واخيرا فعلها الوحوش-ورجعوها ببلاش!

[MOHAMED ABD EL SHAFY]

مصر تنجح في في إعادة السفينة المختطفة قبالة سواحل الصومال






محيط: نجح جهاز المخابرات المصرى اليوم السبت فى إطلاق سراح السفينة المصرية التى تعرضت لعملية اختطاف من قبل بعض القراصنة قبالة السواحل الصومالية في الـ 6 من الشهر الجاري وكان عليها 25 بحارًا مصريًا.

وذكرت وكالة أنباء "الشرق الأوسط" أن السفينة المحررة توجد حاليا فى المياه الدولية فى رحلة العودة إلى مصر وعليها طاقمها بالكامل متمتعين بروح معنوية عالية وصحة جيدة.

وأوضحت أن جهاز المخابرات بقيادة عمر سليمان نجح فى إطلاق سراح السفينة المختطفة بعد جهود مفاوضات استمرت عشرين يومًا أجراها رجال الجهاز مع مجموعة الخاطفين منذ بداية الأزمة وحتى إطلاق سراح السفينة وطاقمها بالكامل.

وأشار إلى أن المفاوضات أسفرت عن موافقة الخاطفين على جميع الشروط التى وضعت من قبل المخابرات المصرية وتم تنفيذ الخطة بنجاح وفى سرية تامة.

يذكر أن أكثر من 25 سفينة اختطفت من قبل قراصنة قبالة السواحل الصومالية هذا العام وذلك على الرغم من انتشار الدوريات التى تسيرها القوة البحرية الدولية المتمركزة فى جيبوتى المجاورة للصومال

[magdy_momo]

حمد الله علي السلامه
و يا تري حرروهم بالقوه زي الافلام و لا ازاي

[blazer]

كاتبين بلمفاوضات
شكررااا على الخير

[TaoTao]

الحمد لله طلع عندنا جهاز تابع للدولة وشايف شغله
الحمد لله

بس الموضوع فكرني لما كان البحر الأحمر من أول خليج عدن جنوبا وحتى السويس والعقبة شمالاً عبارة عن بحيرة مصرية تلهو -وتسيطر- فيها قطع الأسطول البحري المصري، ماكانش حد يستجرأ يعمل أي حركة نص كُم (بما فيهم إسرائيل)!!

[Nour_Peugeot]

هههههههههههه

يارب ترجع الايام دي بس ماما امريكا ممكن تزعل هههههههههه

[Ramy_Ali]

الخبر بيقول مفاوضات استمرت عشرين يوم
يعنى كانت حاجة قصاد حاجة
ولا الخاطفين دول اعتذروا وتابوا عشان رمضان
اكيد خدوا شوية ملايين عشان نشترى سمعة مصر وخصوصا انها تمت فى سرية تامة
وبالمقابل موضوع خطف السياح بردة كان عامل ضغط
وان الحكومة من قبل دفعت فديااااات كتييير لتحرير السياح وكانت فى سرية تامة

[aratux]

و أخدوا فلوس كمان
عملوا إيه بقى وحوش المخابرات؟ مش عارف

[aliabutaleb]

وأشار إلى أن المفاوضات أسفرت عن موافقة الخاطفين على جميع الشروط التى وضعت من قبل المخابرات المصرية وتم تنفيذ الخطة بنجاح وفى سرية تامة.

هو مين اللي بيبقاله شروط؟
الخاطف ولا المخطوف
الحتة دي بتفكرني بمشهد من فيلم رانديفوو اللي شافوا الفيلم هايفهموا قصدي أكيد من غير ما أوضح

[Ramy_Ali]

مفاوضات استمرت عشرين يومًا
وأشار إلى أن المفاوضات أسفرت عن موافقة الخاطفين على جميع الشروط التى وضعت من قبل المخابرات المصرية وتم تنفيذ الخطة بنجاح وفى سرية تامة.

هاها
اكيد اتحطت شروط تعجيزية
ان الخاطفين يعملوا كذا وكذا
وبعدين يغسلو السفينة كويس
ويسيقوا السطح بتاعها
ويغيروا الملايات والبياضات والستاير
ويغسلو الحمامات
ويغسلو الاطباق والغسيل بتاع البحارة
وينشروة ولما ينشف يلموة ويكوة
وبعدين يفولوا السفينة بالوقود ويغيرولها الزيت والفلاتر والسيور كمان
ويغيروا اللمبات ويشيكوا عليها على الكمبيوتر
ويدهنوها وش نظافة

ويملو ازايز مياه ويحطوها تسقع فى التلاجة
ويرشوا الغرف بمعطر
ويشغلو ااغنية
متقولش ايه اديتنا مصر
قول هنيدى ايه لمصر


ويرجعوها عشان مصر ترضى عنهم وينالوا رضا الام

ايه دا مين اللى بيشرط على مين!!!
احنا هنود يا عم ولا اغبية اوى كدا

[Ramy_Ali]

=== تعليقات على الخبر جامدة من مصراوى======

<LI hasbox="2">الخبر ده قرايته مش ببلاش, اللى قرا الخبر وضحك وانبسط, يحط بريزة فى الكوز اللى جنب العنوان ابلغ عن تعليق غير لائق

ضربة معلم من الخاطفين

• عمر سليمان قال للخاطفين: فدية مش حاندفع ,اشبعوا بيهم ,احنا حاندفع لأهل كل واحد كالعادة الفين جنيه وبكده حايعدى العيب الحكومة, وعلشان الخاطفين يردوا لعمر سليمان الصاع صاعين قالوا له: طيب بالعند فيك حانرجعهم لك وورينا ازاى حتوفر لهم شقق ووظايف ورغيف العيش

الحقيقة ان المختطفين لقوا ان خطف السفينة المصرية حاتقع عليهم بخسارة, لان الحكومة بتدفع الفين جنيه فى الفقيد او القتيل المصرى, يعنى لما تخصم منهم قيمة التحويل حتلاقى ان الموضوع مش مستاهل تليفونات ووقت ضايع, راحوا سايبينهم ومكسب ليهم انهم يريحوا دماغهم

هو مين اللي بيضع الشروط الخاطف و لا الرهينة

بلاش فهلوه كفاية قرفنا من إستخفافكم بالشعب

فيه فرق بين شعب طيب و شعب عبيط



قرر السيد الوزير بان يتم تحويل النجاح المصرى فى استرداد السفينة الى مسلسل يعرض فى رمضان القادم
الاسم المقترح السفينة 101
بطولة النجم على الشريف الذى سيقوم بدور محورى فى القصة وهو دور السفينة ذاتها


فى اعلان بيجى فى رمضان عن الضرائب - و الاعلان ده بيقول - عارف الكوبرى ده؟ من فلوسك انت - عارف شبكة المجارى ده؟ من فلوسك انت - طيب هو الكبارى و المجارى للشعب و الابراج السكنية والمدن والمصانع ليكو انتوه - وبعدين انا عاوز اعرف الفرق بين الاعلان ده و بين فيلم اسماعيل يسن بتاع عارف العتبة ده بتعتك انت هاهاهاهاها