إعـــــــلان

Collapse

.

,
See more
See less

مواطن من مطروح يرسل خطاباً إلي «مبارك»: سيدي الرئيس.. تنازل عن عرشك

Collapse
X
 
  • Filter
  • الوقت
  • Show
Clear All
new posts

  • #16
    السلام عليكم و رحمة الله و بركاته
    إلى كل الأخوة المختلفين معي في الرأي
    يا جماعة أنا لا بعاند ربنا ......... و لا أقدر حتى أفكر ......... و لا أي حد يقدر يفكر يعاند المولى عز و جل
    الموضوع عقلي بحت و إقتصادي و تحكيم للعقل اللي ربنا فرقنا بيه عن الحيوانات

    بس
    و موضوع إن لو ربنا كاتب لواحد يخلف 10 عيال و أصلا الراجل مش عايز يخلف
    يبقى الراجل هايخلف يعني هايخلف
    و محدش يقدر يمنع قدر ربنا
    إنما الموضوع مش قاعدة ........... و الدنيا مش سبهلله و كل شئ و له نظام و له قواعد و له حدود
    و يجب على كل إنسان أن يعرف حدوده و يخطط حياته حسب مقدرته


    و الموضوع أصلا مش موضوع الراجل بتاع مطروح
    الموضوع أكبر من كدا بكتير و مشكلة بلد بحالها مش مشكلة فردية

    و اللي عايز يخلف علشان القبيلة أو العيلة في الصعيد تبقى مبسوطة و العيلة أو القبيلة تكبر علشان هيبتها تكبر و تبقى ليها أسم و الكلام الفاضي ده
    ميجيش يندب و يقول أصل أنا عندي 10 عيال و مش لاقي أوكلهم
    أنا آسف يا جماعة .......... ده مش منطق !!!!!

    الدولة أه مش ماشية مظبوط ........
    بس الدولة ......... مش الحكومة بس
    لاءة حكومة ............. و شعب عايز حرقه بجاز

    و محدش يزعل مني ............ علشان أنا مش بتبلى على حد و لا بألف كلام من عندي

    و بالنسبة للراجل أنا معاه إن ربنا يرزقه و يساعده على تربية عياله تربية إسلامية صحيحة


    -----------------------------------------------------------------------

    بس فيه حد دلوقتي بيخلف عيال و في دماغه الإسلام ؟؟؟
    لاءة و دي إجابة قاعطعة للأغلبية العظمى
    لأن الأغلبية العظمى بتخلف كتير علشان العزوة بتاعة الأسرة الصغيرة أو العيلة الكبيرة أو القبيلة و لزوم الخناق و ضرب النار

    و السلام عليكم و رحمة الله وبركاته
    [img2]http://i59.tinypic.com/2vxpukz.jpg[/img2]

    Comment


    • #17
      بمناسبة مقولة العناد مع المولى عز و جل

      --------------------------------------------------------------
      أليس ربط حزام الأمان فيه عناد للقدر القادم إليك مهما حصل !!!
      أليس الحرص و الإدخار للمستقبل فيه عناد للقدر و ترتيبات الله لك في المستقبل !!!!
      و هناك أمثلة كثيرة ............
      و أرجوا أن تتفهموا ما أصبوا إليه ....
      و شكرا لكم جميعا
      [img2]http://i59.tinypic.com/2vxpukz.jpg[/img2]

      Comment


      • #18
        حد يعرف حاجه عن شكاوي الفلاح الفصيح في البردية المشهورة .....من أيام الفراعنة .......
        [CENTER] [/CENTER]

        Comment


        • #19
          والله ربنا يتولاه برحمته وفعلا راتب قليل جدا
          بس 8 عيال كتير اوي
          والمثل ببيقول على قد لحافك مد رجليك
          ومحدش يقولي حديث الرسول "تكاثروا فاني مباهي بكم الامم" او الحديث التاني (ده ان كانن حديث صحيح اصلا) "كل طفل يولد برزقه"
          لان "ولا تلقوا بايديكم في التهلكه"
          مصر بيتزيد سنويا بمعدل 2 مليون (حسب احصائيات مكتب الاستخبارات الامريكي Cia و 1.9 مليون حسب مكتب الاحصائيات المصري في وزاره التضامن) .... 2 مليون عاطل في السنه ... تخيل الرقم
          ومش هيشتغلوا ومش علشان دي مصر
          لان دوله زي امريكا لما بيجيبو 130 الف وظيفه (حكوميه وخاصه) كل 3 شهور (520 الف وظيفه في االسنه ) بيبقا رئيسها دا راجل ناجح جدا جدا جدا
          وفي عهد بوش وصلوا انهم بقو يجيبو 40 الف وظيفه كل ربع سنه يعني ما سوازي 160 الف وظيفه ...
          تخيل لما تتقارن امريكا و الارضيه الخصبه للاستثمار و الابحاث و االعلوم
          مع مصر
          ده حتى لو في تطور (وهو مش موجود اصلا) هيتشفط ومش هيبان له اثر ... لو في ارباح و زياده في ميزانيه الدوله فهي تم القضاء عليها مقدما ...
          اتنين مليون بني آدم زياده سنويه يعني بيحتاجو ما يعادل 200 مليار دولار في السنه(مقارنه مع دوله زي الامارات )
          يعني مش ذنب مصر ان شعبها مش خايف على نففسه
          ومش ذنب الحكومه برضو ان الشعب مش خايف على نفسه
          لما الشعب بيحرق ما يوازي 9 مليار دولار في السنه (حسب منظمه الصحه العالميه) في السجاير فقط (من غير لا شيشه ولا مخدرات) يعني ما يوازي 2-3% من ميزانيه مصر العامه
          من غير بقا ما نحسب نفقات العلاج على الدوله نتيجه الامراض السرطانيه الناتجه عن ده
          وتيجي تكلم الناس تقلها التدخين مضر وبيقتل و تحط لهم صوره ... يقولك : بس بس ماحنا عارفين
          طيب يعني الشعب بيموت نفسه وهوا "عارفين" .... يبقا محدش يزعل
          نفس الكلام لما يقولك تحديد نسل ويا جماعه قللوا الخلفه و عيل وواحد او اتنين كفايه و تلاقي الاب مش لاقي ياكل نفسه هوا شخصيا(وعندك مثال الاب ده بـ45 جنيه في الشهر) وجايب فريقين كوره ويقعد يقولك اصل حكومه بنت معرفش مين و حكومه معرفش عامله ازاي
          دول العالم المتقدم نسبه الزياده فيها بتبقا بالكتير 0.7% واحنا في مصر والهند وصلنا2.5 - 4%
          اكيد ده مش دلاله على تحسن مستوى صحه بقدر ما هو دلاله على شعب عايز يضيع نفسه وهو "عارفين" ان ده بيضرهم من الاول
          وفي حديث بيقول بما معناه :"لان تترك اولادك اغنياء خير لهم من ان تتركهم عاله يتكففون الناس" .... واعتقد الحديث واضح انه برضه متخلفش عيال كتير عاله يتكففون الناس
          تنظيم الاسره ده واجب وفرض في الوقت الحالي وان شاء الله هيبقا قانون في وقت قريب زي القانون الصيني بطفل واحد فقط على نفقه الدوله (طبعا مع تعديله مع ما يناسب مصر وتعدادها بطفلين او ثلاثه بحد اقصى) غير كدا مياخدش لا تعليم مجاني ولا صحه مجانيه و لا دعم على الغذاء ولا الطاقه ولا اي شكل من اشكال الدعم (ويستثنى حالات الحمل الطبيعي -غير اطفال الانابيب او التلقيح الصناعي- اللي ينتج عنها اكثر من جنين -توائم-)
          بالشكل ده تبقا كل اسره عندها طفل واحد تربيه صح وتأكله صح و تشربه صح و تعلمه صح وياخد دعم وصحه بشكل صحيح وساعتها تختفي من عندنا عادات الجاهليه بتاعت خلفه الصبيان والبنات و الكتره عزوه و خلافها من الافكار الغير متناسبه باي شكل مع الزمن الحالي
          [CENTER][IMG]http://img502.imageshack.us/img502/750/do3a3mm3.gif[/IMG]

          [IMG]http://img134.imageshack.us/img134/5892/bmwfanbywearwolfaaxx6.gif[/IMG] [IMG]http://img134.imageshack.us/img134/1016/medicalstampbydrgmqc3.gif[/IMG]
          [FONT=Arial Black][SIZE=6][COLOR=Navy]Dr.GM[/COLOR][/SIZE][/FONT]
          [/CENTER]

          Comment


          • #20
            المشاركة الأصلية كتبت بواسطة pendodo2002 مشاهدة المشاركة
            والله ربنا يتولاه برحمته وفعلا راتب قليل جدا
            بس 8 عيال كتير اوي
            والمثل ببيقول على قد لحافك مد رجليك
            هو كل واحد يقول 8 عيال كتير ؟؟؟
            طيب اعتبروا انه مش معاه اولاد خالص اصلا هل بردو ال 45 جنيه هيكفو ؟؟
            [RIGHT][marq="3;right;3;scroll"](●̪•) H∂$$αற (•̪●)[/marq][/RIGHT]

            [CENTER][img2]http://img687.imageshack.us/img687/6783/carcovercls.jpg[/img2][/CENTER]

            Comment


            • #21
              هاقولها للمره المليون لو لم اكن مصريـــــــــــــا لارتحت نفسيـــــــــــــــــا

              بجد والله حرام اللي بيحصل في الناس ده بجد حاجه تحزن ربنا معنا ويارب يسمع

              كلامه ويتنازل عن عرشه ويحس بالغلابه ان شالله ليوم واحد ..
              [CENTER][COLOR=blue][COLOR=blue][FONT=Tahoma][COLOR=blue][img3]http://www.nilemotors.net/Nile/signaturepics/sigpic3343_6.gif[/img3][/COLOR][/FONT][/COLOR][/COLOR][/CENTER]
              [CENTER][B][COLOR=blue][B][COLOR=blue]:B4_556:[/COLOR][/B][/COLOR][/B] [COLOR=blue][B]لــــــو لـــــم أكــن مصريـــــــــــــــآ [COLOR=darkred]لأرتــــحـــت نفسيـــــــــــــآ[/COLOR] [B]:B4_556:[/B][/B][/COLOR][/CENTER]

              Comment


              • #22

                بعد مطروح: 20 ألف كرتونة بمستلزمات رمضان هدية مبارك للأسر الفقيرة بالأقصر 8/28/2008 10:38:00 AM

                اضغط هنا لتكبير الصورة
                الرئيس حسني مبارك - ا ف بالأقصر - محرر مصراوي - قالت صحيفة الاهرام ان المجلس الأعلي لمدينة الأقصر تلقى 20 ألف كرتونة تحتوي علي مستلزمات شهر رمضان الكريم من مواد غذائية مختلفة تكفي لمدة شهر هدية من الرئيس حسني مبارك للأسر ذات الدخل المنخفض وللأهالي الاولي بالرعاية بالأقصر.
                وصرح الدكتور سمير فرج رئيس المجلس الأعلي للأقصر للصحيفة انه أمر بإلغاء حفلات الإفطار الرسمية هذا العام وتخصيص أموالها في اعداد حقائب تحتوي علي مستلزمات الشهر الكريم وتوزيعها علي أرباب المعاش بالضمان الاجتماعي والاسر الاولي بالرعاية.
                كان أهالي قرية الجارة "أم الصغير" بواحة سيوة التابعة لمحافظة مطروح قد تسلموا الثلاثاء هدية الرئيس حسني مبارك السنوية لهم بمناسبة اقتراب شهر رمضان المبارك.
                ونقلت صحيفة الاخبار عن اللواء سعد خليل محافظ مطروح قوله بإنه تم تسليم مبلغ 100 جنيه لكل فرد بالقرية بالاضافة إلى كميات كبيرة من الزيت والمسلي والدقيق والسكر والأرز.
                وقال سكرتير عام المحافظة بأن المحافظ اعطى تعليماته بتشكيل لجنة لتسليم الهدية فورا للاهالي قبل حلول الشهر الكريم.
                واشارت الاخبار إلى ان جميع الاهالي وجهوا الشكر للرئيس مبارك ودعوا له بطول العمر لانه رغم مشاغله الكثيرة لم ينسهم وبقوا في عقله ووجدانه وهم في اقصى مكان من صحراء مصر الغربية.
                المصدر: صحيفة الاهرام.

                ------------------------------------------------------------

                سؤال برىء

                من أين لك هذا؟
                [RIGHT]أخوكم حسام حسن {أبو ليليا و سيليا}[/RIGHT]
                [SIGPIC][/SIGPIC]

                Comment


                • #23
                  المشاركة الأصلية كتبت بواسطة kodak_gti مشاهدة المشاركة
                  هو كل واحد يقول 8 عيال كتير ؟؟؟
                  طيب اعتبروا انه مش معاه اولاد خالص اصلا هل بردو ال 45 جنيه هيكفو ؟؟
                  يا سيدي محدش قال ان 45 جنيهه هيأكلوه في الشانزيليزيه ...
                  بس لو هوا كان فرد لوحده او عايش مع مراته ومعاه عيل واحد
                  اكيد استهلاك الميه هيكون اقل و الكهربا اقل وهحتاج شقه اصغر
                  وفي نفس الوقت ممكن ناس تساعده من هنا وناس من هنا و ايد لوحده امتصفقش والناس لبعضها
                  لكن ممكن انتا تقولي تشيل 10 او 8 افراد ازاي ؟؟؟
                  [CENTER][IMG]http://img502.imageshack.us/img502/750/do3a3mm3.gif[/IMG]

                  [IMG]http://img134.imageshack.us/img134/5892/bmwfanbywearwolfaaxx6.gif[/IMG] [IMG]http://img134.imageshack.us/img134/1016/medicalstampbydrgmqc3.gif[/IMG]
                  [FONT=Arial Black][SIZE=6][COLOR=Navy]Dr.GM[/COLOR][/SIZE][/FONT]
                  [/CENTER]

                  Comment


                  • #24
                    انا مش عارف انتو بتتكلمو ازاى يعنى ايه لو هو ومراته بس هايكفيهم 45 جنيه وهاترزق من هنا ومن هنا هو خلاص الشحاته بقت عادى وده سيستم لازم الراجل يمشى عليه ؟ الراجل ده مواطن فى البلد دى ومن حقه يعيش حياه كريمه غصب عن عين الدوله ومن اولهم كبيرها هى الضرايب بتتاخد مننا ليه ولما السلع زادت اسعارها كان ليه ولما العربيات اللى زادت مصاريف ترخيصها لانها اكتر من 1600 سى سى ودى تعتبر رفاهيه ولما سالنا اشمعنا فوق 1600 قاللك احنا بناخد من الغنى وندى الفقير ولما بنزين 95 بقى بتلاته جنيه الا ربع علشان الشريحه دى شريحة الاغنيا كان ليه
                    كل ده علشان ياخد من الغنى ويدى الفقير ولا الغنى عارف يعيش ولا الفقير لاقى ياكل

                    تقدر تقوللى انت وهو وهو ياللى بتلومو على الراجل لو كان مرتب حد فيكو 450 جنيه مش 45 جنيه هاتعيش ازاى ؟ وانت بصحتك لكن الراجل مريض بالقلب هو ومراته ومحتاج علاج ولا ده برضه زنبه زى زنب الخلفه ؟

                    اتقو الله فى كلامكم اللى ينرفز ده

                    Comment


                    • #25
                      أنا هارد رد صغير
                      لتاني مرة
                      الراجل بتاع مطروح ده فيه منه كتييييييييييييييييييير
                      يعني مينفعش الدولة تعول فرد فرد و أسر كبيرة الأحجام لمجرد أنهم كبيرة الأحجام
                      الراجل بتاع مطروح ده مثال صغير لجزء كبير من الشعب

                      طيب المشكلة أساسا جاية منين ؟؟؟
                      لما يكون الجهاز الإدارة للدولة يعمل به 6 مليون موظف و لا ليهم لزمة و بيأخدوا مرتبات على شئ بدون إنتاج !!!!
                      شوفوا الجهاز الإداري للدول دي
                      أمريكا اللي أد مصر 10 مرات ............. جهازها الإدارى ثلاثة أربع مليون نفر
                      تركيا اللي تقريبا أصغر من مصر في المساحة و نفس عدد السكان جهازهم الإداري 800 ألف موظف
                      بريطانيا .............. اللي أصغر من مصر بكتير و عدد السكان أقل قليلا ........ نصف مليون موظف
                      فرنسا .......... نفس القصة و الموال

                      يبقى أحنا عندنا في مصر مشكلة ادارية بحتة و تم وراثتها عن طريق النظام الإشتراكي الذي كان يعطي وظيفة لكل مواطن حتى لو المكان مش محتاج موظفين
                      المهم أنه يبقى أسمه وظف الناس و خلاص
                      و المرتب أي حاجة تسد بقة و خلاص

                      أحنا عايزين هزة جامدة
                      عايزين تغيير شامل للنظام و ليس شخص أو عدة أشخاص
                      يجب أن يتشبع الشعب كله الفكرة و يفهم و يتفهم حتى تستطيع أن تغير و تتغير
                      و لكن للآسف ......... لا يوجد إهتمام من الشعب و ناتج عن الجهل و الأنانية و دائما ......... لوم غيرك على مشاكلك !!!!!!!

                      الموضوع عايز خطة قومية لمدة عشرة سنوات مثلا لاعادة توطين المصريين
                      و الحفاظ على الأرض الزراعية
                      و التخلص من العمالة الزائدة في الجهاز الإداري للدولة و تعويضهم بأموال ........... أو اعطائهم اراضي زراعية في الصحراء بعد مدهم بالخدمات
                      و بذلك يصبح أفراد الشعب منتجين و ليس مستهلكين فقط

                      و اعادة تنظيم البلد لأن أحنا عايشين في زريبة كبيرة أسمها مصر
                      عاملين نخبط في بعض ......... و لا فيه نظام يحكمنا و لا عايزين يبقى فيه نظام ....... شعب من دول العالم الثالث ..... هانقول أيه !!!!!

                      المهم مقصد كل الكلام ده
                      إن دي مش مشكلة الراجل بتاع مطروح
                      هو بس بيمثل نموذج مصغر لما عليه حال كثير من أفراد الشعب المصري

                      مساعدة الراجل ده ........
                      مش أنا أديله فلوس أساعده بيها
                      لاءة ......... ده أنا أخليه منتج .............. و بذلك تستطيع الإستمرارية
                      و طبعا أنا بتكلم عموما علشان أنا عارف ان الراجل مريض و ربنا يشفيه و يشفي كل مريض

                      و تقبلوا تحياتي يا رجالة نايل موتورز


                      -------------------------------------------------------

                      دكتور GM اللي هو بيندادوا

                      شكرا على مشاركتك قوي
                      [img2]http://i59.tinypic.com/2vxpukz.jpg[/img2]

                      Comment


                      • #26
                        بسم الله الرحمن الرحيم

                        (( وما من دابة في الأرض إلا على الله رزقها ويعلم مستقرها ومستودعها ... )

                        صدق الله العظيم
                        المشاركة الأصلية كتبت بواسطة tutankhamoun مشاهدة المشاركة

                        طيب المشكلة أساسا جاية منين ؟؟؟
                        انا أقول لسعادتك الراجل ده و زوجته و أولاده ال 8 مين سرق رزقهم
                        و أقول لك كمان المشكلة أساسا جاية منين

                        1. من عدم وجود عدالة في توزيع الثروات و الدخول و المرتبات في الجهاز الحكومي
                        و أنا أتحدى إنك تلاقي في أي دولة في العالم التفاوت الهائل في المرتبات زي عندنا في مصر

                        عندنا هتلاقي موظف مرتبه 200 جنيه و موظف آخر مرتبه 100 الف جنيه فما فوق ( لو مش مصدقني شوف مرتبات رؤساء تحرير الصحف القومية و مرتبات موظفي مصر للطيرن ( ده طبعا غير تذاكر السفر المجانية السنوية ليهم و لأسرهم _ زميل لي في الشغل بيقول إن أبوه كان عامل في مصر للطيران و كان ليه تذاكر سفر سنوية مجانية _ و ده كله على حساب الراجل الغلبان بتاع مطروح و أمثاله )
                        و شوف مرتبات شركات البترول و موظفي الضرائب و موظفي الجمارك و هيئة قناة السويس و مرتبات الموظفين الكبار في جهاز الإعلام الحكومي و في مترو الأنفاق و هيئة السكة الحديد و الكهرباء و ده طبعا غير الإمتيازات العينية مثل الرعاية الصحية التي على أعلى مستوى و بالمجان


                        2. طبعا أنا مش هتكلم على ما يتم إنفاقه على تأمين النظام و مش هتكلم على مرتبات العاملين في أمن الدولة و المباحث و المخابرات


                        3. ما ينفق من ملايين على المجالس القومية المتخصصة التي هي سبوبة لبعض الحبايب و المحاسيب و و سيلة أخرى لنهب مال الشعب اللي بيموت في طابور العيش من هذه المجالس يا سيدي العزيز المجلس القومي للبيئة ( مش عارف ايه لزمته في ظل و جود وزارة البيئة و في الاخر حال البيئة في مصر حدث و لا حرج ) _ مثال آخر هو المجلس القومي لحقوق الإنسان و ميزانيته السنوية 25 مليون جنيه و يعمل فيه ما لا يزيد على 15 أو 20 موظف

                        4. تقصير الكثير منا في إخراج الزكاة و خصوصا رجال الأعمال اللي بياخدوا أراضي البلد بملاليم و بيبيعوها لنا شقق بملايين او اللي بيحتكروا الحديد و الأسمنت

                        و أظن لو تم علاج الخلل في توزيع الدخول في مصر و كل واحد أخذ حقه من خير البلد بما يرضي الله كان الراجل بتاع مطروح عرف يعيش هو و زوجته و أولاده ال 8 عيشة كريمة

                        أخيرا يا سيدي العزيز هذا قليل من كثير و لكن للأسف لا تسعفني ذاكرتي الأن على تذكره

                        تقبل تحياتي

                        [CENTER][SIGPIC][/SIGPIC]
                        [/CENTER]

                        [SIZE=4][COLOR=DarkRed][CENTER]
                        [/CENTER]
                        [/COLOR][/SIZE]

                        Comment


                        • #27
                          المشاركة الأصلية كتبت بواسطة سمير يونس مشاهدة المشاركة
                          بسم الله الرحمن الرحيم

                          (( وما من دابة في الأرض إلا على الله رزقها ويعلم مستقرها ومستودعها ... )

                          صدق الله العظيم
                          انا أقول لسعادتك الراجل ده و زوجته و أولاده ال 8 مين سرق رزقهم
                          و أقول لك كمان المشكلة أساسا جاية منين

                          1. من عدم وجود عدالة في توزيع الثروات و الدخول و المرتبات في الجهاز الحكومي
                          و أنا أتحدى إنك تلاقي في أي دولة في العالم التفاوت الهائل في المرتبات زي عندنا في مصر

                          عندنا هتلاقي موظف مرتبه 200 جنيه و موظف آخر مرتبه 100 الف جنيه فما فوق ( لو مش مصدقني شوف مرتبات رؤساء تحرير الصحف القومية و مرتبات موظفي مصر للطيرن ( ده طبعا غير تذاكر السفر المجانية السنوية ليهم و لأسرهم _ زميل لي في الشغل بيقول إن أبوه كان عامل في مصر للطيران و كان ليه تذاكر سفر سنوية مجانية _ و ده كله على حساب الراجل الغلبان بتاع مطروح و أمثاله )
                          و شوف مرتبات شركات البترول و موظفي الضرائب و موظفي الجمارك و هيئة قناة السويس و مرتبات الموظفين الكبار في جهاز الإعلام الحكومي و في مترو الأنفاق و هيئة السكة الحديد و الكهرباء و ده طبعا غير الإمتيازات العينية مثل الرعاية الصحية التي على أعلى مستوى و بالمجان


                          2. طبعا أنا مش هتكلم على ما يتم إنفاقه على تأمين النظام و مش هتكلم على مرتبات العاملين في أمن الدولة و المباحث و المخابرات


                          3. ما ينفق من ملايين على المجالس القومية المتخصصة التي هي سبوبة لبعض الحبايب و المحاسيب و و سيلة أخرى لنهب مال الشعب اللي بيموت في طابور العيش من هذه المجالس يا سيدي العزيز المجلس القومي للبيئة ( مش عارف ايه لزمته في ظل و جود وزارة البيئة و في الاخر حال البيئة في مصر حدث و لا حرج ) _ مثال آخر هو المجلس القومي لحقوق الإنسان و ميزانيته السنوية 25 مليون جنيه و يعمل فيه ما لا يزيد على 15 أو 20 موظف

                          4. تقصير الكثير منا في إخراج الزكاة و خصوصا رجال الأعمال اللي بياخدوا أراضي البلد بملاليم و بيبيعوها لنا شقق بملايين او اللي بيحتكروا الحديد و الأسمنت

                          و أظن لو تم علاج الخلل في توزيع الدخول في مصر و كل واحد أخذ حقه من خير البلد بما يرضي الله كان الراجل بتاع مطروح عرف يعيش هو و زوجته و أولاده ال 8 عيشة كريمة

                          أخيرا يا سيدي العزيز هذا قليل من كثير و لكن للأسف لا تسعفني ذاكرتي الأن على تذكره

                          تقبل تحياتي


                          موضوع الرزق ده مفيش عليه خلاف
                          زيه زي حزام الأمان ........... مش ربنا هو الحافظ زي ما هو الرزاق
                          بتربط حزام الأمان ليه ؟؟؟؟
                          و بتخاف تحط أيدك مثلا على المكواه ليه و هي سخنة ؟؟؟؟؟
                          مش ربنا حافظ .............

                          يا جماعة بالله عليكم نرجوا تحكيم العقل


                          و بالنسبة للكلا م الآخر ده يا أستاذ " سمير يونس "
                          هو جزء من كلامي

                          الفســــــــــــــــــــــــاد الإداري
                          اللي أنا أتكلمت عليه في مشاركتي السابقة


                          لو فيه نظام مظبوط ......زي الدو ل المتقدمة
                          هايبقى فيه إنتاج ......... و فيه توزيع عادل للثروة على حسب العمل

                          الطبيب الجراح مثلا في انجلترا
                          مرتبه ممكن يبقى أربعة أضعاف الممرضة
                          و مدير المستشفى ........ مرتبه برضه يوصل أربعة أضعاف ممرضة هلكانة طول النهار

                          ده أسمه ............ تدرج إداري
                          مش مصر بس
                          [img2]http://i59.tinypic.com/2vxpukz.jpg[/img2]

                          Comment


                          • #28
                            الحقيقه الفساد مستشرى فى البلد ابتداء من عسكرى المرور حتى رئيس الحكومه كل على اساس حجمه ومنصبه

                            والنظام فى مصر كما ذكر الاخ سمير يونس يفتقر الى سوء توزيع الدخل والعداله الاجتماعيه

                            يعنى مثلا مرتب الوزير حد ادنى 60 الف جنيه فى المقابل الراجل ومراته لم يبقى لهم الا 45 ج هل هذه عداله ؟

                            اما اذا اردنا مثلا اصلاح النظام

                            فاعتقد ان الوسائل كثيره جدا

                            يعنى مثلا فى اول يوم من تطبيق قانون المرور تم تحصيل مايقارب المليار جنيه من دم اصحاب السيارت

                            ماذا لو تم تخصيصها لتكون مصدر دخل لهؤلاء بتدويرها فى مشروع يدر عائد لهم

                            ولكننا نعلم اين تذهب

                            اين يذهب دخل قناه السويس التى قيل عنها ان دخل اليوم الواحد فقط يعادل بل يفوق المنحه الامريكيه التى تتبجح بها علينا وتتدخل فى شؤن بلدنا من اجلها

                            اين دخل الغاز المصرى والبترول ؟

                            وطبعا عارفين بيروح فين ولمين

                            اين دخل السياحه ؟

                            اين دخل الضرائب والضرائب العقاريه وووو ؟

                            اين رسوم الجمارك وتجديد الرخص للسيارات ووو ؟

                            البلد فيها كثير جدا ولكن يتم نهبه لفئه معينع هى عليه القوم فقط ولهم تسخر البلد بمن فيها اما الغلابه فليس لهم الا الله

                            حينما تم قتل اكثر من 1500 شخص عمدا بواسطه ممدوح اسماعيل بعبارته السلام

                            لم نسمع من الدوله شئ وتم تبرئته رغم ادانته
                            فى حين حينما شب حريق مقصود بمجلس الشورى والشعب لتدمير تاريخ شعب واخفاء قضايا الفساد واشغال الشعب فى الحريق
                            سمعنا فورا كبار البلد يتبرعون بالملايين من اجل اعاده ترميمه وكذلك اصدر السيد الرئيس فرمان باعاده ترميمه على نفقه الدوله

                            فى حين ان هذا المجلس الشعب مش عايزه لانه بمثابه مطبخ لقوانين الفساد

                            لكن لما لم يقوم رجل اعمال واحد بالتبرع ولو بجنيه واحد من اجل ضحايا العباره السلام ؟

                            ولكن الاجابه ان هؤلاء الضحيايا ليسوا من عليه القوم فبالتالى لا الدوله ولارجال الاعمال يعنوهم فى شئ ويروحوا فى ستين داهيه ومش كده وبس وكما نطلع المجرم برئ والبرئ مجرم لانه بيطالب بحقه

                            هى دى مصر للاسف

                            والاخر نيجى دلوقت نلوم الراجل ومراته الغلبانين اللى مصابين بالامراض ومش لاقيين قوت يومهم ونحملهم هم المسؤليه

                            بالذمه ده كلام منطق ؟


                            حرام والله اللى بيحصل ده فى البلد وحرام ندافع عن حكومه فاسده عمرها ماهينصلح حالها

                            طيب الراجل ده مجرد مثال لملايين المصريين وهب انه مش مخلف 8 هنقول هو مراته بس ومن غير عيال كمان

                            هل يقدر حد يعيش بما معه من رجال الاعمال او احد من الحكومه او حتى شخص من الشعب بمثل مامعه

                            طبعا لا

                            انا شخصيا مرتبى حوالى 1500 ج ومع ذلك مش قادر اعيش انا وعيالى الاربعه وماحدش يقول لى تنظيم نسل لان اراده الله كانت فوق الطب وجاؤا جميعا بمعجزه طبيه

                            المرتب لايوصلنى ابدا الى اخر الشهر مع اننا نقوم بتنظيمه وربنا فقط هو اللى ساترها من عنده

                            يبقى مش لازم ابدا نلوم راجل كل اللى معاه 45 او حتى 250 ج

                            حرام والله حرام والكل سوف يحاسب على ماقدم واخر
                            [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
                            Dr Ibrahim Saad

                            Comment


                            • #29
                              من فين بيدوا مرتبات للعاملين في الدولة ؟؟؟؟؟؟؟؟؟؟ اللي هما أساسا عالة على الدولة !!!!!!!
                              من فين بيبنوا الطرق ؟؟؟؟؟؟؟
                              من فين التعليم المجاني و بناء المدارس و مرتبات المعلمين و خلافه ؟؟؟؟؟؟؟
                              من فين تدعيم الجامعات المصرية ؟؟؟؟؟؟؟
                              من فين تدعيم الكتب المدرسية ؟؟؟؟؟؟؟؟؟
                              من فين بيصرفوا على الوجبات المدرسية ؟؟؟؟
                              من فين تدعيم المستشفيات ؟؟؟؟؟؟؟؟؟؟
                              من فين بناء المطارات ؟؟؟؟؟؟؟؟؟؟
                              من فين بيصرفوا على الجيش و شراء الأسلحة ؟؟؟؟؟؟
                              من فين تدعيم البنزين و الغاز و الجاز ؟؟؟؟؟؟؟؟
                              من فين بيصرفوا على اضاءة الشوارع ؟؟؟؟؟؟؟
                              و من فين و من فين و من فين ...........................

                              الموضوع كبييييييييييييييييييير يا أخواني و مش جانب واحد
                              و إحقاقا للحق
                              الحكومة بتصرف
                              بس مش كله مصروف مظبوط
                              إنما مش بالطريقة اللي الناس فاكرها

                              لازم نكون عادلين و متوسطين في حكمنا على البشر و خلق الله

                              يعنى مثلا فى اول يوم من تطبيق تم تحصيل مايقارب المليار جنيه من دم اصحاب السيارت

                              معلش يا أستاذ إبراهيم
                              ممكن أعلق على الجملة دي بالذات

                              دي مش من دم أصحاب السيارات
                              دي من أخطاء أصحاب السيارات اللي بيسوقوا بغباوة
                              طيب ما أنا كنت بسوق كل يوم من ساعة القانون الجديد ما طلع
                              و الحمد لله .......... و لا حول و لا قوة إلا بالله
                              لم أخذ و لا مخالفة و لم يتم توقيفي في و لا كمين
                              الحمد لله و ربنا يديمها نعمة
                              الإلتزام كويس و يخليك تبعد عن المشاكل
                              مش الغرز و زيادة السرعة و قلة الأدب و الركن الخاطئ و التوقف أمام فتحات خروك الشوارع و فتحات دخولها و الركن صف تاني و تالت و رابع و سد الطريق تماما

                              و بتقولي من دم السواقين !!!!!!!!!
                              لو السواقين محترمين ............. مكنوش أتخدوه مخالفات


                              و كل سنة و حضرتك طيب و الأسرة جميعا



                              [img2]http://i59.tinypic.com/2vxpukz.jpg[/img2]

                              Comment


                              • #30
                                طب ده الى عرف يوصل صوته للرئيس والراى العام اكيد فيه ملايين غيره محدش يعرف عنهم حاجه ربنا يرحم الجميع
                                [CENTER][SIZE=6][COLOR=magenta][/COLOR][/SIZE] [/CENTER]
                                [CENTER][mshosh2]http://www.arab-box.com/i/00100/d933a9o272po.jpg[/mshosh2][/CENTER]

                                Comment

                                Working...
                                X