ضبط تاجر خردة بالإسكندرية وبحوزته برج كهربائى مسروق

[ganash]

تمكن ضباط الإدارة العامة لشرطة الكهرباء فى إطار جهودهم فى الحفاظ على الممتلكات العامة من ضبط تاجر خردة وبحوزته مهمات كهربائية مسروقة ملك شركة الإسكندرية لتوزيع الكهرباء.
وكان ضباط الإدارة العامة لشرطة الكهرباء تمكنوا من ضبط المدعو محمد ص.م "تاجر خردة" ومقيم بأبيس دائرة قسم شرطة ثان الرمل بالإسكندرية والسابق ضبطه واتهامه فى قضية سرقة مهمات كهربائية، وبحوزته برج كهربائى مسروق.
وبمواجهته بما أسفر عنه الضبط اعترف بشراءه للبرج المذكور من المدعو أشرف ا.م ، وتم بارشاده ضبط المذكور الذى اعترف بان البرج من الأبراج المنزوعة من بمنطقة أبيس العاشرة.
وبعرض المضبوطات على لجنة من شركة الإسكندرية لتوزيع الكهرباء أفادت بأنها ملكا لوزارة الكهرباء والطاقة .. وتحرر عن ذلك المحضر اللازم وأخطرت النيابة العامة لمباشرة التحقيق.

[SHNORY]

الواحد خايف يصحي من النوم يلاقي كوبري من الكباري اتسرق

[أحمد كمال]

و لا هرم من الاهرامات

[mahmoud_afifi]

نظام ايه الي جاب القلعه جنب البحر ؟؟

[SHNORY]

نظام ايه الي جاب القلعه جنب البحر ؟؟

عادي
ماهي القلعه عندنا جنب البحر

[A7MED_PHARMA]

برج
كان سارق برج..ده إيه الافترا ده
خطوط التليفون عندنا مسروقة من كام يوم..والتليفون واقف
ودي رابع أو خامس مرة السنة دي تتسرق,.ومن نفس المكان برضووو
لو الناس تتخيل إن الحاجات دي علشان تتسرق..محتاجة مجهود ودوشة كبيرة
يعني مش محفظة
لا
بييجي جرار كبير يسحب الكابلات من الارض بعد مايتفحر لها
وعربيات يتحمل عليها..يعني دوشة
مش عارف ماحدش بياخد باله إزاي

[mahmoud_afifi]

عادي
ماهي القلعه عندنا جنب البحر

كل واحد يتكلم عن قلعته لو سمحت

[SHNORY]

كل واحد يتكلم عن قلعته لو سمحت :pointiy2[2]:

ههههههههههههههههههههههههههههههه
انا قولت ابينلك بس ان اللي انتم بتعتبروه اعجاز دا بالنسبالنا حاجه عاديه
برج الكهربا ده شغل عيال صغيره
دا انا بفكر في عمليه كبيره
الناس تصحي من النوم الصبح تلاقو الجمهوريه نقصت محافظه
ومحدش يعرف احنا مخبينها فين

[ganash]

لا وبيقولك وبحوزته على اساس انه حاطه فى جيبه d:

[mahmoud_afifi]

ههههههههههههههههههههههههههههههه
انا قولت ابينلك بس ان اللي انتم بتعتبروه اعجاز دا بالنسبالنا حاجه عاديه
برج الكهربا ده شغل عيال صغيره
دا انا بفكر في عمليه كبيره
الناس تصحي من النوم الصبح تلاقو الجمهوريه نقصت محافظه
ومحدش يعرف احنا مخبينها فين

انتم بتخبوا المحافظه واحنا بنسرق فلوس المحافظه ههههههههه

على فكره انا عشت سنه في اسكندريه ومن ساعتها وانا معتبر نفسي اسكندراني

[Xander2010_Evo]

ههههههههههه
زي فيلم Despicable Me
مييييين سرق أهرامات الجيزة :))

[M7amD_7amDy]

فكرتونى بفيلم عقيم ومكملتوش

بتاع محمود ياسين كان عامل صعيدى وبيحرس منطقة الأهرامات وخوفو اتسرق :)

وعزت العلايلى عامل فيها ظابط وبيحقق معاه وبيقوله مين معاك ومين اللى سرقه :)))

فيلم عجيييييييب

[acceleration]

ههههههههههههههههههههههههههههههههههههههههههههههه بحوزته برج ؟؟؟ شايله فى الجاكيت مثلا ؟؟
ده زى فيلم despicable me واحد سرق الهرم راح الحرامى التانى عشان يغيظوا سرق القمر

[2faster]

ههههههههههههههههههههههههههههههه
انا قولت ابينلك بس ان اللي انتم بتعتبروه اعجاز دا بالنسبالنا حاجه عاديه
برج الكهربا ده شغل عيال صغيره
دا انا بفكر في عمليه كبيره
الناس تصحي من النوم الصبح تلاقو الجمهوريه نقصت محافظه
ومحدش يعرف احنا مخبينها فين

looooooooool

جامدة

ممكن نخبيها في

محدش يفهم صح انا اقصد فوق السطوح

[أحمد كمال]

ايه الفيلم الغريب ده ؟؟؟؟؟