تفاصيل حادثة ديروط (الحقيقيه) الي فبركها الاعلام والصحافه بتوعنا

[nabaster]

اكيد معظمكم سمع عن حادثة ديروط الاخيره والي كانت ماليه اخبارها الجرايد والنت

انا لغاية امبارح بس مكنتش اعرف اي تفاصيل (حقيقيه) لان معظم الي اتنشر في الجرايد معظمه غلط وكلام فارغ ومش صحيح

التفاصيل انا عرفتها من ناس من اهل القريه دي

واعذروني انا مش هذكر اي اسامي لعائلات ولا لاشخاص لان بجد كفايه الي الناس دي فيه

الموضوع باختصار يخص بنت في اعدادي تقريبا دي مسلمه وواد تاني مسيحي في واخر العشرينات والبنت من عيله مشهوره جدا في ديروط

بس الواد اقل ما يقال عنه انه واطي وصاحب تاريخ مش كويس وسمعه زفت (وده كان سبب ان ابوه اتنقل من بين اكتر من مكان) وكان فاتح محل موبايلات في نفس الشارع الي فيه بيت البنت

والواد نشر للبنت دي فيديوهات وصور ليهم مع بعض لغاية ما بالصدفه وصل الفيديو لاخوها متهيالي او حد من قرايبها

البدايه ودي عليها روايتين ناس بتقول انهم متجوزين عرفي بعد ما الواد ضحك عليها وفهمها انه هيأسلم وهيبقي كويس

وناس تاني بتقول ان اخت الواد ده هيا الي جابت البنت دي البيت بحجة زميلتهم المريضه واغتصب البت واخته هيا الي صورتهم مع بعض

الموضوع اتعرف في البلد وخصوصا في العيلتين

راح خيلان البنت دي هما واخو البنت بيت الواد ده فتح ليهم ابوه وسألو عليه كان رده مستفز رد عليهم قالهم

انا مليش دعوه وهوا الي عمل كده واتصرفوا معاه

بكل بساطه برضه زي ما هوا رد ببساطه كده راحو فاتحين عليه النار من بندقيه رشاش (الي) مسبهوش الا وجسمه زي المنخل

وفي ناس بتقول ان كان معاه اخوه في الشقه (عم الواد)

وطلعو جثته في الشارع وفصلو جسمه عن راسه وسلمو نفسهم للشرطه واعترفو بالي حصل بالتفصيل

البنت بقي مفيش ليها اي اثر ولا سمعوا عنها من اول الي حصل ناس بتقول انها هربت بمساعدة والدتها وناس تبقول انها تحت حماية مشدده من الشرطه حتي من اهلها

الواد وصل من يومين مترحل من الاسكندريه وحاليا في مديرية امن اسيوط وبيحققو معاه تحت حمايه مشدده برضه

دي التفاصيل الي سمعتها وده غير طبعا الي كان مكتوب في الجرايد وميدان عام ومش ميدان عام والواد كان مع ابوه ومش عارف ايه وكلام كله لغبطه

وخلي بقي الواد ينفعه الي عمله لانه كتب شهادة وفاته بنفسه

علي فكره انا في جزء محبتش اقوله ويخص نظرية المؤامره لاني مش واثق في صحته وعلشان الموضوع حساس كفايه ومش مستاهل اي تصعيد تاني

ياريت النقاش يكون عقلاني بدون اي تحيز لان الموضوع حساس ومش مستاهل اكتر من الي هوا فيه والموضوع ده بذات انا واثق انه هيكون تحت رقابه شديده من ادارة المنتدي ولو النقاش اتجاوز الحدود انا الي هطلب بنفسي حذفه

بس انا طرحته هنا مع اخواتي لسببين اول حاجه علشان تتعرف تفاصيله الحقيقيه وتاني حاجه علشان الي عنده كلمه او راي احب اسمعه

وهذكركم بحديث رسولنا الكريم

" من كان يؤمن بالله و اليوم الآخر فليقل خيرا أو ليصمت "

A.Yakout

[bmya]

لا تعليق مش لاقي كلام اقوله والله

[Imhotep]

انا فى الحقيقة معرفش ان فى "احداث" من النوعية دى حاصلة حاليا......
لكن اللى حاصل للاسف ان فى اجواء من التشنج و التربص فى كثير من الناس سواء مسلمين او مسيحيين.....
وهذه الاجواء يغذيها و يستغلها اطراف معلومون جيدا بهدف زعزعة الاستقرار و اظهار وجود فتنة طائفية فى البلد تظهر الحكومة فى موقف ضعف و عدم سيطرة على الامن فى البلد..... و الحكومة نفسها غلطانة فى معالجتها لهذه الامور لانها معالجة سطحية بتخلى النار تحت الرماد فى انتظار الاشتعال مرة اخرى......
و تكون النتيجة هى استعمال العنف فى حل المشاكل و هو حل خاطئ من الاساس و غالبا ما يؤدى الى احداث دامية يدفع احد الاطراف غالبا ثمنها باهظا......
لو كانت الامور تتعالج بحكمة من احد اطراف المعادلة لكان الوضع يختلف...... و طالما لا يوجد علاج من الجذور لاسباب مثل هذه الاحداث فسيستمر حدوثها طالما بقيت الاسباب......

[nabaster]

انا فى الحقيقة معرفش ان فى "احداث" من النوعية دى حاصلة حاليا......
لكن اللى حاصل للاسف ان فى اجواء من التشنج و التربص فى كثير من الناس سواء مسلمين او مسيحيين.....
وهذه الاجواء يغذيها و يستغلها اطراف معلومون جيدا بهدف زعزعة الاستقرار و اظهار وجود فتنة طائفية فى البلد تظهر الحكومة فى موقف ضعف و عدم سيطرة على الامن فى البلد..... و الحكومة نفسها غلطانة فى معالجتها لهذه الامور لانها معالجة سطحية بتخلى النار تحت الرماد فى انتظار الاشتعال مرة اخرى......
و تكون النتيجة هى استعمال العنف فى حل المشاكل و هو حل خاطئ من الاساس و غالبا ما يؤدى الى احداث دامية يدفع احد الاطراف غالبا ثمنها باهظا......
لو كانت الامور تتعالج بحكمة من احد اطراف المعادلة لكان الوضع يختلف...... و طالما لا يوجد علاج من الجذور لاسباب مثل هذه الاحداث فسيستمر حدوثها طالما بقيت الاسباب......

بصراحه انا مش متفق معاك علي نقطة عدم سيطرة الحكومه

الحكومه مسيطره علي الوضع بدليل البلد هناك عامله زي الثكنات العسكريه

ده يا راجل في اربع او خمس كماين في طريق البلد دي لاسيوط (لا تتعدي الـ 45 كيلو) والبلد دي علي الطريق الزراعي بني سويف اسيوط

بس متفق معاك ان فعلا الجكومه بتغطي وتعتم ومبتحلش حل جزري ومأيدك فعلا في جملة

و الحكومة نفسها غلطانة فى معالجتها لهذه الامور لانها معالجة سطحية بتخلى النار تحت الرماد فى انتظار الاشتعال مرة اخري

بس تعليقا علي كلامك عايز ايه من اب او من اخ بنته اغتصبت؟؟؟ (وده الكلام المنتشر ان فعلا البنت اغتصبت ) المفروض يتصرف ازاي؟؟

A.Yakout

[تامر.محمد]

يعني طبقا لكلامك ان الموضوع شخصي صرف و مالوش علاقة بدين ده او دين ده

دي الخلاصة

[هيثم]

نفس الحكايه اللى سمعتها الاسبوع من واحد زميلى من اهل ديروط
مع الفارق ان الولد ده مدرس ( بيدى البنت دروس ) و انهم سابو جثه ابوه مرميه فى الشارع و اللى رايح و اللى جاى نكل بالجثه


الاخ mahora

انا متفق مع حضرتك فيما ذكرته وانا شايف كمان ان اللى اخطر من غياب دور الدوله الدور اللى بيقوم بيه المتعصبين و انصاف المتعلمين و الجهله من الطرفين فى تصعيد الاحداث حتى وان كانت بسيطه يعنى موقف زى ده لو حاصل بين مسيحى ومسيحيه او مسلم ومسلمه اكيد مش هياخد نفس الابعاد اللى حاصله النهارده

وربنا يهدى

[Imhotep]

بصراحه انا مش متفق معاك علي نقطة عدم سيطرة الحكومه

الحكومه مسيطره علي الوضع بدليل البلد هناك عامله زي الثكنات العسكريه

ده يا راجل في اربع او خمس كماين في طريق البلد دي لاسيوط (لا تتعدي الـ 45 كيلو) والبلد دي علي الطريق الزراعي بني سويف اسيوط

بس متفق معاك ان فعلا الجكومه بتغطي وتعتم ومبتحلش حل جزري ومأيدك فعلا في جملة



بس تعليقا علي كلامك عايز ايه من اب او من اخ بنته اغتصبت؟؟؟ (وده الكلام المنتشر ان فعلا البنت اغتصبت ) المفروض يتصرف ازاي؟؟

a.yakout

سيطرة الحكومة لا تكون سيطرة امنية فقط بفرض حظر التجول و تحويل البلاد الى ثكنات عسكرية لان مثل هذه الاجراءات مهما طالت مدتها فهى اجراءات استثنائية و حالما تزول ترجع الامور الى ما كانت عليه و خير دليل على ذلك حوادث الثأر.....

اما بخصوص الحادثة المذكورة فلو هى فعلا حادثة اغتصاب فهى فى الاول و الاخر جريمة يعاقب عليها القانون و بالتالى يجب ان يأخذ القانون مجراه...... حد هييجى يقولى سلامات يا قانون بالذات فى جرائم الشرف و العرض و كمان ليها بعد طائفى...... هقول ان الجرائم دى بالذات لازم يتم خضوعها لقانون الدولة و الا لو تركت للافراد لكى يتولوا تنفيذ ما يرونه العدالة بايديهم البلد هتولع...... و هتكون النتيجة كالتالى وهو ما يحدث عادة بعد كل حاثة من هذا النوع:
- الافراد يقومون بتنفيذ ما يرونه العدالة بايديهم
- يقع بناء على ذلك العديد من الضحايا (غالبا من المسيحيين)
- تتدخل الدولة لفض الاشتباك و يكون التدخل امنى بحت
- تستشرى انباء الاحتقان الطائفى فى الداخل و الخارج و تسبب اجواء توتر على مستوى البلد
- تبدأ محاولات تهدئة الاوضاع داخليا من خلال لقاء المشايخ و القساوسة و تعانق اللحى، وهو اصبح اجراء شكلى فقد معناه من زمان
- على المستوى الخارجى يبدأ بعض الاقباط المقيمين بالخارج فى عمل ما لا نستطيع نحن هنا عمله بسبب اجواء الحرية المتاحة لهم بالخارج و بالتالى يكتيبون فى الصحف و يعقدون المؤتمرات لشرح احوال الاقباط فى مصر مما يترتب عليه حملات مضادة داخليا لاتهام هؤلاء بالخيانة (مع ان هذا غير حقيقى)

هذا هو السيناريو الذى دائما ما يحدث بعد كل حدث من هذه الاحداث فى العشرين سنة الماضية.....

[MoToRiZeR]

Brother will kill brother
Spilling blood across the land
Killing for religion
Something I dont understand
Do you kill on gods command !?

[nabaster]

يعني طبقا لكلامك ان الموضوع شخصي صرف و مالوش علاقة بدين ده او دين ده

دي الخلاصة

تقدر تقول كده فعلا بس ضيف ليها اعتبار طائفي برضه لان التشهير بالبنت من طرف الواد ده كان علي اساس اتفرجو ايه الي حصل مع البنت المسلمه دي

سيطرة الحكومة لا تكون سيطرة امنية فقط بفرض حظر التجول و تحويل البلاد الى ثكنات عسكرية لان مثل هذه الاجراءات مهما طالت مدتها فهى اجراءات استثنائية و حالما تزول ترجع الامور الى ما كانت عليه و خير دليل على ذلك حوادث الثأر.....

علي فكره لو مكنش ده حصل والحكومه اتواجدت بصوره مكثفه البلد كانت هتتحول لساحة حرب

بدليل الي حصل بعد كده والشباب كسرو بعض المحلات الي في نفس الشارع

اما بخصوص الحادثة المذكورة فلو هى فعلا حادثة اغتصاب فهى فى الاول و الاخر جريمة يعاقب عليها القانون و بالتالى يجب ان يأخذ القانون مجراه...... .

حضرتك البنت في اعدادي كده كده ده رسمي وفي القانون ده اغتصاب لان البنت قاصر

تحليلي للوضع الواد ده لو عدي من تحت ايدين الحكومه هيحصله حاجه من اتنين هيهرب وهيفضل طول ما هوا ماشي يبص وراه او مع اول خطوه ليه بره باب القسم هيتكتب نعيه بعدها بدقيقه ده ان كان حلال في النعي اصلا

A.Yakout

[mr_sameh]

ياجماعة هو كل مشكلة تحصل بين مسلم ومسيحي لية تتحول لمشكلة طائفية ولية بيتم تحزيبها الي مسلم ومسيحي الموضوع ببساطة اتنين مواطنين بصرف النظر عن ديانتهم حصل بينهم جريمة لابد ان القانون ياخد الوضع الطبيعي معاهم وانا شايف ان اللي حصل جريمة عادية وجريمة يعني قتل او اغتصاب او غيرة الطبيعي ان اللي يحصل يحاكم الولد بجريمة اغتصاب وخطف انثي وده اذا توافر فعلا جريمة الاغتصاب يعني مش البنت اللي رايحة بمزاجها وكمان يقدم القاتلين بتهمة القتل العمد والتنكيل بجثة ودة اللي مفروض يحصل اما حكاية دي فتنة انا مش متفق معاه طول عمرنا عايشين مع المسيحين في امان والله انا اعز اصدقائي من الاقباط واكيد غيري كتير

[Imhotep]

صدقونى يا اخوانا ان كل اللى احنا محتاجينه هو ان يسود صوت العقل و هنلاقى كل حاجة فى مجراها الطبيعى..... احنا محتاجين ده فى كل حاجة فى حياتنا...... و هنروح بعيد ليه ما احنا هنا فى المنتدى بنتشتكى مر الشكوى من الناس اللى بتمشى على مزاجها و لا هاممها قانون مرور ولا غيره و لا فى ضمير و لا دم و لا اخلاق...... فى حين الناس لما بتحس ان يد القانون طايلة و سائدة من خلال المخالفات الصارمة فاللى معندوش دم بيختشى شوية ان لم يكن حبا فى طاعة القانون فعلى الاقل خوفا من المخالفة..... وهذا هو المطلوب ان تترسخ طاعة القانون فى نفوس الناس كلها، ومن ناحية اخرى يكون القانون هو الوسيلة التى يضمن الناس ان يأخذوا حقوقهم عن طريقها بدون اللجوء لوسائل اخرى.....و ده مجرد مثل مصغر لاسلوب حياتنا كله اللى محتاج لمرجع الناس ترجع له و تمشى عليه و بالتالى هنكون كلنا ماشيين على قواعد واحدة بدل العشوائية اللى سايدة فى حياتنا و مخليانا فى تراجع مستمر......

[nabaster]

صدقونى يا اخوانا ان كل اللى احنا محتاجينه هو ان يسود صوت العقل و هنلاقى كل حاجة فى مجراها الطبيعى..... احنا محتاجين ده فى كل حاجة فى حياتنا...... و هنروح بعيد ليه ما احنا هنا فى المنتدى بنتشتكى مر الشكوى من الناس اللى بتمشى على مزاجها و لا هاممها قانون مرور ولا غيره و لا فى ضمير و لا دم و لا اخلاق...... فى حين الناس لما بتحس ان يد القانون طايلة و سائدة من خلال المخالفات الصارمة فاللى معندوش دم بيختشى شوية ان لم يكن حبا فى طاعة القانون فعلى الاقل خوفا من المخالفة..... وهذا هو المطلوب ان تترسخ طاعة القانون فى نفوس الناس كلها، ومن ناحية اخرى يكون القانون هو الوسيلة التى يضمن الناس ان يأخذوا حقوقهم عن طريقها بدون اللجوء لوسائل اخرى.....و ده مجرد مثل مصغر لاسلوب حياتنا كله اللى محتاج لمرجع الناس ترجع له و تمشى عليه و بالتالى هنكون كلنا ماشيين على قواعد واحدة بدل العشوائية اللى سايدة فى حياتنا و مخليانا فى تراجع مستمر......

حضرتك بتحكي في اتجاه تاني خالص

دي قضية اغتصاب وقتل مش مجرد مخالفه بالعربيه

وبعدين ابو الواد كان واخدها بلطجه وعامل فيها السبع رجال وكان معروف من بدري ان الواد ده هيموت والواد هرب وقال لبنته بالحرف (اخت الواد) قالها تمشي براحتها في الشارع ومحدش يقدر يمسها

وفي الاخر كانت دي نتيجته

A.Yakout

[eng.octooo]

الموضوع مش مسيحى ومسلم حتى لو كانوا هما الاتنين من نفس الدين كان دة هايحصل

[nabaster]

نفس الحكايه اللى سمعتها الاسبوع من واحد زميلى من اهل ديروط
مع الفارق ان الولد ده مدرس ( بيدى البنت دروس ) و انهم سابو جثه ابوه مرميه فى الشارع و اللى رايح و اللى جاى نكل بالجثه
[/U] وربنا يهدى

حضرتك هيا اخت الواد ده مدرسه في مدرسة البنت مش هوا المدرس

Brother will kill brother
Spilling blood across the land
Killing for religion
Something I dont understand
Do you kill on gods command !?

بتناقض نفسك يا موتو وراجع رايك في موضوع الفيس بوك

A.Yakout

[Rami80]

NO justice

لقد خالفتم القاعدة رقم 9 بند ج مما يستوجب تحذيركم مع وقف تنفيذ الايقاف

مشرف الاجتماعي