تحذير من مادة ( أسبرتام ) المستخدمة لتحلية الكولا زيرو وبيبسى ماكس

[Ahmed Selim]

السلام عليكم

وصانى تحذير شفهى من زميل بالعمل من مادة الأسبتام المستخدمة كمحلى بديل للسكر ( زى كاندريل كده ) زكمان مستخدمة فى بيبسى ماكس وكولا زيرو

عادة أنا مش بصدق أى حاجة بتتقالى فى المواضيع دى وخصوصاً أنى لازم أشرب بيبسى \ كولا على الأقل مرة فى اليوم

المهم الزميل ده ورانى أسم المادة على علبة كولا زيرو وقاللى ادخل دور على النت

عملت كده بس لقيت فى وكيبيديا معلومات عنها بس من غير تحذيرات و لقيت موقع تانى مفيهوش غير تحذيرات من أثر المادة دى على المدى القصير والطويل بس مفهمتش الأثار دى معناها أيه :)

يا ريت لو فى حد من الأخوة الدكاترة فى المنتدى لو عنده معلومات عن هذه المادة يقولنا ولو معندوش معلومات بس يعرف يدور على النت ويرجعلنا بالنتيجة يبقى جازاه الله خيراً عنا جميعاً

الروابط اللى شفتها عن الموضوع ده اهيه

http://en.wikipedia.org/wiki/Aspartame

http://www.holisticmed.com/aspartame/

[جندى مجند]

دى مقالة كبيرة فى ويكيبيديا بتتكلم عن مضار المادة دى بس المشكلة زى ما هو مكتوب فى بداية المقال انه نظراً لتضارب المصالح (لأن شركات عملاقة زى كوكا كولا بتدعم المادة دى و بتمول أبحاث كتير لاثبات فوائدها) فالمادة دى ما زالت بحاجة لمزيد من الأبحاث المستقلة ... يا ريت لو الأخوة الأطباء و الصيادلة بالمنتدى يراجعوا المقالة و يقولولنا رأيهم ... مع العلم انى مش بأشرب كوكاكولا الا نادراً و لو شربت بأشرب سفن أب أو سبرايت فقط :)

http://en.wikipedia.org/wiki/Aspartame_controversy

[modux]

معلومة صحيحة و سمعتها كتيييير

الرجاء الاقلال علي قد ما نقدر من الزفت ده

[YoussefMostafa]

الحمد لله مليش فيه خالص

[Ahmed Selim]

شكراً على الردود يا شباب