الأهلي يودع جوزيه والكونفيدرالية بخروج مخزي أمام سانتوس

[ahmedfawzy14]

ودع فريق النادي الأهلي الكونفيدرالية الأفريقية ومانويل جوزيه بالخسارة أمام سانتوس الأنجولي بضربات الترجيح بنتيجة 6-5 بعد ان انتهى الوقت الأصلي بتقدم الفريق الانجولي بثلاثية نظيفة معوضاً لقاء الذهاب في القاهرة الذي انتهى بفوز الأهلي بنفس النتيجة.

سجل للأهلي في ضربات الترجيح كلا من أحمد بلال وجيلبرتو وشادي محمد وأحمد حسن فيما أضاع فلافيو وأحمد علي الضربتين الرابعة والسابعة.

وانتهت علاقة مانويل جوزيه بفريق الأهلي بعد انتهاء هذا اللقاء ليخوض المدرب البرتغالي غمار تدريب المنتخب الأنجولي الاول استعدادا لكأس افريقيا 2010.

[AshTurbo]

شيئ محزن ومخيب للآمال بس مش مشكلة الكورة مكسب وخسارة وياما كسبنا الحمد لله خير وبركة قدر الله وماشاء فعل وهارد لك للأهلاوية الأبطال .

[Mostafa.Mahran]

بس فى ضربات الترجيح رمزى صالح5ضربات على شماله و هو مرحش على ولا واحدة يا ترى ده سببه ايه

[فادى]

الاهلى ساب المباراة ببساطة , لأن الأهلى من الأول مكنش ناوى يخش الكونفيدرالية لما فيها من تكاليف و ارهاق دون عائد حقيقى, لكن عقوبات و غرامات الاتحاد الافريقى اجبرته على خوض البطولة, فكان الحل ببساطة انو يخسر المباراة.
اعتقد واضحة من لعب الأهلى فى الماتش ده, انو كان بيفوت المباراة عشان يخلص من وجع الكونفيدرالية.

[M.almaghraby]

الاهلى ساب المباراة ببساطة , لأن الأهلى من الأول مكنش ناوى يخش الكونفيدرالية لما فيها من تكاليف و ارهاق دون عائد حقيقى, لكن عقوبات و غرامات الاتحاد الافريقى اجبرته على خوض البطولة, فكان الحل ببساطة انو يخسر المباراة.
اعتقد واضحة من لعب الأهلى فى الماتش ده, انو كان بيفوت المباراة عشان يخلص من وجع الكونفيدرالية.

حاسس كدا برده

[M.ABDEEN]

حصل خير.......... بس علشان يبقى الاهلي يدفع مكافئة مليون و200 الف لجوزيه افنددددددددي؟؟؟؟؟وما جزاء الاحسان الا النسيان وخيرها في غيرها وبالتوفيق للاهلي .........على فكرة انا زملكاوي وبحب الاهلي

[kimo-nubira]

الاهلى ساب المباراة ببساطة , لأن الأهلى من الأول مكنش ناوى يخش الكونفيدرالية لما فيها من تكاليف و ارهاق دون عائد حقيقى, لكن عقوبات و غرامات الاتحاد الافريقى اجبرته على خوض البطولة, فكان الحل ببساطة انو يخسر المباراة.
اعتقد واضحة من لعب الأهلى فى الماتش ده, انو كان بيفوت المباراة عشان يخلص من وجع الكونفيدرالية.

كلام مظبوط والله انا اصلا مكنتش عايزهم يكملو لاني حاسس انها بطوله تعبانه

وكويس انهم علمو كده علشان يستريحو شويه والله انا اول مره اكون مش زعلان

لما الاهلي يخسر الناس ديه تعبت جدا ومن حقهم يريحو

[Nader]

هزيمة مخجلة مهما كان السبب، يا رب بقى يركزوا الموسم اللي جاي ويظبطوا الفريق ويعملوا اعداد محترم علشان ميتحججوش من الارهاق.