إعـــــــلان

Collapse

.

,
See more
See less

تعالي يا بنتي أفتح لك المصحف

Collapse
X
 
  • Filter
  • الوقت
  • Show
Clear All
new posts

  • تعالي يا بنتي أفتح لك المصحف

    فتاة في سن ال33.. سبق لها الخطبة مرتين و ما حصلش نصيب انها تكمل.. قرأت لها في مدونتها التدوينة التالية و استغربت جدا بصراحة اننا لسه عايشين في الدجل ده لحد دلوقتي.


    العنوان غريب جدا طبعا
    لإننا غالبا بنسمع مصطلح : نفتح الكوتشينة أو المندل
    لكن فتح المصحف ... جديدة وغريبة فعلا
    من كام يوم فوجئت بإنسانة كنت باعتبرها في يوم من الأيام أخت ليا بتتصل بيا وتقولي إنها اتكلمت مع ست كبيرة بتعالج بالقرآن .....
    غ : أيوة يا إيمان أنا لقيت ست طيبة وكبيرة وبتعالج بالقرآن .
    أنا : أيوة طب أنا مالي ؟!!!
    غ : مش يمكن معمولك حاجة بوقف الحال ... هي مش بتعمل حاجة غير إنها بتقرا قرآن ومش هاتخسري حاجة .
    أنا : طب لو سمحتي يا غ ماتجيش غير لما أديكي الأوكيه ... ماشي ؟
    غ : ماشي خلاص هاتنسى منك تليفون .
    وفوجئت بيها في نفس اليوم الساعة 7 بالليل جايه وجايبة معاها الست إياها
    طبعا رحبت بيهم أنا وماما ودخلناهم البيت
    الست قعدت تتكلم عن نفسها وإنها عملت عمرة وحجيت وبدأ العجب العجاب أول ما قالت : وأنا في المدينة المصحف اتفتحلي !!!
    أنا : المصحف اتفتح ؟ إزاي يعني أنا أول مرة أسمع الموضوع ده !!!
    هي : لأ إزاي ده الشيخ الشعراوي اتفتحله المصحف في المدينة برضه .
    أنا : الشيخ الشعراوي دلوقتي الله يرحمه خلينا في حضرتك .
    استأذنت الست علشان تتوضى
    بصيت لصديقتي وسألتها بعصبية : هو المصحف دلوقتي بيتفتح يا غ ؟ كلام ربنا دلوقتي بقى زي الكوتشينة والمندل ؟
    ابتسمت وقاليتلي : مش هاتخسري حاجة ولو معمولك سحر المفروض تفكيه بسحر زيه مش حرام .
    أنا : إزاي مش حرام ؟ إذا كان التعامل مع الجن على إطلاقه حرام وده مش كلامي ده كلام علماء موثوق فيهم ؟ والرسول قال : تداوا ولا تتداوا بحرام .
    غ : مش برضوا بيقولوا فداوني بالتي كانت هي الداء ؟
    أنا : يعني أسيب حديث الرسول علشان خاطر بيت شعر ؟!!!!!
    غ : لأ ده مش شعر ده في الشرع !!!
    أنا : شرع مين ؟ أنا جيبتلك حديث صحيح ، هاتيلي انتي بقى آية أو حديث يثبتوا بيت الشعر إللي انتي بتقوليه ده !!!!
    سكتنا لما الست رجعت تاني وبدأت أنا أقرأ آية الكرسي والإخلاص والمعوذتين في سريقعدت على الأرض وقعدتني قدامها
    ولعت البخور - بخور آل البيت البركة - وطلبت مني أعدي فوقيه 7 مرات
    قولت أشوف آخرها
    جابت ميه في طبق غويط وقعدت تقرا عليها بصوت واطي قوي فسألتها : حضرتك بتقري إيه ؟
    هي : قرآن ... فيه شفاء من كل شيء هو أنا هاقرا غير القرآن !!!!
    طلبت مني أشرب الميه وغسلت بيها وشي كمان
    بعدين طلعت مصحف قديم جدا وطلعت مفتاح كبير وقديم مربوط فيه شريطين خضر
    حطيت المفتاح جوا المصحف زي ما بنحطه في كالون الباب
    وقفلت عليه المصحف ولفت الشريطين على المصحف علشان يمسك المفتاح ومايفلتش منه
    ومسكت طرف المفتاح بصوباعين اتنين وبدأت تقول : السلام عليكم ، إذا كنتوا قبلتوا السلام لفوا ناحية اليمين ، وإذا كنتوا رفضتوه لفوا ناحية الشمال .
    طبعا هي زقت المفتاح بصوابعها علشان المصحف يلف ناحية اليمين وأنا قاعدة قدامها وشايفة
    فسألتها : حضرتك بتكلمي مين ؟
    بصلتي باستغراب وقالت : دول عباد لله مسلمين وموحدين زينا بالضبط .
    غ (صاحبتي) : دول خُدام المصحف .
    أنا : بس المصحف مالهوش خدام ، المصحف ربنا حافظه بنفسه !!!!
    الست اتنرفزت وقاليتلي : يعني انتي هاتفهمي أكتير مني ؟
    أنا : أنا ماقولتش كده .
    هي : اسمك إيمان بنت مين ؟
    أنا : إيمان بنت حسين .
    هي : !!!! اسمك أمك يا بنتي مش أبوكي .
    أنا : بس حرام تسأليني عن اسم أمي .
    هي : حرام إزاي هو انتي هاتفهمي أكتر مني ؟
    أنا : لأ ده مش كلامي ده كلام العلماء إللي في التليفزيون هما قالوا إن ده حرام ، حتى ربنا قال في القرآن : ادعوهم لآبائهم ... (وبدأت أتنرفز على الست أنا كمان )
    هي : ده في الآخرة ...
    أنا : لأ ده الآية دي نزلت في الدنيا مش في الآخرة .
    هي : خلاص ماهو العلماء دول بيفهموا أكتر مننا بقى وانتي أعلم مننا كلنا .
    أنا : يا أمي بالله عليكي ماتقولينيش كلام ماقولتهوش .. ده كلام ناس درست وفهمت وعرفت مش كلامي ولا من دماغي .
    كل ده وصاحبتي عمالة تغمزلي علشان أسكت وأتابع الموضوع وتقول للست : ماهو بتوع التليفزيون دول بيخربوا عقول الناس !!!!
    وطبعا الست سألت خدام المصحف تاني وعرفت إن عليا أسياد وإن أنا سبب المشاكل إللي في البيت والابتلاءات كلها !!!
    وإني إذا آمنت باللي هي بتعمله ووافقت إنها تعالجني كل ده هايروح وهانبقى كلنا زي الفل !!!!
    طبعا أنا رفضت لإني مش هاخسر آخرتي علشان دجل وشعوذة
    الست غضبت ولمت عزالها ومشيت
    وصاحبتي جات تسلم عليا بعدت عنها
    ومسكت ماما عند الباب تقولها : إيه إللي إيمان بتعمله ده ، إزاي تقول كده هي مش مؤمنة ؟!!!
    المهم نزلوا هما الاتنين وطلبت من ماما إن الإنسانة دي ماتدخلش البيت تاني
    تاني يوم هي اتصلت تتطمن عليا ماما دخلت فيها شمال وقالتلها إني ماعنديش أي استعداد أتعامل معاها تاني وأحرجتها جامد في الكلام .
    والحمد لله على نعمة العقل والعلم
    قعدت يوميها فعلا أحمد ربنا كتير إني عارفة وفاهمة ومش جاهلة
    أنا مش بانكر حقيقة المس والسحر
    بس فيه علاج يرضي ربنا
    وفيه علاج يغضب ربنا
    والحلال بين والحرام بين
    أسأل الله لي وليكم أن ينفعنا بما علمنا
    اللهم آمين

  • #2
    كلام سليم ، المشكلة ان البشر تستغل الضعف النفسى اللى عند البشر ، يعنى واحدة ابنها عمال يسقط ، يمكن قدرات الولد موش قد كده ويمكن الدكتور ولا المدرس مستقصده ، ولأن هناك حالة ضعف نفسى ساعتها يمكن البشر ان ينزلقوا ويصدقوا ويستسلموا
    دى بيسموها سيكولوجية النصاب
    ممكن وانتم على الانترنت تبحثوا عنها وتقرأوا فيها
    اللهم مالنا الاسواك اقدارنا بيديك احفظنا من شر كل ذى شر وجنبنا الفتن
    [SIGPIC][/SIGPIC]

    Comment


    • #3
      المشكلة في الناس اللي مؤمنة تمام الإيمان بالخزعبلات دي.. هو ايه اللي جرى للناس؟ فين الإيمان و التسليم بإن لكل شئ معاد ربنا محدده ما ينفعش حد يتدخل فيه عشان يعدله بطرق غريبة زي دي و كمان استخدام المصحف في النصب ده شئ مخجل الصراحة.

      Comment


      • #4
        الموضوع ده كاااارثة بكل المقاييس ..
        وللأسف منتشر بين الناس جدا ...
        كان حصل لنا موقف مشابه .. كان لي عمة مش بتخلف وكان بيجيلها شيخ (حسب كلامها ) وبتقول انها ارتاحت معاه وهتجيبه لينا ..
        وفعلا جابته وقعد الأول مع والدي وقدر يوهمه بدجله واحتياله .. ووالدي قام من قدامه مش طبيعي ومتغير خالص .. لما الوالدة شافت المنظر ده عرفت ان الراجل ده بيتعامل مع الجن .. راحت قالت كده للوالد مصدقش فراحت اثبتت كده لينا كلنا بطريقة بسيطة جدا ..
        راحت توضأت قبل ما تروحله و كانت طول ما هي قاعدة قدامه وهي تقرأ المعوذات وآية الكرسي (والدتي منتقبة علشان كده الراجل ده مكانش يعرف ) .
        وبقدرة الله سبحانه وتعالى مقدرش يحرك ولا حتى انمله من أناملها .. مع انه كان مبهدل والدي بحركات لا ارادية كانت بتحصل (زي ان صوابعه تتحرك لوحدها وايديه تطلع وتنزل لوحدها)
        قام والدي بعده أعاد نفس التجربة وكانت نفس النتائج ,, وبفضل الله اكتشفنا دجل الراجل ده وطلعناه خارج البيت فورا .. وبعدها حرصنا ان كل بقعة من البيت يقرأ فيها القرآن حتى اننا قرأناه على ماء ورشيناه في كل ارجاء المنزل ..


        وربنا يستر علينا وعلى المسلمين جميعا من شر الفئة دهية .. ويحفظ البنت دهية لأنها بفضل الله واعية وسوية وعلى الفطرة الصحيحة .. ويرزقها بخير الصالحين في الدنيا والآخرة .....
        [CENTER][SIGPIC] [/SIGPIC][/CENTER]

        Comment


        • #5
          اللجؤ للناس دى بيكون السبب فيها اولا هو الجهل
          وبعد كدا حبه حاجات منها ضعف الايمان و قله التدين
          [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

          -- اللهم ارزقنيها --
          [/COLOR][/SIZE][/CENTER]

          Comment


          • #6
            التعامل مع هؤلاء الدجالين نوع من أنواع الشرك يجب ألا نقع فيه و بلاش نقول مبررات لا سند شرعي لها .
            اللهم احفظنا منهم آمين

            Comment


            • #7
              أعتقد سبب اتجاه الناس لدجل و الشعوذة هو ضعف الايمان وقلة العلم وياريت اللي يعدي عليه حد زي كدا يبلغ عنه عشان الناس دي بتاذي نفسها و بتاذي غيرها كمان
              [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

              Comment


              • #8
                فعلا ضعف النفوس وضعف الايمان هو سبب اتجاه الناس للخرافات دي
                والبنت صاحبة الموضوع ده غاقلة جدا جدا حتى في ردودها

                نسأل الله ان يبعدنا عن الامور دي ويرزقنا قوة الايمان به

                Comment


                • #9
                  ما اكثر وسائل الشعوذة و الدجل و السحر الآن و ما اخصب الارض التى يتعامل معها هولاء السحرة و الدجالين
                  و لما لا و الان بعدنا عن دين الله الحق و تفرقنا الى فرق منهم الصوفية البهائية و الشيعية و غيرهم و ما اكثر تلك الفرق و اصبح كل منا يتمسك بفرقتة و يدافع عنها اكثر من دفاعة عن الله و رسولة و بهذا ضعفنا و قل الايمان
                  ان الدين عند الله الاسلام اى ديننا الاسلام و كتابنا القران و سنتنا هى سنة الرسول ص
                  نتبع سنة رسول الله و صحابتة و نتمسك بها تماما و صدقونى ستغرب شمس هؤلاء السحرة و المشعوذين و غيرهم من المشركين و الفاسقين و ستختلف الدنيا من حولنا
                  اخيرا ادعو الله بأن يحفظ تلك الفتاة التى قل ان تجد مثلها الآن و رزقها الله بأخ مسلم تقى يحفظها و يحبها و يرزقهما الذرية الصالحة التى تنفع الاسلام
                  [CENTER][FONT=Arial][SIZE=4][COLOR=royalblue][B]مـمـدوح [/B][/COLOR][/SIZE][/FONT][/CENTER]

                  [CENTER][URL="http://img232.imageshack.us/i/sobhan.jpg/"][IMG]http://img232.imageshack.us/img232/9894/sobhan.jpg[/IMG][/URL]

                  Uploaded with [URL="http://imageshack.us"]ImageShack.us[/URL][/CENTER]

                  Comment


                  • #10
                    المشاركة الأصلية كتبت بواسطة douha_wise مشاهدة المشاركة
                    ما اكثر وسائل الشعوذة و الدجل و السحر الآن و ما اخصب الارض التى يتعامل معها هولاء السحرة و الدجالين
                    و لما لا و الان بعدنا عن دين الله الحق و تفرقنا الى فرق منهم الصوفية البهائية و الشيعية و غيرهم و ما اكثر تلك الفرق و اصبح كل منا يتمسك بفرقتة و يدافع عنها اكثر من دفاعة عن الله و رسولة و بهذا ضعفنا و قل الايمان
                    ان الدين عند الله الاسلام اى ديننا الاسلام و كتابنا القران و سنتنا هى سنة الرسول ص
                    نتبع سنة رسول الله و صحابتة و نتمسك بها تماما و صدقونى ستغرب شمس هؤلاء السحرة و المشعوذين و غيرهم من المشركين و الفاسقين و ستختلف الدنيا من حولنا
                    اخيرا ادعو الله بأن يحفظ تلك الفتاة التى قل ان تجد مثلها الآن و رزقها الله بأخ مسلم تقى يحفظها و يحبها و يرزقهما الذرية الصالحة التى تنفع الاسلام
                    ملقتش كلام ازوده على مشاركة حضرتك

                    جزاااك الله كل خير
                    [SIZE="2"]i'll miss everyone[/SIZE]

                    Comment


                    • #11
                      بس احب اضيف حاجة
                      البنت نفسها صاحبة المدونة لو كان يقينها قوي بالله عمرها ما كانت لجأت للكلام دة من الاول لانها بمجرد انها سمعت من واحدة انننا هنجيب واحدة بتعالج بالقرأن كانت المفروض رفضت رفض تااااااااااام بس هي من جواها كان عندها امل فى الشفاء بالطرق الملتوية دى لانه تمادت فى الموضوع و دخلت الست بيتها و سمعت كلامها و عدت فوق البخور و شربت من المية المقري عليها!!!

                      طيب فين اليقين و الايمان بالله..

                      انا افتكر و انا صغيرة عندي 10 سنين و كان ليا قريبة كل شوية يتقدملها حد و فجاة الموضوع يقف من غير اى حاجة و العريس يمشي و الموضوع اتكرر لاكتر من 7 مرات !!! لدرجة انها اتأزمت من الموضوع دة و صحباتها عرضو عليها يجيبولها شيخ يقرالها و يشوف في ايه بس هي رفضت تمااماااا الموضوع دة و سابت كل حاجة بايد ربنا و الحمد لله ربنا كرمها اخر كرم في زوجها و ولادها و حياتها
                      اهم حاجة يبقي عندها يقين ان اللى ليها نصيب فيه هتاخده
                      [SIZE="2"]i'll miss everyone[/SIZE]

                      Comment


                      • #12
                        لاحول ولا قوة الا بالله
                        انا لله وانا اليه راجعون
                        البشر اصبح عندهم كل شيء متاح حتي المتاجرة بكلام الله
                        المشكلهة ان البداية بتبقي صح يعني تقول هعالجك بالقران مفيش مشكله في كده وورد عن بعض الصحابة وعن الرسول القصة دي بس ايه اللي بيحصل بعد كده ؟
                        ممارسات لا تمت للدين بصله بل فيها امتهان لكتاب الله
                        وهذا الفخ بيقع فيه للاسف الناس اللي ايمانهم مش قد كده
                        اللي يدوبك ماشي في الدين بالبركة
                        المفروض ان اي شيئ طالما ما اعرفلوش مرجعية دينية يبقي لازم اسأل فيه اهل الدين؟
                        اللهم احفظنا والمسلمين من شر الدجالين يااااااااااااااااااااارب
                        محمد إسماعيل

                        Comment


                        • #13
                          المشاركة الأصلية كتبت بواسطة Noha.M مشاهدة المشاركة
                          بس احب اضيف حاجة
                          البنت نفسها صاحبة المدونة لو كان يقينها قوي بالله عمرها ما كانت لجأت للكلام دة من الاول لانها بمجرد انها سمعت من واحدة انننا هنجيب واحدة بتعالج بالقرأن كانت المفروض رفضت رفض تااااااااااام بس هي من جواها كان عندها امل فى الشفاء بالطرق الملتوية دى لانه تمادت فى الموضوع و دخلت الست بيتها و سمعت كلامها و عدت فوق البخور و شربت من المية المقري عليها!!!

                          طيب فين اليقين و الايمان بالله..

                          انا افتكر و انا صغيرة عندي 10 سنين و كان ليا قريبة كل شوية يتقدملها حد و فجاة الموضوع يقف من غير اى حاجة و العريس يمشي و الموضوع اتكرر لاكتر من 7 مرات !!! لدرجة انها اتأزمت من الموضوع دة و صحباتها عرضو عليها يجيبولها شيخ يقرالها و يشوف في ايه بس هي رفضت تمااماااا الموضوع دة و سابت كل حاجة بايد ربنا و الحمد لله ربنا كرمها اخر كرم في زوجها و ولادها و حياتها
                          اهم حاجة يبقي عندها يقين ان اللى ليها نصيب فيه هتاخده
                          هي يمكن كانت فاكرة ان الموضوع علاج بالقرآن و هاينتهي على كده، انما لما دخل في دجل و شعوذة ما رضتش انها تكمل. بس هو السؤال هنا هو الشفاء من ايه؟ هو تأخر الزواج ده مرض؟ طبعا لو أجزنا إطلاق كلمة "تأخر" على حاجة ربنا محدد معادها في علم الغيب، بس هل هو بالضرورة بسبب سحر أو عمل أو عكوسات زي ما بيقولوا؟ ليه ما يكونش نصيب و خلاص؟ ليه ما يكونش بسبب تقصير من الفتاة نفسها في حاجة؟ أو الشاب لو برضه أكتر من مرة حاول يتجوز و ما اتوفقش؟ ماهي برضه تقدم سن الشاب من غير زواج مشكلة اجتماعية يمكن تفوق في حجمها مشكلة زواج البنت و ضررها بيقع على المجتمع أكتر بكتير من تقدم سن البنت.

                          Comment


                          • #14
                            المشاركة الأصلية كتبت بواسطة Noha.M مشاهدة المشاركة
                            بس احب اضيف حاجة
                            البنت نفسها صاحبة المدونة لو كان يقينها قوي بالله عمرها ما كانت لجأت للكلام دة من الاول لانها بمجرد انها سمعت من واحدة انننا هنجيب واحدة بتعالج بالقرأن كانت المفروض رفضت رفض تااااااااااام بس هي من جواها كان عندها امل فى الشفاء بالطرق الملتوية دى لانه تمادت فى الموضوع و دخلت الست بيتها و سمعت كلامها و عدت فوق البخور و شربت من المية المقري عليها!!!

                            طيب فين اليقين و الايمان بالله..
                            اختى الغالية
                            البنت من الاول غير راضية و لكن للشيطان مداخل و اساليب و قد فوجئت بصاحبتها و معها السيدة و هذا من فعل الشيطان طبعا و هو عنصر المفاجأة و انا معكى انها اخطأت و لكنها تماسكت سريعا و ردت كل هذا عنها و بقوة و كما نعلم ( كل ابن آدم خطاء وخير الخطائين التوابون ) و هى اذن تابت عن هذا الخطأ فلتدعى لها بالتوفيق و يرزقها بالزوج و الذرية الصالحة
                            و الا انت عشان معاكى اخى محمود خطيبك هتفترى عليها بقى ؟ :D
                            [CENTER][FONT=Arial][SIZE=4][COLOR=royalblue][B]مـمـدوح [/B][/COLOR][/SIZE][/FONT][/CENTER]

                            [CENTER][URL="http://img232.imageshack.us/i/sobhan.jpg/"][IMG]http://img232.imageshack.us/img232/9894/sobhan.jpg[/IMG][/URL]

                            Uploaded with [URL="http://imageshack.us"]ImageShack.us[/URL][/CENTER]

                            Comment


                            • #15
                              المشاركة الأصلية كتبت بواسطة OlaOsman مشاهدة المشاركة
                              هي يمكن كانت فاكرة ان الموضوع علاج بالقرآن و هاينتهي على كده، انما لما دخل في دجل و شعوذة ما رضتش انها تكمل. بس هو السؤال هنا هو الشفاء من ايه؟ هو تأخر الزواج ده مرض؟ طبعا لو أجزنا إطلاق كلمة "تأخر" على حاجة ربنا محدد معادها في علم الغيب، بس هل هو بالضرورة بسبب سحر أو عمل أو عكوسات زي ما بيقولوا؟ ليه ما يكونش نصيب و خلاص؟ ليه ما يكونش بسبب تقصير من الفتاة نفسها في حاجة؟ أو الشاب لو برضه أكتر من مرة حاول يتجوز و ما اتوفقش؟ ماهي برضه تقدم سن الشاب من غير زواج مشكلة اجتماعية يمكن تفوق في حجمها مشكلة زواج البنت و ضررها بيقع على المجتمع أكتر بكتير من تقدم سن البنت.
                              بظبط يا علا ما دة اللى انا مش فاهماه ؟ هل هي حست انها محتاجة تعافى من شيئ معين فاضطرت تلجأ لمثل هذه الاساليب؟ هو مما لا شك فيه ان للشيطان مداخل و للاسف الواحد فعلا ساعات بيضعف و يا رب يعفو عنا و يغفر ذلاتنا جميعا

                              و على فكرة تأخر سن الزواج بقة سمة عادية جداااااااا فى العضر اللى احنا فيه و كل مادا تأخر سن الزواج بيزيد من الجيل لقبله و دة طبعا نتيجة ظروف العيشة و الحياة اللى احنا فيها

                              المشاركة الأصلية كتبت بواسطة douha_wise مشاهدة المشاركة
                              اختى الغالية
                              البنت من الاول غير راضية و لكن للشيطان مداخل و اساليب و قد فوجئت بصاحبتها و معها السيدة و هذا من فعل الشيطان طبعا و هو عنصر المفاجأة و انا معكى انها اخطأت و لكنها تماسكت سريعا و ردت كل هذا عنها و بقوة و كما نعلم ( كل ابن آدم خطاء وخير الخطائين التوابون ) و هى اذن تابت عن هذا الخطأ فلتدعى لها بالتوفيق و يرزقها بالزوج و الذرية الصالحة
                              و الا انت عشان معاكى اخى محمود خطيبك هتفترى عليها بقى ؟ :D
                              فعلا زى ما حضرتك قلت و الحمد لله انها تماسكت و ربنا هداها للصح و ان شاء الله ربنا يكرمنا و يكرمها بالزوج الصالح التقي و يعفو عنا

                              بس والله ما بفترى ولا حاجة بعدين الزواج قسمة و نصيب و الله اعلم هيبقي ليا نصيب و خير مع محمود ولا حد غيره انا بس لما حطيت نفسي مكانها و حسيت ان ممكن يتأخر عليا سن الزواج محستش خالص ان في مشكلة من اى نوع بالعكس طيب ما انا اختى اتجوزت من 10 سنين و كان عندها 27 سنة و قتها و دة بمقاييس من 10 سنة كان كدة فى تاخر و كنت بشوفها عبشة حياتها و بتخرج مع صحباتها و بتشتغل و سعيدة فى حياتها طبعا نفسها زى اى بنت انها تلاقي حد محترم بس مش معيشة نفسها فى ازمة

                              بس انا احب اوضح حاجة ساعات في اهالى بيزودو على ولادهم سواء بنات او ولاد صعوبة العيشة و يحسسوهم انهم كبروا و اتاخرو فى الزواج خصوصا الامهات ساعات من كتر شيلهم الهم و بيبقو عاوزين يطمنو على بناتهم فبيحملو ولادهم كمان الهم و على فكرة انا مامتى من النوع دة و على طول حاملة هم زواجى و تقعد تقارنى بقرايبي البنات اللى قدي و اتجوزو قبلى !! طيب ما دة نصيبهم !! و انا نصيبي لسه مجاش و والله اعلم هيبقي اصلا نصيبي ولا لأ
                              [SIZE="2"]i'll miss everyone[/SIZE]

                              Comment

                              Working...
                              X