شوفوا في اليابان من كتر الشغل الناس بيحصلها ايه..!!!

[fady]

النهارده الصبح باتفرج على yahoo , cnn لقيت الخبر ده.

http://news.yahoo.com/s/ap/20080709/ap_on_bi_ge/japan_overwork_death

http://www.cnn.com/2008/WORLD/asiapcf/07/09/japan.overwork.death.ap/index.html

شوفوا بقى الفرق ..

[wawoo]

اتقان العمل و الاخلاص فية شىء محمود و جميل , لكن مش لدرجة ان الواحد يموت نفسة من الشغل , و بعدين فرق اية اللى انت بتتكلم علية , طيب ما فية ناس فى مصر برضو بتموت نفسها من الشغل , و بتشتغل فى اكتر من عمل عشان تكفى نفسها و اولدها .
و الجسد دة امانة يعنى مش من الشطارة تعذيبة بكتر الشغل ," و ان لبدنك عليك حق " كما قال رسول الله .

[fady]

انا طبعا مش قصدي ان الواحد يموت نفسه في الشغل
ز كمان انا عارف ان فيه ناس في بلدنا بتشتغل اكتر من شغلانه علشان تكفي نفسها و لكن انا قصدي على الفرق ان الراجل اللي في اليابان ده بيشتغل كتير علشان الشغل مش علشان يكفي نفسه و اولاده و لكن للاسف عندنا الوضع مختلف علشان الواحد هنا ممكن يشتغل في اكتر من حاجه و برضه يلاقي انه مش مكفي.
هوه ده كان قصدي و شكرا على مرورك الكريم .

[wawoo]

لكن انا قصدي على الفرق ان الراجل اللي في اليابان ده بيشتغل كتير علشان الشغل مش علشان يكفي نفسه .

اذا كان كدة ماشى يا اخ فادى , هو الحقيقة الواحد لما بيحب شغلة فعلا ممكن يدى كتير , بس لازم يكون فى تقدير , و دة للاسف مش موجود فى مصر فى كتير من الشركات.

[fady]

بس لازم يكون فى تقدير , و دة للاسف مش موجود فى مصر فى كتير من الشركات.

للاسف ..هوه ده الحال

[فادى]

احنا زهقنا من الكلام الفاضى ده,
اليابان بيحبوا الشغل, بيعشقوا الشغل, بيشتغلو 40 ساعة فى اليوم,
نفس البروباجندا الاعلامية التى لا تنتهى و الهدف هو الترويج للمنتجات اليابانية.
كل ده كلام فاضى ببساطة لأن اليابانيين و يالمفاجأة بشر مثلنا و لم يأتوا من كوكب أخر!!!!
يمكن هما أغبياء شوية عشان كده لازم يشتغلوا اكتر لتعويض فرق مستوى الذكاء, بقول يمكن :).

[Mohamed-Saoud]

أحنا مش بنشتغل كتير علشان منموتش من الشغل..
شوفت بأه احنا أذكى أذاي؟؟!!!

[sab3aawy]

احلبى حاجة عجبتنى ان "fady"هو اللى كاتب الموضوع ، وفى نفس الوقت "فادى" هو اللى بيرد عليه ومش عاجبه الموضوع من اصله

مفارقة لطيفة

[Ahmed Anwer]

يمكن هما أغبياء شوية عشان كده لازم يشتغلوا اكتر لتعويض فرق مستوى الذكاء, بقول يمكن :).

هههههههههههههههه

بس هارد عليك رد مفحم

توماس أديسون، أحد أعظم عباقرة العصر الحديث، والذي قال بأن العبقرية هي "1% إلهام + 99% جهد مضنٍ".

يبقي لو بيشتغلوا اكتر يبقوا عباقرة

بس اتفق معاك اكيد مش جينات وراثية

[Chicco]

احنا زهقنا من الكلام الفاضى ده,
اليابان بيحبوا الشغل, بيعشقوا الشغل, بيشتغلو 40 ساعة فى اليوم,
نفس البروباجندا الاعلامية التى لا تنتهى و الهدف هو الترويج للمنتجات اليابانية.
كل ده كلام فاضى ببساطة لأن اليابانيين و يالمفاجأة بشر مثلنا و لم يأتوا من كوكب أخر!!!!
يمكن هما أغبياء شوية عشان كده لازم يشتغلوا اكتر لتعويض فرق مستوى الذكاء, بقول يمكن :).

كده رجعنا نختلف تاني :)
إنت حلك تروح اليابان و تشتغل هناك و يبقى رئيسك ياباني و ساعتها نسمع رأيك

[cobraa2008]

احنا زهقنا من الكلام الفاضى ده,
اليابان بيحبوا الشغل, بيعشقوا الشغل, بيشتغلو 40 ساعة فى اليوم,
نفس البروباجندا الاعلامية التى لا تنتهى و الهدف هو الترويج للمنتجات اليابانية.
كل ده كلام فاضى ببساطة لأن اليابانيين و يالمفاجأة بشر مثلنا و لم يأتوا من كوكب أخر!!!!
يمكن هما أغبياء شوية عشان كده لازم يشتغلوا اكتر لتعويض فرق مستوى الذكاء, بقول يمكن :).

بس ياسيدي انا موش عارف انت ازاي بترد على نفسك

المهم


احنا كلنا عارفين ان اليابان عملت احتفال من كام سنة علشان اخر راجل امي مات عندهم

صح ولا مع العلم ان الراجل ده بيعرف يقرا ويكتب بس ما يفهمش حاجة في الكمبيوتر واااااصل


امتى احنا بقى نعمل احتفال لما الامية تقل عندنا 50 بالمائة



على فكره اليابان من افضل الدول في التقدم في التكنولوجيا والحاجة الياباني بتعيش وموش محتاجة صيانه


اقولك دليل احنا عندنا تلفزيون 14 بوصة من 15 سنة موش عارف اقلك ايه واقع وخد ضرب على قفاه اد ايه بس عمره ما راح لكهرباء

الباجيرو بقالها اربع سنسن معايا كل اللي بيعملوها ابويا بيحطلها بنزين ويغير الزيت وتيل الفرامل

احتمال بنسبة 99.9 ان ابويا ما بيفتحش الكبوت بتاعها من يوم ما اشتراها


اما انا الادا التقفيل المصري اللي هوا
انفتح كبوتها وهيا طالعة من التوكيل وعلى الالفين فتاحنا الكبوت وكل شوية الكبوت مفتوح

انت لو مشيت في شارع الهرم ناحية كايرو مول ودخلت في الشوارع الجانبية هاتلاقى كبوتها مفتوح

ليه علشان في فرق بين التقفيل المصري والياباني

ولا ايه


المهم ربنا يزيدهم غباء وغباء على ذكائهم ويدنا

[فادى]

كده رجعنا نختلف تاني :)
إنت حلك تروح اليابان و تشتغل هناك و يبقى رئيسك ياباني و ساعتها نسمع رأيك

انا اروح اليابان, ابدا Never Ever:)
يا أستاذ شيكو احناا مرة فى احدى مواقع الحفر طبقنا يوم كامل فى العمل من الصبح لتانى يوم الصبح و عادى محدش أشاد بقدرتنا على العمل لأن ده العادى لو فيه شغل:).
بس هنعمل ايه بقى, شعوب تعمل فى صمت, و شعوب تهوى البروباجندا الفارغة. :)

[misho2mimy]

احنا زهقنا من الكلام الفاضى ده,
اليابان بيحبوا الشغل, بيعشقوا الشغل, بيشتغلو 40 ساعة فى اليوم,
نفس البروباجندا الاعلامية التى لا تنتهى و الهدف هو الترويج للمنتجات اليابانية.
كل ده كلام فاضى ببساطة لأن اليابانيين و يالمفاجأة بشر مثلنا و لم يأتوا من كوكب أخر!!!!
يمكن هما أغبياء شوية عشان كده لازم يشتغلوا اكتر لتعويض فرق مستوى الذكاء, بقول يمكن :).

اسف علي المداخلة لكن ازاي الفرد يشتغل 40 ساعة في اليوم ..؟؟
هو اليوم كـــــــــــــــام ساعة ؟
وبعدين الموضوع مش فرق ذكاء ... هوفرق اصرار وتصميم علي بناء حضارة يشهد بها العالم تنسب اليهم ... وليس حضارة الفراعنة والتاريخ والاهرام وال7000 سنة ...
وللاسف هو ده الفرق بيننا وبينهم ......... بالاضافة لان اليابانيين مايعرفوش المثل المصري " من رضي بقليله عاش " الذي لا اعرف له مصدر حتي الان ....
اللي يعرف مصدر المثل ده يا ريت يقوللي ...