ضبط خطرين سرقا ٥٠ «بطارية» سيارة من شوارع الجيزة

[Karim_Monir]

١٤/٤/٢٠٠٨كشفت مباحث الجيزة سر غموض سرقة بطاريات السيارات الملاكي من شوارع بولاق الدكرور، تبين أن مسجلين خطر من مصر القديمة يستأجران مخزنا ويسرقان البطاريات من السيارات فجرا..
تم ضبط المتهمين متلبسين وبحوزتهما ١٢ بطارية سيارة وضبط ٤٠ أخري داخل مخزن في فيصل.. اعترف المتهمان بجريمتهما وأحيلا إلي محمد عيسي، رئيس نيابة بولاق الدكرور.
تلقي المقدم أحمد الوتيدي، رئيس مباحث بولاق الدكرور، ٢٥ بلاغا من ضحايا في الشوارع الجانبية من فيصل، أكدوا فيها أنهم يستيقظون صباحا وأثناء تشغيلهم سياراتهم الملاكي يكتشفون تعطلها..
وتبين لهم سرقة البطاريات.. دلت تحريات الرائدين مصطفي داوود ومصطفي مخلوف أن وراء الواقعة مسجلين خطر من مصر القديمة «٢٣سنة» و«٢٩ سنة» وسبق اتهامها في ١٧ قضية سرقة ومخدرات وسلاح وآداب.
أضافت التحريات أن المتهمين يستخدمان سيارة ربع نقل، وأنهما يقفا بجوار السيارات الملاكي فجراً وينزعان البطاريات منها.
تمت مراقبة المتهمين وضبطهما في شارع عبدالله محمود ببولاق الدكرور، أثناء سرقة إحدي السيارات، وبتفتيش السيارة تم ضبط ١٠ بطاريات وأرشد الرجال المباحث عن مخزن سري في الطوابق بفيصل.
اعترف المتهمان بأنهما يبيعان البطارية الواحدة بمبلغ ٣٠٠ جنيه وأن ثمنها الحقيقي ٧٠٠ جنيه.. تم تحريز المضبوطات وأحيل المتهمان إلي معتز عزام وكيل النيابة فقرر حبسهما.


منقول من المصري اليوم

[aliabutaleb]

عندنا في اسكندرية موضوع سرقة البطاريات ده شايع جداً جداً جداً
ربنا يسترها

[thegoodhacker]

في اسكندرية فعلا موضوع سرقة بطاريات السيارات منتشر جدا حتي قبل الهوجة الاخيرة.......
سيارة والدي لادا 2105 الحرامي سرق منها البطارية و وش الاسبيراتير و اسلاك البوجيهات........ ربنا ما يباركله يا رب!!
دلوقتي لازم فعلا اي عربية تركبلها انذار و كلبش ديريكسيون ...... علشان الحرامية كتروا اوي نتيجة للفقر و غلاء المعيشة

[Powert]

سؤال بقى هما بيفتحوا الكابوت ازاي لازم يتفتح من جوة العربية ,

بعد كده ليه زرار بيكون تحت الكابورت نفسه ولو الحرامي

مايعرفش مكانه فيين هيدوخ نص ساعة علشان يلاقية

ونبي محدش يعرف المخزن بتاعهم فيين اصل كانت عايز بطاريتين لزمن :D:D

[aliabutaleb]

سؤال بقى هما بيفتحوا الكابوت ازاي لازم يتفتح من جوة العربية ,

يا راجل هو ده سؤال برضة
دانا عربيتي عطس جنبها اتفتحت شنطتها :D

[MEDO80]

عقبال اسكندرية احسن خط الرمل عندنا متبهدل سرقة بطاريات و الغريبة بياخد بطاريات بسسس حتي لو قدامة حاجة تانية بيسيبها حرامي نزيهه

[fahd_628]

فعلا انا اعرف واحد بعربية شاهين فعلا بطاريتة اتسرقت و عاملة علامة فى الكابوت مكان المفك الى اتحط عامل زى عوجة كدة فى الصاج

و واحد تانى نعرفة نزل لقى عربيتة على طوب و الكاوتش و الجنوط مسروقين

[boody2]

مش حقدر اقول غير حسبي الله و نعم الوكيل في الحرامية دول

الحل الوحيد انا الواحد يكهرب العربية قبل ما ينام

[aliabutaleb]

و واحد تانى نعرفة نزل لقى عربيتة على طوب و الكاوتش و الجنوط مسروقين

لا ده حرامي بجحح بجدددد

[Powert]

يا راجل هو ده سؤال برضة
دانا عربيتي عطس جنبها اتفتحت شنطتها

هي عربيتك بتفتح بعطشة بدل الريموت :D:D:D

[اسلام المصرى]

بسم الله الرحمن الرحيم
شكرا جزيلا يا كريم على الخبر.
ربنا يسترها مع الجميع!
الواحد هايفك أيه و لا أيه بعد كده و هو رايح أى مكان!

[Powert]

^^^ مش عارف هما يبدأو يخترعوا جراج متنقل ناخده معانا ونحط جواة العربية

وكمان لازم يكون ليه قفل كبير وكام ترباس احسن يتسرق:D :D

[hazem_khidr]

شكرا يا كريم علي الموضوع.
ابن خالي ساكن قريب من ميدان لاظوغلي و بيشتغل في وزاره الداخليه و كان واصل القهره الساعه 3 الفجر و طله ينام و نزل الساعه 8 و نص رايح الشغل لقي البطاريه اتسرقت !!!!!!!

بسم الله الرحمن الرحيم
شكرا جزيلا يا كريم على الخبر.
ربنا يسترها مع الجميع!
الواحد هايفك أيه و لا أيه بعد كده و هو رايح أى مكان!

1.العلامات اللي علي العربيه.
2.الطاسات و لو حتتاخر يبقي الكاوتش بالمره لحسن ترجه تلاقي العربيه علي الارض.
3.الكاسيت
4.اي سيديهات او شريط .
5.البطاريه طبعا..........
شفت العمليه بسيطه ازاي :):)

[محمد عز]

لا حول ولا قوة الا بالله العلى العظيم
مش عارف الواحد هيلاقيها من مين ولا مين

[tutankhamoun]

سيارة تويوتا كورولا العيون .......... مِلك عمي العزيز
خرج الصبح ........ لقى عربيته الجميلة بدون البطارية
و بدون كاوتش ........ و الحرامي كتر ألف خيره ....... سابها واقفة على حجارة .......... مهنش عليه يحطها على الأرض
حرامي محترم و حنين

:D :D :D :D