اللى عايزين المظاهرات تستمر يدخل يشوف اللى بيحصل

[م. عمرو شرف]

فيه ناس عايزه المظاهرات تستمر للضغط على الجيش لضمان المطالب

وبعدها المظاهرات الفئويه فى كل مكان أقتداءا بفكر مظاهرات الضغط على الجيش وبيضغطوا على شركاتهم

وده نتيجه اللى حصل وربنا يستر على الجاى

اليوم السابع | عمال الغزل والنسيج بكفر الدوار يقتلون رئيس الشركة

اقتحم عمال شركة الغزل والنسيج بكفر الدوار بمحافظة البحيرة صباح اليوم، الثلاثاء، مكتب رئيس الشركة بالإنابة محمد رأفت جنيدى، واعتدوا عليه بالضرب حتى فارق الحياة، وذلك فى إطار مظاهراتهم للمطالبة بزيادة رواتبهم وأجورهم، وتحسين مستوى معيشتهم.


يرضى مين ده
أتمنى يكون الخبر مش صحيح مع أنه مكتوب فى مواقع تانيه كتيره

[dr-mohamed]

الخبر صحيح للاسف والكلام ده من اول امبارح العضو المنتدب للشركة طلب منهم مهلة لبحث طلباتهم والمتعلق بزيادة المرتبات والحوافز لتحديد المبالغ التي يمكن منحها لهم فضربوه وهو مريض بالقلب اصلا مات في ايديهم
عائلته قالت ده مات من سكتة قلبية بس لاني للاسف عارف المكان كويس جدا وعارف عائلة المجني عليه وهم الجنايدة فأنا عارف ان الموضوع مش هايعدي على خير وهاياخدوا بتاره

[م. عمرو شرف]

م/ حاتم السباعى أتصلت بيه حوالى الساعه 4 العصر
كان مع حماه فى الأسكندريه بيعمل عمليه وهما راجعين بيه عند مدخل دسوق لقوا سواقين الميكروباصات قافلين كل مداخل البلد بالسلاح علشان عايزين المجلس المحلى يزود الكارته
فضلوا ساعه مش عارفين هما وكل العربيات يدخلوا البلد وكلموا ناس قرايبهم معروفين فى البلد علشان يحاولوا يدخلوهم
حماه عامل عمليه فى عينه وفضل ملطوع ساعه ودخل بواسطه

يرضى مين ده

[dr-mohamed]

يرضي ناس كتير
ولسة
الفوضي تنتشر وتستمر وتتوغل وتتعمق

[ahmedabutaleb]

ربنا يستر على البلد الواحد بقى مش عارف هيا راحة فين او عارف بس خايف يصدق

[Mohamed_Hegazy]

المظاهرات الفئويه حاجه ومظاهرات التحرير حاجه تانيه الاولى استغلال ظرف اما الثانيه فهى ضرورى للتاكد من اقتلاع الفساد من جزورة

[itsonlyme]

طبعاً ده حادث مؤسف ونتمنى انه ما يتكررش.

لكن منقدرش نمنع الموظفين انهم يضربوا عن العمل أو يتظاهروا حتى لو شايفين ان ده يضر بالاقتصاد ويمنع الحياة انها تعود لطبيعتها. حتى لو اختلفنا معاهم، ده حقهم.

أنا بصراحة أقل تحمسا للمظاهرات الفئوية لكن زي ما حضرتك اعطيت مثل سيء نتمنى أن لا يحدث مرة أخرى، ادي لحضرتك مثل جيد

ركبت مع سواء تاكسي من يومين وطلع عضو لجنة نقابية وموظف في المحافظة.
الموظفين في ادارته عملوا اضراب عن العمل لكن لم يخرجوا خارج المبنى أو يخربوا أي ممتلكات عامة بوعي من قادة الاضراب والمضربين نفسهم. جاء المدير وتفاوض معاهم واتكلموا عن الظلم الواقع عليهم. المدير ده كان استحالة حد يخش مكتبه وكان معاملته للموظفين فظة. الساعي المتعين جديد في مكتب المدير كان بياخد حوافز وبدلات أكتر من العامل اللي بقاله 30 سنة في مكان آخر في المحافظة. الموظفين جابوا مفردات مرتب المدير وكان مرتبه كبير جداً هو ومستشاريه. المستشارين حاليا في الهيئات الحكومية عبارة عن اصحاب كبار المديرين ومعارفهم. المدير كان بيتحايل عليهم (بعد ما كان بيعاملهم اسوء معاملة) عشان يفضوا الاضراب ومايعملوش له مشكلة وفعلا نفذ بعض مطالبهم اللي يقدر عليها. المدير بقى خايف منهم (مش خوف من عنف جسدي بل خوف من قوة صوتهم) بعد ما كان الموظفين هما اللي خايفين منه وساكتين على ظلمه ليهم.

في كل مؤسسة من مؤسسات الدولة في رئيس ومدراء في قمة الفساد والموظفين عارفنهم. كل هيئة لازم تتطهر نفسها وتبلغ عن الفاسدين فيها.

أيوة، الاضرابات الفئوية دي بتضر الاقتصاد مؤقتا. وبعض مطالب الموظفين تعتبر انتهازية، لكن في المجمل الاضرابات والمظاهرات الفئوية دي بتطهر جذور الفساد اللي معششة في كل مؤسسات الدولة.

أما بقى المظاهرات ذات المطالب العامة دي مفهاش شبهة انتهازية أو مكاسب شخصية. ودي أنا شخصيا معاها 100%.

[zkralla]

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

[mahmoudysf]

يرضي ناس كتير
ولسة
الفوضي تنتشر وتستمر وتتوغل وتتعمق

كتير اد ايه يعنى
ويا ريت تقولنا احصائية عن اسماء الكتير دول اللي عايزين يخربوا
يا دكتور محمد مش كل مختلف معاك في الراي بقى مؤيد للفوضى والمظاهرات الفؤية وضرب جميع ضبات الشرطة
وياريت دايما تدي حلول لمشاكل وتناقشها بدل ما انت واخد صف وكل مخالفينك حاططهم في صف العدو
وعموما انا مازلت محترم شخخصك مع اختلافي واعتراضى على 99 % من ارائك وطريقتك في مناقشة مخالفيك ومحاولة اسقاط عليهم ما ليس بهم

[mahmoudysf]

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

يا ريت ده يكون واضح للجميع
لا للمظاهرات الفؤية
لا للفوضة
لا للبلطجة
نعم لكل حشد سلمي له مطالب وحقوق ولا يؤثر في حركة المجتمع

[otefa]

لا حول ولا قوة الا بالله........الله يرحمه........ويرحم بلدنا من الغوغائية

[megamoudy]

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

+111111111111111

[م. عمرو شرف]

المظاهرات الفئويه حاجه ومظاهرات التحرير حاجه تانيه الاولى استغلال ظرف اما الثانيه فهى ضرورى للتاكد من اقتلاع الفساد من جزورة

أنا مش بشبهم ببعض طبعا
أنا ضد مظاهرات التحرير ( دلوقت ) علشان ندى فرصه للجيش يتصرف ( بأعتبار أن مطالبهم رحيل شفيق )
لكن المظاهرات الفئويه بتقلد التحرير بس بمنهى العبط

طبعاً ده حادث مؤسف ونتمنى انه ما يتكررش.

لكن منقدرش نمنع الموظفين انهم يضربوا عن العمل أو يتظاهروا حتى لو شايفين ان ده يضر بالاقتصاد ويمنع الحياة انها تعود لطبيعتها. حتى لو اختلفنا معاهم، ده حقهم.

أنا بصراحة أقل تحمسا للمظاهرات الفئوية لكن زي ما حضرتك اعطيت مثل سيء نتمنى أن لا يحدث مرة أخرى، ادي لحضرتك مثل جيد

ركبت مع سواء تاكسي من يومين وطلع عضو لجنة نقابية وموظف في المحافظة.
الموظفين في ادارته عملوا اضراب عن العمل لكن لم يخرجوا خارج المبنى أو يخربوا أي ممتلكات عامة بوعي من قادة الاضراب والمضربين نفسهم. جاء المدير وتفاوض معاهم واتكلموا عن الظلم الواقع عليهم. المدير ده كان استحالة حد يخش مكتبه وكان معاملته للموظفين فظة. الساعي المتعين جديد في مكتب المدير كان بياخد حوافز وبدلات أكتر من العامل اللي بقاله 30 سنة في مكان آخر في المحافظة. الموظفين جابوا مفردات مرتب المدير وكان مرتبه كبير جداً هو ومستشاريه. المستشارين حاليا في الهيئات الحكومية عبارة عن اصحاب كبار المديرين ومعارفهم. المدير كان بيتحايل عليهم (بعد ما كان بيعاملهم اسوء معاملة) عشان يفضوا الاضراب ومايعملوش له مشكلة وفعلا نفذ بعض مطالبهم اللي يقدر عليها. المدير بقى خايف منهم (مش خوف من عنف جسدي بل خوف من قوة صوتهم) بعد ما كان الموظفين هما اللي خايفين منه وساكتين على ظلمه ليهم.

في كل مؤسسة من مؤسسات الدولة في رئيس ومدراء في قمة الفساد والموظفين عارفنهم. كل هيئة لازم تتطهر نفسها وتبلغ عن الفاسدين فيها.

أيوة، الاضرابات الفئوية دي بتضر الاقتصاد مؤقتا. وبعض مطالب الموظفين تعتبر انتهازية، لكن في المجمل الاضرابات والمظاهرات الفئوية دي بتطهر جذور الفساد اللي معششة في كل مؤسسات الدولة.

أما بقى المظاهرات ذات المطالب العامة دي مفهاش شبهة انتهازية أو مكاسب شخصية. ودي أنا شخصيا معاها 100%.

بس أحنا معندناش ثقافة التظاهر والدليل أمثله كتيره جدا جدا أكتر بكتير من مجموعات تانيه بتطالب بحقوقها بطريقه كويسه
وأزاى حتى لو هتضر بالأقتصاد وتمنع الحياه تعود

الاختلاف كبير قوى بين المظاهرات الفئويه الى بيقوم بيها ناس عشان مصالح شخصيه ومظاهرات ميدان التحرير
عشان الاوراق ما تتخلطش فى الزحمه
كلنا ضد المظاهرات الفئويه والانتهازيه

وضحت كلامى فى أول رد

[megamoudy]

اولا فعلا اللي معطل البلد المظاهرات الفئوية

محنا الاطباء دلوقتي مأجلين موضوع المظاهرات ومحترمين نفسنا

وبتوع مظاهرات التحرير معادوش بينزلو

ياريت منخلطش بين الاتنين فعلا

[megamoudy]

كتير اد ايه يعنى
ويا ريت تقولنا احصائية عن اسماء الكتير دول اللي عايزين يخربوا
يا دكتور محمد مش كل مختلف معاك في الراي بقى مؤيد للفوضى والمظاهرات الفؤية وضرب جميع ضبات الشرطة
وياريت دايما تدي حلول لمشاكل وتناقشها بدل ما انت واخد صف وكل مخالفينك حاططهم في صف العدو
وعموما انا مازلت محترم شخخصك مع اختلافي واعتراضى على 99 % من ارائك وطريقتك في مناقشة مخالفيك ومحاولة اسقاط عليهم ما ليس بهم

+111111111111111