ليس الهدف من شنطة الإسعاف الاستخدام فى الحوادث !!

[أشرف العدوي]

مفاجأة الصحة: ليس الهدف من شنطة الإسعاف الاستخدام فى الحوادث !!
24/08/2008
حذر الدكتور عبد الرحمن شاهين المستشار الإعلامى والمتحدث الرسمى لوزارة الصحة من أى تدخل فى حالة الحوادث والانتظار حتى يأتى رجال الإسعاف المتخصصون حيث إن أى تدخل يضر المصاب وقد يسبب له مضاعفات خطيرة، وقال إن شنطة الإسعاف التى تضمنها قانون المرور الجديد للإسعافات الأولية للفرد داخل السيارة لحين وصوله إلى أقرب مكان للإسعاف. وأشاد شاهين بأداء الإسعاف على الطريق الساحلى وطريق وادى النطرون - العلمين حيث كان معدل وصول سيارات الإسعاف إلى مكان الحادث يترواح ما بين 3و 6 دقائق وهو ما يعكس التطوير الذى حدث لمنظومة الإسعاف فى الفترة الأخيرة.

وقال أيضا د. ناصر رسمى مساعد وزير الصحة أن شنطة الإسعاف ليس الهدف منها استخدامها فى الحوادث ولكن لاستخدامها فى حالات إصابة سائق السيارة بجروح أو حروق أثناء تغيير إطار السيارة أو وضع مياه فى الردياتير أو كسر الشكمان وفى حالات وقوع عطل فى السيارة وقيام سائق السيارة بإصلاحه فيتم تطهير الجرح وربطه لحين الوصول إلى أقرب نقطة إسعاف ولهذا فإن شنطة الإسعاف سوف تحتوى على 2 ربطة شاش وزجاجة ميكروكروم وزجاجة مطهر وكيس قطن وهى تشبه الصيدلية الموجودة فى المنازل. وأضاف رسمى أنه لم ينظر إلى شكل الشنطة من الخارج لكن إلى محتوياتها فقط التى سوف تقررها اللجنة التى قام وزير الصحة بتشكيلها برئاسة د. حمدى السيد وسوف تنتهى من أعمالها قريبا.
( منقول من موقع ايجيبتي )

[zacklat]

والله الواحد احتار معاهم,ده كمان بيقولوا ان ليها مدة صلاحية يعنى كل مده حتغير محتوايات الشنطة
وانا مش شايف ليها لازمة ,انا رائى مع الناس اللى بتقول نلغى الشنطة بس ندفع تمنها لتطوير الاسعاف

شكرا على الخبر

[أشرف العدوي]

انا رأيي كدة من الأول ما ينفعش اي حد يستخدمها خالص علشان عايزة واحد يكون فاهم و متخصص و كمان علشان العدوى( العدوى دي أنتقال المرض من شخص لشخص مش اسمي ) ما تتنقلش من الدم من واحد لواحد لا قدر الله.
بس بجد الحكومة بتاعاتنا بتفكرني بالنكتة بتاعة محل الفراخ ( أيه رأيك في النظام )
تخبط و عدم أستقرار في كل شيء
هو يعني واحد بيغير كاوتش و لا بيزود ميه في الريداتير هيموت نفسه انا مش عارف و مش فاهم هو فيه ايه
هو انا كدة كدة معيا دايما بلاستر جروح في المحفظة بتاعتي و غالباً مش بستخدمه غير كل فين و فين مش محتاج شنطة و 2 رباطة شاش و ميكروكرو ( ان مش عارف هو لسة بيتباع أصلاً و لا لأ ) و مطهر ده و لا كأني هعمل عملية ده كدة ناقص ثرينة و لمبة فوق العربية و تبقى تحت الطلب

[macman]

عندك حق يا استاذ عدوي و كويس انها
جدت علي قد شنطة الاسعاف

[Mido80]

انا رأيي كدة من الأول ما ينفعش اي حد يستخدمها خالص علشان عايزة واحد يكون فاهم و متخصص و كمان علشان العدوى( العدوى دي أنتقال المرض من شخص لشخص مش اسمي ) ما تتنقلش من الدم من واحد لواحد لا قدر الله.
بس بجد الحكومة بتاعاتنا بتفكرني بالنكتة بتاعة محل الفراخ ( أيه رأيك في النظام )
تخبط و عدم أستقرار في كل شيء
هو يعني واحد بيغير كاوتش و لا بيزود ميه في الريداتير هيموت نفسه انا مش عارف و مش فاهم هو فيه ايه
هو انا كدة كدة معيا دايما بلاستر جروح في المحفظة بتاعتي و غالباً مش بستخدمه غير كل فين و فين مش محتاج شنطة و 2 رباطة شاش و ميكروكرو ( ان مش عارف هو لسة بيتباع أصلاً و لا لأ ) و مطهر ده و لا كأني هعمل عملية ده كدة ناقص ثرينة و لمبة فوق العربية و تبقى تحت الطلب

ههههههههههههههههههههه...كلامك موتني من الضحك يا عدوي باشا وانا لسة عند رأيي ان احد اسباب حبي للمنتدي دة هو الناس العسل اللي فية..صباحك فل

[ibrahimsaad]

كثر الف خير الحكومه

هو احنا كنا اشتكينا لهم

احنا بقى عايزين نجرح نفسنا وعايزين نحرق نفسنا بماء الكاربراتير

مالهم هم ومالنا قال يعنى قلبهم علينا

الحكايه ومافيها ان قلبهم على اللى فى جيبنا

بس للاسف خلاص الجيب بقى على الحديده من كثره القوانين اللى قرفونا بيها

والله ده حرام ياناس اللى بيحصل ده

[tata12001]

ana shayef en el shanta de mogarad tare2a gadeda lel tankeed 3ala el mowaten, wa 3alshan yetlamm 3aleha mo5alfatt.
wa nas kater awy bay2olo yarait yel'3oha wa ye5alo el wa7ed yedfa3 falos ma3 tagded el 3arabeia la tatweer el es3af, bas akeed msh 7aye3malo keda 3alshan 3ayzen yelamo mo5alfat, fa 7azbona ALLAH wa ne3m al wakeel.

[أشرف العدوي]

انا فعلاً مقتنع تماما ان الشنطة و لا ليها لازمة
طيب نفكر شوية
انا مثلاً ( زي ما هما بيقولو ) بغير كاوتش أو بغير مية ريداتير و اتعورت ( مع أن ده مستحيل يحصل اساساً ) بس ناخد الحكومة على قد عقلها
هعمل ايه انا أيدي مجروحة هفتح الشنطة بأيه و أخرج الشاش بأيه و أخرج الميكروكروم بأيه وحنفترض اني انا واد جن و عندي 4 أيدين و اتصرفت و خرجتهم هأستعملهم أزاي برضو حأطر أروح لأقرب صيدلية أو مستشفى و أديهم الحاجات الي في الشنطة و هما يقوموا بالازم
حاجة غريبة !!!!
غريبة جداً !!!!!!!!!!!!!!!!!!!!!!!!
الناس دي غاوية تستفزني
أصلي ليا مواقف مع الحكومة دي كتير لدرجة اني سبت شغلي في مصر الجديدة بسبب المواكب و التشريفات كل يومين تلاتة اوصل الشغل الساعة 11 لحد ما زهقت
( مش عارفين يشغلوا الي قاعدين بيخلوا الي شغالين يسيبوا الشغل )
مش بقولكوا حاجة غريبة و بلد مليانة تناقضات و حاجات عكس بعض و في الاخر يقولك احنا مش بنتقدم ليه و هنفضل كدة
ده انا مرة قريب فيى الجرائد ايام انتخابات الرئاسة عن فرص شغل كل يوم لدرجة ان فرص الشغل دي كانت أكتر من عدد سكان مصر ( ممكن تجيبوا الجرائد بتاعة الفترة دي و تتأكدو و كمان برنامج الريس للتوظيف ) و بعت في كل ده و بردو محدش عبرني مع ان انا مش محتاج شغل انا شغال في مكان كويس بس كنت عايز اعرف الموضوع ده بجد و لا
و طلع و لا

ربنا يأخذ بأيدينا كلنا
قوله آمين

[د-احمد عبد اللطيف]

صحيح شعب مش عارف مصلحته
يا عالم الحكومه خايفه علينا نروح المستشفيات ما نلاقيش هناك شاش و قطن والذي منه عشان كده
كل واحد حيبقى جاهز لما يروح المستشفى
امال يعني تروح المستشفي وما تلاقيش هناك حاجه وبعدين تشتم

و الله حاجة تفرس
صحيح وكم ذا بمصر من المضحكات ولكنه ضحك كالبكاء

[Dr Ahmed]

ولهذا فإن شنطة الإسعاف سوف تحتوى على 2 ربطة شاش وزجاجة ميكروكروم وزجاجة مطهر وكيس قطن

أهى بقى" زجاجة ميكروكروم" دى تخلينى أشك فى الخبر كله إنه متحبش لأن مافيش فيكى دكتور يا مصر بينصح بالتطهير أو باستخدام الميكروكروم.