تشغيل محور 26 يوليو بالكامل نهاية الشهر ( الف مبروك )

[osama]

تم حاليا التشطيبات النهائية لمحور 26 يوليو لتشغيله بالكامل في الاتجاهين يوم 30 يونيو الحالي.. تم اضافة حارتين للمرور واحدة في كل اتجاه بعد إلغاء الجزيرة الوسطي ليصبح المحور 4 حارات في كل اتجاه يتم تخصيص الحارة اليمني من الاتجاهين للنقل الجماعي لربط مدينتي 6 أكتوبر والشيخ زايد بالقاهرة والجيزة بأوتوبيسات جديدة ضخمة مفصلية ويستخدمهما الميكروباص ووسائل النقل الاخري وسيارات الاسعاف والمطافيء وتخصص الحارات الثلاث الباقية في كل اتجاه للسيارات الملاكي.


الف مبروك

[Hassan Khalil]

يا مسهل .. يا رب يشغلوه بسرعه .. لاني بصراحة مش بكون مستريح و انا سايق في التقسيمات اللي عاملينها دلوقتي .. خصوصا لو كنت ناحية الحواجز ( الاعمدة الصغيرة ) اللي عاملينها في المنتصف .. بعض الاحيان بتكون ميكروباصات جاية من المقابل معلية النور .. و طايرة ....
و ربنا يسترها مع الجميع

[MoToRiZeR]

انا كل يوم عالمحور و للأسف مش مستبشر خير ابدا ..
يعني اللي شاف الناحية الشمال (و انت رايح 6 اكتوبر ) اتعملت في قد ايه .. سنة تقريبا .. و فيها حتت اتعلمت كويس جدا .. و حتت اتعملت وحش

الناحية اليمين بقي .. اتعملت في وقت اقل بكتير .. و قاسمين الطريق نصين بالطول و اعتقد مش هيبقي متساوي .. ده غير الناس المستهترة اللي بتطلع عالاسفلت اللي لسة منشفش و تمشي عليه اما تبقي التحويلة واقفة

فا انا شايف ان كل دي فلوس بتترمي في الارض .. و كمان كام سنة هنتعطل نفس العطلة عشان هيبقي اللي عملوه ده باظ

و لكن عامة .. اي حاجة احسن من التحويلة .. الطشاش ولا العما

و يا ريت تقسيمات الحارات دي تتنفذ فعلا مش يبقي سيرك جديد .. تعبنا بقي
و طالما وسع يا ريت يخلوا السرعة القصوي 90 او 100 و يتم تشغيل الرادار بإنتظام علي المخالفين
و يا ريت كمان لو يعملوا كوبري مشاه عند هايبر وان

[Mohamed-Saoud]

بشرة خير و ربنا يسهل...
الأهم من الطريق هي الرائحة المنتنة :) اللي في نص الطريق دي... يارب يشوفوا ليها أي spray ولا أي حاجة :) :)

[bassam nagy]

يامسهل دة هايحل ازمة كبيرة وبالذات للبينزل اكتوبر كل يوم

[Ramy_Tantawi]

انا كل يوم عالمحور و للأسف مش مستبشر خير ابدا ..
يعني اللي شاف الناحية الشمال (و انت رايح 6 اكتوبر ) اتعملت في قد ايه .. سنة تقريبا .. و فيها حتت اتعلمت كويس جدا .. و حتت اتعملت وحش

الناحية اليمين بقي .. اتعملت في وقت اقل بكتير .. و قاسمين الطريق نصين بالطول و اعتقد مش هيبقي متساوي .. ده غير الناس المستهترة اللي بتطلع عالاسفلت اللي لسة منشفش و تمشي عليه اما تبقي التحويلة واقفة

فا انا شايف ان كل دي فلوس بتترمي في الارض .. و كمان كام سنة هنتعطل نفس العطلة عشان هيبقي اللي عملوه ده باظ

و لكن عامة .. اي حاجة احسن من التحويلة .. الطشاش ولا العما

و يا ريت تقسيمات الحارات دي تتنفذ فعلا مش يبقي سيرك جديد .. تعبنا بقي
و طالما وسع يا ريت يخلوا السرعة القصوي 90 او 100 و يتم تشغيل الرادار بإنتظام علي المخالفين
و يا ريت كمان لو يعملوا كوبري مشاه عند هايبر وان

+1
انا كمان والله حاسس حاجه غلط وهي حاجه من اتنين يا الناحيه الشمال هم اشتغلوا فيها بتكاسل وتضييع وقت لئن فعلاَ بدءوا قيها 8/2007 فتحوها 3/2008 تقريبا والحقيقه كانوا شغالين صبح وليل وانا باشوفهم لئني كل يوم على الطريق الناحيه اليمين بقى مش عارف خلصت بدري ولا انا اللي اتعودت ....عموما ربنا يكرم ويفضل كده شويه ويعملوا رادار عشان الشقلبظات اللي بتتعمل على الطريق ده .

شكراً استاذ اسامه على الخبر .