تزغلول النجار : توقع أن يحل دمار شامل بأمريكا

[ibrahimsaad]

ياجماعه ماحدث الان لامريكا هو بدايه الانهيار لهذه الطاغيه التى تجبرت فى الارض

وهذه هى سنه الله فى خلقه فمن قبلها كانت روسيا ولم تستطع امريكا ان تسقطها عسكريا ولكن اسقطتها اقتصاديا

والان العجله تدور على امريكا نفسها لتذوق نفس الكاس التى اذاقته للروس

ولكن هذه المره بفضل دعوات المظلومين فى الارض بالعراق وافغانستان وفلسطين وباقى بقاع الارض

[فادى]

يا سيدى الفاضل كلامك ده كان صح من حولى 7 سنين
انما دلوقتى البلد تعانى من ضعف الانتاج و التضخم و البطاله
وكفايه عجز الموازنه اللى بهذه الضخامه
ثم انت بتقول انها مازالت تسيطر على الامور
ازاى؟؟؟؟؟؟؟؟
ده كل حلفاءها عندهم نفس الازمه
و ايران اللى بتقول عليها معزوله لا معزوله ولا حاجه
و اكبر دليل العربيات الايرانى اللى بتيجى مصر
و اذا كانت قوه امريكا العسكريه (التى فضحت مرارا على مر التاريخ
بدايتا من بيان ديان فو و مرورا بفيتنام و انتهاء بافغانستان
و إن شاء الله ستكون العراق هى قبرهم الاخير)
زى ما انت بتقول
كانت عملت حاجه لايران او رئيسها اللى عمال يشتم فيها
و بيقول انها لو قربت منه هيدغدغها
و هى من ضعفها عماله تطلع قرارات من مجلس الامن و هو ولا همو

يا جماعه موجه الكره العالمى للطاغوت الاميركى تزداد
و إن شاء الله دى نهايته
و ما طار طيرا و ارتفع الا كما طار وقع

أنا مش بحب امريكا و لا الأمريكان, لكن أنا بتكلم عن الظروف الحادثة فعلا,
أمريكا دولة لديها موارد هائلة (كل شىء بداية من البترول الى الذهب الى الزراعة) و هو ما مكنها من التقدم, فهى دولة محظوظة,
لو تلاحظ أنا لم أتحدث عن الاقتصاد الأمريكى, أنا معاك انو فيه انهيار حالى (بطالة, ديون), لكن دى القشرة فقط, احنا بنتكلم على أساس الاقتصاد يا عزيزى, الانتاج و التكنولوجيا و البنية التحتية للصناعة و توافر الموارد و الطاقة(سواء المحلية أو المستوردة) و الحاجت دى فى أمريكا أحسن من أى دولة أخرى,
العراق و أفغانستان أمريكا احتلتهم بمنتهى السهولة و لازم تفرق بين حرب نظامية و حرب العصابات, ما يحدث فى البلدين هى حرب عصابات و هى طريقة ينتهجها الثوار غالبا لانهاك جيش نظامى أو نظام حكومى معين, و تؤدى حرب العصابات الى انهاك الجيش النظامى و لكنها لا تهزمه و لا تلقيه خارج الأرض الا اذا رأى هذا الجيش أن بقاءه لا يفيد بشىء لذا فلا داعى للخسائر, و هو ما لا ينطبق على حالة العراق و أفغانستان حيث يتيح بقاء الجيش تدفق النفط و التحكم فى منطقة استراتيجة لذا فان موت جندى أو خسارة دبابة ليست بالثمن الكبير مقابل البقاء و السيطرة على دولة مهمة جدا فى معادلة الشرق الأوسط المنطقة التى تحتوى على أكثر من نصف احتياطى العالم من البترول, ده بالاضافة طبعا الى بترول العراق نفسه,
اما ايران فهى معزولة تماما حتى حليفتها سوريا توشك على التخلى عنها بعض أن قامت الولايات المتحدة باغراء سوريا عبر صلح بينها و بين اسرائيل, و لو حدث ذلك فستنعزل ايران تماما و لا يبقى سوى ضربها أو الضغط عليها, و الأنباء التى وصلتنا مؤخرا عن مفاوضات سورية اسرائيلية تعنى غالبا أن الأمريكان يعدون العدة لضرب ايران أو زيادة الضغط عليها.
و لولا اعتماد بعض الدول الأوروبية على بترول ايران, و دعم روسيا لها(تستخدمها روسيا كورقة ضغط على الغرب) لما استطاعت البقاء, فالذى يوقف أمريكا عن ايران ليس قوتها التى يتغنى بها نجادى, بل هو الأوروبيون الذين يتوسلون لأمريكا كى لا تتخذ أى اجراء عنيف ضد ايران لعل و عسى تفلح مفاوضاتهم معها, و بالبلدى كده أمريكا قالتلهم ماشى هاتوا أخركو معاها و خلينا ورا الكداب. و ايران ليست بالقوة التى تعتقد فليس لديها طائرات و لا أسطول بحرى و لا حتى دبابات بحالة جيدة, و حتى الصواريخ التى رأيناها (و هى صواريخ روسية فى الأساس) شككت روسيا فى مصداقيتها و قوتها, كل ما يحدث الأن هو حساب الخسائر مقابل المكاسب من غزو ايران و ترضية الحلفاء الأوروبيون لغزو ايران بعد تعثر المفاوضات.
كنت أتمنى أن يهزم جيش صدام الأمريكان لكن ما نيل المطالب بالتمنى,
و كنت أتمنى كذلك انهيار الطاغوت الأمريكى, و لكن ما نيل المطالب بالتمنى.

[Nile Heart]

ما حدث هو عملية امتصاص الاموال المتحققه من ارتفاع اسعار البترول ونهب الفوائض المتحققه من زيادة الاسعار هذة الاموال متراكمة بالوف المليارات الى اين تذهب طبعا الى امريكا
ما حدث هو عملية نصب محترفة جدا
والدليل خسائر رجال الاعمال العرب فى اوربا وامريكا
والدور على الاموال السيادية للحكومات الخليجية والعربية رقم يقترب من 3000 مليار دولار
سؤال بسيط جدا جدا جدا لماذا لم يتم اعلان افلاس بيل جيتس ؟
لان المقصود هى اموال العرب
او اى ملياردير امريكى او اوربى او من اى بلد؟

برافو

فعلآ هذه هى الحقيقه

هى مش نصب ولا حاجه!! بامارة ايه البترول يبقى ب 140 دولار !! هو ده اللى نصب
امريكا قالت للعرب "دى عيله واطيه ونصابه.. هاتوا الفلوس اللى عليكوا"

هاهاها
ادعوا عليهم ادعوا

[أبو عبدالله]

يا اخواني براحه شويه

ايه ده كله

الراجل كلامه مظبوط

والراجل مش بينجم ولا حاجه الراجل عالم جليل في معجزات الخلق
واكيد له نظره ومعرفة جيده في سنن ربنا في كونه
وده علم لوحده يعني ولا بيفتي ولا حاجه
وانا شايف ان احنا هنا اللي بنفتي والله

والكلام ممكن يأخذ على اكثر من محمل

يعني هو مثلا مش قصده ان امركيا بكره الصبح هتنهار ولا بعد شهر ولا بعد سنه
الموضوع ان ده بداية سقوط النظام الربوي ومعاونيه
وكل العالم دلوقتي بيدور على حلول
والحلول دي ممكن على المدى البعيد تكون تحول للنظام العالمي ككل
وعدم سيطرة امريكا عليه

يعني الموضوع بسيط
مش محتاج الفتاوي اللي احنا قاعدين بنطلعها واحنا لا نعلم اي شئ في البطاطس للأسف

اللهم علمنا بما ينفعنا وانفعنا بما علمتنا

[محمد ابراهيم 1]

أنا أتفق مع الأستاذ فادى فى رأيه فى هذا الموضوع والأيام هى اللى حتثبت
الكلام ده

سؤال بسيط جدا جدا جدا لماذا لم يتم اعلان افلاس بيل جيتس ؟

الإجابه أبسط لأنه أقوى مما تتخيل ومنتجه إنت نفسك بتستخدمه فى هذه اللحظه

[Osama_soliman]

اكيد بعد كل هذه المعاملات الربوية وكل هذا الظلم للعراق وغيره وبعد كل هذه المحاربة لدين لله تعالى