خطوبة عماد متعب

[SeiffoZ]

كل واحد يتجوز إللى هو عايزه ...

عايزها منقبة هو حر ...

عايزها بتلبس مايوهات و شغالة موديل هو حر بردوا ...

كل واحد و إللى هو عايزه .... و طالما هيتجوزها على سنة الله و رسوله يبقى ملناش عندهم حاجة ..

[bmya]

ياباميه يعني هوا في حد يرضي يتجوز واحده مصر كلها معاها صورها بالمايوه
ياراجل دي تعتبر الوحيده هيا وهبه السيسي اللي صورهم بالمايوه عالنت

احنا في مجتمع شرقي
والواد ده شرقاوي فلاح

واقطع دراعي ان امه ولا وافقت ولا بتاع
بس اللي يعرف واحده زي دي ويرضي بيها
يبقي مش بعيد يعق امه
ومحدش يقول واحنا مالنا
ده نجم مجتمع
وشخصيه عامه
مش حد عادي

ده حتي لو حد عادي وشايفه مع مراته ولبسها مش كويس حتقول متجوزها ازاي ده
ايش حال بقي صورها بالمايوه مع مصر كلها

وبنت البرادعي اما لقوا صورها بالمايوه قاللك مش عارف ايه

بس مش ملاحظ حاجه انتا

عماد متعب ويارا
وقبلهم ابراهيم سعيد وبوبي
وكان خاطبها بردو

وميدو وشيكا وصورهم مع البنات
الناس دي فاقده الالتزام الديني والاخلاقي عشان كده بيعملوا كل الي بيعملوه ده

كلامك على عيني وراسي ياعم ميكي
بس برده احنا ملناش نتدخل بالطريقه الغريبه دي ننصح اه واكيد ناس كتيير اصحابه نصحوه برده قبل النصيحه يبقى تمام مقبلهاش يبقى هو حرررررررررررر
لكن جروبات على الفيس بوك وناس راحه جايه تتكلم على الموضوع ده والجرايد ده ناقص تتطلع مظاهرات ياعم الحج ان جواز عماد متعب من يارا باااااااااااطل
وبالمره عمال مصنع جهينه للالبان يعملوا اعتصام قدام وزاهر الدفاع عشان رغيف العيش في رمل
من الاخر كلمه قالها اخ لينا هنا اللي بيشيل قربه مخرومه هتنقط عليه لوحده
طالما انه مش اذيني في حاجه ولا بيعمل حاجه حرام مهواش ماشي معاها يعني ولا متجوزها عرفي حتى في السر زي ما ناس كتير بتعمل وبعدين لو يارا دي وحشه اوي كده ماكان اسهله يقضي معاها سهره حمره وشكرا ولا جواز ولا بتاع بقه وربنا يهدي يا جماعه ماجايز يارا دي ربنا يهديها بعد الجواز وتبقى احسن من بنات كتير اوي
احنا مانعرفش ايه اللي ممكن يحصل والراجل مابيعملش حاجه غلط ده جواااااااااااز يعني حلاااااااال بغض النظر عن الشخصيه نفسها
عارف ياباشا لو هي مثلا لاسمح الله ليها كليب فاضح يعني مع ناس تانيه زي ما ممثلات كتيييييييييييير اوي ليهم افلام فاضحه ومتجوزين وميه ميه كان يبقى فيها كلام لكن مايوه والناس محسسيني انها طلعت في مجله بلاي بوي مثلا حضرتك مبتشوفش البنات في اسكندريه عاملين ازاي في العجمي ومارينا ومراقيا وشرم والغردقه مايوهات للركب يبقى للاسف المايوه ده بقه حاجه طبيعيه (طبعا مش ليه ولا لناس كتير بس للاسف اصبح وااااقع واللي مش بتلبس مايوه تاخد لقب بيئه او معقده للاسف برده )
انا طبعا عمرررررررري موافق اني اتجوز وحده بتلبس مايوه وا موديل في التليفزيون مثلا

لكن ممكن ناس كتيييييييييييير غيري ترضى تتجوز عادي خالص وبشوفهم بعيني على البحر قاعد ومراته وولاده لابسين المايو عادي خالص

ربنا يهدي الجميع

[zakiali]

حد يرضي يجوز واحده العالم كلة لامؤاخذه اتفرج عليها من غير هدوم ؟ لا حول ولا قوة الا بالله ده انسان ديوث

[bmya]

ياباشا اي واحد عاقل مش هيرضى
بس برده في كتيييييييييييير هيرضواا
اومال احمد ابو هشيمه اللي متجوز هيفاء وهبي بقه نقول عليه ايييييه ههههههههههه

[ahmedpedia]

الحمد لله الذى هدانا لهذا وما كنا لنهتدى لولا أن هدانا الله

[lovedbaby]

حد يرضي يجوز واحده العالم كلة لامؤاخذه اتفرج عليها من غير هدوم ؟ لا حول ولا قوة الا بالله ده انسان ديوث

انت جبت المفيد

[ahmdmagdy]

دي حريه شخصيه الناس زعلانه ليه !

[ahmdmagdy]

ادخلوا علي الرابط ده و قولو رأيكم
ملكة جمال مصر تتجسس على المنتخب الايطالي

[EZABY]

كل واحد يتجوز إللى هو عايزه ...

عايزها منقبة هو حر ...

عايزها بتلبس مايوهات و شغالة موديل هو حر بردوا ...

كل واحد و إللى هو عايزه .... و طالما هيتجوزها على سنة الله و رسوله يبقى ملناش عندهم حاجة ..

+مليوووووووووووووون

[Memo_Lancer]

كل انسان مسؤل عن رعيته
احنا مالناش دعوه
ربنا يهدي