تحويل الصحراوى الى حر

[حماده عزو]

خبر صادر فى العدد الأسبوعى لجريده الميدان عن تحويل الصحراوى الى حر http://www.almaydan.org/details2.php

تعليق على الخبر أهدار واحد ونصف مليار جنيه لتحويل الطريق الصحراوى الى طريق حر فى عهد أختفاء رغيف العيش
وتقولو مش هنعتصم علشان منزعلش حد مننا

وسلملى على الاعفائات الجمركيه

................................................
ممنوع الكتابة باللون الأحمر لإنه مخصص للإدارة فقط
برجاء مراجعة قوانين المنتدى
الإدارة - 3

[محمد عز]

ياجماعه برده حاجة كويسه
ده مصر بحالها مفهاش طريق يصنف انه طريق حر
لدرجة انا ببقى مكسوف انى اكلم عن الطرق فى مصر
مع انى الغالبيه العظمى من مهندسين الطرق فى الخليج مصريين
وبسم الله ماشاء الله على الطرق حاجة تشرح القلب

[محمد المشد]

الطريق الصحراوى تقرر ان يكون طريق حر منذ اكثر من ستة شهور 00 يعنى الامر قديم ومش جديد ولكن الجديد ان هناك عدة طرق حرة اخرى منها الطريق الزراعى من شبرا الخيمة الى بنها سوف يتم عمل طريق حر موازى للطريق الزراعى ، وايضا العديد من الطرق ، والمقصود بهدة الكلمة انها سوف تكون طرق بفلوس بالمختصر المفيد 000 يعنى كل اللى هيمشى على الطرق بصفة عامة سوف يدفع فلوس 000 لكن اعتقد ان الامر سوف يأخذ شكل عدم الدستورية فى يوم من الايام لان الضرائب التى نقوم بدفعها هى من اجل الطرق وخلافة ، بالاضافة الى ان الحكومة بهذا الشكل سوف تقوم بتحويل كافة الطرق الى حرة - لم نقل شىء، ولكن من المستفيد الحقيقى من الطرق الحرة؟ بعض رجال الاعمال الحريين ايضاً الذين سوف يتولون هذه الطرق ولكى الله يا مصر

[محمد عز]

والمقصود بهدة الكلمة انها سوف تكون طرق بفلوس بالمختصر المفيد

بس يا استاذ محمد طريق حر ده مصطلح هندسي للطرق السريعه اللى بتكون خاليه من اى تقاطعات والخروج منها والدخول اليها بيكون عن طريق منحدرات دخول وخروج
والسرعه عاادة بتبقى عاليه وفى نفس الوقت بتبقى نسبه الحوادث قليلة
وغير طبعا توفير الوقت واستهلاك البنزين

وبعااادين رسوم العبور على الطريق بتتطبق فى كل دول العالم
بس طبعا هما بياخدوا الرسوم ده ويستثمروها على قطاع الطرق والبنيه التحتيه
وفعلا بتبقى مقتنع وانت بتدفع علشان هتاخد خدمات متميزة

[AHMED900]

يا ريت ياخدوا مننا فلوس

بس يعملو لنا طرق حره بمعناها الحرفي

أنا عشت في السعودية فترة ، كنت بسوق على طريق الرياض مكة بسرعة 160 كم براحة تامة

جيت مصر اتصدمت فعلا ، لأني بأستخدم الطريق الزراعي بس في تنقلاتي

ما قدرتش أعدي 120

[kh_talaat]

أعتقد إن الطريق الحر هيعتبر نقلة حضارية في نظام الطرق في مصر بس المهم يتنفذ صح ويتعمل له صيانة دورية وإلا هيضاعف عدد الحوادث ونزيف الدم مش هيقللها ، وكلنا طبعا فاكرين الطريق الدائري قبل ما يتعمل والكلام علية وقبله طريق الأوتوستراد وغيره وغيره من الطرق إللي أصبحت حالتها سيئة للغاية

بس بصراحة الحل الأمثل والأهم من الطريق الحر في الوقت الحالي هو عمل طرق منفصلة لعربات النقل الثقيل والمقطورة هو دة إللي هيقلل الحوادث بدرجة كبيرة

ونسيت أفكركروا بالمحور إللي بيصلحوة دلوقتي وإللي يشوفهم وهما بيصلحوة يلاقيهم وكأنهم بيعملوة من جديد !!!!!!

[محمد المشد]

نأسف للتكرار

[محمد المشد]

بس يا استاذ محمد طريق حر ده مصطلح هندسي للطرق السريعه اللى بتكون خاليه من اى تقاطعات والخروج منها والدخول اليها بيكون عن طريق منحدرات دخول وخروج
والسرعه عاادة بتبقى عاليه وفى نفس الوقت بتبقى نسبه الحوادث قليلة
وغير طبعا توفير الوقت واستهلاك البنزين

وبعااادين رسوم العبور على الطريق بتتطبق فى كل دول العالم
بس طبعا هما بياخدوا الرسوم ده ويستثمروها على قطاع الطرق والبنيه التحتيه
وفعلا بتبقى مقتنع وانت بتدفع علشان هتاخد خدمات متميزة

اشكرك لاصلاح المعلومة ، وان كنت اعلم بأن الطريق الحر حسب المفهوم الهندسى العالمى بأنة طريق سريع خالى من التقاطعات 000 الخ ولكن سعادتكم بتقول ان رسوم الطرق بتطبق فى جميع انحاء العالم نعم فى الدول المتقدمة الغنية وليس فى الدول الفقيرة والمقصود هنا بالفقر هنا قلة دخل مواطنيها مثل مصر فليس معقولاً ان يتم فرض رسوم على طريق بنيتة التحتية موجودة اصلاً ولم يتم تأسيسة من الاول مثل الطريق الصحراوى هذا من جانب اما الجانب الاخر 00 فى مصر لايقيسون مستوى دخل الافراد مع ما يتم فرضة من رسوم عليهم بالطرق او اى مكان اخر ، وهنا اعطيك مثلاً اذا اردت ان تستخرج بطاقة شخصية فالرسوم 15 جنية وتستلمها بعد اسبوعين واذا كنت متعجل من امرك فأدفع 70 جنية واستلمها فى نفس اليوم او ثانى يوم فالفرق هنا واضح المبالغة فى كل شىء وفى تقدير اى شىء
وعندما قلت الحر يعنى فلوس 000 نعم اعنى ما اقول لان فى مصر هذا هو المفهوم الفعلى والذى يتم تكريسة فى العقول اما حكاية الخدمات المتميزة ديت يجب ان اخذها لاننى دافع للضرائب والحكومة لاتعطينى اى شىء من جيبها ولا تمن علينا بشىء لانها خادمة لنا ولسنا خدام لها وهذا هو المفهوم السليم للديمقراطية والصحيح
وكل اعتراضى على فرض فلوس على الطرق هو انه يجب ان يتم عمل طريقين طريق بدون فلوس واخر بفلوس
لا مانع حتى لا نكرس مبدأ الدفع دائما ً فى كل ما تطلبة من حقوق لنا

[fiatmomo]

مع احترامى لجميع الاراء .. بس انا شايف ان تحويل طريق مصر اسكندرية الصحراوى لطريق حر .. ورفع السرعة القصوى ل 120 كيلومتر ..فكرة ممتازة .. وفى نفس الوقت متأخرة كتيييييييييير جدا جدا وبالنسبة لوضوع دفع الفلوس !!! طيب ماحنا كدة او كدة بندفع كارتا فى اول الطريق ؟؟؟ يعنى الموضوع مش جديد .

اية بقى المطلوب لنجاح المشروع :-

الصيانة الدورية للطريق ( كمية مطبات الهوا الى فى طريق مصر اسكندرية بجد مش معقولة وبالاخص ال30 كيلو الاخيرة فى طريق العودة للقاهرة لو واحد لسة واكل احتمال كبير يرجٌع من كتر التنطيط ) !!!!

خدمة الطريق بأكتر من استراحة ( استراحة .. زى ماستر ) مش زى البشبيشى والاكشاك الغريبة الى على الطريق الى معموله ؟

يكون فى مركزين على الاقل اسعاف واغاثة ويكون مجهز بكل الاجهزة الطبية .. مش مجرد منظر .

مراقبة الطريق بالرادار ( حتى فى الليل ) .. لان مع رفع السرعة ل 120 .. المفروض ان دية سرعة مناسبة جدا وتوصلك لاسكندرية فى اقل من ساعتين .

عربيات المقطورة تتمنع منع تام من المشى على الطريق ... بجد سبب كل البلاوى .

ويارب المشروع يتنفذ ويخلص صح ...

احقاقاً للحق .. انا فعلا بدأت الاقى لجان على معظم الطريق السريعة داخل القاهرة .. وعلى الطريق الصحراوية . ياريت دية تكون بداية حقيقية للنظام المرورى .. ومتكونش مجرد هوجة وتخلص