استقالة محافظ الاسكندرية

[ahmedabutaleb]

مبروك لاهل اسكندرية والله انا فرحت اوى
قام اللواء عادل لبيب محافظ الإسكندرية، الخميس، بتقديم استقالته، بعدما ألغى اجتماع مجلس المحافظة الذى كان مقرر انعقاده اليوم .
وكان لبيب قد تلقى، صباح اليوم، استدعاء من قيادة المنطقة الشمالية للقوات المسلحة .
وجاءت استقالة لبيب، بعد سخط كبير من أهالي الإسكندرية جراء بعض قرراته التى لم تلق قبول لدى الكثير من أبناء المحافظة مثل :"الحضانة" وهو مكان يتم تجميع فيه السيارات المخالفة للمرور، وحادث الشاب خالد سعيد .

[ahmedabutaleb]

رجاء الحذف للتكرار

[mahmoudysf]

عقبال الباقي نفسنا ننضف مرة واحدة بقى

[فتح الباب]

الف مبروك والله فرحتلكو يا اسكندرانيه واخيرا هنمشى فى اسكندريه على طرق ممهده وليس بها حفر حيث اننى يوميا هناك

[ahmedabutaleb]

عقبال الباقي نفسنا ننضف مرة واحدة بقى

استاذى العزيز الدنيا اتخلقت فى 6 ايام مفيش حاجه بتيجى مرة واحده
ثانيا اعتقد اننا جزء من الدنيا اللى لازم تنضف ولازم نبتدى بنفسنا ثم باللى حوالينا

[mahmoudysf]

استاذى العزيز الدنيا اتخلقت فى 6 ايام مفيش حاجه بتيجى مرة واحده
ثانيا اعتقد اننا جزء من الدنيا اللى لازم تنضف ولازم نبتدى بنفسنا ثم باللى حوالينا

للاسف احنا بنستخدم الامثلة في غير موضعها
والصح نقول لاتؤجل عمل اليوم الى الغد
انا ماشفتش دكتور بيعمل عملية وقفل الجرح قبل ما ينتهى من العملية وقال الدنيا اتبنت فى 6 ايام

[waelfarid]

اكيد اكيد ما استحملش انه يقعد مع العامة من الشعب من شباب الثورة زي ما شفنا في التليفزيون
وبيقول في قرارة نفسه والله عال اهو ده اللي كان ناقص

[ahmedabutaleb]

للاسف احنا بنستخدم الامثلة في غير موضعها
والصح نقول لاتؤجل عمل اليوم الى الغد
انا ماشفتش دكتور بيعمل عملية وقفل الجرح قبل ما ينتهى من العملية وقال الدنيا اتبنت فى 6 ايام

استاذ محمود انا متابع ارائك من الاول وبحترمها جدا
بس برده حتى الجراحة لازم الاول نتاكد ان المريض متأهل ليها الاول ولا لا وبعد كده البنج وبعد كده العملية اللى ممكن تاخد ساعات كتير وده كله مجرد عملية لفرد فما بالك بعملية لأمة بحالها وبقالها 30 سنه مريضه يعنى المرض متمكن منها فالعملية مش سهلة

[itsonlyme]

أول الغيث قطرة.

يا جماعة المجلس الأعلى للقوات المسلحة له صلاحيات الرئيس وزيادة كمان (لأنه عطل الدستور)

والرئيس من سلطاته التنفيذية تعيين (وإقالة) المحافظين ورؤساء تحرير الصحف القومية ورؤساء الجامعات.

والمحافظين الغير مرضي عنهم من أهالي محافظتهم معروفين.

فيها ايه لما يتم اقالة المحافظين ذوي السمعة السيئة ورؤساء تحرير الصحف المنافقين ورؤساء الجامعات المعروفين بولاءهم المطلق للنظام البائت؟

دي مش محتاجة لا تحقيق ولا نائب عام ولا محاكمة، ده قرار تنفيذي بالإقالة.

الناس لازم تحس ان الفسادين سوف يتم اقصاءهم من مواقعهم (دي المفروض ماتخدش وقت) تمهيداً لمحاسبتهم لاحقا (ودي هتاخد وقت).