مصدر أمنى مصري: استعنا بقراصنة من أجل إنقاذ الصيادين

[أبومعاذ]

أعتقد كتير من الصيادين بعد ما يهدوا و يفكروا في الموقف كويس هايقرروا يرجعوا الصومال تاني



و ممكن يكونوا جايين ياخدوا اسرهم و يرجعوا الصومال يستقروا هناك

[hobiko]

هههههههههههههههههههههههههه

دايما المسؤل المصري يطلع في الأخر .....في التترات

بعد ما الفيلم يخلص و المتفرجين يقوموا

بعد ما الناس تهرب و لا ناس تانية تطلعهم من الحجز

و يحاول يقنعنا بأسلوب طفولي جدا جدا جدا انهم -وبكل عبقرية- كانوا في الكواليس

يخططون و يهندسون و يرسمون

و كأنهم الريس عمر حرب في أخر الفيلم و العياذ بالله من ده فيلم

وقال ايه ....



أصل احنا ما عندناش قوات خاصة ولا بحرية بندرب فيهم و نصرف عليهم و نعلفهم بقالنا سنين

علشان في الأخر نجيب مرتزقة و ندفعلهم فلوس

طب ما كانوا يأجروا Black Water أصل احنا قواتنا بيخافوا على نفسهم مثلا

دا احنا عندنا رجالة تاكل الزلط

ولا خايفين على مشاعر الصوماليين مثلا اننا ندنس أرضهم الشريفة


و الله احنا اللي صوماليين

لأ احنا مش صوماليين بس الحكومة هي إلي فكرنا كدة
حسب الله و نعم الوكيل

[charming]

اللى قام بلعملية دى عناصر من المخابرات المصرية او جهة سيادية زى ما بيقولو و المعروف طبعا انها المخابرات لان تحرير الصيادين مجاش بلصدفة لان مش معقول بعد 4 شهور من الاحتجاز و المرمتة و عوامل الضغط النفسى يقدرو يحرارو روحهم فجاءة كدة و كمان من غير اى خسائر و هما شوية صيادين غلابة انا مش فاهم هى الناس فقدت الثقة و الانتماء للبلد للدرجة دى

[أبومعاذ]

اللى قام بلعملية دى عناصر من المخابرات المصرية او جهة سيادية زى ما بيقولو و المعروف طبعا انها المخابرات لان تحرير الصيادين مجاش بلصدفة لان مش معقول بعد 4 شهور من الاحتجاز و المرمتة و عوامل الضغط النفسى يقدرو يحرارو روحهم فجاءة كدة و كمان من غير اى خسائر و هما شوية صيادين غلابة انا مش فاهم هى الناس فقدت الثقة و الانتماء للبلد للدرجة دى

فقدنا الثقة أه الانتماء لأ

[Bob2009]

اهو كله كذب فى كذب على اساس ان احنا بنصدق اى حاجه ومش عاوز اقول الكلمه كفايه المعنى

[abzoabzo]

ما البلطجة اسلوب الناس ده والقرصنة فرع منها
هههههههههههههههههههههههههههههههههها

[Dr Zezo]

صاحب مركب الصيد سمارة يكشف عن تخطيط جهات سياديةمصرية رفيعة المستوي لعملية التحرير

صاحب مركب الصيد سمارة يكشف عن تخطيط جهات سياديةمصرية رفيعة المستوي لعملية التحرير

كشف سمارة أحمد نصر، صاحب مركب الصيد «أحمد سمارة»، عن وجود تنسيق بين حسن خليل، صاحب مركب الصيد «ممتاز واحد» الذى سافر منذ أسبوعين للتفاوض مع القراصنة الصوماليين، وجهات سيادية مصرية رفيعة المستوى، أعدت خطة تحرير طاقم الصيادين الـ36.

وقال سمارة لـ«الشروق»: «كان من البديهى أن تعرف هذه الجهات تحركاتنا أولا بأول، وأن تشاركنا هذة الأزمة للبحث عن حل لها».

وأكد سمارة أن صاحب «ممتاز واحد» دفع 200 ألف دولار للمختطفين قبل تحرير الصيادين بأيام، وهذا المبلغ ساعد على تنفيذ عملية التحرير، موضحا أن أهالى البرلس أسهموا بمبلغ 80 ألف جنيه من قيمة الفدية.

وفى السياق ذاته، قال علاء خليل، ابن صاحب مركب الصيد «ممتاز واحد»، إن الاتصالات منقطعة مع والده منذ نجاح عملية تحرير مركبى الصيد، مشيرا إلى أنه يطمئن على والده عبر اتصالات هاتفية يتلقاها من عدد من الجهات المسئولة التى رفض الإفصاح عن هويتها.

وأكد خليل أن جهات سيادية مصرية تعهدت بعملية تأمين خروج والده، موضحا أنه من المحتمل سفره إلى اليمن عن طريق جيبوتى، ليتمكن من العودة إلى مصر على متن إحدى الطائرات.

http://www.shorouknews.com/.......Data.aspx?id=93820