يهمني ما يقول الجزائريون أو غيرهم


وفي النهاية لا نجد ما نفعله إلا أن نشتم الجزائريين تارة والعرب تارة أخرى لنغطي على الفضيحة

لا اختلف معك في باقي كلامك ولا يختلف معك احد منا
ولكن

لا نقبل في نفس الوقت في ظل الرفض الشعبي الرهيب لتصدير الغاز لاسرائيل ان كل جماعة في اي دولة ولا حتي اي دولة تغطي على كوارثها الداخلة هي الاخري بان تتكلم عن لاغاز المصري وتصور المصريين كخونة

احنا لم نشتم الجزائريين بل هم اللى شتموا بحجة تصدير الغاز وهم اصلا يبحثون عن شعبية داخلية كما يفعل الساسة هنا

يا سيدي
لا احد منا يقبل تصدير الغاز لليهود ولا حتي لقطاع غزة الا بعد ان نكتفي داخليا فنصدر لقطاع غزة الفائض وباقل من السعر العالمي كمان
لكن احنا مش ملطشة كل دولة تغطي مشاكلها الداخلية زي الجزائر او تعظم طموحاتها زي قطر بانها تشتم فينا

[mfarag]

قضية الغاز المصري
تصديره لإسرائيل
حدوث نقص به لدى مصر مع عدم المساس بحق إسرائيل

علينا أن نغطي وجوهنا أو نغطي أنفسنا بالكامل
فضيحة تجاوزت حدود الكرة الأرضية

ولا يهمني ما يقول الجزائريون أو غيرهم

فنحن بالفعل في ورطة أخلاقية في أنفسنا
بلاش بتوع غزة عشان الناس اللي بتتشحوط لما نجيب سيرة غزة

لكن لما الكهرباء تنقطع عندنا بسبب تصدير الغاز لإسرائيل فهي فضيحة كبيرة
لابد أن تغسل بتربية كل من تدخل فيها من بدايتها إلى نهايتها
ومحاكمتهم بتهمة الخيانة
وتعريض أمن البلد والإحتياطي الإستراتيجي من الوقود للخطر
أمام أكبر عدو لنا وهو إسرائيل

وبعد أن إنكشفت الفضيحة وحاول الوزير العميل شراء الغاز من إسرائيل
فضحته وسائل الإعلام
فخرج وصرح تصريح رسمي في الجرائد الحكومية بأن مصر لديها غاز كافي لكل الإحتياجات
ولا حاجة لها لإستيراد غاز من إسرائيل أو من غيرها

وفي النهاية يظهر كذبه
وما مشكلة الكذب بعد الخيانة والعمالة للعدو

ولكن تنكشف كذبته بمحاولة إستيراد الغاز من الجزائر

وكل تلك الأزمة من أجل سواد أعين الصهاينة اليهود الملاعين
وتلك الإتفاقية الملعونة والملعون كل من سهل لها وشارك في إنجاحها

وفي النهاية لا نجد ما نفعله إلا أن نشتم الجزائريين تارة والعرب تارة أخرى لنغطي على الفضيحة


والله إنها أكبر حجماً من أن يتمك تغطيتها

وحسبي الله ونعم الوكيل
وفوضت أمري إلى الله

+1111111111111111111111111111111111

كام عاقل ورزين

كل الناس سايبة الفضيحة و بتتكلم عن الجزائر

طيب مين اللى خلانا محتاجين لغاز من الجزائر ولا من اى بلد تانية

[dr-mohamed]

نائب جزائري يطالب برهن تصدير الغاز لمصر بتأمين احتياجات قطاع غزة

طالبت حركة النهضة الجزائرية حكومة بلادها برهن تصدير الغاز لمصر بالتزامها بضمان تموين حاجيات سكان قطاع غزة من هذه المادة.

+1111111111111111111111111111111111

كام عاقل ورزين

كل الناس سايبة الفضيحة و بتتكلم عن الجزائر

طيب مين اللى خلانا محتاجين لغاز من الجزائر ولا من اى بلد تانية

الفضيحة احنا مش سايبينها ولا حاجة
موضوع تصدير الغاز لليهود اتعمل عشرات الموضوعات قبل كدة وكلها رافضاه ومش هتلاقي مصري واحد يؤيد تصدير الغاز لاسرائيل ولا حتي بالسعر العالمي

انما اللى اثار الموضوع ده واللى جعل العجوم كله ينصب على الجزائر هو الموضوع انفسه وان نائب جزائري بيطالب بلاده برهن تصدير الغاز لمصر ببيع مصر الغاز لاسئايل
عرفت ليه الكلام عن الجزائر
لانهم لازم يحشروا غزة في اي كلام ليهم
لازم كل العرب يحاولوا يظهروا بمظهر الابطال على حسابنا
لازم كل حروب العرب تبقي كلامية والمطلوب مننا احنا الدم والموت
عرفت ليهاتكلمنا عن الجزائر في الموضوع ده

[M.almaghraby]

بغض النظر تماما عن كلام النائب الجزائري

التاريخ لن ينسي ان مصر صدرت الغاز لاسرائيل في يوم من الايام و النور مقطوع في غزة " و اخيرا في مصر نفسها "

فعلا وصمة عار في تاريخ مصر

و معلش يا دكتور محمد انا مختلف معاك تماما

حقه يتمنظر علينا و يقول كلام فارغ زي ما هوا عايز .... انا شخصيا لو كنت جزائري كنت قلت كدا

فعلا شكلنا وحش اوي " انا عارف ان الجزائر ولا هاممها فلسطين اصلا "

بس الشماتة بقا .... و ليهم حق يشمتوا .... احنا الي عملنا فنفسنا كدا

[dr-mohamed]

لا اله الا الله
يا دكتور مغربي
انت شفت اي مشاركة ليا بايد فيها تصدير الغاز لليهود ؟؟؟؟؟؟؟؟؟؟؟؟؟
كلنا كمصريين ضد تصديره لليهود
كلنا كمصريين مش طايقين اليهود
بس اي بني ادم عربي هيفتح بقه بكلمة على بلدي مش هسكت لان لا تعايرني ولا اعايرك
كل الدول العربية بدو ن استثناء خدامين عند امريكا واسرائيل واولهم الجزائر والا العسكريين سيطروا علي الحكم هناك ازاي وايه التمن اللى دفعه جنرالات الجيس الجزائري لنيل رضا فرنسا والغرب
يبقي كل واحد يخليه في خيبة بلده وميلقحش كلام على غيره لان كلهم خونة وكلهم متواطئين

والجزائر دي مش اللى زعيم الجماعة الاسلامية هناك وصف مباراة كرة قدم في الخرطوم بانها غزوة ام درمان كانهم بيحاربوا اليهود وتقولي عرب وسبة في جبين مصر

كل بلد تشوف نفسها الاول قبل ما تبص لغيرها والكل لمزبلة التاريخ الذي لن يرحم اي نظام حاكم عربي في العصر الحديث

[M.almaghraby]

يا معالي الباشا انا عارف وواثق انك ضد تصدير الغاز .... :)

مش دا قصدي

لكن انا بتكلم علي شكل مصر و موقفها دوليا كدولة المفروض انها مصدرة للطاقة " بعيدا عن الصراعات تماما "

انا اصدي ان هما ما حيصدقوا يتكلموا لان فعلا الي هما بيقولوه دا بيحصل ,,, و دا ادي الي ازمة طاقة عندنا في مصر " خيبة يعني "

شكلنا قدام العالم كله سواء عرب او امريكا او اوروبا وحش جدا و بلد ماشية بنظام فوضوي غبي معندوش اي فكر


طبيعي الي من هب و دب يجيب في سيرة مصر we are at the buttom

مع اننا فيوم من الايام كنا اسياد العرب بجد مش كلام


كل سنة و حضرتك طيب و عيد مبارك علي سعادتك ان شاء الله :))

[tutankhamoun]

ما بلاش كلمة أسياد دي ....

كلنا أخوة و يجب أن نكون أخوة و الأحترام هو المتبادل بيننا ...إنما أسياد و النظرة الدُنيا لغيرنا بلاش منها يا جماعة .
أخوكم توت و تقبولني بصدر رحب

[M.almaghraby]

ما بلاش كلمة أسياد دي ....

كلنا أخوة و يجب أن نكون أخوة و الأحترام هو المتبادل بيننا ...إنما أسياد و النظرة الدُنيا لغيرنا بلاش منها يا جماعة .
أخوكم توت و تقبولني بصدر رحب

اكيد حضرتك منور يا استاذ توت

انا بتكلم علي ماضي من زمن فات

يمكن التعبير خانني شوية .. لكن احنا فعلا كنا اعلي منهم كتير " زمان " و دي حقيقة

وياريت متغيبش عن المنتدي كتير كدا يا راجل :)

[tutankhamoun]

اكيد حضرتك منور يا استاذ توت

انا بتكلم علي ماضي من زمن فات

يمكن التعبير خانني شوية .. لكن احنا فعلا كنا اعلي منهم كتير " زمان " و دي حقيقة

وياريت متغيبش عن المنتدي كتير كدا يا راجل :)

ده أنت اللي منور يا أستاذ مغربي و ربنا يديم المحبة و المعروف .

بس يمكن كنا أعلى منهم علشان ظروفنا كانت أفضل .
عندنا زراعة و دي أهم حاجة

من الجانب هانلاقي
دول الخليج ....... صحاري جرداء لا زرع بها و لا ماء إلى أن تم أكتشاف النفط .
و دول المغرب العربي كانت تحت الاحتلال الفرنسي الغاشم و الأيطالي في ليبيا ....

أما أحنا مكنش عندنا أحتلال بمعنى أحتلال ..... هما كان همهم في قناة السويس و كمان مكنتش مصر سهلة للسيطرة الكاملة في الفترة اللي فاتت دي .

و دلوقتي كلنا ....... عبيد للأمريكان و الصهاينة ..... يفعلون بنا كيفما شاءوا وقت ما شاءو ..... و أصبحنا ردود أفعال فقط لا غير .

و اللي عنده الفعل هي أيران و تركيا فقط . و ماليزيا صناعيا و حضاريا ..... و بالباقي بيدور في فلك أمريكا .

يالا ربنا يرحمنا جميعا و يوحد كلمتنا و بيعد عننا الخلاف و الأنشقاق ...

أمتى نشوف العرب كلمة واحدة ؟؟؟

[ahmed1981]

كل العرب عندهم مشاكلهم وفضايحهم

لكن فضيحة الغاز المصري تجاوزت حدود الجميع
وأصبحنا أحط بلد في نظر الجميع

لأنا بالفعل أصبحنا أعلى بلد عربي في العمالة لإسرائيل

ليس على حساب غزة فقط
بل على حساب الشعب المصري
فلهم الحق في قول أي شيء علينا حتى نقوم ونعيد بعض كرامتنا

[dr-mohamed]

كل العرب عندهم مشاكلهم وفضايحهم

لكن فضيحة الغاز المصري تجاوزت حدود الجميع
وأصبحنا أحط بلد في نظر الجميع

لأنا بالفعل أصبحنا أعلى بلد عربي في العمالة لإسرائيل

ليس على حساب غزة فقط
بل على حساب الشعب المصري
فلهم الحق في قول أي شيء علينا حتى نقوم ونعيد بعض كرامتنا

يا استاذ احمد
احنا لا كنا ولا هنكون احط بلد
وعيب قوي نقول علي بلدنا كدة
كل ما في الامر ان احنا تصرفاتنا في العلن
انما باقي الدول تصرفاتها في السر وفيه منها اللى في العلن ومفيش ....... بيفتح لسانه عنهم
قطر اكبر قاعدة امريكية خارج امريكا
السعودية والكويت القواعد الامريكية بها في كل مكان
ولما اقول قواعد امريكية يعني قواعد صههيونية اسرائيلية في المقام الاول
العراق محتلة ومقسمة
سوريا نظام قمعي النظام المصري بالنسبة له ملاك
لبنان طوائف وحروب اهلية دائمة حتي الان
لييبا كلنا ادري بما فيها
تونس نظام علماني رهيب ضد الدين لدرجة تغيير قواعد الشريعة الاسلامية بمنع تعدد الزوجات وتغيير قوانين الميراث بما يخالف الشريعة
الجزائر مستعمرة فرنسية حتي اليوم بدون سلاح
المغرب نفس حال الجزائر
العلاقات مع اسرائيل كل الدول العربية على علاقات مع اسرائيل ومنها دول علاقتها باسرائيل اقوي من مصر بمراحل

لماذا نحن دائمين في موقف دفاع
لماذا نقلل من قيمة انفسنا وقيمة بلدنا

بلدي وان جارت علي عزيزة
بلدي اغلى واعلى من اي دولة عربية في الماضي والحاضر والمستقبل ان شاء الله

[tutankhamoun]

دكتور محمد كلامك كله تقريبا صحيح 100 %
بس أنا مش متفق معاك في حتة بلدي ( التخصيص )

كان نفسي تكون كل البلاد العربية هي بلدي ( حلم ساذج )

[ahmed-moga]

السلام عليكم ورحمة الله وبركاته زملائي الأعزاء كل عام وانتم بخير وسعاده

عندما قرآت هذا الخبر بصراحه احسست بأندهاش وتعجب ودار في رآسي اكثر من تساؤل واستفسار

اوله "خبر تصدير الجزائر للغاز لمصر فلم اكن اعلم ان مصر التي تصدر الغاز الي

اسرائيل تستورد غاز من الجزائر فبحثت وتأكدت من تلك المعلومه والأدهي من ذلك

كما يقال في بعض الصحف ان الجزائر سبب ازمة انابيب الغازالماضيه في مصر والتي تراوح سعر الأنبوبه

وقتها الي 50 و60 جنيه وليس كما شاع بسبب عطل مكانية ضخ الغاز وان كان

السبب ورائه الجزائر حين رفضت اعطاء مصر حصتها المتفق عليها من الغاز السائل

بسبب تأخر الحكومه المصريه بدفع باقي مستحقاتها للحكومه الجزائريه من الغاز المستورد منها

ثانيا هل من الطبيعي ان دولة كالجزائر تحاول اجبار بلد اخر مثل مصر بالتدخل في قضية

بلد آخر سبق ان تدخلنا فيه وخرجنا منها بالسب والشتيمه والأهانه ووصلت

لضرب وزير الخارجيه المصري بالجزم في الحرم القدسي وطرده منه

اليس لكل دولة سيادتها المطلقه التي تحكم بها في ظل القانون الدولي والأعراف الدوليه

المتفق والمتعارف عليها دوليا وسياسيا ولايجوز ان تخضع اي دوله من الدول لأي

اجبار من دوله اخري عن طريق سياسة لوي الدراع كما تريد ان تفعل الجزائر معنا

وان الأتفاق بين الدولتين علي تصدير واستيراد الغاز اتفاق وعقد قانوني ملزم للطرفين

ولايخضع للسلطه السياسيه بل يخضع لقوانين التجاره الخارجيه بين الدول

ثالثا اذا كان ادعاء الجزائر بأن الغاز الذي تصدره لنا نقوم نحن بتصديره بالتبعيه الي

اسرائيل ونأخذ فرق السعر كوسيط غير رسمي او معروف اذا فهناك تساؤل اذا كانت

مصر لاتصدر غازها الي اسرائيل بل الغاز الجزائري فما سبب ازمة انقطاع الكهرباء

التي تحدث وتحدث عنها وزير الكهرباء ان سبب هذه الأزمة هو قلة دفعات الغاز

المقدمه لمحطات توليد الكهرباء مماادي اللي استخدام السولار الغير النقي كبديل لتوليد

الطاقه ادي ذلك لضعف انتاج الكهرباء بكامل قدرتها التي اصبحت لاتكفي استهلاك البلد

ادت الي ازمه والمسئول عنها وزير البترول مماادي الي اجتماع الرئيس بهم لمعرفة

السبب وراء هذه الأزمه وايجاد حلول لأنهائها مماجعل الصحف الأسرائليه تقول بكل فخر

ان تصدير مصر للغاز المصري لنا سبب ازمه قويه بها اذا فكيف يكون الغاز المصدر

لأسرائيل هو الغاز الجزائري ام الأثنين معا وهذا يطرح تساؤل هام ماالكميه المتفقه

عليها مع اسرائيل لتصدريها لهم وهل تأخذ اسرائيل اكثر من الكميه المتفق عليها

هذه اهم التساؤلات التي دارت في ذهني بعد قرائتي للخبر وكنت انتظر تحليلكم له

واشكر الدكتور محمد لأصابتة الصواب في كثير من مشاركته وتحليله للموضوع من جانب

وجهة نظري الشخصيه واشكركم جميعا علي هذه المشاركات البنائه وارجو منكم المزيد

لهذه المناقشات والمشاركات البنائه والأجابه علي هذه التساؤلات

وكل عام وانتم بخير وعيد سعيد عينا ان شاء الله