فوز باراك أوباما

[sab3aawy]

الى عشاق ماما امريكا ومحبيها والمدافعين عنها
الى المعجبين بالديمقراطية الامريكية والمتشدقين بالنموذج الامريكى الذى لا يبارى

احب اقول للناس اللى فرحانة باوباما وانه انتصر على العنصرية
(انسوااااااااااااااااا - فوقواااااا شويه من الوهم)1ايه بقى الجديد !!
انا اسود البشرة انتخبوه (يافرحة جميلة فعلا) طب حلو وجميل وناس عسل وزى الفل

الى من لا يرون فى الدنيا سوى فكرهم الخاص ويقتنعون ان ما فى رؤوسهم هو الحق الذى لا يأتيه الباطل من بين يديه ولا من خلفه وما فى رؤس غيرهم هو محض تخاريف ، احب بس اقول ان ممكن نقول رأينا من غير ما نسفه اصحاب الرأى الآخر ونتريق على كلامهم ونتهمهم اتهامات هى ابعد ما تكون عن الموضوعية، مثل الاعجاب بماما مش عارف ايه والتشدق بالنموذج اللى معرفش ماله والعيشة فىالوهم، فيها ايه لو قلت رأيك من غير ما تسخر من حد؟

لأن المعتوه نجاد لن يستمر طويلا برضو مثل المعتوه بوش.

!

احييك على جرأتك واتفق معك وان كانت جراتك دى هتفتح عليك مدافع لا اول لها ولا آخر لمجرد ان ايران بتبيع لنا فكرة وحدة الدين، مع ان ايران هانم لو قدرت تاكل السعودية او تحيدها فان اول دولة ستلتهمها بعد ذلك سواء عسكريا او اقتصاديا او سياسيا هى مصر، ويبقى حد ساعتها يفتح بقه ويقول كلمة عن وحدة الدين

[Ramy_Ali]

انا لم اسخر من احد باسمه او عينه او شخصة
ولم اقم باقتباس مشاركه عضو لاتهكم عليه!
ماذكرته كلام عام ومجمل ولا يستهدف شخص بعينة او يمثل اهانة لاحد .
انا بتكلم على الناس اللى بتحب امريكا اكثر من وطنهم العربى والاسلامى
وممكن تهاجم دولة عربية فقط من قبيل دافع التعصب القبلى الممقوت دينيا واخلاقيا بسبب قصور طارئ فى قضية معينة ولا ترفع قيد انملة لتشيير اوتشجب بالظلم العالمى وظلم امريكا الواقع على شعوبنا واخواننا فى الدين والعروبة
وان كان ظاهرهم وللاسف يقولوا بنحب بلدنا
ودى ناس موجودة كتيير وفكر منتشر وللاسف الشديد

[sab3aawy]

بص يا اخى الفاضل ، ده كان كلامى

قبل الكلام عن قضايا الشرق الأوسط فان فوز اوباما يشكل تغير ساحق فى توجه فكر المواطن الامريكى ، الذى كان حتى خمسين سنة مضت يؤمن بان الانسان ذو البشرة الداكنة اقل منه فى سلم التطور ، ثم ياتى انتخاب اول رئيس امريكى اسود فى ضربة ساحقة للعنصرية فى العالم فى وقت يمر فيه العالم بقترة عصيبة من التطرف العنصرى اليمينى والذى اشعله وصول كتلة بوش اليمينية الى الحكم واحداث 11 سبتمبر والتى ادت الى تفاعل انشطارى متسلسل ولد العديد من التوجهات العنصرية اليمينية المتطرفة فى اوروبا والدول العربية وايران وتركيا وافغانستان واسرائيل وفلسطين واسفرت موجة التطرف والعنصرية عن حروب دامية فى افغانستان والعراق وفلسطين ناهيك عن خسائر امريكا فى حادث برجى التجارة وخسائر اوروبا فى حوادث التفجير ، وخسائرنا فى حوادث الارهاب التى عادت تطل بوجهها القبيح فى سيناء

والآن فانه كما ادى وصول المحافظين الجدد ذوى الميول اليمينية المتطرفة الى سده الحكم فى اكبر دولة فى العالم منذ ثمانية سنوات الى تولد موجة يمينية غطت العالم كله،فان الاختيار المتعقل الحالى للشعب الأمريكى والذى اعلن صراحة انه يرفض اليمينية من خلال رفضه لمرشح الحزب الجمهورى، ويرفض العنصرية من خلال ترشيحه لأول رئيس داكن البشرة، ليس فقط لأكبر دولة فى العالم ولكن اول رئيس داكن البشرة لدولة ذات اغلبية عددية بيضاء (فى جنوب افريقيا الغالبية العددية سوادء برغم تحكم الأقلية البيضاء فى معظم مصادر الدخل)، يعد سابقة اخلاقية ستدخل بيها امريكا التاريخ الانسانى، نأمل ان يودى هذا التوجه الليبرالى الى انحسار موجة العنصرية فى العالم وانتشار فكر التسامح وقبول الآخر

وده جزء من رسالة حضرتك التى اتت تالية على رسالتى دون ان يكون هناك من ناقش فكرة انتخاب رئيس اسود غيرى قبل ارسالك لرسالتك

الى عشاق ماما امريكا ومحبيها والمدافعين عنها
الى المعجبين بالديمقراطية الامريكية والمتشدقين بالنموذج الامريكى الذى لا يبارى

احب اقول للناس اللى فرحانة باوباما وانه انتصر على العنصرية
(انسوااااااااااااااااا - فوقواااااا شويه من الوهم)

ايه بقى الجديد !!
انا اسود البشرة انتخبوه (يافرحة جميلة فعلا) طب حلو وجميل وناس عسل وزى الفل
طب وبعدين!!!! ايه إن شاء الله اللى استفدناة ؟!
ياريت نفوق شوية من الوهم
وبعدين بدون مجادلات او خلافات شوفوا كمان 6 شهور وهتعرفوا الحقيقة واضحة
وعلى راى المثل ( لن يحك جلدك مثل ظفرك )

زى ما انت شايف كدة ان رسالتك تتجاوز مناقشة الرأى او الاختلاف معه الى تسفيه اصحابه، وهو-واعذرنى-ما لا يحق لك، مهما اختلفت فى الرأى مع شخص ، حتى لو انت شايف ان كلامه كله جنان برضه ده لا يعطيك الحق فى انك تطلق صفات ايا كانت على المختلف معاك فى الرأى، ناقش الرأى نفسه، قطعه، اعمل فيه اللى انت عايزه لكن دون اهانة لصاحبه،

انا لم اسخر من احد باسمه او عينه او شخصة
ولم اقم باقتباس مشاركه عضو لاتهكم عليه!

لا يحتاج الامر الى ان تسخر بأحد باسمه بعد ان اوردت ما قال وسخرت من قائل هذا القول، يعنى اللى ميشوفش ان رسالة تهزيئ لمن يقول ان انتجاب رئيس اسود هو انتصار ديمقراطى جائت بعد رسالة واحدة فقط تناقش فكرة ان انتجاب رئيس اسود هو انتصار ديمقراطى ، اللى ميشوفش ان الرسالة دى مقصود بيها السخرية من صاحب هذا الرأى ينطبق عليه المثل اللى بيقول ان (اللى مابيشوفش من الغربال يبقى اعمى)

الادهى والامر انك حطيت على لسان صاحب الرأى اللى انت سفهته هو وصاحبه كلام لم يقله اطلاقا، فصاحب الرأى كل ما قاله ان ما حدث هو انتصار لليبرالية على حساب اليمينية ، لا قال انه بيحب امريكا ولا مع سياساتها ولا ميت فى دباديبها ولا اى حاجة مما تفضلت ووضعته فى فمه عنوه، كل ما قاله ان امريكا ، باعتبارها اكبر دولة فى العالم شئنا ام ابينا، تخلق نماذج يقلدها الجميع شئنا ام ابينا، عندما تكون امريكا يمينية تنتشر اليمينة فى العالم، عندما تكون ليبرالية تسرى الليبرالية فى العالم، لم يتضمن رأيه اى كلام عن عشقه لهوا امريكا

اما قصة الدول العربية التى تفضلت انت بذكرها فلا ارى لها اى موقع اعرابى فى هذة المناقشة، حيث ان الموضوع وعلى ما اذكر كان عن انتخاب رئيس امريكا وليس عند مواطن مصرى اتجلد ظلما فى بلد الحرمين، وبالتالى فانا لا ارى داعى للتطرق الى مواضيع اشقائنا العرب حتى لا نخرج عن السياق

[Ramy_Ali]

الاخ الفاضل سبعاوى
انت ليه حضرتك ربطت بين رأيى شخصى بكتبه فى الموضوع وبين مشاركتك فى الموضوع (ليس معنى انها بعدها انها موجهه ليك شخصيا)

والدليل انت قلته حضرتك انى ذكرت اشياء لم تذكرها انت فى مشاركتك

والموضوع اتفتح ليه 3 مواضيع مختلفه فى المنتدى والنس شاركت فيهم وكل شخص ذكر رائيه فى الموضوع وانا ذكرت نفس الرأى فيها (شوف الرابط هنا)

http://www.nilemotors.net/Nile/showthread.php?t=45653&page=3

وأتى بعد الاخ ahmed_su ولم يذكر انى برد عليه او من اى عضو سبقه فى المشاركة

انا ليا راييى الشخصى وحبيت اوضحة واشارك بيه دون المساس لاحد او ازعل حد منى

على العموم متزعلش مش قاصد مضايقتك
بس كنت عاوز اقول رأييى فى الموضوع
احنا كلنا اخوات ويجمعنا الاحترام المتبادل
واختلاف الرأى لايفسد للود قضية

بس شوفت بقى امريكا بتعمل مشاكل كتيير ازاى (هاهاها)

[sh23]

شالوا ألدو جابو شهيم & ألدو قال ما أنتوش نافعين
(كارتر - ريجان - كلينتون - بوش وأبنة - باراك ) إية الفرق كلهم أمريكان
الأزفت أن باراك اسم يهودي رغم أن أبوة مسلم كيني

[sab3aawy]

شالوا ألدو جابو شهيم & ألدو قال ما أنتوش نافعين
(كارتر - ريجان - كلينتون - بوش وأبنة - باراك ) إية الفرق كلهم أمريكان
الأزفت أن باراك اسم يهودي رغم أن أبوة مسلم كيني

الأسم ممكن يكون ميفرقش كتير، لكن كل الخطوات الايجابية اللى خدتها امريكا تجاه حل المشاكل العالمية-واللى غالبا بتكون هى المتسببة فيها اصلا- تم فى عصر الديمقراطيين (كينيدى-كارتر-كلينتون)

[Dr.A.Nabil]

مش باحب اوباما

لأنه يعتير مرتد عن الاسلام


هو ابوه مش كان مسلم؟؟

هو ماطلعش مسلم ليه؟

[Miss_Pharma]

اوباما او غيره مش هتفرق معانا في حاجة ..
الفكرة في التغيير .. بمعنى ان اول مرة رئيس امريكي يكون Nigro وكمان ابوه مسلم ..
يعني اعتقد ان دي خطوة كويسة .. وبداية لمحاولة التغيير ..
اللي يارب تتنفذ عندنا ..

[mokhtar]

اعتقد ان فوز اوباما هيتبعه اصلاح اقتصادى ومالى داخل الولايات المتحده اما العالم الخارجى مش هيتغير كتير ممكن بس الانسحاب من العراق فى غضون عده اعوام وده لان الديمقراطيين كانوا من معارضى الحرب على العراق مش لانهم بيحبوا العراق لا سمح الله ولا عشان صعبوا عليهم وانما لمعاداه سياسه الجمهوريين المتمثله فى مجموعه الصقور بقياده الرئيس السابق جورج بوش وديك تشينى...انما مش ممكن مثلا ينصرنا احنا العرب والمسلمين على اسرائيل لان الصهاينه هم المتحكمين بكل شىء فى امريكا سياسيا واقتصاديا وبرضه طريقه الحوار هتبقى اخف حده من السابقين



..mokhtar..

[Mohamed-Saoud]

اوباما او غيره مش هتفرق معانا في حاجة ..
الفكرة في التغيير .. بمعنى ان اول مرة رئيس امريكي يكون Nigro وكمان ابوه مسلم ..
يعني اعتقد ان دي خطوة كويسة .. وبداية لمحاولة التغيير ..
اللي يارب تتنفذ عندنا ..

يجرو ايه يا ميس فارما؟ دي أمه كانت بيضه قشطه!

[Mohamed-Saoud]

يجرو ايه يا ميس فارما؟ دي أمه كانت بيضه قشطه!

أقصد نيجرو مش يجرو :)
بالنسبة لحكاية الاسلام معاه... دي غريبة بالنسبالي لأني أعرف ان أبوه و كمان زوج أمه التاني الاندونيسي كانوا مسلمين !!!!!
هو حياته الشخصية عموما ملخبطة شويتين و مش سهلة!

لما نشوف هيعمل ايه و أتمنى خير ان شاء الله

[r0xer]

أيه السخافة دي؟

مسلم ولا يهودي هو الديانة هي معيار الحكم على شخص ولا أيه!!

على فكرة التجار اليهود في مصر ولحد نهايات الحكم الملكي في مصر كانت كلمة التاجر منهم بمليار عقد مكتوب! يعني كون انك تاخد كلمة منهم فخلاص أضمن حقك.

معلومة بس حبيت أقولها..لان الظاهر الناس الحقد والكره اللي جواهم خلاهم ينسوا ان في بني آدميين تانيين عايشين معانا في الكوكب بديانات تانية وافكار تانية واكيد مش كلهم وحشين "مش كلهم صهاينة!".

خلونا نشوف اوباما هيعمل أيه في أول سنتين...بعد كدا نراجع الموضوع دا ونضحك سوا كلنا :)

[د-احمد عبد اللطيف]

أيه السخافة دي؟

مسلم ولا يهودي هو الديانة هي معيار الحكم على شخص ولا أيه!!

على فكرة التجار اليهود في مصر ولحد نهايات الحكم الملكي في مصر كانت كلمة التاجر منهم بمليار عقد مكتوب! يعني كون انك تاخد كلمة منهم فخلاص أضمن حقك.

معلومة بس حبيت أقولها..لان الظاهر الناس الحقد والكره اللي جواهم خلاهم ينسوا ان في بني آدميين تانيين عايشين معانا في الكوكب بديانات تانية وافكار تانية واكيد مش كلهم وحشين "مش كلهم صهاينة!".

خلونا نشوف اوباما هيعمل أيه في أول سنتين...بعد كدا نراجع الموضوع دا ونضحك سوا كلنا :)

دي مش سخافة يا استاذ
ايوة الدين هو المعيار الاساسي في الحكم على الانسان
لانة يحكم العلاقة بين الانسان و الخالق عز و جل
وكل انسان اي كان دينه من حقه ان يفخر بهذا الدين وان ينظر اليه على انه اكمل واحسن دين سواء كان مسلم او مسيحي او يهودي

و زي ما انت زعلت كدة
في ناس برضه زعلانة ان اوباما كان مفروض ان يكون مسلم لان ابوه مسلم و غير دينه
الحقد والكرة اللى انت بتتكلم علية دة طريق ذو اتجاهين
ياريت نتعلم ان اختلاف الدين يجب ان يكون زي اختلاف الرأي لا يفسد للود قضية

و ختاما اقول
"و سيعلم الذين ظلموا اي منقلب ينقلبون" صدق الله العظيم

[bee]

يا خبر بفلوس بكره يبقى ببلاش

ولو اني اشك اننا هنستفاد أي حاجه غير اننا هنقول شفتوا الديموقراطية زي ما بنصفق لأمريكا على كل خطوة بتاخدها ..
بس إجمالا ..
انا شخصيا شايف ان دي خطوة ايجابية في الشعب الامريكي (لو كانت مش مجرد قناع) والموضوع مش فارق معانا في حاجه لان الخراب جوا و الخراب الي بره اثره يكاد يكون معدوم عملا بمثل الضرب ف الميت حرام .. (لأنه ميت)

ربنا يرحمنا

[mokhtar]

دي مش سخافة يا استاذ
ايوة الدين هو المعيار الاساسي في الحكم على الانسان
لانة يحكم العلاقة بين الانسان و الخالق عز و جل
وكل انسان اي كان دينه من حقه ان يفخر بهذا الدين وان ينظر اليه على انه اكمل واحسن دين سواء كان مسلم او مسيحي او يهودي

و زي ما انت زعلت كدة
في ناس برضه زعلانة ان اوباما كان مفروض ان يكون مسلم لان ابوه مسلم و غير دينه
الحقد والكرة اللى انت بتتكلم علية دة طريق ذو اتجاهين
ياريت نتعلم ان اختلاف الدين يجب ان يكون زي اختلاف الرأي لا يفسد للود قضية

و ختاما اقول
"و سيعلم الذين ظلموا اي منقلب ينقلبون" صدق الله العظيم

احييك يا د/احمد على ردك كلامك مضبوط 100*100 ...مش عارف ايه موضوع الحقد والكره اللى طلع فجاه ده محدش من اللى بيبدوا ضيقهم من ان اوباما ماطلعش مسلم جرح فى اى دين ولا فى اى شخص.. والكلام فيه تلميحات مالهاش اى لازمه ..كل واحد من حقه يفتخر بدينه ويكون غيور عليه بشرط عدم التجريح فى الاخرين



..mokhtar..