مجلس الشورى يحترق!!

[1.8Tee]

حد شاف منظر الطيارة الهليوكوتبر و هي بتنقل جردل مية من النيل لمكان الحريق؟ منظر بصراحة يحرق الدم أكتر من الحريق نفسه.. ايه البدائية دي؟

بالعكس دى حركة ذكية, هيجيب منين كميات المية دى و من مصدر قريب و بسهولة الملى غير من النيل.

[OlaOsman]

حد شاف احمد عز وهو داخل جري جوه مبنى مجلس الشعب؟.. يا ترى خايف على ايه جوه داخل له جري كده؟؟

[amir]

سؤال خبيث
هل دي مقدمه لنقل مجلسي الشعب و الشوري ؟؟؟؟
حد فاكر الموضوع ده من زماااااااان لما اتفتح؟
كان في معارضه قويه من وجهه نظر ملاك العقارات هناك ان اسعار عقاراتهم ستهبط هبوط حاد
دلوقتي طبعا لابد من النظر في نقل مجلسي الشعب و الشوري لأن الحريق ضخم و اكيد اثر علي الاساسات
بس في نقطه اضافيه
هو فين نظام اطفاء الحريق اللي المفروض انه يتوجد في مكان حساس زي ده؟؟؟ ولا ايه؟

[r0xer]

ياجماعة الموضوع واضح وبسيط :)

في ورق مهم داخل المجلس.. و كان هيتسبب في كارثة لأحد الأشخاص، و طبعا بكدا الورق أتحرق قضاء وقدر و الورق اللي كان هيثبت السرقة أتحرق و ياقلبي لا تحزن :)

كل حريق و أنتم طيبين.

[som3aa]

http://www.youtube.com/watch?v=6d4PGHt2Qkk

[Hossam_Hassan]

http://www.youtube.com/watch?v=6d4PGHt2Qkk

الحريقة ابتدت بسيطة حسب الفيديو ده

المطافى فى مجمع التحرير على بعد 50 متر

ازاى يوصل للدرجة دى؟

[som3aa]

الحريقة ابتدت بسيطة حسب الفيديو ده
المطافى فى مجمع التحرير على بعد 50 متر
ازاى يوصل للدرجة دى؟

مش عارف الصراحة , الحريق كبير اوى اوى , انا كنت ماشى على المحور و شايف دخان اسود من هناك , تخيل الحريق كبير قد ايه

[OlaOsman]

انهيار جزء من الجدار الخلفي للمبنى.. المبنى خلاص عليه العوض

[OlaOsman]

و لازال الحريق مستمرا.. معنى كده ايه يا جماعة؟ قوات الإطفاء يعني عندنا فاشلة و لا ايه؟ مش عارفين يسيطروا على الحريق ليه؟

[Mohamed-Saoud]

و لازال الحريق مستمرا.. معنى كده ايه يا جماعة؟ قوات الإطفاء يعني عندنا فاشلة و لا ايه؟ مش عارفين يسيطروا على الحريق ليه؟

ربنا مع رجالة المطافي ... و الله ريحة الحريق جامدة جدا عندي في البيت علما بأني ساكن قرب المنيل!!!

[Hossam_Hassan]

و لازال الحريق مستمرا.. معنى كده ايه يا جماعة؟ قوات الإطفاء يعني عندنا فاشلة و لا ايه؟ مش عارفين يسيطروا على الحريق ليه؟

المذيع بتاع النيل للأخبار بيقولك عربية المطافى بتعطل ربع ساعة كل ربع ساعة، يبقى هيعملوا ايه؟ لو كانوا عملوا حساب المطافى فى رشة العربيات الجريئة بتاعة الشرطة و الحراسات، كانت القصة كلها خلصت فى خلال نص ساعة بسلم هيدروليك محترم.

[noble911]

اظن انهم بيطفوا الحريق ده


ببنزين 80


هيهيهيهي ... فشل تام
الحمد لله ان مفيش اصابات من الموظفين
و ربنا يكون في عون العساكر الغلابا اللي بيتخنقوا من الدخان

[OlaOsman]

المذيع بتاع النيل للأخبار بيقولك عربية المطافى بتعطل ربع ساعة كل ربع ساعة، يبقى هيعملوا ايه؟ لو كانوا عملوا حساب المطافى فى رشة العربيات الجريئة بتاعة الشرطة و الحراسات، كانت القصة كلها خلصت فى خلال نص ساعة بسلم هيدروليك محترم.

لأ و الأنكت من كده على قناة الحياة المراسل بيقول انه يرى بعينه الآن النار و قد طالت مكتب الأمين العام لمجلس الشورى.. شوية كده و جه الأمين العام صفوت الشريف و بيسألوه على آخر التطورات قال لهم ان شاء الله النيران تكون تحت السيطرة و حتى الآن النار لم تطال الدور الأرضي و لا مكتب الأمين العام

[Hossam_Hassan]

لأ و الأنكت من كده على قناة الحياة المراسل بيقول انه يرى بعينه الآن النار و قد طالت مكتب الأمين العام لمجلس الشورى.. شوية كده و جه الأمين العام صفوت الشريف و بيسألوه على آخر التطورات قال لهم ان شاء الله النيران تكون تحت السيطرة و حتى الآن النار لم تطال الدور الأرضي و لا مكتب الأمين العام

معلش العتب على النظر، الراجل عدى ال80 ربيع، أكيد بيتكلم على مكتبه فى البيت

[shery103]

انا شاكة فى الموضوع ده على فكرة

ازاى بقالهم اكتر من 4 ساعات مش عارفين يسيطرو على الحريق

حتى مع امكانيات المطافى المعدومة ، مش لدرجة 4 ساعات برضو