هيونداى .... الشركة الخادعة .. هام جدا

[Ramy_Ali]

فعلا هيونداى سيارات غير معمرة بالمرة ياشباب
فضلا عن بعض الاخطاء التفنية التى تظهر بها
واسعارها المبالغ فيها بصورة كبيرة
وتوكيلها السئ الذى لايحترم الانسان فى معاملاتة
بيحسسك انه مديك العربية شحاتة

[alivara]

فعلا هيونداى سيارات غير معمرة بالمرة ياشباب
فضلا عن بعض الاخطاء التفنية التى تظهر بها
واسعارها المبالغ فيها بصورة كبيرة
وتوكيلها السئ الذى لايحترم الانسان فى معاملاتة
بيحسسك انه مديك العربية شحاتة

انت جربت غبور ؟ و لا لقيت الكل بيشتم فيه قولت اشتم انا كمان و خلاص كعادة معظم الاعضاء ؟
الموديلات القديمة غير معمرة اما الجديدة معمرة جدا و حنشوف

[Ramy_Ali]

تتخيل ممكن يكون ايه؟

---------------------
اللى بيغلى الاسعار ويخرب البيوت
هيال مفشخرة والمنظرة يا حبوب
---------------------

[mohamedsaadaly]

بصراحه الموقع مافيش اي حاجه عليه ولو خد قدر يوضح اكتر او يدلنا عن مواقع تانيه اكون شاكر

[Ramy_Ali]

فعلا الواحد بيحس انه انضحك علية لما بيشترى من هيونداى
وخاصة ان السعر مبالغ فيه جدا للسيارات

[Nour_Peugeot]

يا شباب ممكن يكون عيب تصنيع بس قي بعض الموديلات بس الشركات المحترمة بتسحب الموديل كله من السوق و تنزل غيره بعد تعديل العيب

ممكن يكون ده الحصل و الناس فهمتها غلط بس عموما انا مبحبش الهيونداي

بس مش ضددها

انا مقتنع ان كوريا مجبتش غير كيا

و الحاجة لما بتكتر بتبقي بيره صح ولا ايه ؟؟

[Ramy_Ali]

لا هيونداى بعد اليوم

[shanodaa]

هيونداي شركه محترمه جدا ويكفي انها من العظماء السبعه في مجال تصنيع السيارات
الخبر قديم

[MOHAMED ABD EL SHAFY]

الخبر قديم

ايه سبب تفعيلك ليه طالما قديم!!
واخر مشاركة تسبقك مباشرة بتاريخ 29-09-2008

[sherothebest]

اللى بيقول هيونداى وحشة ارد عليه بحاجتين الاولى : اى رايك فى المركز المتقدم التى تحتله هيونداى عالميا وتفسيرك له ايه ؟؟؟؟ ...... ثانيا : فاكرين اليابانى اول ما نزل مصر ايام ما كان مصر مافيهاش غير المرسيدس والبيجو والفيات بانواعه ، حد فاكر كان بيتقال على اليابانى ايه والسمعة الزفت اللى كانت طالعة عليه .... كان بيتقال على العربيات اليابانى انها عربيات ورق ومبتستحملش وانها هتفشل فى مصر وطبعا الزمن ومبيعات الموديلات اليابانى فى مصر بعد كدة هى اللى تكفلت بالرد على الكلام ده ..... فعلا ما اشبه اليوم بالبارحة .... بالمناسبة انا فيرناوى حديث جدا ومكنتش مقتنع بيها الا بعد ما شقيقى جابها قبلى بسنتين واقتنعت بيها جدا ... ده غير انى وبعد تجربة بيجو 504 ، مرسيدس 200 ، ومازدا 323 الجيش ، وشاهين ، واخيرا فيرنا 2009 وبعد قيادة سيارات لمدة حوالى 21سنة اقولكم على رايى بالترتيب اخذا فى الاعتبار كافة العوامل (المتانة - استهلاك الوقود - رفاهية ونعومية السيارة ..... الخ) رايى من الافضل الى الاسوء مازدا 323 ثم الفيرنا مع ملاحظة ان كمان سنتين مثلا ممكن الفيرنا تقفز الى المركز الاول لانى حتى الان مش عاوز اجاملها قولى لانى عامل بيها 2500كيلو فقط ما بين سفر وداخل البلد ثم المرسيدس ثم البيجو ثم الشاهين ..... اقولكم حاجة بص للهيونداى عموما فى مصر وخصوصا الفيرنا هتلاقيها اكبر مبيعات فى السوق المصرى وماحدش يقولى علشان هى رخيصة لآ طبعا لان فيه عربيات كتيرة تقاربها فى السعر (افيو - شاهين - كيا - الرينو الصغير والمتوسط مش الميجان - الصينى بانواعه ... الخ ) ومحققتش نفس المبيعات ..... مجرد راى وارحب بالانتقادات

[dmedo]

ممكن يا جماعة حد يقولى اسعار قطع الغيار بتاعة الفيرنا العادية او الاستار كام

[smax]

رأي ان في اعداء للنجاح!!! يعني الي بينقد في هيونداي من غير معرفة او تجربة او يقولك دة غبور اوحش توكيل و لاو اداني عربية ببلاش مش هاخدها. حاجة لا تصدق
الحقيقة ان هيونداي اخذت مكان الفيات في مصر و بجدارة "مبيعات و انتشار, اسعار قطع غيار, اسعار اعادة البيع, صيانة عند اي ميكانيكي"
و كمان غبور مغرق البلد بمراكز صيانة و يعتبر من احسن الي موجود في مصر" مع الاخذ في الاعتبار ان ثقافة خدمة ما بعد البيع مش موجودة عندنا" اقصد ان كل التوكيلات عندنا مش ممتازة بس غبور مقارنة بالموجود من احسنهم.
علي فكرة انا معنديش هيونداي بس انا معجب بالنجاح الساحق لهيونداي في مصر سنة 93 مكنش في غير كام عربية بوني دلوقتي اكتر من 25% من مبيعات السيارات في مصر هيونداي.

[M.Osman]

ممكن يا جماعة حد يقولى اسعار قطع الغيار بتاعة الفيرنا العادية او الاستار كام

لأ ... دا انت بتهرج اكيد!

[mmffor]

ولا بيهرج ولا حاجه. ممكن الراجل ناوي يشتري و بيفاضل بين العربيتين قبل مبيفاضل. بس اللي انا اعرفه ان الفيرنا العاديه و الستار مفيش فرق الا الشبكه و العتب و الطاسات! ايه ده .. دا بيهرج بجد!!!!! المهم, رأيي في الموضوع 1- الهيونداي كشركه محترمه جدا. ممكن تكنولوجي و الجوده اقل شويه من الالماني و الياباني بس تظل تكنولوجيا مميزه و عمليه و جيده
2- يميز هيونداي سعرها المنافس جدا في الاسواق الاوروبيه و الامريكيه و هو سعر مغري و بكامليات و مواصفات تجعلها بلا منافس في فئاتها المختلفه
3- يعيب هيونداي كما يعيب جميع شركات الشيارات العالميه توكيلها في مصر, لأن رجال الاعمال الحاصلين على توكيلات في مصر بيعتبروا التوكيل سبوبه بيغرفوا منها من جيوب المصري! و اكبر دليل في ان غبور حرامي انه كل عربيه بينزلها جديد قطع غيارها بتبقى اغلى من الياباني و الاوروبي لحد ما مستورد قطع غيار يروح كوريا و يجيب قطع غيارها بالسعر الحقيقي شامل المكسب الطبيعي فقط و ليس السرقه ساعتها بس غبور ينزل السعر اقرب الى النصف فورا مما يثبت حقيقة انه توكيل يعتمد على النصب. بغض النظر عن الزحام الشديد في فروع التوكيل و اعتماده على مراكز صيانه بعضها لا تصلح مراكز صيانه معتمده. يجب على التوكيل اعتماد الدقه عند اختيار مراكز صيانه معتمده كما تفعل العديد من التوكيلات و ذلك حفاظا على السياره و على السمعه
4- سر نجاح غبور ليس عقليته الفذه أو سياساته المبتكره على الاطلاق و لكنه نجاح مبني على الشركه الام لتصنيعها سيارات بجوده جيده و بسعر افضل من رائع حتى و ان بالغ الوكيل في اعادة تسعيره يظل في فئه سعريه منافسه لفئاتها المختلفه
5- هيونداي فيرنا خصوصا سياره شبابيه بمحرك اكبر من فئتها لذلك هو مغري للشباب. تصل لسرعات جيده و ذلك لخفة وزن السياره جدا مما يتضح لجميع مستخدميها اذا كان يقود بمفرده بسرعه اعلى من 120 حيث يقل الثبات جدا و هو خطر على المستخدم لأن التوكيل المصري يقوم بالغاء جميع وسائل الامان في السياره من وسائد هواء او فرامل مانعه للانزلاق او وحدة الثبات و الاتزان الالكترونيه للسياره

[dmedo]

لأ ... دا انت بتهرج اكيد!

اقصد داخل التوكيل