احد ضباط الاحتلال يقتل شابا بدمياط ثم يروع به الاهالى

[mokhtar]

انا بشك فى الخبر ده ...انا من دمياط وعارف يعنى ايه عزبه البرج يعنى الجحيم يعنى العيل الصغير فيها10 سنين المطواه فى جيبه دى حاجه اساسيه يعنى اول ماتقول يا خناق هتلاقى السيوف والسنج اترفعت الخناقات عندهم بالسلاح على طول ومن سنتين قامت حرب بين عزبه البرج والقريه اللى قبلها الشيخ درغام الشرطه اصلا ماقدرتش تعمل حاجه غير انها تتفرج والحرب كانت على اشدها وعمليات اختطاف وقوات خاصه وبلاوى




..mokhtar..

[ibrahimsaad]

شكرا ليكم جميعا

والله ياجماعه انا نقلت الخبر زى ماهو

وعموما طبعا اتمنى الا يكون الخبر صحيح لانها كارثه بكل المقاييس

[د.أحمد سمير]

لكن الضابط ـ وبحسب كلام الأم ـ نفذ تهديده وأطلق عيارا ناريا علي رأس ابنها من الخلف خرج من الجهة الأمامية، وأضافت: «لم يكتف بقتل ابني بل أخذ يضربه بقدمه ثم جرجروه أمام الأهالي ووضعوه في عربة ربع نقل غير تابعة للشرطة وتنقلوا به في القرية لنصف ساعة بعدها نقل إلي المستشفي العام ولقي حتفه هناك».

أنا ممكن أصدق الافتراء لكن هذه القصة تحديداً غير مقنعه
ببساطة حد يفهمني إزاي واحد ينضرب في دماغه وتخرج الرصاصة منها ويموت في المستشفى بعد ساعة

[romeeoo]

انا سالت واحد من العزبه النهارده فى الشغل قالى حصل حاجة زى كده من 4 شهور وكان واد مسجل خطر وماكنش من اهل البلد

[Sameh]

صعب أوى أصدق ، وبعدين الواد اللى المفروض انه مات اتخانق مع واحد تانى يقوم يجيله رئيس المباحث و 4 ظباط و9 عساكر ليه !!!!!!!!! من إمتى ده بيحصل ؟؟ وبعدين أول لما دخل راح ضربه فى دماغه كدة وش !!! وبعدين لف بالجثة نص ساعة فى القرية مش ممكن أصدقها أبداً لا سواق ولا عسكرى هيسمع الكلام فى حاجة زى كدة

[ibrahimsaad]

ياجماعه هذا الخبر تم نشره بجريده البديل واليوم نفس الجريده تتابع هذه القضيه وهذه تفاصيلها

هنا

http://www.elbadeel.net/index.php?option=com_content&task=view&id=37245&Itemid=1

3 بلاغات للنائب العام تتهم ضباط شرطة بقتل وإخفاء وهتك عرض مواطنين
17/11/2008



أسرة قتيل دمياط الذي نشرت «البديل» قصته تطالب بمحاكمة الضابط أشرف عبدالهادي وإقالة العادلي كتب: خالد وربي
تقدمت 3 أسر، أمس، ببلاغات للنائب العام تتهم فيها ضباط شرطة بقتل وهتك عرض وإخفاء ضحايا من أبنائها.
وتظاهرت الأسر الثلاث أمس أمام مكتب النائب العام، وردد المتظاهرون هتافات تطالب بإقالة اللواء حبيب العادلي، وزير الدخلية، ومعاقبة الضباط علي انتهاكاتهم المذكورة في البلاغات.
وخلال المظاهرة عرضت الأسرة الأولي- أسرة الشاب كريم إبراهيم عبدالفتاح- مشكلتها أمام المواطنين الذين تجمعوا أمام دار القضاء العالي.
وكانت الأسرة قد اتهمت الضابط أشرف عبدالهادي وضباطاً بقسم مركز دمياط بقتل ابنها كريم برصاصة في الرأس، وهو الخبر الذي انفردت «البديل» بنشره سابقاً، وقالت والدة كريم: «تعرضت لتهديد من ضباط المركز إذا لم أتنازل عن البلاغ، بأنهم سوف يعتقلون ابني الثاني ويغلقون الفرن الذي يعمل به زوجي».
وكانت أسرة المواطن فوزي ربيع قد تقدمت، أمس، ببلاغ اتهمت فيه الضابط محمد رضوان بهتك عرض فوزي أمام أسرته باستخدام عصا أثناء اقتحام الضابط منزل الأسرة وبمعاونة أمين الشرطة صابر كمال يوم 11 نوفمبر الجاري.
وجاء في بلاغ الأسرة الثالثة- أسرة المواطن محمد سالم جمعة- أن محمد اختفي بعد أن ألقي الرائد محمد فوزي القبض عليه في 8 نوفمبر الجاري. وقالت زوجة محمد: إن الضابط عذب محمد بالكهرباء في أماكن حساسة من جسده، وعلمنا بذلك ثم انقطعت أخباره تماماً فتقدمت بالشكوي رقم 18717 لسنة 2008 ضد الضابط بالإضافة إلي بلاغ النائب العام.
وأعلنت جمعية «المساعدة القانونية لحقوق الإنسان» تبنيها الدفاع عن حق الضحايا الثلاثة. وتقدم المحامي محسن البهنسي، عضو الجمعية ببلاغ للنائب العام يطالب فيه بالتحقيق مع المتهمين

[Ahmed Hassan]

الموضوع ده كان امبارح في برنامج 90 دقيقه... و الناس عامله مظاهره امام مكتب النائب العام

[سمير يونس]

نفس الخبر نشرته جريدة المصري اليوم مع إختلاف في تفاصيل جريمة مقتل ضحية دمياط هنـــــــــا

اللهم أرفع مقتك و غضبك عنا
اللهم أرفع مقتك و غضبك عنا

اللهم لا تسلط علينا بذنوبنا من لا يخشاك و لا يرحمنا

اللهم خذهم أخذ عزيز مقتدر يا رب العالمين و أرنا فيهم عجائب قدرتك

[waled369]

منين الخبر ده؟

مفيش ظابط فى الأرياف ممكن يوصل بيه الجنون للدرجة دى، الناس فى البلاد دى ممكن تعمل الضابط لحمة مفرومة ومش مهم هيجرالهم ايه بعد كدة

أنا مش عارف هل الخبر زي ما تم سرده بالظبط و لا لأ .

بس أنا باتفق تمام مع الأستاذ سبعاوي لأني من ( الأرياف ) لأن فعلا لو كان اللي حصل كده بالظبط كان زمان الظابط و القوة اللي معاه متقطعين ( و الله بدون مبالغة ) و لا يهم أهل الريف حكومة و لا غيره لأن الريف بالطبيعة بيتكون من عائلات و كلهم بيربطهم صلات نسب أو قرابه و فعلا القصة دي مشكوك فيها شوية .

[سمير يونس]

و فعلا القصة دي مشكوك فيها شوية .

مشكوك فيها من ناحية التفاصيل مثلاً و لا من ناحية وفاة الشاب الضحية ؟

لو مشكوك في تفاصيلها ... مش مهم التفاصيل العبرة بالنتيجة و هي إن فيه روح أزهقت بسبب الشرطة

و لو مشكوك في نتيجتها و هي وفاة الشاب فأنا لا أظن ذلك بدليل تظاهر أهله أمام مكتب النائب العام

تحياتي

[waled369]

مشكوك فيها من ناحية التفاصيل مثلاً و لا من ناحية وفاة الشاب الضحية ؟

لو مشكوك في تفاصيلها ... مش مهم التفاصيل العبرة بالنتيجة و هي إن فيه روح أزهقت بسبب الشرطة

و لو مشكوك في نتيجتها و هي وفاة الشاب فأنا لا أظن ذلك بدليل تظاهر أهله أمام مكتب النائب العام

تحياتي

لأ يا باشا من ناحية التفاصيل طبعا بس النتيجة واحدة .

شرطة حقيرة تحمي نظام أحقر .