>> اهداء لأخواني ممن يعارضو نظرية المؤامرة في كل الأحوال

[أبو عبدالله]

صحيفة سعودية: الإمساك بطائر متوحش بداخله جهاز إسرائيلى
الإثنين، 27 ديسمبر 2010 - 12:21



الطائر أثناء القبض عليه

كتب / عصام نبوى وماهر فرغلى

ذكرت جريدة الوئام السعودية اليوم أن الأهالى فى مدينة حائل فوجئوا بهبوط طائر جارح ضخم الشكل والجسم فى قرية الضحايا بالقرب من إحدى المنازل الكبيرة وخلال أحد المجالس رأوا الطائر الذى نزل وكان شكله مرعبا ووحشياً وجارحاً، واقترب منهم شيئاً فشيئاً بطريقة مريبة.

وأكمل أحد الأهالى أنهم رأوا الطائر محزماً برباط به جهاز ذو (أيريل) قصير مدون عليه "انتل" وكذلك أساور من نحاس وحديد.. وعند محاولة الإمساك به يبدأ بلفظ مخلفات بكميات كبيرة من فمه ينبعث منها رائحة كريهة يصعب معها الاقتراب منه؛ ثم يعاود أكلها مرة أخرى؛ وكان الطائر يستخدم هذه الطريقة حتى يقلع محلقاً لاحتياجه لمسافة 30 متراً كمدرج للطيران بسبب الأوزان التى يحملها على ظهره وتحت بطنه وبعض القطع المعدنية حول ساقيه.

وأشار الأهالى أنهم أخذوا يتابعون الطائر الغريب عبر منظار مقرب حيث وضعوا له خطة بنحر خروف ورميه بالقرب من سور المنزل وتركه بدمائه وذهابهم بعيداً، بينما آخرون يداهمونه من الخلف وقد نجحوا فى الإمساك به بعد رمى أحدهم نفسه عليه وسط مقاومة الطائر الشرسة.

كان الطائر قبل الإمساك به يصدر أصواتاً مأنوسة تشبه صوت "الطفل الرضيع" وتجاوبه أصوات أخرى من ثلاث طيور أخرى اتخذت من قمة جبل قريب موقعاً، بعدها مباشرة حلّقت جواً وكأن هناك إشارات وتحذيرات لا سلكية صدرت من الطير الأسير، وفقاً لما ذكره المواطنون.

وقد قام الأهالى بتسليم الطائر للجهات المختصة التى وجدت مع الطائر جهازا على ظهره واستيكر على الجناح يحمل الرمز x63 وأسورة معدنية حول ساقه برمز H1 - Ho5 والساق الأخرى فيها سوار نحاسية مكتوب عليها "إسرائيل"، ومتبوعة بحروف ترمز لجامعة "تل أبيب" وجهاز ثالث مزروع داخل جسمه متصل بالجهاز الخارجى!.

الخبر منقووووووووووول من اليوم السابع

[fepsceasar]

ممكن يكون طائر نادر فى محمية طبيعية وهم بيراقبوه ويعملوا عليه أبحاث ولا تجسس ولا بتاع

[أبو عبدالله]

ممكن يكون طائر نادر فى محمية طبيعية وهم بيراقبوه ويعملوا عليه أبحاث ولا تجسس ولا بتاع

حضرتك قرات الكلام ده

كان الطائر قبل الإمساك به يصدر أصواتاً مأنوسة تشبه صوت "الطفل الرضيع" وتجاوبه أصوات أخرى من ثلاث طيور أخرى اتخذت من قمة جبل قريب موقعاً، بعدها مباشرة حلّقت جواً وكأن هناك إشارات وتحذيرات لا سلكية صدرت من الطير الأسير، وفقاً لما ذكره المواطنون.

ثم في كل الاحوال لو هيا ابحاث فبرضه ماهو مجال مثل هذه الأبحاث

[تامر.محمد]

بص , اللي بيعارض و شايف الدنيا وردي هو حر

يمكن مش صح نسبة كل حاجة لمؤامرة ما , لكن حاليا نسبة البلاوي اللي مش ناتجة عن مؤامرات مش كبيرة للدرجة

الخلاصة , بعد كل الفضايح اللي عمالة تتنشر هنا و هناك , اللي مصر يشتغل نفسه هو حر

[wael2sh]

متابع

[fepsceasar]

ابحاث ولا تجسس ده يدل على حاجة واحدة ان احنا نايمين فى البلالة وحتى الطائر مسكوه بطريقة بدائية، وكمان يعنى اسرائيل مستنية طائر مسكين عهشان تجسس طب ما هى الأقمار الصناعية عندها وبتصور بدقة عالية ويمكن كانوا شايفين ماركة الجلابية بتاعت الأخ اللى مسكوه
ومن الآخر كمان لا مؤامرة ولا بتاع احنا اللى عملنا فى نفسنا كده كل دول العالم بتدور على مصلحتها واحنا شدين اللحاف

[yahiahelaly]

الكلام دة بجد ....
مش عارف اقول اية والله

بس الغريب ان العلامت والاستيركات باينة وواضحة همة بيتهيئلي مش اغبية عشان يعملوها كدة
بس مش معنى كده اني بقول انهم مش يعملوها لا دة يعملوها ويعملوا ابوها بس مش مستوعب بصراحة

[fepsceasar]

حضرتك قرات الكلام ده


ثم في كل الاحوال لو هيا ابحاث فبرضه ماهو مجال مثل هذه الأبحاث

انا بخمن زى ما انتوا بتخمنوا وقاعدين تقولوا تجسس، وممكن تكون الابحاث دى عن دورة حياة الطائر وسلوكه ،

[Dr Ahmed]

أنا مع إن فيه مؤامرات طول الوقت ضدنا من أعدائنا ومن أنفسنا
لكن فى خبر الطائر ده لو إسرائيل ناوية شر لا يمكن كنت تلاقى إسمها عليه بالعكس كانت تكتب عليه "طائر مصرى أو إيرانى"
دا فعلا غالبا أبحاث لدراسة سلوك وانتقال وأماكن الطائر
إلا لو كان الطائر فيه فيروس جديد عايزين ينقلوه ليهم تحت مظلة تجربة بحثية وخطأ غير مقصود

[MotorX]

انا بخمن زى ما انتوا بتخمنوا وقاعدين تقولوا تجسس، وممكن تكون الابحاث دى عن دورة حياة الطائر وسلوكه ،

اعتقد ان كلامك ممكن يكون هو التفسير المنطقي وخصوصا ان الطيور بتهاجر في الشتاء من المناطق الباردة للمناطق الأكثر دفئا ، والعلم عند ربنا .

تحياتي.

[أبو عبدالله]

يا جماعه انا عارف انهم مش اغبيه انهم يتركوا العلامات دي عليه والله
ولكن ماهو ممكن كيون ده مقصد من المقاصد الله اعلم
ومش كل حاجه بتيجي بالأقمار الصناعية يعني مش كل اهدافهم
ماهيا المشكلة ان ساعات كتير اهدافهم بتبقى هايفه وومكن توصل لأهداف نفسية بس واحنا نرد على بعض ونقول بلاش نظريية المؤامرة على الفاضي والمليان بدون ما نتحقق من الكلام او نتصوره

كل اللي اعرفه فيه دليل يبقى كلام مظبوط
فيه كلام بس يبقى اتركه كلام لحد لما يثبت لي الحق من الباطل
مش لما الاقي كلام بس
اروح ادر عالطول واقول بلاش نظرية المؤامرة كده عالطول

يعني هو لا كده لا كده مفيش وسط عندنا هو ده ما اعنيه واقصده من الموضوع
الناس دي هبله وممكن تفكر في اي حاجه هبلة
فبلاش نبقى عاملين نفسنا اكننا ابو العريف واحنا نايمين في الدرا

[Mzeid]

يعني يا جماعة الناس دي بتعمل أبحاث على الحشرات و بتصنع كاميرات متناهية الصغر و بيدرسوا كيفية توجيه الحشرات
و كيفية نقل فيروسات قاتلة
كل دة يبقوا بيعملوا ابحاث على حياة الطيور و الحيوانات
و بعدين اكيد طبعا هما مش ناسيين أن عندهم أقمار صناعية
يا جماعة يعني عدونا عمال يخطط و يتكتك من زمان و احنا كل حاجة نقول عليها يا عم فكك و بطل نظرية المؤامرة

[otefa]

فرقعة أخبارية.........خلينا نايمين في العسل وكل حاجة نرميها علي نظرية المؤامرة منتهي السلبية

[Dr Ahmed]

والله انا عايز أفكر لهم فى مؤامرة
بس محتاج أفكار

ممكن نبعت لهم طواقى رخيصة من الصغيرة بتاعتهم دى وتكون ملوثة بماء النيل يلبسوها ونقضى عليهم

[نور القمر]

انا قريت الخبر ده امبارح ولفت نظري جملة غريبة
بيقولك طائر غريب وضخم !!
يعني الطائر ده مالوش اسم ولانوع
ولا ده نوع جديد اسرائيل مستنسخاه هجين بين عدد الطيور
الخبر واضح انه مفبرك