إعـــــــلان

Collapse

.

,
See more
See less

تسوية مكان انهيار الدويقة بالأرض و تحويلها إلي مقبرة جماعيه

Collapse
X
 
  • Filter
  • الوقت
  • Show
Clear All
new posts

  • تسوية مكان انهيار الدويقة بالأرض و تحويلها إلي مقبرة جماعيه

    بدء تسوية مكان انهيار الدويقة بالأرض.. والأهالي يتظاهرون احتجاجاً علي تحويله إلي «مقبرة جماعية»
    11/09/2008
    ارتفاع عدد الضحايا إلي 75 شهيدا و60 مصابا.. والأمن يعتقل 14 متظاهراً وحبس 4 شبان بعد إلقاء الحجارة علي محافظ القاهرة وحيدر بغدادي

    كتب: ياسر عبدالهادي ـ محمد أبوالدهب - رامز صبحي ـ حسن هريدي ـ مروان عبدالعزيز محمد إبراهيم
    تظاهر حولي 500 شخص من أهالي الدويقة، أمس، احتجاجاً علي تحويل المنطقة المنكوبة إلي مقبرة جماعية بدعوي استحالة استخراج الجثث وارتفاع التكاليف. وقال الأهالي: إن الجرافات والمعدات الثقيلة بدأت تسوية الأرض، تمهيداً لتحويلها إلي مقبرة جماعية، سيطلقون عليها اسم «ترب الشهداء».. وأعلن الأهالي أنهم لن يسمحوا بذلك، مطالبين بضرورة استخراج جثث ذويهم لدفنها.
    وألقي الأمن القبض علي 14 متظاهراً، في الوقت الذي اعتقلت فيه مباحث أمن الدولة 4 شباب علي خلفية رشق الأهالي للدكتور عبدالعظيم وزير محافظ القاهرة وحيدر بغدادي نائب دائرة الجمالية بالحجارة، أمس الأول، ورفض الأهالي المقيمون في منازل لم تطلها الانهيارات إخلاءها إلا بعد الحصول علي مفاتيح الشقق البديلة في مساكن سوزان مبارك، وقالوا: «الحي بيشتغلنا ومفيش شقق ولا يحزنون.. المحافظ قال فيه 2000 شقة، والحي بيقول معندناش غير 700 بس». وشكا الأهالي المضارون من سوء الأوضاع في المخيمات التي يقيمون فيها. وقالت زينب إبراهيم: «يسكن كل 13 فرداً في خيمة مساحتها 5،2 *3 أمتار». وأكد خالد خيري أن كل حوالي 400 فرد يشتركون في 3 حمامات، دون أن يتم تخصيص دورات مياه للرجال وأخري للنساء. وارتفع عدد الضحايا، أمس، إلي 75 ضحية و60 مصاباً، وقدرت اللجنة البرلمانية التي زارت المنطقة، أمس الأول، عدد المفقودين بأكثر من 400 فرد مازالوا تحت الأنقاض، واتهمت اللجنة محافظة القاهرة بالتقصير في استخراج الجثث، وعدم وجود استراتيجية لمواجهة الكوارث.. ويناقش اجتماع للجنتي الإسكان والإدارة المحلية في مجلس الشعب اليوم تقرير اللجنة، وعدداً من طلبات الإحاطة المقدمة من النواب حول الكارثة. ووصف النائب د. جمال زهران زيارة جمال مبارك إلي المخيمات بأنها «ترويج إعلامي له»، مؤكداً أن التغطية الإعلامية للزيارة زادت من سخط المواطنين علي الحكومة والحزب الحاكم


    المصدر

    البديل
    Find information, resources and relevant links for elbadeel.net. This domain may be for sale.


    ولاحول ولاقوه الا بالله العلى العظيم

    شئ محزن حقا ان تعامل الدوله المتهم مثل هشام طلعت كنزيل فى سجن مزود بتكيف وكمبيوتر وفاكس وطعام فورسيزون وفى المقابل يتم معامله الضحايا فى مصر وكأنهم ليسوا ادميين

    هو فيه ايه اللى بيحصل ده ؟
    [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
    Dr Ibrahim Saad

  • #2
    انا من رأئي انهم ياخدلهم شقق في مدينتي ولا في بيفرلي هيلز هي الناس دي عايزة اية

    هما مش عايزين يسيبوا العشش دي وعايزين ياخدوا شقق من الحكومة وبعد كده

    ياجروها بعد استلمهم او بيبعوها ويرجعوا تاني لعشش


    موضوع الجبل اللي وقع خلاص وقع وناس ماتت ومحدش هيعرف يرفع الانقاض

    لان لازم الاوناش عملاقة تدخل التهدم العشش علشان تقدر تدخل تشيل الحجارة وده صعب


    طيب يبقى الحل اية ,, مش هينفع نشيل الحجارة وفرق الانقاذ عملت اللي عليها ومش

    هتعرف تتطلع حد من تحت الانقاض يبقى الحل الوحيد تحولها لمقبرة جماعية وندفن عليهم

    ولو كان في احياء كانوا ماتوا من ريحة الجثث اللي مالية المكان .
    [CENTER][SIGPIC][/SIGPIC][/CENTER]

    Comment


    • #3
      اسراثيل بدلت كام 100 اسير بيفات مش فاكر جندي ولا اتنين

      و احنا حانساوي عليهم التراب بعد اما رشينا جاز عشان الربحة

      انا ببكي بدل الدموع دم
      م / محمد حماد
      =========

      بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)

      Comment


      • #4
        يا جماعة بشويش بس

        يعني الحكومة تصرف ملايين علشان تطلع جثث مواطنين ماتوا ؟؟؟

        ده عقل ؟؟؟

        الفلوس ليها فوائد تانية لينا كمصريين أحياء

        الحكومة ليها مصاريف كتير يا خواننا و مش ملاحقة

        إشي مرتبات و عربيات و مباني طب يعملوا ايه ؟؟

        يعني بلاش الوزير يركب 2008 ؟؟؟ ده ينفع ؟؟

        و ليه ؟؟ علشان نطلع جتت الناس الوحشة دي ؟؟

        و طبعا عضو مجلس الشعب مش هايحاول يطلعهم

        مش لأن أصواتهم بطلت ... لأ

        لأنه كده ضمن أصواتهم أكتر مما كانوا أحياء


        و على فكرة ..........بكرة مصر كلها هاتتسوى بالتراب و هايسموها (تل الشهداء)

        و هاتلاقي ناس قاعدة على تلها
        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

        Comment


        • #5
          انا لغايه دلوقتي مش مصدق
          ده اسمه مش عارف اسميه ايه

          Comment


          • #6
            لا حول ولا قوة الا بالله وحسبى الله ونعم الوكيل فى حكومة مصر انا قلبى وجعنى من الصور البلد دى يا جماعة خلاص باظت ازا كان من الحكومة والا الشعب الناس مبقتش تعرف غير لغة الخناق وقلة الادب والبلطجة والاجرام والحكومة مبتعرفش غير لغة واحدة معاك فلوس وواسطة ونفوذ مبروك بقيت انسان اما غير كدة اةةةةةةةةةةةةةةةةةةة كلكم عارفين هقول اية بس ربنا معانا ويرحمنا انا بصراحة متزعلوش منى كرهت الشعب دة وكرهت البلد دى وكرهت نفسى مفيش مرة اخرج فيها الشارع غير لما ابقى عاوزة اتخانق مع الناس كلها اووووووووف يا ساتر اشكال غريبة ومتخلفة وجهل وبالذات انا بنت بعانى اكتر من اى راجل انا عمرى ما كنت بعلى كاسيت العربية بسبب الشعب بتاعنا دة وكمية المعاكسات الى ملهاش عدد بقيت بقل ازاز عربيتى واشغل الكاسيت علشان مسمعش حاجة برة جاجة تخنق وشعب متخلف وعلى فكرة انا مصرية وابوي مصرى وجدودى مصريين وبعشق تراب مصر بس للاسف كتر القسوة بتعلم الجفا حسبلى الله ونعم الوكيل
            (( ارحموا من فى الارض يرحمكم من فى السماء))

            Comment


            • #7
              استرها علينا يارب
              و لسه ياما هنشوف
              لا يغير الله ما بقوم حتي يغيروا ما بانقسهم

              Comment


              • #8
                لا حول ولا قوة الابالله
                الناس المعترضة على اخراج الموتى بدعوى ارتفاع التكلفة
                تخيل ان الفقيد ابوك او امك او اخوك او عمك
                كنت هترضى انه يتردم عليه من غير ما يخرجوة ويتكفن ويندفن!!!!
                اظن طبعا لا
                هل 2 مليون جنية كتيير على الحكومة!!!!
                دى شفطت من قوتنا الكثيير
                طب ما تخلوا الاخ اللى دفع 12 مليون جنية (2 مليون دولار) عشان يقتل واحدة يتبرع بتكلفة اخراجهم
                طب ما تخلوا الاخ اللى بيشرب فى اليوم نبيز وخمرة فى اليوم ب 12 الف جنية فقط انه يخرجهم
                طب دا يصح لو كان حد مسؤل هوا اللى تحت الانقاض كانوا سابوة!!!
                لاحول ولا قوة الابالله
                نصائح هامة عند شرائك سيارة مستعملة (منقول)
                [url]http://www.nilemotors.com/Nile/showthread.php?t=32679[/url]

                Comment


                • #9
                  يعنى موضوع زى ده وإتزنقنا ولفينا وإتخبطنا

                  أمال اللى حصل لهم إعصار تسونامى عملوا إيه وإتصرفوا إزاى؟

                  ونروح بعيد ليه؟
                  أمال إخواننا فى فلسطين والعراق عاملين إيه وكل يوم بيحصل عندهم ألعن من اللى حصل ميت مرة؟؟؟
                  [CENTER][aldl]http://www.jewelsf.com/up/uploads/542f6eee3a.gif[/aldl]
                  [/CENTER]
                  [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                  [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                  [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                  [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                  Comment


                  • #10

                    انا مش هقول غير حاجة واحدة

                    لو كان وسط الناس دول جمال مبارك كانو ردمو عليه كده ؟
                    [CENTER]
                    [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

                    [img2]http://www8.0zz0.com/thumbs/2009/10/06/18/187809311.jpg[/img2]
                    [/CENTER]

                    Comment


                    • #11
                      المشاركة الأصلية كتبت بواسطة sokasoon مشاهدة المشاركة
                      انا مش هقول غير حاجة واحدة

                      لو كان وسط الناس دول جمال مبارك كانو ردمو عليه كده ؟

                      طبعا

                      على فكرة، باتكلم جد
                      [RIGHT]أخوكم حسام حسن {أبو ليليا و سيليا}[/RIGHT]
                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة Hossam_Hassan مشاهدة المشاركة
                        طبعا

                        على فكرة، باتكلم جد
                        مستحيل يا ا/ حسام يعملو كده ده لو ماكانوش خرجوه اول واحد وردمو على الباقى
                        [CENTER]
                        [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

                        [img2]http://www8.0zz0.com/thumbs/2009/10/06/18/187809311.jpg[/img2]
                        [/CENTER]

                        Comment


                        • #13
                          المشاركة الأصلية كتبت بواسطة sokasoon مشاهدة المشاركة
                          مستحيل يا ا/ حسام يعملو كده ده لو ماكانوش خرجوه اول واحد وردمو على الباقى

                          يا باشا، مات الملك، عاش الملك
                          [RIGHT]أخوكم حسام حسن {أبو ليليا و سيليا}[/RIGHT]
                          [SIGPIC][/SIGPIC]

                          Comment


                          • #14
                            يا جماعة انتو بس ليه كدا على الحكومة هى الحكومة هتعمل ايه ولا ايه ؟؟
                            ازاى يعنى ترفع الانقاض عن الجثث ؟؟ دى تكلفة عالية جدا بتاع مليون جنيه الحكومة هتجيب منين بقا مليون جنيه انا عاوز افهم ؟؟
                            مينفعش يا جماعة فى اولويات يعنى هتدفع فلوس الظباط و اللواءات و هتدفع ميزانية الامن بتاع الريس و العربيات اخر موديل و السرقة و الاختلاسات و التوكيلات و البزنس و المرتبات الكوميدية بتاعة الموظفين منين ؟؟

                            وبعدين مين دول اللى تحت الانقاض ناس عايشين فى عشش يعنى لا فيهم ابن وزير ولا ابن وكيل وزارة ولا ابن ظابط شرطة حتى يبقى يستاهلو يتردم عليهم

                            هكذا تفكر حكومتنا :)

                            Comment


                            • #15
                              قال رسول الله صلي الله عليه و سلم عن رب العزه سبحانه و تعالي
                              يابن ادم افعل ما شئت كما تدين تدان

                              صدق رسول الله صلي الله عليه و سلم فيما بلغ عن رب العزه


                              خليهم يقولو اللي عايزينه
                              خليهم يقنعو العالم كله و احنا كمان ان ما كان في الامكان ابدع مما كان
                              خليهم يوم ورا يوم يكرهونا في بلدنا و عيشتنا
                              كلنا هنموت
                              كلنا هيتردم علينا باب قبر بشويه صخور و رمال
                              و هيجي يوم علي السموات و الارض و مش هيكون فيهم الا الله وحده لا اله الا هو
                              (كل من عليها فان و يبقي وجه ربك ذو الجلال و الاكرام)
                              و بعد كده ربنا يبعثنا
                              خليهم ساعتها تنفعهم قصورهم
                              خليهم تنفعهم اموالهم
                              ( لمن الملك اليوم لله الواحد القهار)
                              هيقولو للملك يومها ايه
                              (يوم تبيض وجوه و تسود وجوه)
                              ربنا يرحمهم و يرحم امواتنا جميعا و ياريت اللي يقرا الموضوع يقرا الفاتحه ليهم و لأبي
                              يا جماعه لو كل واحد خد من وقته خمس دقايق و غمض عينه و تخيل ساعه الحساب
                              مفيش ام ولا اب و لا اخ ولا ابن ولا زوجه
                              شوف كده انهو اهوال تخليك تبيعهم علشان تمنع عنك العذاب
                              ربنا قال كده في القران
                              شوفو كده و تخيلو انك هتبيع كل دول علشان تمنع العذاب عنك
                              و برضو مش هينفع
                              شوف كده بعد الموضوع ده ليك نفس تشتمهم او توجه حتي اللوم ليهم
                              سيبوهم ان الناس ماتت و احنا موتنا الديان لا يموت
                              ده مش الناس بتوع الدويقه اللي غلابه ولا احنا
                              دول هما اللي غلابه و ميغركوش مظاهر قارون فما اغني عنه ماله
                              ربنا يرحمنا و يرحمهم

                              Comment

                              Working...
                              X