يصدم سيارة ويهرب .. ثم يكتشف

[mohamed_ahmed22]

يصدم سيارة ويهرب .. ثم يكتشف
أنه أصاب ابنه وقتل زوج ابنته

القاهرة - )د ب أ(- صدمت سيارة نقل سيارة أخرى وهرب السائق دون أن ينقذ ركاب السيارة الثانية بعد أن اطمأن أن أحدا لم يلتقط رقم سيارته.
وذكرت صحيفة «الأخبار» القاهرية في عددها الصادر امس أنه عندما عاد الرجل إلى
قريته أقبل جيرانه عليه يقدمون له العزاء في مقتل زوج ابنته ويدعون لابنه الذي أصيب في حادث بالشفاء.
وعندما شرحوا له تفاصيل الحادث الذي أودى بحياة زوج ابنته وإصابة ابنه صرخ ودموعه
تسبق صرخاته «أنا القاتل .. أنا مجرم .. لم أعرف أنهما في السيارة التي صدمتها .»
كان مسئولو شرطة مركز السنبلاوين بمحافظة الدقهلية ) 120 كلم شمال القاهرة( قد تلقوا
بلاغا بالحادث وتبين أن سيارة تابعة لاحدى شركات البترول اصطدمت باخرى تابعة لشركة أدوية
ما أدى إلى اشتعال النار في السيارة الثانية وهروب سائق السيارة الاولى دون أن ينقذ المصابين.

[YoussefMostafa]

يصدم سيارة ويهرب .. ثم يكتشف أنه أصاب ابنه وقتل زوج ابنته

القاهرة(د ب أ)صدمت سيارة نقل سيارة أخرى وهرب السائق دون أن ينقذ ركاب السيارة الثانية بعد أن اطمأن أن أحدا لم يلتقط رقم سيارته.
وذكرت صحيفة «الأخبار» القاهرية في عددها الصادر امس أنه عندما عاد الرجل إلى
قريته أقبل جيرانه عليه يقدمون له العزاء في مقتل زوج ابنته ويدعون لابنه الذي أصيب في حادث بالشفاء.
وعندما شرحوا له تفاصيل الحادث الذي أودى بحياة زوج ابنته وإصابة ابنه صرخ ودموعه
تسبق صرخاته «أنا القاتل .. أنا مجرم .. لم أعرف أنهما في السيارة التي صدمتها .»
كان مسئولو شرطة مركز السنبلاوين بمحافظة الدقهلية (120 كلم شمال القاهرة) قد تلقوا
بلاغا بالحادث وتبين أن سيارة تابعة لاحدى شركات البترول اصطدمت باخرى تابعة لشركة أدوية
ما أدى إلى اشتعال النار في السيارة الثانية وهروب سائق السيارة الاولى دون أن ينقذ المصابين.


انا كبرت الخط بعد اذن صاحب الموضوع علشان الخط صغير اوي وغير مقروء

[M!NA]

مش قادر أقول غير سبحان الله.... الخبر لما قريته جاتلي مشاعر مختلطة....

الراجل ده مظلوم ولا لأ؟

لو خبطت حد ووقفت تنقذه هتتبهدل و لو وقفت تنقذ حد انتا أصلا ما خبطتوش برضو هتتبهدل....

أكيد كان تفكيره كدا لما جري...

ماهو اللي فرض علينا كدا بلدنا اللي احنا عايشين فيها

من ناحية تانية ايه شعوره و هو بيتلقى الخبر...

خبر يوجع القلب فعلا...:(

[mohamed_ahmed22]

مشكور يا يوسف على تكبير الخط وبارك الله فيك

[Noha.M]

لا اله الا الله

والله حاجة تقطع القلب بجد .. بعدين هو ليه موقفش مدام غلطان و صدمهم ؟ كان لازم طبعا يفق و يتحمل مسؤلية عمله .. سبحان الله اهى جت فى اعز الناس عنده ..سبحان الله

[waled369]

قدر الله و ما شاء فعل

[سمير يونس]

ثقافة التعذيب و العنف

لا اله الا الله

والله حاجة تقطع القلب بجد .. بعدين هو ليه موقفش مدام غلطان و صدمهم ؟ كان لازم طبعا يفق و يتحمل مسؤلية عمله .. سبحان الله اهى جت فى اعز الناس عنده ..سبحان الله

يا أستاذة Noha هو موقفش عشان هو عارف كويس أوي السيناريو اللي بيحصل بعد حادثة زي دي _ و هو إن أهل البلد اللي وقع

عندها الحادث بيطلعوا عن بكرة أبيهم بالشوم و الحجارة على العربية يكسروها و على السواق يموتوه من الضرب

للأسف المجتمع عشوائي و همجي في تصرفاته و مبيعترفش بالقانون

شوفي سعادتك مثلا لما بيمسكوا حرامي أيه اللي بيحصل له ؟؟؟ الناس بيضربوه و هم واخدينه إلى قسم الشرطة و الضرب بيكون

قاسي جداً لدرجة إن بعض اللصوص بيموتوا في أيدي الناس من الضرب _ و هنا السؤال بيطرح نفسه _ طالما إنك واخده لقسم الشرطة

عشان يتعاقب بالقانون أيه لازمة الضرب ؟؟؟؟ و طالما بتعاقبه بالضرب يبقى ليه موديه القسم ؟؟؟؟؟

للأسف الثقافة السائدة في مجتمعنا هي ثقافة التعذيب و العنف (ضد الضعفاء بس)

و كل عام و أنتم بخير

[sab3aawy]

هو كل اللى انا قدرت اطلع بيه من الخبر ده هو حاجة واحدة

غالبا صحفى صفحة الحوادث فى اليوم ده كان سهران لحد السحور فى اليوم اللى قبله، وموخم من الصيام ومكسل ينزل يدور على خبر

[Noha.M]

يا أستاذة Noha هو موقفش عشان هو عارف كويس أوي السيناريو اللي بيحصل بعد حادثة زي دي _ و هو إن أهل البلد اللي وقع

عندها الحادث بيطلعوا عن بكرة أبيهم بالشوم و الحجارة على العربية يكسروها و على السواق يموتوه من الضرب

للأسف المجتمع عشوائي و همجي في تصرفاته و مبيعترفش بالقانون

شوفي سعادتك مثلا لما بيمسكوا حرامي أيه اللي بيحصل له ؟؟؟ الناس بيضربوه و هم واخدينه إلى قسم الشرطة و الضرب بيكون

قاسي جداً لدرجة إن بعض اللصوص بيموتوا في أيدي الناس من الضرب _ و هنا السؤال بيطرح نفسه _ طالما إنك واخده لقسم الشرطة

عشان يتعاقب بالقانون أيه لازمة الضرب ؟؟؟؟ و طالما بتعاقبه بالضرب يبقى ليه موديه القسم ؟؟؟؟؟

للأسف الثقافة السائدة في مجتمعنا هي ثقافة التعذيب و العنف (ضد الضعفاء بس)

و كل عام و أنتم بخير

لا اله الا الله

طيب مدام وقف و متحمل غلطه و كلم الاسعاف و عاوز يبقي قد المسؤولية ليه يضرب ؟ اانا بجد مش فاهمة ؟

فعلا دى كانت اكتر حاجة مخوفانى لما اخويا عمل حادثة على الدائري و خبط واحد بيجري قدامه على الدائري و كانت غلطة الراجل و للاسف معرفش يفاديه المهم دى كانت اكتر حاجة رعبانى و مخوفانى على اخويا .. فى ناس فعلا بيروحو يضربو الشخص اللى عمل الحادثة و زى ما حضرتك قلت مع انه هو خلاص وقف و طلب الاسعاف و راح القسم يعني بيتحمل تمن غلطة واحد او حتى علطته من الالف الى الياء بس للاسف فى ناس تحب تزود عليك همك و تقرفك فى عيشتك اكتر ما انت قرفان

[human]

لا حول ولا قوة الا بالله

الفيلم ده اللى اميتاب باتشان صلى للتعبان عشان التماسيح كانت هتاكلو

[ibrahimsaad]

انا حاسس ان القصه دى من نسج الخيال لكن لو صحت يبقى كان الله فى عونهم فعلا

لكن الشئ الاكيد فى مصر ان الناس محتاجه وعى جامد جدا وخصوصا للناس اللى اول ماتحصل حادثه يضربوا على طول من غير حتى تفاهم وللاسف ده اللى بيخلى اللى عمل حادثه يهرب ويتخلى عن واجبه

اكيد لو مافيش حاجه زى دى ممكن يقف ويسعف المصاب او يتصل بالاسعاف

لكن نقول ايه ؟

يبقى انت اكيد فى مصر

[Noha.M]

ايه دة هو الخبر دة اشتغالة ولا ايه

[WalidAdel]

مش عارف اقول ايه بس شكله مش حقيقي الخبر دا علشان عربيات شركات الادويه بتبات في الشركه اخر اليوم فمستحيل الراجل اخد مراته علشان يفسحها بالعربيه فيعمل حادثه و بعدين لو كان الصبح الكلام ده حيبقي معاه مندوب و هوه السواق
فالقصه كده مش راكبه يعني

[mohamed_ahmed22]

ايه دة هو الخبر دة اشتغالة ولا ايه

لا اشتغالة ولا حاجة الخبر موجود فى الاخبار المنقولة يعنى انا ما جبته من عندى

[Amrrr]

حسبي الله ونعم الوكيل في سواقين النقل والتريلات
اعرف 3 حوادث على الصحراوي بسبب عربيات نقل والتلاتة جريوا من موقع الحادثة اول ماحصلت