خلوا بالكوا وانتوا بتشتروا دواجن!!

[Ayman-Ahmed]

السلام عليكم ورحمة الله وبركاته

لسة قارى الموضوع على موقع اخبارى وقلت لازم التحذير للجميع وياريت اللى يعرف حد فى المناطق المنشورة فى الخبر يحذره.عافانا الله وعافاكم.

http://www.alwafd.org/index.php?option=com_.......&view=article&id=21436:%D8%A7%D9%86%D8%AA%D8%B4%D8%A7%D8%B1-%D8%AF%D9%88%D8%A7%D8%AC%D9%86-%D8%B1%D8%AE%D9%8A%D8%B5%D8%A9-%D8%AA%D8%B3%D8%A8%D8%A8-%D8%A7%D9%84%D8%B3%D8%B1%D8%B7%D8%A7%D9%86-%D9%88%D8%A7%D9%84%D9%81%D8%B4%D9%84-%D8%A7%D9%84%D9%83%D9%84%D9%88%D9%89&catid=82:%D8%AD%D9%85%D8%A7%D9%8A%D8%A9%20%D8%A7%D9%84%D9%85%D8%B3%D8%AA%D9%87%D9%84%D9%83%20&Itemid=126

[hazemhassan]

نصف كيلو الفرخة ودى تتاكل ازاى
والناس اللى معندهاش زمة ولا دميرررر مش مهم الناس تاكل وتموت او يجلهم امراض المهم يكسبو
حسبى الله ونعمة الوكيل لو كان الخبر صحيح
عشان الواحد اكنة فى زجاجة كل شوية حد يرجها مش عارفين نرتاح
من كتررررررر الاشاعات والحوارات اللى فى البلد

[Ayman-Ahmed]

لتفادى الاشاعات والبلبلة دايما لما بقول خبر او بكتبه بجيبه من المصدر وعشان كدة لازم اللينك.

للاسف لعدم وجود رقابة كافية وانعدام الضمير.هتلاقى من الانتهازيين كتير وربنا يسترها على الجميع.

[د.أحمد السعيد]

الموضوع

كتب -أبوزيد كمال الدين ووفاء سلماوى:




حذر مجلس شعبة الثروه الداجنة بالغرفة التجارية من شراء الدواجن التى لايزيد وزنها على 500 جرام وتباع بسعر 5 جنيهات للواحدة. أكد عادل البنان وأشرف الأشرم عضوا شعبة الثروة بالغرفة أن هذه الدواجن تباع تحت مسمى "سردة " ويلجأ أصحاب المزارع إلى التخلص منها بسبب إصابتها بأمراض أنفلونزا الطيور والاستسقاء ، كما يؤدى تناولها إلى الإصابة بالسرطان والفشل الكلوى .

وأضاف أنه يتم تداولها فى أسواق مصر القديمة بشارع حسن الأنور وسوق العتريس بمنطقه السيدة زينب والمطرية والزاوية الحمراء والمرج ودار السلام والبساتين والمقطم .

من جانبها قالت الدكتورة آسيا الصاوى أستاذ أمراض الدواجن بمعهد بحوث صحة الحيوان: إن الدواجن قليلة الوزن تكون موجودة داخل المزارع ومن المفترض أن يتم إعدامها بسبب حملها للعديد من الأمراض .

وأضافت أن أصحاب المزارع يلجأون إلى بيعها لتحقيق الأرباح خاصة من انخفاض معدلات الرقابة على المزارع ، مشيرة إلى أن تداول هذه الطيور حية سوف يؤدى إلى نقل الأمراض التى تحملها إلى البشر.

وحذرالدكتور محمد القبانى أستاذ أمراض الحيوان بهيئة الخدمات البيطرية من تناول هذه الدواجن أو تداولها بسبب إصابتها بأنفلونزا الطيور والكساح ،مشيرا إلى أن الخدمات البيطرية سوف تشدد من رقابتها على المزارع لمنع بيع الدواجن قليلة الوزن وإعدامها .




بس ايه الدليل على كدة!!! مش بتشتريها صاحيه و تشوفها و لا لأ

[Ayman-Ahmed]

للاسف(مش عارف اذا كانت هى الكلمة الصح) فيه ناس مبتشتريش الفرخة كاملة وبيشتروا رجول-اجنحة-عضم صدور.دول بقى اللى انا مش عارف بيعرفوا ولا مبيعرفوش.

الفراخ المجمدة والمقفولة فى اكياس والفراخ البانيه والشيش.هيتعرفوا ازاى؟

[WalidAdel]

نصف كيلو الفرخة ودى تتاكل ازاى

تتاكل محشيه أرز او فريك ياباشا ليسه امي مطلعاهم اهي علشان تعملهم بكره ان شاء الله بس هو اكيد طالما قال عليها اسم "سرده" هاتبقي مجمده مش صاحيه يعني

حتي الفراخ اللي هاكلها بكره طلع عليها اشاعه انهارده بليل لا حول ولا قوة الا بالله
انا من كتر الاخبار و الاشاعات انا بحب اتأكد بنفسي فقومت شوفت اسمها طلعت "موجا" الحمد لله و طلع مكتوب عليها وزن من 600-650 ماصدقتش بردوا قولت يمكن هما عندهم خبر بالموضوع فقالك نعمل اختلاف فنخاليها 600-650 قال يعني قومت وازنها زياده في الاطمئنان بقي لاقيتها 610 يعني الحمد لله اماااااااااان هاكلها بكره ان شاء الله وانا مطمن

[Ayman-Ahmed]

هو الخبر من جريدة الوفد يعتبر اشاعة ولا ايه بس عشان افهم وابطل اقرا للوفد

[elshinzawy]

الكلام ده كله صحيح وفعلا الفراخ اللى اقل من نصف كيلو هى فراخ سرده وكمان اللى اقل من كيلو بس اللى اقل من نص بتبقى رايحه فى مصيبه والمفروض انها تتعدم اول باول
انا عندى مزرعه وكل اسبوع فى متابعه للوزن واللى بيبقى سردة بيتعدم فورا مع انى اعرف ناس كتير بتسيبه وتبيعه وبيتباع بسعر رخيص جدا والتاجر بيكسب فيه اكتر من الفراخ السليمه وبيقولو انها بتتحشى رز والكلام ده

[hazemhassan]

تتاكل محشيه أرز او فريك ياباشا ليسه امي مطلعاهم اهي علشان تعملهم بكره ان شاء الله بس هو اكيد طالما قال عليها اسم "سرده" هاتبقي مجمده مش صاحيه يعني

حتي الفراخ اللي هاكلها بكره طلع عليها اشاعه انهارده بليل لا حول ولا قوة الا بالله
انا من كتر الاخبار و الاشاعات انا بحب اتأكد بنفسي فقومت شوفت اسمها طلعت "موجا" الحمد لله و طلع مكتوب عليها وزن من 600-650 ماصدقتش بردوا قولت يمكن هما عندهم خبر بالموضوع فقالك نعمل اختلاف فنخاليها 600-650 قال يعني قومت وازنها زياده في الاطمئنان بقي لاقيتها 610 يعني الحمد لله اماااااااااان هاكلها بكره ان شاء الله وانا مطمن:b4_384:

الف هنا ياباشا ومتنسناش بس فى ورك ولا ورك اى متنسناش فى فرخة