تخفيض سرعه 1 ميجا فى الدى اس ال الى 100 جنيه شهريا

[mramzy]

صرح الدكتور طارق كامل وزير الاتصالات وتكنولوجيا المعلومات بأن وزارة الاتصالات بصدد إعادة هيكلة مبادرة الإنترنت التى طرحتها فى عام 2007 ، حيث سيتم إعتبارا من أول يوليو القادم توفير إشتراك شهرى بسرعة واحد ميجا بسعر 100 جنيه شهريا وسعة تحميل " 5 جيجا " ، وذلك كحد أدنى لفئات الاشتراك التى تدعمها الوزارة .

وأضاف الدكتور طارق كامل - فى تصريحات له اليوم " الإثنين " - أن إعادة هيكلة المبادرة تشمل توجيه الدعم إلى سرعة واحد ميجا كحد أدنى ورفعه عن سرعة 256 كيلوبايت التى لم تعد يعتد بها فى قياس المؤشرات العالمية ولاتفى بإحتياجات التطبيقات الحديثة على الانترنت لخدمة المواطن ، مشيرا إلى أن إعادة الهيكلة تستهدف أيضا القضاء على نظام المشاركة فى الاشتراك الواحد المعروف بنظام الوصلة أو السلكة. من جانبه ، صرح المهندس عماد الأزهرى نائب رئيس الشركة المصرية للاتصالات بأنه سوف يتم طرح فئات جديدة من إشتراكات وسرعات الانترنت فى إطار عملية اله

أعلن الدكتور طارق كامل وزير الاتصالات وتكنولوجيا المعلومات أنه سوف يتم إعفاء مشتركى التليفون الثابت من دفع غرامات تأخير عن عدم سداد فواتير التليفون الارضى خلال الفترة الماضية على ان يبادر المشترك المتأخر بسداد أصل الفواتير المستحقة عليه دون ضرائب او غرامة تأخير قبل 30 يونيو القادم

[Michael_Lanos]

يا مسهل الحال يارب

[A.Saad]

التليفون الثابت فعلا عرضه موجود حاليا

[Yarisawy]

ده تهريج ... بناء على الكلام ان مش هايبقى فى نت محدود 256 لمحدودى الدخل :) اللى ب 45 فى الشهر " وذلك كحد أدنى لفئات الاشتراك التى تدعمها الوزارة "

وعايز كمان يلغى الوصلات طب ما ترخص النت الاول , ولا انت عايز كل الناس تدفع 100ج فى الشهر وخلاص

ثم اصلا ال1 ميجا كانت ب 150 ج وتحميل 10 جيجا هما خلوها 5ج وب 100ج ايه بقى الللى عملوه !!!!!!!!!!!!!!!!!!!!!!!!!!

[NaderNabil]

مش فاهم!!!!

يعني إيه اللي هايحصل دلوقتي؟

انا مشترك 512 ليميتد...هل كده هاتحول لل1 ميجا ليميتد...يعني القرار ده هايتنفذ علي كل الناس؟

[mramzy]

مش فاهم!!!!

يعني إيه اللي هايحصل دلوقتي؟

انا مشترك 512 ليميتد...هل كده هاتحول لل1 ميجا ليميتد...يعني القرار ده هايتنفذ علي كل الناس؟

لو حبيت تحول هتحول محبتش خليك زى ما انت

[amr_elrashidy]

طب مفيش اى اخبار عن اسعار الاشتراكات الغير محدودة

[abzoabzo]

يوصلوا كبلات ارضية بلا وكسة
مش بيزلونا بالتليفون الهواء اللى الموبيل برقبته

[أبومعاذ]

دي كدا اشتغالة لان اصلا الواحد ميجا ب 120ج و داونلوود 10ج

[YaSSerwIN]

معملوش جديد
اساسا كدة هايبقا الواحد ميجا ب 100 جنية ويديك 5 جيجا دون لود
الى من الطبيعى انك هاتنزل اكثر منهم ووتتحاسب على الجيجا ب 10 جنية تلاقى نفسك أخر الشهر أضعاف ال 100 جنية دة

[Ahmed Nouh]

يا فرحتى بخط 1 ميجا وسعه تحميل 5 جيجا !!!

ولا الهوا طبعا ومع واحد بيستخدم كل السرعه دى ال 5 جيجا تخلص فى ليله واحده ويقضيها بقيه الشهر على العداد

برده مازال النظام فاشل الواحد بيشوف برا السرعات الليمتد بسعه خياليه حاجات بتبدا من 50 جيجا وانت طالع وهنا بيتكلمو فى سعه مستحيل حد اساسا يعرف يحافظ على استهلاكه من غير ما يتعداها

يعنى انا بعمل باندويث فى الشهر حوالى من 80 ل 120 جيجا بخط 512 كيف الحال بقا لو استعملت النظام الجديد ؟ هيقف على فى الشهر بحوالى 300 جنيه طبعا

[M.Osman]

طب و اللي عنده 256 مفتوح (unlimited) يروح فين ؟؟؟

أنا بجد اكتر حاجة بكرهها موضوع الليميتد دا .. و مستحيل استخدم ليميتد!!

[أحمد سالم]

لا حول ولا قوة الا بالله
زى مايكون سيادة الوزير طارق كامل عايش فى دوله واحنا فى دوله اخرى
امتى بقى هيعملو عروض بجد تخدم الشعب
هما بالاسم بس بيعملو عروض بس بدون مضمون
ايه لازمه 1ميجا ولا حتى 2 ميجا بخمسه جيجا فى الشهر
ده كده مش بيعمل لصالحنا ده بيكبر سعة التحميل علشان تحمل اكثر وتدفع اكثر
ياسيادة الوزير فى السعوديه الانترنت وصلت سرعته 100 ميجا واى ماكس
واحنا لسه بنفكر نلغى ال 265 كيلو بايت
ولسه يارب ارحمنا يارب ارحمنا
حسبى الله ونعم الوكيل فى كل ظالم للشعب المصرى

[blazer]

فى اليابان وصلت سرعه الانترنت 1gb/sec
واجد جيجا وبكام؟؟؟ ب 28$فى الشهر
يعنى حوالى 160 جنيه

[pro_samir]

مشيرا إلى أن إعادة الهيكلة تستهدف أيضا القضاء على نظام المشاركة فى الاشتراك الواحد المعروف بنظام الوصلة

عشم طارق فى المصريين